تجربتي في إنقاص الوزن من 69 إلى 57 تعالي استفيدي

[طموح الروح]

قوه بنات شلونكم؟؟
اليوم باخبركم عن رجيمي اللي سويته في 4 شهور تقريبا ونزلت عليه من 69 إلى 57.......قولوا ماشاء الله

كنت آكل كل شي بس بكميات قليلة...يعني ماأحرم روحي من شي أبدا..حتى الأرز...بدل ماآكل من الصينية الرئيسية..قمت أخلي لي صحن صغير جدامي وأحط فيه 6ملاعق أرز..وشوي شوي قمت انقص الكمية..قمت أحط 4 ملاعق بعد فترة..لين قدرت اتخلص من الأرز في قائمة وجباتي..
يعني ماآكل منه إلا إذا رحت بيت أهلي في الأسبوع مره..او إذا سافرت...ساعات البوفيه مافيه خبز..فأضطر آكل أرز..

....شريت خل التفاح الأخضر المركز اللي يمته 12 دينار ونص..بس ماتحملته في البداية لأنه كأنه فكس من قوته..فقمت بدل ماأشربه قمت أدلك فيه كرشتي..العوض ولا الحريمه خخخخخخخ...

وبالنسبة لكرشتي..انا جايبه بنتين بالقيصرية.. فيعني البطن متأثر من الجراحه الطويلة ...وخاصة إن البطن شاقينه أكثر من 5 طبقات علشان يوصلون للرحم..فيبيلها شغل عدل هالكرشة

شريت بعد بذرة الكتان..ومره كنت اصب عليها ماي حار واشربها..ومره أكلها دايركت من الملعقة..

الكمون بعد شربته مع الشاي الأخضر..

يوم واحد خليته فري آكل اللي آبي بحدود ... فقط إذا طلعت المجمعات,...او إذا رحت بيت اهلي..اما طول الأسبوع فعندي كنترول على أكلي لأني في البيت..وعلى فكرة التجمعات مع الربع والأهل تخرب الرجيم وايد..لأن التجمعات معناها أكل وحلويات...خخخخخخخخخ ماتحلي الكعده بدونهم..

.....المشي على الجهاز الرياضي لمدة 20 دقيقة تقريبا لأني مااقدر أكثر من جذي...ماعندي لياقة..مع إني أجابل التلفزيون..وأمشي..الله يعين جان ماكان في تلفزيون ..:bigsmile: جان 5 دقايق وانا قايمه من على الجهاز...:icon1366:

.....صادف وقت الرجيم إني سافرت..لمدة 10 أيام ..وفي السفر خبركم مشي وايد ومجمعات..وبوفيه..فغصبا عليج تاكلين..

فشوي خرطيتها في السفر...

بعد شنو سويتي ياحلوة؟؟؟
اممممممممممممممممم؟؟؟؟

أكلي كان مشويات على الغدا طول السبوع او سندويشات تونه وجبن ومرتديلا..

ويات فترة وزني وقف مو راضي ينزل.. فسويت رجيم الفواكه لمدة يومين يمكن..ونزل وزني بعدها..

وبعد سويت رجيم التمر واللبن يومين..ماقدرت اسوي أكثر من يومين...

وبس هذا كان رجيمي اللي نقصت عليه أكثر من 10 كيلو..ولله الحمد..

بس الكرشة ماراحت 100% وخبرتكم ليش..

بس اللحين قمت ألبس ميديم..وغيرت اللوك..واللبس..قمت ألبس مثلا برمودات بكثرة...وشعري طول عن قبل..وانا الصراحه وايد مستانسه(لاإله إلا الله) لأني احس روحي خفيفة واللبس أحلى علي...

بس قبل لا أروح العمره وزنت وكنت 57..وخبركم هناك بيت الله بعد كله مشي يصيدنه من الفندق لي الحرم كذا مره في اليوم..فخرطيتها وقمت آكل وجبات هارديز وربعه..خخخخ

بس حاليا انا وزني في أواخر الخمسينات يعني ماباخليه يوصل لي ال60 ..والله كريم


تحياتي لكم اتمنى تستفيدون من تجربتي:icon31:

 

[أحلى عسل]

ماشاء الله عليك مشكوره حبيبتي يعطيك العافيه أناعندي المشكله موفي النزول أنزل وبعد كم شهر أرجع اللي نزلته مادري كيف أثبت وزني أناالحين وزني 69 واناطويله بس أبغى أرجع زي زمان طفشت والله طالعه نازله ان شاء الله أجرب طريقتك وأنحف ولاأرجع أمتن يارب أناأخرب في السفر صح طول الوقت مشي بس تعالي شوفي الشوكلت والكوفي ومدري ايش وأرجع زايده خمسه كيلو قهر والله يعطيك العافيه ياقلبي وان شاء الله ماتمتني أبد وادعي لي أنحف معاك مع اني مو متينه بس متعقده من الكم كيلو اللي زادو خخخخخخ قصة حياتي هههههههههه أزعجتك يالغلا

 

[فاطمه محمد]

حلو يا قلبي مبروووووك عليج العشره كيلووووا و الله يثبتج على ريجيمج و يعطيج الصحه

و الله مااااااافي احلى من الريجيم .. على طول اليوم تحسين نفسج خفيفـــــــــــــه و شكلج مع الايام يصير احلى و جسمج يتغير و ينحف و يصير متناااسق اكثر :cupidarrow::cupidarrow::cupidarrow: يعني رووعه و احلى شي نظرات الناس الي تتغير و تحسين انج احلويتي :cupidarrow::cupidarrow:

الله لا يرد ايام السمنه الفظيعه و الله ينحفنا عاجلا غير آجل و بالصحه ..


انا حالتي حاله و أسأل الله ان ينحفني و يثبتني على ريجيمي .... ادعيلنا خيتووو

 

[رنودة**]

الف شكر على المعلومات الحلوة وعقبالنا يارب

 

[حانية الروح]

ماشاء الله لاقوة الا بالله


الله يزيدك من فضلة ويارب تصيرين احلى واحلى

والف شكر على ذكر تجربتك

 

[حياة زوجها]

ماشاء الله لاقوة الا بالله عقبالي يااااااااااارب ادعولي ياملكات وأميرات بلقيس وزني 79 وأحاول ياااااااااااااااااارب

 

[اتحدى العالم]

الله يعطيك العافيه وعقبالي ياااااااااااااااااااااااارب

 

[ام العميد]

ما شاء الله عليك ,, الله يديم عليك الصجة والعافية والرشاقة من غير شر ...
حبيت اسألك اختي : ماهي المدة اللي نزلت فيها يعني كم شهر أو اسبوعين ..؟؟؟
أنا أحاول أنزل 7 كم ماني قادرة ,,, تعبت كل اللي تسوينه سويته بدون فايدة !!!!!!!!!!!

 

[طموح الروح]

هلا حبيبتي,,,, تقريبا في 4 شهور....او اقل..لأني كنت أخبص في وسط الرجيم او أسافر....

 

[~دلـع الـكــون~]

ماشاء الله تبارك الرحمن....
ربي يهنييك ياقلبي...
وعقبااااالي....

 

[" المهاجرة لله "]

العمد عالنية والعزيمة

بالتوفيق يا عمري

 

[أم عيالي]

ما شاء الله عليك بس وش فصيلة دمك لأنهم يقولون الرجيم له علاقة بالفصيلة فممكن انك تحرمين نفسك من اكل ما يسمنك وتاكلين شي على بالك ينحفك وهو يسمن مثل الخيار فيه ناس يسمنهم

 

[safeerth]

ماشاء الله تبارك الرحمن

مبررررروك وان شاء الله تنزلين اكثر من غير شر يارب

 

[طموح الروح]

ooخخخخخخ ماادري شنو فصيلة دمي....:blush-anim-cl:

لكني ماحرمت روحي من اي شي..يعني كل شي آكل بس قليل قليل...............:icon30:

 

[ساميه]

سبحان الله اخيرا شفت حد نفس مشكلتي وزني مايثبت مثل احلى عسل
اضعف اذا سويت رجيم واذا هديته امتن بسهوووله يعني مافي الا كل حياتي اسوي رجيم وكل خوفي يوم احمل امتن وماقدر اضعف عقب

ومشكووره على شرحج لتجربتج لنا

 

[الندى الحر]

مشكورة اكيد اذا ركزنا اكثر راح نستفيد اكثر

 

[ام مفرج]

ماشاء الله يعطيكي العافيه

 

[لمسة حنين]

ما شاء الله بصراحة طريقة في الرجيم سهلة انا اريد انقص 6 كيلو فقط لو تبعت هذه الطريقة بينزل رايج

 

[كتاب تربوي]

الف شكر على المعلومات الحلوة وعقبالنا يارب

 

[" المهاجرة لله "]

..عجبتني سالفة الصحن بروحج..

عجبتني سالفة رجيم الفواكه بعد ما وقف وزنج عن النزول..

عجبتني المشويات والتونة..

هذي اسرار وتوفيق من رب العالمين ما شاء الله تبارك الله..

بس السر الاكبر حبك للاخرين عشان كذا الله وهبك هالنجاح..

بالتوفيق يا عمري...