تجربتي الرائعه مع ال بي جي المنزلي

[طفلتي حياتي]

بعد السلام والتحيه خساره يابلقيسيات تعبت وتكسرت يديني وفي النهايه امسحت صفحه كامله بغيت انجن لكن قدر الله وماشاء فعل من الساعه3وانا اكتب تجربتى الجميله مع هذه الطريقه الرائعه بالمختصر افتحو قوقل وكتبوا ال بي جي المنزلي ب 15 ريال للكاتبه نوره انا الله يجمعني بها في الفردوس الاعلى من الجنه ولا تنسوني من دعائكم فلم اخبر احد بطريقتها غيركم فلقد جربتها شخصيا وكلمه رائعه قليله جدا فيها وسوف اعود لهذه الطريقه لانها سهله بسبب سفره رمضان اعاده الله علينا بالخير والبركات تقبلو تحياتي :32::32::32:

 

[قلب فضه]

ممكن تتكلمي بالتفصيل اكثر وهل نحفك او لا

 

[فلسفة جنون]

مشكوره حبيبتي

يعطيك العافيه

 

[طفلتي حياتي]

قصتي هى اني كنت احلم:40: بالرشاقه والملابس الانيقه التي تبرز معالم جسمك الجميله كم مره امسكت بقطعه ولم اشتريها لعلمي اليقين انها لن تدخل في جسمي بل سوف تبرز عيوب جسمي كم مره اسمع تعليقات زوجي علي كم مره اشتريت ملابس وارجعتها للمحل لانها لم تاتي مقاسي كم مره قلت متى البس هذه الملابس الجميله كم هوشعور صعب على من جربه :icon1366:كم كنت اختبي عند ارتداء ملابسي امام زوجي ولكن بفضل الله ثم اختي في الله نوره انا فرج همي اصبحت البس ملابسي بكل ثقه ودلع كم هو جميل الشعور انك ملفته امام زوجك والاخرين كم هورائع هذا الشعور وانتي تحسي بالنشاط والحيويه والجمال عندما يشار اليك انك نحفتي فلقد كنت البس مقاس الفستان 16ولما جربته في المحل انصدمت قلت يمكن يكون مقاسي14ولكن ان يكون مقاسي12هذه المفاجاءه الكبرى كونو ذوات اصحاب عزم وهمه فلقد اقترب العيد فسوف ابدا في هذه الطريقه من جديد في بدايه شهر11لانها سهله وممتعه ولا تنسوني من دعائكم لي بضهر الغيب واعذروني لاني افتقد الكتابه المشوقه وايضا لا اعرف تنزيل الصور تقبلو تحياتي:32::32::32:

 

[طـــمـــوووح]

كم المده الي استمريتي عليها ؟؟ ومتى بانت النتائج ؟؟

 

[طفلتي حياتي]

لاحظت النتيجه بعد اسبوعين لكن استمريت شهر ولله الحمد وكنت راضيه عن نفسي قبل البدايه اقرائ عن فوائد جهاز ال بي جي في حرق الدهون كنت اتمنى انزل طريقه الاخت في لله نوره انا وفوائد جهاز ال بي جي لان المراكز غاليه جدا ومتعبه اذا تقدرو يابلقيسيات تكتبو طريقه نوره انا وفوائد الجهاز اكتبوها نيابه عني فضلا وليس امرا تقبلي تحياتي:32::32::32:

 

[طفلتي حياتي]

حبيبتي طموح كنت اعمله يوميا ماعدا الجمعه لمده ساعه اوساعتين يوميا كنت اشغل التلفاز على برامج مفيده واجلس العب في جسمي بكل قوه واضحك على الدهون والسولايت واقول لها وداعا بل رجعه حبيبتي ماتطلع النتيجه في الميزان بس تكون واضحه جدا في الملابس جربي لبس ماسك على جسمك ثم ارجعي البسيه بعد اسبوعين وسوف تدعين لي بس وزنك جدا حلو كم طولك تقبلي تحياتي :32::32::32:

 

[خط القلم]

حبيبتي أبي طريقتك في عمله بالتفصيل يعني كيف تضعينه خاااااصة البطن كيف تحطينه على بطنك وكيف تسحبينه 30 سم؟؟؟ بالأفقي والا العامودي؟؟؟ الله يخليك فصلي وهل تضعين كريم قبل البدء والا؟؟؟؟ يعني طريقتك بالتفصيل الممل...

الله يسعدك طووول حيااااتك ياااارب ..

 

[أمل شمعتي]

من وين وكم سعرة؟

 

[طفلتي حياتي]

اللي تبدا معي اولا تبدابقياس ملابسها الماسكه وبعد اسبوعين تجربها شريت الحجامه الاسلاميه من الصيدليه ب25ريال ثم شريت زيت زيتون الوزير ووضعته كاملاعلى نار هاديه واضفت لها5 او6اصابع زنجبيل اخضر مبشور وتركتهاعلى نارهادئه حتى بانت رائحه الزنجبيل ثم ارفعها عن النار كي لا تحترق اتركها قليلا واصفيها واضع الزيت في علبه واحتفظ بها للاستخدام اليومي ملاحظه كثري شرب الماءالماء الماء قبل وبعد العمليه اذا كان لديك غرفه فاضيه اجلسي فيها انا كنت اجلس في غرفه نومي لان فيها تلفاز واخذ راحتي على الاخر لان ابوالشباب نايم وابدا في الافخاذ ثم الموخره ثم البطن واخر شي السيقان والزنود لان ابي كل قوتي احطها في الاماكن الصعبه كل رجل15دقيقه بحيث تقسمي الشغل بالتساوي مو رجل15 والرجل الثانيه5دقائق اولا ادهن فخذي كاملا بزيت الزيتون والزنجبيل ثم اختار اكبركاسه في الكرتون واشفط جسمي اللي اقدر اتحمله في السحب واشتغل وانا اناظر برنامج في التلفاز عشان ماحس بالوقت واضع كل قوتي في اصعب مناطق عندي معروفه طبعا واقول لها بصوت مسموع مع السلامه لكن لازم يكون عندك عزيمه واراده ااااااه لما تجربو ملابسكم اللي كانت ماسكه عليكم يزداد الامل عندكم لاتنسوني من دعواتكم الصادقه ملاحظه استمري على الرجيم والرياضه والمشي وتقليل الاكل لكي تبان النتيجه بسرعه

 

[خط القلم]

خلاص يا قلبي بأبدأ معاك من بكرا إن شاء الله وإذا قدرت اليوم عملتها عموما لازم يكون السحب 30 سم والا عادي لو يكون أكثر بالنسبه للفخذ ؟؟؟ والبطن كيف يكون سحب الكاسه على فوق والا على الجوانب ؟؟؟
وكيف بطنك بعد ما عملتي ال بي جي تحسين الترهل اختفى والا؟؟؟؟ وهل السليو لايت أيضا اختفى؟؟؟؟
<<<<<<<<أمنيتي ألاقي نتيجه وما يهمني شهر سنه أهم شئ يروح السليولايت والترهل اللي معقدني ...
أنا مشتركه في قروووب للرجيم والرياضه ... والماي الحمدلله أشرب بوفره...
معاااااااك قلبووو بإذن الله اذا شفت نتيجه بأدعيلك من أعمااق قلبي لأنك بتسوين فيني خير الله يسعدك ياااااااااارب....

 

[أنثى علي]

الله يفرح قلبك كمان وكمان

طيب حبيبتي وين احصل هالجهاز ؟؟!

 

[جوجولانا]

ياليت تحطين رابط الموضوع

 

[جوجولانا]

انا اليوم شريت الجهاز وبدات فيه بس حبيت اسال احركه بشكل دائري اوطولي بالنسبه للافخاذ

 

[غابة الكنااااري]

يعطيك الف عاااافيه

 

[طفلتي حياتي]

شكرا لجميع الاخوات البلقيسيات طريقتي ليس السحب بالطول وانما بالعرض ابدا بنقطه وانتهي بها مثلا اضع في الفخذ 3كاسات اسحب الولى ثم الثانيه ثم الثالثه دون توقف ثما ابدامن جديد واتنمى من الاخوات وضع رابط الاخت نوره انا لاني مبتديه لا اعرف ولكم جزيل شكري

 

[دايم الذكر]

جزاك الله خير ..

 

[عذووووبه]

يسلموووووووو

 

[ام يارا 62]

باي باي يا سيلولايت

مساء الخير
ياحلواااااااااااااااااااااااااااااااااااات شفت هالموضوع ونقلته لكم مباشره بعد ما قرأت تجربه لوحده من البلقيسيات
عن نفس الموضوع وراح انقل لكم تجربتها بالحرف بعد ما النقل لكم الموضوع



الموضوع الاساسي


السلام عليكم ورحمة الله
ارحب فيكم ..واقول لكم ابشروا بالفرج ..

اكتشافي سميته اكتشاف نوره..واللي تنقله تكتب اكتشاف نوره وتدعي لي وعيالي
انا جربت ال بي جي وعجبني ولكن مواعيد ومشاوير واسعار غاليه

..وحنا نبي نستمر عليه وصعب هالحال
والفكره هذي نفس ال بي جي تماما بحكم اني جربتها
تعرفون ادوات الحجامه اللي تنباع ب 15 ريال!..كانت عندي ..فكرت ليش ما اسويها مثل ال بي جي ..اللي اكل فلوسنا!!لانه كله شفط في شفط وتمرير على الجسم ..
طبعا تجيبين الادوات وهذي صورتها

تدهنين اماكن السيلوليت بالفازلين ..وتحطين كأس من كؤس الحجامه على المكان وتشفطين بالجهاز واذا خرب الجهاز اشفطي بفمك شفطتين تقريبا ..والكأس تلقائي ينغلق وما ينسم..
..
يالله ذي تطبيق على رجل بنيتي

هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 1632x1224 و بحجم 124KB.

وهذي صورة يد ولدي اثناء الشفط < علشان ماتصير عوره

والله رهيب تفاجأت منه...وبعد ما تنتهين تسحبين البلاستيك الحمراء. وينسم..
بعد كذا تلاحظين ان المكان انشفط ..مشيه ومرريه على مسافه 30 في 30 سم..طبعا انتي تتحكمين في قوة الشفط اللي تتحملينها..واذا حسيتي ان المكان تدلك زين انتقلي لمكان آخر .,وممكن على الكتوف للي كتوفها كبيره ..او اعلى الظهر تحت الرقبه ..اي مكان كبير عندك
.وحتى منطقة الارداف تقدرين تسوين عليها عشان تصير دائريه.<<<مع الوقت ان شاءالله
والكؤوس احجام تناسب جميع المناطق
اتمنى ان فكرتي تعم فائدتها للجميع ..واتمنى الدعاء لي ولعيالي بالعافيه والسعاده في الدارين
وعادي انقلوه لاي منتدى لكي يستفيد منه الجميع ويدعون لي بعد ..
تراني ما اقدر ارد لان مسموح لي 3 مشاركات فقط..بكره ارد ان شاءالله
اي استفسار تامرون امر ...

 

[خط القلم]

بنااااااات وين ألاقي آلة الحجامه بمكه ؟؟؟؟؟؟؟؟؟