معلومات ~UniQuE~
تجربتى مع زوجى اللى بقى يلف حوالين نفسه لما اغيب
السلام عليكم ورحمة الله وبركاته
مبدأيا كده اكيد محدش يعرفنى قد كده .. بس قولت بما انى عندى تجربة حلوة يبقى لازم افيد بيها اخواتى هنا و خصوصا ان المشاكل هنا اغلبها فى نفس السياق
نبدأ بسم الله
بصي بقى يا ستى انا زى زى اى واحدة هنا عرفت جوزى قبل الجواز بحوالى سنتين كان فيه عيوب مش هنكر و كانت باينة قدامى بس الحب بيعمى و مراية الحب عامية زى ما بيقولوا .. المهم كان اخطر عيب فيه العصبية و اللسان الزفت يعنى لما بيتعصب مش بيعرف هو بيقول ايه
كنت بتجرح جامد اوى من كلامه و خصوصا انه كان كلام بيوجع اووووى و كأنه بيختاره بالواحدة
و كنت اقعد زى الهبلة اعييط مع نفسى و اصدق كلامه اوى و كنت برده زى الخايبة مجرد مانتخانق اخد بعضى و على بيت اهلى عدددددل
و اقعد اهرى و انكت فى نفسى و مستنياه يجى يصالحنى و ياخدنى و الف و ادور حوالين نفسى
و طبعا الشملول كان بيتنك عليا اوى و يطول المدة ووقت مايجيله مزاجه ياخدنى يجي
و طبعا من جوايه لما كان بيجى كنت ببقى من جوايا بس من برايا مبينة عكس كده طبعا
و طبعا كلنا كده و متنكريش شيفاكى على فكرة
لحد ما قالى كلمة و كانت بالنسبالى هيا الضربة القاضية اللى زلزلتنى
و اقسم بالله عمرى ما اتقهرت على نفسى كده ولا عيط من قلبى و بحرقة كده
حتى هو نفسه حس و كان هيمووت عليا
طبعا هتموتوا و تعرفوا ايه هى الكلمة دى
قالى احمدى ربنا عليا هو حد كان عبرك قبليا
طب اقسم بالله لسه عنيا بتدمع من الكلمة دى و اهو فات عليها حوالى 7 سنين
بعد الكلمة دى قعدت اقول فى نفسى ليه كده ده ذنبى انتى معرفتش حد قبلك و لأنى كنت صاينة نفسى و انت اصلا عرفتنى 20 سنة يعنى كنت لسه عيلة طب ليه بس كده يا حبيبى ده انا محبتش غيرك ولا قصرت معاك فى اى حاجة
و من هنا كان لازم اقعد مع نفسى وافكر و اشوف ايه اللى يوصله يقولى كده
ووقفت قدام المراية اكلم نفسى و ارد عليها
اول حاجة تخنننننت و دى كانت مشكلة جامدة جدآ جسمى مبقاش حلو زى الاول مش مغرى يعنى
مهملة فى نفسى شعرى بسرحه مرة واحدة فى اليوم
برد عليه لما بيزعق و بجادل الكلمة بكلمتها و دى مصيبة لوحدها فجأة بتلاقى النار بتولع حواليكى و انتى مبقتيش قدها
بقى اهم حاجة عندى البييت و نضافته و تحضير احلى الأكلات و الأهتمام بالولاد
و فى وسط كل ده نسيته هو ايووه نسيت جوزى
و كنت فاكرة انى بعمله كل حاجة و قد ايه انا متفانية و مش مقصرة بس للأسف نسيته
بقى لما نتخانق و يزعق زى مايكون قصده انا اهو شوفينى بقى
و قررت اغير كل ده و من غير ما هو يحس علشان مايتمرعش فيها برده
خسيت ووصل لجسمى لأحلى عما كان عليه كمان قبل الجواز و احلى نظاااام جربته و لحد دلوقتىى هو نظامى المفضل اللقيمات + الصيام العكسى
و ده الميزة اللى فيه انك بتاكلى عادى و من اكل البيت بس بتخسى و ده طبعا جوزك مش هيركز اوى معاه
بدأت و هو فى الشغل العب رياضة و ارقص و يانهاار على الرقص بيحرق جاااامد
اعمل اسكوات و انا واقفة بطبخ لشد منطقة بين الفخدين
بدأت اعمل تمارين تضيق المنطقة الخاصة و دى بقى بترجعك زى البنات و جوزك هيتجنن عليكى و هتشوفى
نزلت الكوافير ظبطت شعرى و صبغته
اه نسيت اقولكوا الحاجات دى بدأتها و انا متخاصمة مع جوزى و قعدت فترة بصراحة مش قادرة اتكلم معاه
و هو مطنششنى برده مهو عارف هروح اعيط و اتشحتف عشان يجى يصالحنى
و ده اللى حلفت عليه و قولت لأ لاااازم يجى يصالحنى عشان هو غلطان مش عشان انا أثرت عليه فهمنى
المهم بعد كل الحاجات دى و التغير اللى بدأ يشوفه بقى يلاقينى مثلا واقفة فى المطبخ يروح داخل قال ايه بشرب يا سلااام طب ما الكولمن بره ومايته ساقعة كمان حجج و خلاص
ما انا كنت ببقى موزة بقى cool
شعرى جمييل و لونه روعه لبسى يجنن كنت بلبس ليجن كده و عليه بدى مثلا من اللى بنشوف الممثلات لابسينه فاهمين بس ابدا مكنتش البس لانجرى فى وسط النهار مستحيييل
كان بيطلبنى فى العلاقة على فكرة و احنا متخانقين مكنتش بتمنع بس كنت بحسسه انها بالنسبالى تقضية واجب يعنى خلاص خلصت تمام و اقوم ولا اعبره بصوا كان بيبقى هيتجنن
المهم عشان مطولش عليكوا
فضل الحال كده هو يتلكك على اى حاجة و انا التغير بتاعى بيظهر شوية بشوية
كان بيتلكك و يتخانق معايا مرة القميص الكم بتاعه مش مكوى
مرة الشراب اتقطع و انا كنت اعمل الحاجة من سكات برده مش هتستفزنى عشان اعيطلك
و كان بيتخانق معايا و يفضل يعلى صوته و انا واقفه قدامه ولا بنطق
كان بيحس بالذنب اكتر و اكتر
لحد ما جيه اليوم اللى صالحنى فيه لقيته جاى من بره وانا واقفة فى المطبخ كالعادة
و راح حضنى وقالى انا اسف سامحينى انا حسيت بقيمة بعدك عنى شايفك جمبى ومش قادر المسك بتلككلك و مش بلاقى منك رد فعل
وده كان بيحسسنى بالذنب اكتر و قعد يتكلم معايا بقى و ده اللى استخلصته من كلامه
يا حبيبة كنا كل مانيجى نتخانق تولعى النار بينا اكتر بردودك عليا و انك تستهزأى بيا و بكلامى و تسبينى و تمشى
او انك تفضلى تصوتى و تندبى حظك معايا و قد ايه انا الوحش الكاسر اللى طابق على نفسك و انى عمرى ماعملتلك حاجة كويسة و ده كان بيخالينى ازود فيها ما انا كده كده وحش
او انك اى حاجة تاخدى بعضك و تسيبى البيت مش بتخلينى احس بوجودك كنت بقول يلا مش مهم اهو ارتاح من النكد شوية
لما كنتى بتعيطى قدامى كنت الأول مش بستحمل بس مع التكرار زهقت و مبقاش يأثر فيا
حتى الحاجة الحلوة دى استغلتيها غلط
بصوا انا كنت قاعدة بسمع و مندهشة من الكلام اقسم بالله
حسيت انى فعلا بعمل كده مش بيفترى عليا ولا حاجة
و لما اتصفينا ابتديت رحلة التغير من طباعى و شخصيتى
اول حاجة عملتها انى افتكرت جوزى و حطيته على رأس اولوياتى و ياااه على السعادة اللى كانت بتكون فى عنيه لما يلاقى الحاجة من قبل مايطلبها
بقيت لما نتخانق ولا ارد خاااالص و اسيبه يطلع كل حاجة جواه و لما تضيق بيا اوى و مبقاش قادرة كنت غصب عنى بعيط اللى هو دمووع بس من غير ولا كلمه وده كان بيهده اقسم بالله
فى العلاقة بقيت اتمنع بدلع كده و ده كان بيشده ليا اكتر و بعمل كل اللى يرضيه فى حدود الحلال و الحرام بمعنى اصح بقيت بملكه
و ياريت لو تخلى ليكى لمساتك الخاصة جدا معاه بحيث انكوا لو اتخانقتوا بعد الشر و منعتيها يحس ان فى حاجة مش مظبوطة
بصوا جوزى الوحش الكاسر القاسى الجامد بقى معايا طفل وديع
لدرجة انه مرة زعلنى و الله لقيته جاى بيعيط فى حضنى وبيقولى انا اسف
ايوه ده جوزى اللى مكنش فيه منه أمل اللى كان خلاص بينى و بين الانفصال شعره
جوزى اللى كان بيقولى احمدى ربنا عليا بقى يقولى انتى كتير عليا
بقى بيبوس ايدى كل يوم و يقولى يارب لو كان ده حلم مااقوم منه
جوزى اللى مبقاش يقدر ينام خير لو احنا متصافين مع بعد و بيبقى يلف حوالين نفسه لو زعلانة منه
و اهممممم حاجة شيلت من قاموس حياتى كلمة اسيب البيت دى .. ده بيتى انا و دى مملكتى انا اللى مش عاجبه يتفضل منها انما انا لأ و هو طبعا بعد الكلام اللى فوق ده مستحيل يمش و يسيب البيت و هو عارف انك فيه يا موزة
خلاصة تجربتى ليكى يافتوكة حبى نفسك اوى و اتغيرى لنفسك
و اهم حاجة قربى من ربنا و ادعيله و اترجيه يصلح حالك و حال جوزك
كونى الست اللى لو انتى راجل تحبى تتجوزيها
و امانة عليكوا تدعولى بصلاح الحال و انى اقدر ادى بيتى و جوزى اكتر من كده و يبعد عننا العين يارب
منقووول للإفادة
مبدأيا كده اكيد محدش يعرفنى قد كده .. بس قولت بما انى عندى تجربة حلوة يبقى لازم افيد بيها اخواتى هنا و خصوصا ان المشاكل هنا اغلبها فى نفس السياق
نبدأ بسم الله
بصي بقى يا ستى انا زى زى اى واحدة هنا عرفت جوزى قبل الجواز بحوالى سنتين كان فيه عيوب مش هنكر و كانت باينة قدامى بس الحب بيعمى و مراية الحب عامية زى ما بيقولوا .. المهم كان اخطر عيب فيه العصبية و اللسان الزفت يعنى لما بيتعصب مش بيعرف هو بيقول ايه
كنت بتجرح جامد اوى من كلامه و خصوصا انه كان كلام بيوجع اووووى و كأنه بيختاره بالواحدة
و كنت اقعد زى الهبلة اعييط مع نفسى و اصدق كلامه اوى و كنت برده زى الخايبة مجرد مانتخانق اخد بعضى و على بيت اهلى عدددددل
و اقعد اهرى و انكت فى نفسى و مستنياه يجى يصالحنى و ياخدنى و الف و ادور حوالين نفسى
و طبعا الشملول كان بيتنك عليا اوى و يطول المدة ووقت مايجيله مزاجه ياخدنى يجي
و طبعا من جوايه لما كان بيجى كنت ببقى من جوايا بس من برايا مبينة عكس كده طبعا
و طبعا كلنا كده و متنكريش شيفاكى على فكرة
لحد ما قالى كلمة و كانت بالنسبالى هيا الضربة القاضية اللى زلزلتنى
و اقسم بالله عمرى ما اتقهرت على نفسى كده ولا عيط من قلبى و بحرقة كده
حتى هو نفسه حس و كان هيمووت عليا
طبعا هتموتوا و تعرفوا ايه هى الكلمة دى
قالى احمدى ربنا عليا هو حد كان عبرك قبليا
طب اقسم بالله لسه عنيا بتدمع من الكلمة دى و اهو فات عليها حوالى 7 سنين
بعد الكلمة دى قعدت اقول فى نفسى ليه كده ده ذنبى انتى معرفتش حد قبلك و لأنى كنت صاينة نفسى و انت اصلا عرفتنى 20 سنة يعنى كنت لسه عيلة طب ليه بس كده يا حبيبى ده انا محبتش غيرك ولا قصرت معاك فى اى حاجة
و من هنا كان لازم اقعد مع نفسى وافكر و اشوف ايه اللى يوصله يقولى كده
ووقفت قدام المراية اكلم نفسى و ارد عليها
اول حاجة تخنننننت و دى كانت مشكلة جامدة جدآ جسمى مبقاش حلو زى الاول مش مغرى يعنى
مهملة فى نفسى شعرى بسرحه مرة واحدة فى اليوم
برد عليه لما بيزعق و بجادل الكلمة بكلمتها و دى مصيبة لوحدها فجأة بتلاقى النار بتولع حواليكى و انتى مبقتيش قدها
بقى اهم حاجة عندى البييت و نضافته و تحضير احلى الأكلات و الأهتمام بالولاد
و فى وسط كل ده نسيته هو ايووه نسيت جوزى
و كنت فاكرة انى بعمله كل حاجة و قد ايه انا متفانية و مش مقصرة بس للأسف نسيته
بقى لما نتخانق و يزعق زى مايكون قصده انا اهو شوفينى بقى
و قررت اغير كل ده و من غير ما هو يحس علشان مايتمرعش فيها برده
خسيت ووصل لجسمى لأحلى عما كان عليه كمان قبل الجواز و احلى نظاااام جربته و لحد دلوقتىى هو نظامى المفضل اللقيمات + الصيام العكسى
و ده الميزة اللى فيه انك بتاكلى عادى و من اكل البيت بس بتخسى و ده طبعا جوزك مش هيركز اوى معاه
بدأت و هو فى الشغل العب رياضة و ارقص و يانهاار على الرقص بيحرق جاااامد
اعمل اسكوات و انا واقفة بطبخ لشد منطقة بين الفخدين
بدأت اعمل تمارين تضيق المنطقة الخاصة و دى بقى بترجعك زى البنات و جوزك هيتجنن عليكى و هتشوفى
نزلت الكوافير ظبطت شعرى و صبغته
اه نسيت اقولكوا الحاجات دى بدأتها و انا متخاصمة مع جوزى و قعدت فترة بصراحة مش قادرة اتكلم معاه
و هو مطنششنى برده مهو عارف هروح اعيط و اتشحتف عشان يجى يصالحنى
و ده اللى حلفت عليه و قولت لأ لاااازم يجى يصالحنى عشان هو غلطان مش عشان انا أثرت عليه فهمنى
المهم بعد كل الحاجات دى و التغير اللى بدأ يشوفه بقى يلاقينى مثلا واقفة فى المطبخ يروح داخل قال ايه بشرب يا سلااام طب ما الكولمن بره ومايته ساقعة كمان حجج و خلاص
ما انا كنت ببقى موزة بقى cool
شعرى جمييل و لونه روعه لبسى يجنن كنت بلبس ليجن كده و عليه بدى مثلا من اللى بنشوف الممثلات لابسينه فاهمين بس ابدا مكنتش البس لانجرى فى وسط النهار مستحيييل
كان بيطلبنى فى العلاقة على فكرة و احنا متخانقين مكنتش بتمنع بس كنت بحسسه انها بالنسبالى تقضية واجب يعنى خلاص خلصت تمام و اقوم ولا اعبره بصوا كان بيبقى هيتجنن
المهم عشان مطولش عليكوا
فضل الحال كده هو يتلكك على اى حاجة و انا التغير بتاعى بيظهر شوية بشوية
كان بيتلكك و يتخانق معايا مرة القميص الكم بتاعه مش مكوى
مرة الشراب اتقطع و انا كنت اعمل الحاجة من سكات برده مش هتستفزنى عشان اعيطلك
و كان بيتخانق معايا و يفضل يعلى صوته و انا واقفه قدامه ولا بنطق
كان بيحس بالذنب اكتر و اكتر
لحد ما جيه اليوم اللى صالحنى فيه لقيته جاى من بره وانا واقفة فى المطبخ كالعادة
و راح حضنى وقالى انا اسف سامحينى انا حسيت بقيمة بعدك عنى شايفك جمبى ومش قادر المسك بتلككلك و مش بلاقى منك رد فعل
وده كان بيحسسنى بالذنب اكتر و قعد يتكلم معايا بقى و ده اللى استخلصته من كلامه
يا حبيبة كنا كل مانيجى نتخانق تولعى النار بينا اكتر بردودك عليا و انك تستهزأى بيا و بكلامى و تسبينى و تمشى
او انك تفضلى تصوتى و تندبى حظك معايا و قد ايه انا الوحش الكاسر اللى طابق على نفسك و انى عمرى ماعملتلك حاجة كويسة و ده كان بيخالينى ازود فيها ما انا كده كده وحش
او انك اى حاجة تاخدى بعضك و تسيبى البيت مش بتخلينى احس بوجودك كنت بقول يلا مش مهم اهو ارتاح من النكد شوية
لما كنتى بتعيطى قدامى كنت الأول مش بستحمل بس مع التكرار زهقت و مبقاش يأثر فيا
حتى الحاجة الحلوة دى استغلتيها غلط
بصوا انا كنت قاعدة بسمع و مندهشة من الكلام اقسم بالله
حسيت انى فعلا بعمل كده مش بيفترى عليا ولا حاجة
و لما اتصفينا ابتديت رحلة التغير من طباعى و شخصيتى
اول حاجة عملتها انى افتكرت جوزى و حطيته على رأس اولوياتى و ياااه على السعادة اللى كانت بتكون فى عنيه لما يلاقى الحاجة من قبل مايطلبها
بقيت لما نتخانق ولا ارد خاااالص و اسيبه يطلع كل حاجة جواه و لما تضيق بيا اوى و مبقاش قادرة كنت غصب عنى بعيط اللى هو دمووع بس من غير ولا كلمه وده كان بيهده اقسم بالله
فى العلاقة بقيت اتمنع بدلع كده و ده كان بيشده ليا اكتر و بعمل كل اللى يرضيه فى حدود الحلال و الحرام بمعنى اصح بقيت بملكه
و ياريت لو تخلى ليكى لمساتك الخاصة جدا معاه بحيث انكوا لو اتخانقتوا بعد الشر و منعتيها يحس ان فى حاجة مش مظبوطة
بصوا جوزى الوحش الكاسر القاسى الجامد بقى معايا طفل وديع
لدرجة انه مرة زعلنى و الله لقيته جاى بيعيط فى حضنى وبيقولى انا اسف
ايوه ده جوزى اللى مكنش فيه منه أمل اللى كان خلاص بينى و بين الانفصال شعره
جوزى اللى كان بيقولى احمدى ربنا عليا بقى يقولى انتى كتير عليا
بقى بيبوس ايدى كل يوم و يقولى يارب لو كان ده حلم مااقوم منه
جوزى اللى مبقاش يقدر ينام خير لو احنا متصافين مع بعد و بيبقى يلف حوالين نفسه لو زعلانة منه
و اهممممم حاجة شيلت من قاموس حياتى كلمة اسيب البيت دى .. ده بيتى انا و دى مملكتى انا اللى مش عاجبه يتفضل منها انما انا لأ و هو طبعا بعد الكلام اللى فوق ده مستحيل يمش و يسيب البيت و هو عارف انك فيه يا موزة
خلاصة تجربتى ليكى يافتوكة حبى نفسك اوى و اتغيرى لنفسك
و اهم حاجة قربى من ربنا و ادعيله و اترجيه يصلح حالك و حال جوزك
كونى الست اللى لو انتى راجل تحبى تتجوزيها
و امانة عليكوا تدعولى بصلاح الحال و انى اقدر ادى بيتى و جوزى اكتر من كده و يبعد عننا العين يارب
منقووول للإفادة
اسم الموضوع : تجربتى مع زوجى اللى بقى يلف حوالين نفسه لما اغيب
|
المصدر : القصص والروايات الواقعية