تجاربكم كيف اعيد زوجي الئ غرفه النوم

[أم بآآآسم]

السلام عليكم


بنات حابه مشورتكم وابي تجارب شخصية زوجي شمالي غربي المشكلة صاير ينام لحاله السببب زوجي مو من نوع اللي ينام بسرعه واذا نام اي شي يصحية ماعاد يرد ينام ... والمشكلة بنتي عمرها سنه وخمس،شهور بس تقوم تبكي طفشتني انا ف كيف ابوها ... ابيه يرجع ينام معنا بس يحسفني لما يقول ان بنتي ترهقني وانا انسان عندي دوام وش اسوي ابي حل عقلاني
جزاكم الله خير

 

[الله يفرج علينا]

انصحك زوجك ينام بالسرير وانتي ووبنتك اطلعو لين تنام البنت ادخلو وحاولي تخلي سريرها بعيد عن سريركم واذا حسيتي فيها قومي واطلعو

 

[مدينة شجر]

الحل الوحيد

لاتنام فترات العصر والظهر

عشان تكون دايخه مررره وماتصحى بالليل
وحطي لها رضاعتين احتياط
عشان اول ماتبكي تكون رضاعتها جنبها

 

[حصه عداوي]

الحل في تنظيم رضعات البنت قبل مايجي وقت الرضعه تعمليها لها بخمس دقايق وتعطيها ولا تنيميها العصر ابدا

 

[درة حياته]

نظمي نومها وخليها تلعب كثير قبل لاتنام ،،،وزوجك ينام بالغرفة وانتي برع لماتنام دخليها ،،،صحيها من النوم بدري ونوميها بدري ،،،عوديها على روتين معين ،،،ولازم تكون بلعانة قبل لا تنام ،،،

هي تفهم حاولي تقولي لها قصة وتكافئينها اذا نامت مبكر ،،،فاجئيها الصبح بقطعة شوكلاته صغيرررة توعديها فيها كل ليلة ،،،

زوجك ينام برع غرفتك شي غير مقبول ،،،

 

[راقية بأسلوبي]

حبيبتي نظمي مواعيد نومها اذا تنام العصر
غيري نوميها الظهر
الصبح صحيها ماتنام وتطول لان ماراح تنام الظهر

يارب أكون أفدتك هذا نظامي مع أولادي

اسأل الله العظيم بمنه وفضله ان يحفظها لك
ويحفظ لي أولادي وأولاد كل مسلمة يارب

 

[أم بآآآسم]

الف شكر للي رد علي
بنتي تنام الساعه 11 او 12 بليل وتصحئ الظهر ماعاد اخليها ترجع تنام ابد ا عصر ولا مغرب يعني المشكلة تكمن عند،بنتي المشكلة قربت اولد بيستمر زوجي ينام برا الغرفه اذا نفست احترت ونفسيتي متدمرة ابي حللل

 

[حكاية أمل...]

الحل اختي :
صحيها من بدري عين اذا تصحى 11 صحيها 9 او 10 واغريها باللعب وقت العشاء خليها تلعب تلعب///
وابتعدي بالليل عن الماكولات الي فيها سكر اكليها وقت العصر لان سبحان الله العصر تكون نسبه العمليات الحيوه بالجسم اكبر ,عشان كذا باليل ع الساعه 10 او 11 روشيها وخليها تطول شوي بالحمام بعدها رضيعها زباذن الله بتنام لان الطفل بعد الاجهاد والتعب ينام اهم شي تجنبي الحلويات والسكريات بالليل وبالتوفيق ان شاء الله

 

[مدينة شجر]

صحيها 8 الصباح
واشغليها طول اليوم
واذا جاء بعد العشاء صلحي لها رضاعه دافيه

 

[راقية بأسلوبي]

حبيبتي ماراح تتغير في يوم وليلة تستمري

ثلاث أيام أسبوع بالكثير ورى بعض تتعود
بعدين ليش تنام 12.
البنت صغيرة بعدها تحتاج للنوم

ولدي نفس عمرها وينام من تسع لثمان الصبح وما يصحى

الا اذا تعبان. وبعد الغداء انومه ساعة ً
ويصحى يلعب مع إخوانه لحد ما ينهد حيله من اللعب

أتمنى أكون أفدتك

 

[طليقة تيفا]

نوميها بغرفه ثانيه بس قريبه من غرفتكم احسن شي وكل شوي اصحي طلي عليها واديها الرضعه قبل تقوم