السلام عليكم ورحمة الله وبركاته ..
خواتي انا في ورطة و اتمنى تساعدوني و اطمنوني !!
اممم قبل فترة كتبت موضوع عن الشخص اللي اتقدملي و ما قصرتوا معاي و استخترت و رفضته يعني ما صار نصيب بينا
المهم انا عمري 18 و قبل فترة كنت احب واحد اكبر عني بـ 8 سنين .. مطلق و عنده ولد بس حبيته بكل مافيني و حبيت ولده مثل ولدي و هو كان يحبني و يموت فيني و جاد في الإرتباط و مب ناقصنه شي .. ولد ناس و قبيلي و متخرج من امريكا و ماسك منصب و محافظ على صلاته و أخلاقه عالية و عاقل و رزين و كنا فاهمين بعض .. و لا تقولون حب مراهقة لأني مريت فيه قبل كم سنه و نضجت الحمدلله و هالمرة متأكدة من مشاعري و عواطفي و فكرت بعقلي و ثاني شي انا عاقلة و تفكيري سابق سني .. و هو شخصيته قوية و له مكانته و الكل يحترمه و طبيعته مثل ابوي و حنون جداً و معجب في ابوي و دايماً يوم اتكلم عن ابوي يستانس و يقول اتمنى اني اكون أب مثالي شراته
بس صارت الطامة بعد فترة من علاقتنا اهلي زخوني و كشفوا علاقتنا و ضربوني و سحبوا عني الموبايل :no:
و اهلي محافظين و متشددين و ما يعترفون بالزواج عن حب !! يعني ياخذونها سالفة عناد و بعد ما كشفوني انا فقدت الأمل في الزواج و شي طبيعي بتنقطع علاقتنا بعد المشاكل اللي صارت و الحصار المفروض علي !
المهم انا ما عرفت عنه شي ولا كلمته ابد و انقطعت علاقتنا بس اهلي دايماً يشكون فيني و يراقبوني و احس اني مخنوقه .. من كم يوم اتصلت فيه عشان اقوله ان اللي بينا انتهى و لازم نفترق و كل واحد يروح في درب لأن بعد هالسالفة اهلي بياخذونها مسئلة عناد و مستحيل يوافقون ..
يوم كلمته في البداية اتقبل كلامي و قالي انا مقدر موقفج و معاج حق و ما خبرني عن اي شي بس انا كنت حزينة وايد و اصيح و ما اقدر على فراقه و في نهاية المكالمة قلتله ليش ما نحاول ؟ قالي ما ينفع والله انا اعرف اهلج و مافي أمل .. أصريت عليه في المحاولة و قلتله مب خسرانين شي و حاول يقنعني بس كنت عنيدة و في النهاية صدمني انه اتقدملي و قابل ابوي شخصياً و اتكلم معاه و ارتاحوا لبعض و كان يقولي أهنيج على هالأب والله مافي مثله و قمة في الذوق و الأخلاق و تفكيره منطقي و مثقف و عاملني بكل أدب و احترام و لباقة بالرغم من كل اللي صار بس بس بس ..... رفضني و ما وافق على الزواج !!! لأسباب كثيرة منها اني مطلق و عندي ولد و انتي بعدج صغيرة و ما تتحملين هالمسؤوليات كلها و الخيارات متاحة لج و المستقبل جدامج و ألف من يتمناج بس ما كان رفض نهائي و قاطع يعني قالي البنت صغيرة و ما تقدر تتخذ قرار للحين و ابغيها تكبر شوي و تنضج اكثر و تفكر بعقلها قبل عواطفها و واتفقنا نتقابل بعد سنة و يمكن يغير رايه !!! .. المهم انا قلتله ليش ما خبرتني ؟ قالي انا اتفقت مع ابوج ان الكلام يكون بينا و محد يعرف بالموضوع عشان ما نجرح حد و ما تاخذين موقف من ابوج و ما ابغي اهلج يعرفون و تكبر المشكلة بس انا للحين ما فقدت الأمل و عندي احساس كبير انج بتكونين من نصيبي ... و اتفقنا نقطع علاقتنا لين ما الله يكتبلنا نصيب مع بعض
الصراحة كبر في عيني وايد و انعجبت اكثر في شخصيته و أخلاقه و شجاعته لأن لو واحد غيره صعب او مستحيل يواجه ابوي شخصياً بعد كل اللي صار :icon26:
بس الكارثة الكبيرة ان امي دخلت علي و انا اكلمه و انا ارتبكت و توترت و كنت ميتة من الخوف و كشفتني للأسف !! .. قالتلي شو تسوين ؟ قلتلها ولا شي العب في الموبايل ! قالتلي انا اعرف انج كنتي تتكلمين في الموبايل عشان جيه اصطلبي و خلي عنج هالسوالف ولا بيكون لي تصرف ثاني مع ابوج و اخوج و بتشوفين شي ما شفتيه !!! و خلتني و طلعت ×_×
الحين انا ميتة من الخوف و خايفه انها تخبر ابوي و اخوي و حزتها بيذبحوني و بروح فيها و احتمال اطلع من الجامعة و يضيع مستقبلي لان المرة الأخيرة هددوني و متوعدين لي !
انتو شو رايكم في الموضوع كله ؟ و تتوقعون بتخبر ابوي علي ولا بتكتفي بتهديدها ؟ انا خايفة الصراحة و ما اقدر انام ولا افكر في شي
المشكلة مستحيل اصارح امي عن اللي صار بينا لان ابوي ما خبرها و امي الله يهديها ما تتفاهم و صعب تمسك لسانها و بتسويها مشكلة كبيرة و عادي تتضارب مع ابوي و اصلاً علاقتي مع امي متوترة شوي من الصغر !
خواتي انا في ورطة و اتمنى تساعدوني و اطمنوني !!
اممم قبل فترة كتبت موضوع عن الشخص اللي اتقدملي و ما قصرتوا معاي و استخترت و رفضته يعني ما صار نصيب بينا
المهم انا عمري 18 و قبل فترة كنت احب واحد اكبر عني بـ 8 سنين .. مطلق و عنده ولد بس حبيته بكل مافيني و حبيت ولده مثل ولدي و هو كان يحبني و يموت فيني و جاد في الإرتباط و مب ناقصنه شي .. ولد ناس و قبيلي و متخرج من امريكا و ماسك منصب و محافظ على صلاته و أخلاقه عالية و عاقل و رزين و كنا فاهمين بعض .. و لا تقولون حب مراهقة لأني مريت فيه قبل كم سنه و نضجت الحمدلله و هالمرة متأكدة من مشاعري و عواطفي و فكرت بعقلي و ثاني شي انا عاقلة و تفكيري سابق سني .. و هو شخصيته قوية و له مكانته و الكل يحترمه و طبيعته مثل ابوي و حنون جداً و معجب في ابوي و دايماً يوم اتكلم عن ابوي يستانس و يقول اتمنى اني اكون أب مثالي شراته
بس صارت الطامة بعد فترة من علاقتنا اهلي زخوني و كشفوا علاقتنا و ضربوني و سحبوا عني الموبايل :no:
و اهلي محافظين و متشددين و ما يعترفون بالزواج عن حب !! يعني ياخذونها سالفة عناد و بعد ما كشفوني انا فقدت الأمل في الزواج و شي طبيعي بتنقطع علاقتنا بعد المشاكل اللي صارت و الحصار المفروض علي !
المهم انا ما عرفت عنه شي ولا كلمته ابد و انقطعت علاقتنا بس اهلي دايماً يشكون فيني و يراقبوني و احس اني مخنوقه .. من كم يوم اتصلت فيه عشان اقوله ان اللي بينا انتهى و لازم نفترق و كل واحد يروح في درب لأن بعد هالسالفة اهلي بياخذونها مسئلة عناد و مستحيل يوافقون ..
يوم كلمته في البداية اتقبل كلامي و قالي انا مقدر موقفج و معاج حق و ما خبرني عن اي شي بس انا كنت حزينة وايد و اصيح و ما اقدر على فراقه و في نهاية المكالمة قلتله ليش ما نحاول ؟ قالي ما ينفع والله انا اعرف اهلج و مافي أمل .. أصريت عليه في المحاولة و قلتله مب خسرانين شي و حاول يقنعني بس كنت عنيدة و في النهاية صدمني انه اتقدملي و قابل ابوي شخصياً و اتكلم معاه و ارتاحوا لبعض و كان يقولي أهنيج على هالأب والله مافي مثله و قمة في الذوق و الأخلاق و تفكيره منطقي و مثقف و عاملني بكل أدب و احترام و لباقة بالرغم من كل اللي صار بس بس بس ..... رفضني و ما وافق على الزواج !!! لأسباب كثيرة منها اني مطلق و عندي ولد و انتي بعدج صغيرة و ما تتحملين هالمسؤوليات كلها و الخيارات متاحة لج و المستقبل جدامج و ألف من يتمناج بس ما كان رفض نهائي و قاطع يعني قالي البنت صغيرة و ما تقدر تتخذ قرار للحين و ابغيها تكبر شوي و تنضج اكثر و تفكر بعقلها قبل عواطفها و واتفقنا نتقابل بعد سنة و يمكن يغير رايه !!! .. المهم انا قلتله ليش ما خبرتني ؟ قالي انا اتفقت مع ابوج ان الكلام يكون بينا و محد يعرف بالموضوع عشان ما نجرح حد و ما تاخذين موقف من ابوج و ما ابغي اهلج يعرفون و تكبر المشكلة بس انا للحين ما فقدت الأمل و عندي احساس كبير انج بتكونين من نصيبي ... و اتفقنا نقطع علاقتنا لين ما الله يكتبلنا نصيب مع بعض
الصراحة كبر في عيني وايد و انعجبت اكثر في شخصيته و أخلاقه و شجاعته لأن لو واحد غيره صعب او مستحيل يواجه ابوي شخصياً بعد كل اللي صار :icon26:
بس الكارثة الكبيرة ان امي دخلت علي و انا اكلمه و انا ارتبكت و توترت و كنت ميتة من الخوف و كشفتني للأسف !! .. قالتلي شو تسوين ؟ قلتلها ولا شي العب في الموبايل ! قالتلي انا اعرف انج كنتي تتكلمين في الموبايل عشان جيه اصطلبي و خلي عنج هالسوالف ولا بيكون لي تصرف ثاني مع ابوج و اخوج و بتشوفين شي ما شفتيه !!! و خلتني و طلعت ×_×
الحين انا ميتة من الخوف و خايفه انها تخبر ابوي و اخوي و حزتها بيذبحوني و بروح فيها و احتمال اطلع من الجامعة و يضيع مستقبلي لان المرة الأخيرة هددوني و متوعدين لي !
انتو شو رايكم في الموضوع كله ؟ و تتوقعون بتخبر ابوي علي ولا بتكتفي بتهديدها ؟ انا خايفة الصراحة و ما اقدر انام ولا افكر في شي
المشكلة مستحيل اصارح امي عن اللي صار بينا لان ابوي ما خبرها و امي الله يهديها ما تتفاهم و صعب تمسك لسانها و بتسويها مشكلة كبيرة و عادي تتضارب مع ابوي و اصلاً علاقتي مع امي متوترة شوي من الصغر !
