تبغين شعر طويل....هذي طريقتي ** متميز **

[( روح )]

مرحبا حبيباتي​

هذا أول موضوع لي في قسم العناية بالشعر....حبيت افيدكم به​

الله يسلمكم قبل ما اتزوج بسنين كان شعري قصير وخفيف ولونه كستنائي....وأمي كانت دايماً تحاتي شعري وأنا صغيره لأني الوحيده بين أخواتي شعري مختلف....​

وبعد العناية المكثفة منها الله يحفظها من كل شر...وعنايتي انا المتواصله واهتمامي​

تزوجت وكان شعري طوله يوصل لين تحت ركبي ولونه احمر حلو ( الكوفيره ماتت على لون شعري لأنه لون طبيعي )​

بس للأسف فتحته يوم عرس اخوي:icon1366: وصابتني عين ما صلت على النبي​

اللهم صلي وسلم وبارك على سيدنا محمد​

وثاني يوم صابتني ضيقه من شعري وقصيته مرة وحده لين اكتافي ( تخيلو)​

ومن رغبتي لمساعدة كل وحده تبغي شعرها يطول...حبيت اعطيكم طريقة عنايتي كيف كانت....​

أول شي ابغي اوضح أمور كنت احرص إني اسويها من خوفي على شعري وفادتني بعد الله ولله الحمد ...​

ماكان حد يشوف شعري ابداً غير أمي​

وأنا امشطه كنت اسمي عليه واقرا عليه أية الكرسي والمعوذات ( ارقيه يعني )​

احتفظ بالشعر اللي يتساقط اثناء التمشيط والإستحمام وما ارميه في الزباله ( تكرمون ) امي كانت توصيني احافظ على شعري المتساقط على شان الله يحفظ لي شعر راسي....وكنت احطه في كيس من ورق ويوم يمتلي ادفنه في البر​

كنت اغسله بهدوء وما كنت ارفع كل الشعر فوق راسي وافركه...لا ابدأ من فوق لين اوصل اطرافه....​

اشطف شعري في النهايه بمياه الشرب المعدنية...زجاجه صغيره نص لتر​

ما استخدم السيشوار ابداً​

اجلس في مكان توصله اشعة الشمس لمدة 5 - 10 دقائق مب أكثر​

اقص اطرافه 2 سم فقط كل شهر ( قص الشعر من الأفضل يكون في نصف الشعر الهجري ويكون على يد مبروكه وتسمي بالرحمن)

وألحين يا دور الوصفات اللي كنت استخدمها

خلطة الحناء: فنجان حنا ( الكمية حسب طول الشعر )....ليمونه صغيره ( للوقاية من القشرة).....ملعقة زيت زيتون ( للمعة والترطيب )....بيضه ( للتغذية )....​

الطريقة : تخلطين كل المقادير مع بعض وتضربينهم بالخلاط الخاص بعمل الكيك...
وتسوينه فالليل والصبح تحطينه على شعرج ...خليه لمدة اربع ساعات....وتغسلينه عدل بالماي بس....وثاني يوم تغسلينه بالشامبو​

هذي الطريقة تخلي الشعر يستفيد من الخلطه عدل ويكسب الشعر لون الأحمر الحلو​

والخلطة تسوينها مرة في الشهر
​

​

​

قبل ما اغسل شعري احط عليه زيت الخروع الثقيل بس اخففه بزيت اللوز الخاص بالشعر ​

مرة في الأسبوع​

بعد الغسل والشعر مبلول احط قطرات من زيت الحية واسوي مساج خفيف اوزع القطرات على فروة الراس بس ( زيت الحية اللي كنت استخدمه كان في زجاجه صغيره بحجم زجاجة قطرة الأنف من عند العطار...ماعندي فكرة اذا متوفر حالياً...بس اي نوع من زيت الحية يفيد إن شاء الله)​

اتناول فيتامينات خاصه للشعر والبشرة والأظافر وأفضل نوع
( Permea Plus ) ​

...وكبسولات زيت السمك omega 3 أوميغا3 ​

وأهم شي الإستمرار​

وطبعاً النتايج تبين بعد كم شهر...مثل ما تعرفون الشعر والجلد يطول لين ما تبين فيه النتايج​

عني استمريت سنين وكانت عادة بالنسبة لي ​

بس النتايج كانت تهبل​

وإن شاء الله قدرت افيدكم ​

 

[تووب سكرت]

مــــــــــــــوضع رائع وتجربه حلوه فعلا الحنه وزيت السمك عن تجربه يكثر الشعر ويزينه مشكوره ياغاليه على الطريقه وجعله في ميزان حسناتك

 

[عش البلبل]

والله موضعك كثير ما شاء الله جميل جدا وأنا عندى معلومة صغيرة أحب أضافه
بعد قص الشعر ودفنة الصدقة دواو مرضاكم بالصدقات
مشكورة على المعلومات الجميلة

 

[كوكب77]

تجربه حلوه والكل راح يستفيد منها

 

[هزي يانواعم]

لكي مني الف بوسه

 

[قهر الزمان]

معلومات جدا قيمه

والله ودي شعري يطول

يعطيكي العافيه وان شاء الله بجربه

 

[$روح الحنان$]

يعطيج العافيه وربي يحفظج​

 

[nonoura]

بس كتير الشغلة بدها تعب وشغل وانا ماعندى تايم للاسف

 

[lovely1]

جزاك الله خير على المعلومات المفيدة والجديدة

 

[الهنوفا]

 

[ام دحووومي]

الله يجزاك خير ...

انا بعد كان شعري تعبان ولي سنتين اهتميت فية واتبعت برنامج يشابه برنامجك والحمد لله كانت النتائج مبهره

 

[الوردة المتألقة]

يعطيك العافية وتسلم الايادي قلبي بس
كت بسال قالوا ان البيض للشعر يسبب الشيب هو والعسل؟؟؟؟؟؟؟؟؟
صحيح؟؟؟؟؟؟؟؟؟؟؟؟؟؟؟؟
ومشكووووووووووووووووووووووووورة يالغلا مرة ثانية

 

[أطيب_قلب]

تسلميييييييين ع الموضوع المميز


ونتريا كل يديد من صوبج ^__^

 

[فيروزه]

ماقصرتي , جزاك الله خير وانا اتمنى من كل اخت تستفيد من اي معلومه الدعاء لصاحبة هذه المعلومه وهذا اقل رد لجميل الاخلاص ... شكرا لك مخلصتنا على المعلومات ودمت لحبيباتك.

 

[وله المشااااعر]

الف الف شكر حبيبتي (روح)

 

[أميـ الورد ـرة]

مشكووووووره وجزاك الله خير ..

أنا شعري استعملت له خلطه بالصيف اللي فات ..

وكانت النتيجه تساقط فضييييييييع ..

والله نفسيتي صارت زفت من التساقط ..

وصرت حتى الزيت مااحطه بشعري ..

مشكوره خيتووو

 

[صفا]

كتييييييييييييييييييييييييييييييييييير وصفاتك حلوة ودلوقتى هعملها

 

[بطرانه كول]

حرآم غمضتيني والله وقف الدم في راسي

استفدت من تجاربج شيختي
عسى الله يوفقج ويطول شعرج من اول ويديد
:cupidarrow:​

 

[أخت_الشيوخ]

يزاج الله خير الغاليه ....انا شوي و بقرع.......ان شالله بجرب اللي قلتيه ...و يا رب يا رب ينفع معاي لأن هالشي وايد مأثر على نفسيتي..........

شكراً حبوبه

 

[سراب الحب]

موضوع رائع واضيف انك ممكن تضيفين الزبادي والعسل للحنا تحياتي:clap: