تابع قصتي مع هدايا العشيقه

م

ملكه وزوجه ملك

New member
إنضم
2011/03/27
المشاركات
30
السلام عليكم
هذا رابط مو ضوعي الاول

http://www.niswh.com/vb/showthread....7%ED%C7+%C7%E1%DA%D4%ED%DE%E5+%C7%E1%ED%E6%E3

اللي صار طبعا قلت لزوجي اني دورت على ورقه مهمه يحتاجها بابا
لاني بروح الحج بأذن الله
طبعا هذا الكلام صحيح هو يدري اني بروح الحج وبابا اللي بيحجز لي
لما قلت له دورت بالشنطه
فجأه تغيرت نبرته وعصب علي وقال ليش ما تصلتي فيني تساليني عن الورقه
المهم انا سكتت عنه
لحد ليله العيد واحنا جالسين عند امي وسالتني عن الورقه
قلت هذا زوجي قدامك قولي له هو اللي ماخر الموضوع
رد خليها طالما عامله نفسها ام العريف خليها هي تجيب الورقه
قلت له ليش معصب وزعلان هالقد كله لاني حرقت على نفسي المفاجأه
هنا انصدم اني حليتها بهالطريقه وقالي ايه خليك طالما تتلقفين تخسرين المفاجات
وضل على هالحال لحد قبل يومين
دقيت عليه وانا ببيت اهلي وقلت له تعال خذني قالي انا تعبان خلي احد يجيبك
ولما قلت له ولا تنسى تجيب الورقه
ورد علي نفس الرد الاول بما معناه خلي لقافتك تنفعك
هنا انا عصبت لان اي واحد مكانه المفروض يستحي على دمه ويتخاشى يفتح الموضوع
وهو ولا هامه مصر يطلعني انا الغالطانه
المهم اني قلت له خلاص روح وين ما تبغى ولا تجيب ورقه ولاني رايحه الحج
ولا تقعد تهدد يلا باي وسكرتها
شوي الا وهو جاي بيت اهلي طبعا ماحد يدري بالمكالمه بس من داخلي كنت اغلي
لما سالته امي عن الورقه قال بجيبها بكرا
وانا قلت خلاص ماني رايحه وقامو يسالو ليش وشنو السبب
قلت لهم اسالوه
قام يرد عادي وبمزح انو انا زعوله وحساسه ومثل بنتي الصغيره
ولما قالت له اختي اكيد وافقت على روحتها الحج بدون نفس
قال لا بالعكس انا اللي شجعتها على الروحه
اللي قاهرني ان للحين ماجاب طاري الهدايا
قمت استهبل عليه قبل شوي وقلت له وهيه العيد مالتي متى بتعطيني اياها مو لازم تغلفها
قام قال اي هديه من قال ان لك هدايا
بعد ما تطفلتين علي مالك شي
انا انصدمت وقلت له اجل لمين قال خلاص سكري على الموضوع
قلت شلون يعني اسكر انا ابي اتناقش الحين
قال بشنو نتناقش انا قلت لك قبل ما احب احد يفتش وراي
قلت له بعصبيه وانا ما فتشت كنت ادور على شي شفيك يعني
هذا اللي صار وخلاص انتهى
قال اوكي وانا اقول لك لا تعيدينها وانتهى
قلت له وبعدين قال ولا شي
قلت له اوكي انا فتحت شنطتك وشفت اللي شفته وبعدين
قال خلاص لا تعيدينها مره ثانيه

الحين شنو الحل وياه
انا مصدومه فيه بعد كل هالحب يطلع واحد ما يستحي عيني عينك
شلووووون
المشكله انه يعاملني بحب يعني احس ان لي مكان بقلبه بس ايش اسوي
احس اني بنبط لدرجه وصله معاي اطلب الطلاق
كرامتي اندمرت اكتب وانا ابكي
ياربي ايش هالمصيبه
 
اختي انتي تسرعتي و صدقيني الهدية كانت لكي في البداية ولكنكي عندما واجهته اكيد احس بانك شاكة فيه ولهذا غضبه جره الى قول كل ذلك الكلام
ويظهر لي ان زوجك عنيد لهذا لم يشأ ان يعطيكي الهدية وقال انها ليست لكي كي يغيضكي و يجعلكي تتألمين لانه بهذا سيتلذذ بتعذيبك لانك ربما شككت فيه
واكيد لو كانت الهدية ليست لكي فاول شيئ كان عمل نفسه صح جايبلك هدية وعطاها لكي وقص المشكل
وتاكدي مادام تصرف هكذا معناه انه لم يخطئ وانتي فقط شككتي
حاولي ان تنزعي عنك الافكار السلبية والشكوك لانها ستفسد زواجك وانتظري حتى ياتي يوم ويخبرك لمن الهدية وحتى ان اختفت لا تقلقي فلربما يخفيها عمدا عليكي
الرجل لا يحب من تشك فيه وتبحث وراءه و تفتش في اشيائه لانه يعتقد ان هذا شك و عدم الثقة فيه وجرح كرامته
ضعي ثقتك بالله اولا ومن ثم فيه ودعكي من اففكارك
وحتى ان اكتشفتي شيئ فلا تصارحيه ابدا وطنشي وحاولي ان تسدي الفراغ بذكاء ولا تتركي له وقتا لهن
ففي الوقت الذي انتي فيه مستاءة وتبكين وتحاولين ان تصارحيه بما اكتشفتي وتخربي عشك وربما اساسا لا وجود لاي خيانة فالاخريات يتربصن به و يدرسن كيف يتم استمالته
​
 
ممكن الهديه لك بس لو كانت لك كان اعطاكي هيا
بس واضح انها مو لك الهديه ...وانتي تسرعتي واسلوبك معاه كان فيها استفزاز وهالشي اللي خلاه
يعاند معاكي ...
لاتتسرعي وشوفي لين وين بيوصل الموضوع وممكن تتاكدي كمان اذا كانت لك ولا عشان عرفتي بيعطيكي
هيا عشان يبعد الشك عنه ....انتظري ولاتتطلبي الطلاق لانه مو حل بالعكس انتي اللي بتكوني خسرانه
 
شكرا على دعواتكن وردودكن الحلوه
انا متاكده ان الهدايا مو لي لان لو كانو لي ما كان عصب بهالطريقه
ودقق واصر على موضوع اني فتشت وراه
ثاني شي بعض الهدايا اشتراهم وانا معه بس يغافلني ويدخل بعض المحلات او يشتري ويحاسب ويخبيهن
بينما انا اتفرج بالمحل
ليش بخبيهم وليش بيشتري لي تذكرات سفر وانا اصلا معه
غير كذا
قبل سنه انا شايفه مسجات حب بجواله طبعا قام يترجاني اسامحه وحلف لي انه تركها
وانها ماتعني له شي
بس اظن ان هي نفسها لاتركها ولا شي
عشان كذا انا متحطمه علاقه سنه كامله اكيد مو تسليه
وانا احبه واموت فيه وغير كذا عندنا بنت
اكيد الطلاق مو حل مثالي لكن شسوي
كرامتي
قلبي المطعون بخنجر الغدر والخيانه شسوي فيه
 
رووحي اشتري احلى ساعه رجاليه و خليه يشوفها بعدين خبيها بسرررعه وخليه يوسوس و ياريت تكون من فلوسه عشان يمووووت قهر
 
ههههههههههههههههههههههههه
حلوه هذي
ولله انا فكرت اجيب لنفسي هديه واغلفها واخليها مخبيه بس باينه
عشان يشوفها ويولع
على فكره هو غيوووور مره وبسرعه يصدق
 
لا تتسرعين في الحكم عليه واثقلي عليه وطنشيه وفي نفس الوقت لاتقصرين معه في طلباته وحاولي تتجنبين الجلسه معه وكأنك مشغوله في حاجه لمن يطفش هو من هالاسلوب ويحاول يرضيك
 
يعني اضل بالبيت بس اشغل نفسي عنه
هو شمالي شرقي لو ظليت ساكته وما اتكلم معه باي شي
هذا الشي ما يضايقه او يطفشه؟؟
 
طنشيه هالفتره وشوفي هالموضوع ياصل معه الي فين ..مسيره يرجع ويقولك

وشغلي نفسك عنه وتناسي الموضوع حتى مااتخربي بيتك وهو معصب ومتضايق من تفتيشك وراه ..

الرجال ياختي مايهمهم عمار البيت مايفكرو غير بنفسهم وقادرين على فتح بيت ثاني في يوم ماهم مثلنا ..

الله يكون بعونك يارب
عليك الصلاة والدعاء وذكريه بالموت و

بالقبر وعذابه ​
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل