بين نارين اهلي او زوجي

[@ام الحلو@]

ملكاتي الله يخليكم محتاجتكم لاتردوني بدخل بالموضوع علطول انا ساكنه بالشرقيه واهلي بالرياض وزوجي كريم لاخر حد بس هالمره احسه متضايق من جيه اهلي مره اتوقع لان اخوي اللي بيجيبهم يعامل زوجي على انه عامل عنده هو اخوي بس والله ينرفزني وانا مستحيل اقول لاهلي لاتجون بس ابغاكم تقولو لي شسوي علشان رجلي يحس اني معه مو مع اخوي لانه مره متضايق مره يقولي حنا احسن نروح الرياض وزي كذا وبصراحه ماينلام لان اخوي مراهق ويستفزه مع ان زوجي يحترم امي ويحبها والله زي مايحب امه بس انا ماادري شسوي المشكله انا مااكلم اخوي ولا كان قلت له خلني عندهم وانت اطلع مع اصدقاءك الله يخليكم جاوبوني اليوم لان اهلي بيجون اليوم بالليل

 

[some1]

حبيبتي والله الواحد يحتار ،،،
نار الأهل و الاّه جنة الزوج ؟؟
الله يعينك حبيبتي ،،
الحياة رحلة ويجب ان نتمتع فيها ولكن بهدوء


​

 

[@ام الحلو@]

some مشكوره على مرورك صدق احترت

 

[رحيق]

والله شئ يحير ...لكن ماممكن إن أمك تكلم أخوك
إنه يحسن تعامله أو تقول له يروح لربعه
طبعاً هذا يعتمد على أمك وإنها مو من النوع اللي
يزعل أو تكون عارفه باللي يصير وتتصرف بحكمه
وكلمي زوجك وأعتذري من تصرفات أخوك وإنه
والله يوفقك لا يحط راسه براس أخوك

 

[@ام الحلو@]

رحيق المشكله امي حساسه لو بقولها كرهت زوجي وزوجي مااتوقع يقولي شي عن اخوي بس انا متاكده من انه متضايق من جيتهم لهذا السبب

 

[اسماء]

ممكن اهلك ما يسكنو عندك ياخذون شقة مفروشة

وانتي اطلعي معهم مدام اخوكي معاهم

يعني ابعدي زوجك شوي عنهم

والله يعينك

 

[روعة روح]

اختي كلمي زوجك وخليه يقول اللي يضايقه واذا كان اخوك السبب تكلمي مع اخوك بادب

والمهم خليك ضايق صدرك عند امك واذا سالتك قولي اخوي فشلني عند رجلي وهو مضايقه

وبيني انه مرحب فيهم

 

[@ام الحلو@]

اسماء ياعمري هم بيسكنون بشقه بس تكون الطلعه والدخله مع بعض
روعه هو ماقالي بس انا متاكده
على العموم انا قبل شوي قلت لزوجي انه يحطني عند اهلي ويطلع مع اصدقاة ولا يجي الا ياخذني علشان مايختلط مع اخوي وفرح مرره

 

[سعوديه]

الله يعينك يا قلبي
لكن حاولي تكلمين اخوك وتعقلينه