بيتزوجني بس هو متزوج

[فتاه غير عاديه]

بسم الله الرحمن الرحيم

انا دايما اتابع القسم واقراء فيه وقلت بكتب بمشكلتي

وان شاء الله احصل النصيحه منكن

انا كنت احب واحد وهو كان يحبني كان حب صادق

وتقدم لاهلي بس اهلي رفضوه وبكينا بكي على الفراق


انا اعرف مكانتي في قلبه حتى لما تزوج وخلف عيال

اعرف اني شئ كبير بحياته ومستحيل ينسى


سوى اشياء كثيره تدل على طيبته ومعدنه الطيب

بس ياحسرتي على الحظ :tears::tears:


ترى اهلي الله يسامحهم رفضوه وهوكان يطلب مني اني احاول اقنعهم:sad_1:

بس انا كنت جبااااانه ومليون جبااااااااانه مااقدر اقول شئ ولااقدر

اعترض اااااااااااااه يالقهر

و انا تركته وخليته تايئه بدنيته وهذا بسبب الظروف الي حكمة علينا


وبعدين اهله اصروا عليه يتزوج لانه اكبر واحد من اخوانه


و خطبوا له وحده من اهله وهي تعرف بأنه يبيني وانا ابيه


وهو كان قايل لها بانه يحبني ولو اهلي مارافضينه ماكان تزوجها


بس هي وافقة عليه لانها كانت تريد زوج والسلام

وتزوجوا وانا انقطعت عنه لاني ماابي ادخل نفسي فيهم

وصح اني اتذكره واحن عليه بس حطيته في قلبي

والحين اهو عنده طفلين ودايما بينه وبين زوجته مشاكل

وهو صار يحاول يكلمني بس انا ماعطيه فرصه لحد ماكسر خاطري وكلمته

وصار يبكي وهو يتكلم ويترجاني اني مااتركه

و اعترف لي بأن من أول يوم من زواجه مب مرتاح معها وكله يتذكرني

وانه يبي يطلق زوجته ويتقدم لي لانه ماقادر يستحمل العيشه معاها

حتى لو اهلي بعد رفضوا بيسوي المستحيل علشان يأخذني

بس انا قلتله حرام تدمر اسرتك

و السبب في مشاكلهم كله من زوجته

لانها عصبيه درجه اولى وكله تطول صوتها عليه
سااااااااعدوني شنو اسوي صح انا للحين احبه وابيه يكون لي وماقدرت انساه

بس في نفس الوقت ماابي اكون سبب في خراب بيت


رجاء محد يدعي علي وتقولوا باني خربت عليهم

انا مالي شغل فيهم وفي مشاكلهم اتمنى النصيحه والارشاد

كيف اتصرف اخاف اقوله تعال تقدم ويطلق زوجته حتى لوهي

ظلمتني قلبي مايطاوعني انه يطلقها

ياليت انسى كل شئ لاني مليت من التفكير

الله يساعدكن انصحني ورفعن موضوعي بدعوه طيبه في هذا الشهر الفضيل

عطوني نصيحه وان شاء الله بطبق كل شئ تقولنه لي

لاني تعبت تعبت تعبت:icon1366::icon1366:

 

[دنيا حظوظ]

الله يرشدك لطريق الصواب

 

[أم ذياب89]

الغاليه عليج بصلاه والدعاء

واستغفري وايد لانه الاستغفار زين


ادعي ربج لانه سبحانه موجود مايظلم حد

الله يفرج همج يارب

 

[نظرةعيوني ذلتهم]

طيب ليش اهلج رفضوا ؟؟
وتتوقعين اذا تقدم لج الحين بيوافقون ؟؟


الطريق اللي انتي فيه مسدود
تقدرين تظلين ع هالحالة طول العمر؟؟؟
الله يعينج

 

[حبيبة قلبة]

الله يعينج حبيبتي انا حاسة فيج
لانة مشكلتي جريب من مشكلتج
يالله الي ربج كاتبة بيصير
والله يفرج همج وهم كل مسلم

 

[إلا صلاتي]

غاليتي الله يكتب لك إللي فيه الخير
بس ثقي تمام الثقة أن الرجل إذا أراد الزواج بأخرى قال في الأولى ماليس فيها حتى تقتنع الثانية ولا تشعر بتأنيب الضمير
لأني أعرف واحدة عندما شافتها جارتها تندمت الثانية وتأسفت لها لأن زوجها و أهله وضعوا كل شيء سيء فيها
ولاحول ولا قوة إلا بالله​

 

[um_noora]

ليه تاخذين واحد اهلك مو موافقين عليه
وطبعا ملح الحياه الزوجيه اهي المشاكل مثل ما يقولو
لا سمح الله في يوم من الايام صارت مشكلة بينج وبينه
بتردين لاهلك راح يقولو لك ما حدا قال لك خذيه


فلا تجيبي لكي المشاكل
هذا راي الشخصي
شوفي راي باقي العضوااااااااات

 

[وشحيلتي]

واضح من توقيعك أنك تحبينه مووووت والله يعينك ....
أختي عليك بصلاة الإستخاره والله لها مفعول ....والإستغفاروالدعاء خاصة أحنا في رمضان أستغلي الدعاء في أوقات الإستجابه.....
الله يهديك كان من الأساس أنك مارديتي على مكالماته أطلعي من حياته ويسلكون كل البيوت مشاكل
والله ماكان قصدي أجرحك والصراحه الحين أعتبره تعلق فيك لأنك عطيتيه وجه.....قوليله ابسأل عن زوجتك والله أن يخاف استغفرالله لاتصيرين ضحيه ضعيفه....

 

[ورقه من الخريف]

يااااااااااااااااااااااااااقلبي انتي الله يصبرك صراحه مدري وش اقولك
لاكن الخطا عمره مايستمر انا بنصحك وكنك اختي غيري رقمك وغيري نفسك من داخل واقنعي نفسك بالنسيان
حرام هالاطفال يضيعون ماهو نصيبك لو كان نصيبك كان الله سهل الموضوع من اول مره تقدم فيها
ودام اهلك رافضينه خلاص رضا الاهل اهم شئ بعد رضاالله
الله يقويك وياحياتي لاتزعلي مني بس حبك كان حرام
وحطي فبالك دايم الشئ اللي يبدئ من مكان ينتهئ فيه
يعني الحب بدئ بالشارع ينتهي فيه بدئ بالسرير ينتهي فيه بدئ بالتتلفون ينتهي فيه......الخ
الله يرزقك الزوج الصالح اللي يحب بالحلال وتحبينه وكافي لاتخونين ربك واهلك ثاني حرام والله حرام
الله يهديك ويقويك

 

[ورقه من الخريف]

واللي تقول تحبيييييييييييييينه الحب غير حبي ربك اول شئ وخافي منه وحبي اهلك ثاني شئ وتذكري امك اللي تعبت فيك وابوك اللي كبرك وصونيهم وحفضي لهم الامانه اللي هو اخلاقك هذا هو الحب
وبعدها ربي يرسلك الشخص الطاهر اللي يكون حلااااااااااااااااااااااالك

 

[الاميره..]

ياقلبي الله يفرج همك ..
اسمعي حبيبتي الله محلل بالشرع 4 وماحلله الله الا لأسباب ذكر الله الميل القلبي للرجل بالقرآن يعني بيقلون تظلمينهم و... و.... و.... لا ياقلبي ايهم افضل انكم تستمرون بالاتصالات وهو بيستمر يهمل زوجته وانتي بالنص بدون وجه حق هنا الحرام ..
يعني هو لزوم يطلق عشان يتزوجك.......(لا ) .. زواجكم هو الحل انتي تبينه بالحلال وهو يبيك والله مطلع عـ النوايا ..
وان شاءالله ماراح يكون ظلم لأنه حلال للرجل .. بس الظلم انك تمنيعنه عنها اذا اخذك او هي تمنعه عنك ..
وبعدين هو يبيك من الاول .. وتقدم وحاول ........ يعني محد يلومه ولايلومك
هالحين جاء دورك خليه يتقدم واقنعي اهلك يوافقون ..
وقبل كل هذا استخيري ربك
والله يسعدك

 

[ياربي انصرني]

ياعزيزتي هذه علاقه محرمه لاترضي الله سبحانه وتعالى 000ونصيحه من قلبي ان تتركينه من اجل رضى الله ومن ترك شيئ لله عوضه الله خيرا منه000

والمشاكل اللي بينه وبين زوجته بسبب تفكيره فيك ومقارنته بينك وبين زوجته ومن الطبيعي ان تنتج مشاكل

وبرجعتك له بتزيدين المشاكل اكثر اتركيه يحب زوجته وبناته واسرته اخشى عليك من عقوبة ذلك000

 

[هزي يانواعم]

مصدقه انتي يحبك هذي دغدغة مشاعر لاغير بعدين الي يسب زوجته واحد مافيه خير الاهله بيصير فيه خير لك روحي بس وتركيه تزوجي سيد سيده

 

[ام سلطام]

والله ياختي هويفكر فيكي لانك بعيدة بس تكوني قريبة راح يحن لزوجتة واولادة وراح تعيشي بعذاب انصحكي بالبتعاد عنه والله يرزقك غيرة

 

[قطـــــريه]

حبيبتي .. الي انا واثقه منه اننا لو ايش قلنالج انتي بتوافقين عليه لانج تحبينه .. ومو عيب الحب .. لكن العيب نخدع الي يحبونا .. وماعتقد لو كنتي صادقه مع نفسج ان زوجته رضت فيه لانها تبي تتزوج والسلام .. ومن الاساس هالكلمه مب حلوة منج .. وبعدين حبيبتي الطبيعي انها تكون معصبه لان على ما يبدو درت عنج وعنه ومافي زوجه ترضى تنخدع خاصه ان عندهم اعيال .. اوكي الريال ما عليه شي ولا فيه شي ولا اعيب عليه في شي .. بس المفروض يحترم خصوصيات مرته ومشاكله وما يطلع نفسه ملاك ويطلعها نسره .. لانه في هاي ظلمها ومن ظلم غيرج بيظلمج ..
المشكله انتي تبينه .. اوكي الاسلام حلله اربع وهو يبيج وصدقيني ماراح يطلق مرته بيقولج عقب عشان العيال .. وهو مب صادق في هالشي .. الصج انه يبي الثانيه وماراح يطلق الاولى من حقه بس لا يقعد يكذب ويألف عليها كلام ويظلمها .. وخليه يجابل مرته اول ويعطيها حقوقها ويعاملها بما يرضي الله وبيشوف حياته شلون بتتغير للأحسن لان اسمحي لي في هالشي هو الي محسس مرته انها مو مرغوبه وطبيعي هالشي يضايق مرته وينرفزها ويحرق اعصابها .. اسأليه جاب لها هدايا ؟؟ وداها عشا رومانسي ؟؟ طلعها طلعه حلوه بروحهم ؟؟ سفرها سفره رومانسيه ؟؟ صدقيني تحلمين لو تقولين لي اي .. هو مب راغب بمرته ومب راغب يحسن علاقته فيها .. بس صدقيني وبتذكرين كلامي عقب اذا خذتيه .. بيحسن علاقته فيها وبيرد لها لو تزوجتيه .. لانه الحين يبيج ولو صرتي عنده بتصيرين شي عادي خلاص الممنوع مرغوب وانا اختج ولانج بعيده يبيج بلهفه .. بس عقب بتذوقين مثلها وتذكري كلامي .. وفي الاخير القرار لج ..

 

[ضيفة]

كيف هي ظلمتك ممكن توضحين انتي كاتبة مابي طلاقها حتى لو هي ظلمتني
ثانيا اهلك ماوافقوا عليه وهو اعزب وانتي ماحاولتي تقنعينهم والحين يوم تزوج حلا في عينك وصرتي تقدرين تقنعينهم؟
ياحب الرجال اللي يبي يتزوج للتنقيص من حرمته وياحب اللي تبي متزوج باختلاق الاعذار
انا متاكدة مهما نقول انتي ماراح تسمعين الا اللي تبين تسمعينه وهو (انتي ماسويتي شي غلط والشرع حلل اربع)
الجملة المعتادة بس تبي ترضين نفسج لانك تدرين ان العلاقة غلط سواء من البداية يوم ماكان اعزب والان وهو متزوج كله غلط بغلط

 

[خواطر السنين]

لالالالالا لا تتهورين..

نصيحة لوجه الله لاتتزوجين واحد متزوج حتى لو طلق..انتي الآن تفكرين فيه لأنك ماتزوجتي بس والله حرام بتظلمين نفسك قبل لاتظلمين أي أحد ثاني والله أقول لك من تجربة أنا تزوجت واحد مطلق وعنده ولد بس والله ندمت؛تخيلي أي مشكلة تصير حتى لو كانت صغيرة أجلس أبكي وأقول بنفسي لو أني متزوجة واحد جديد<<يعني مو مطلق؛إن كان حياتي غير،والله نصيحة لا تتهورين حتى لو كنتي تحبينه صدقيني إذا تزوجتي واحد ثاني بتنسينه وبتضحكين على نفسك والله؛اسمعيني هو الأن يقول لك إنه بيتزوجك لأنه مل من زوجته وصدقيني لايلعب عليك نفس الحياة اللي عاشها مع زوجته بتعيشينها معه اذا تزوجتيه لايحط البلا بزوجته؛والشي الثاني اقطعي علاقتك معه ولاتحاولين تردين عليه ترى اذا تزوجتي يبلاك ربي بواحد يكلم غيرك..
وبعدين نصيحة لاتتزوجينه حتى لو طلق لأن تفكيره وقلبه ماراح يكون لك دايم بيفكر بعياله وهذا من حقه لكن وش ذنبك انتي بنت وبإمكانك تتزوجين واحد ماعنده أحد غيرك يفكر فيك..
اسمعي الكلام واعقلي:a043:

 

[غابة الود]

السلام عليك و رحمة الله و بركاته اختي الغالية اولا ابارك لك الشهر المبارك و ثانيا انت لست ملزمة لكي تتزوجي به ان كان يريد ان يتزوج عليك و على المسلمين ان يعرفو انه التعدد ليس فرض او واجب انما امر احله الله فقط يعني لم يامر به الرجال لذلك يا اختي لا تتعجل في الامور و لا تتزوجي بمن يحبك ظاهرا بينما باطانا يحب غيرك و السلام عليك

 

[دلوعة توفي]

كلش عادمالك داعي تفكرين في واحدمزوج
​

 

[أحلى مدام]

الله يرشدك لطرريق الصواب