مرحبآ !

من خلال التسجيل في صفحات نسوة يمكنك ذلك من المشاركه وتبادل الآفكار الأيحابيه مع زميلاتك

آشتركي معنا الآن !

بيالة شاي والاخوات الباقات يمكن تعطوني حل جذري لل..........

so0oso0o

New member
إنضم
11 يناير 2008
المشاركات
50
السلام عليكم ورحمة الله وبركاته
اخواتي نا مشكلتي مو خيانه او شيء من هالناحيه ابد انا عندي مشكلتين اتمنى تعطوني حل لها والله محتاجه لحل

1- انا زوجي رائع بكل ما تعنيه الكلمه (ما شاء الله ) ومتفاني في خدمة الناس وحبوب وانا بعد ما يقصر معي لكن المشكله انو لما اطلبه في اي شيء في الدنيا لازم انتظر اقل شيء شهر وانا اطلب في تنفيذ هالشيء اللي طلبته واكره هالشيء اللي طلبته من كثر ما الح عليه في انه يجيبه مع انه مو مشغول بهالقدر اللي يخليه ما يجيبه ولا بخل منه ولا نذاله يعني مادري اش اسميه واذا طلب منه اي انسان خارج البيت انشاء الله الحارس حق المدرسه خدمه على طول يسوي له هالخدمه والله شي يقهر حتى صرت انحرج من كثر ما اطلبه احس اني بس اشوفه لازم اذكره بالغراض :dunno: قلت يا بنت يمكن هو يطفش من اسلوبك في الحنه والزن على راسه واتبعت اسلوب ثاني (الصق ورق بالطلب اللي ابيه على مراية الكمدينه ولا اذكره فيه باستمرار زي اول
) لكن الازمه لا تزال قائمه مع اني طبقت عليه الشي اللي كتبته الاستاذه موزه خلفان عن الرجل الكسول اللي توقعته من هالنوعيه لكن مليت من التطنيش وعلى فكره هو شمالي مو جنوبي وعلى فكره لو ما قعدت اذكره بالشيء اللي انا ابيه راج يكون في خبر كااااااااااااااااااااااااااااااااااااااااااااااااااااااااااااااااااااااان

2- المشكله الثانيه انو انا ما اروح عند اهلي الا مره في السنه واجلس عندهم شهر تقريبا الاجازه هذي يقول لا ما تروحي الا بشهر 8 وتقعدي 8 ايام وترجعي (وكالعاده لا زم اموت 100 مره حتى يتنفذ طلبي وبعد ما يحرق قلبي :crazy:) وانا مررررررره مشتاقه لاهلي ومحتاجه اجلس معاهم واشوف اخواتي :icon1366: من جد ولهانه عليهم ويتعذر باعذار غبيه و متناقضه وتقهر :icon28: انا زعلت واحتجيت لكن مافي فايده انا ابي اروح بشهر 7 او حتى بنهايه شهر 6 (هجري) يقول انتي كالعاده بتزعلين وترجعين تنفذين الشي اللي اقوله لك فنفذي من دون زعل اااااااااااااااااااااااااااه والله حقدت عليه
تكفون لا تتركوني حيرانه ساعدوني يمكن وحده منكم تقول كلمه تنفعني بهالموضوع
انتظركم حبايبي
 

أم رشرش

New member
إنضم
5 مايو 2008
المشاركات
29
والله ياحياتي الرجال اغلبهم كذا لازم تلحين عشان يجيبلك اللي تبينه طيب وش رايك ترسلينها عن طريق الجوال يمكن ماينسى وبالنسبه لاهلك لا ان شاء الله بيرحمك ويخليك تروحين متى ماتبين وترجعين وانتي مبسوطه بس لاتتجلسين تلحين عليه من الان اذا جاء وقت الروحه شدي حيلك؟؟؟؟؟؟؟؟؟؟؟؟؟؟؟؟؟؟؟؟؟؟؟
 

SUGAR AND SPICE

New member
إنضم
2 فبراير 2008
المشاركات
102
أختي يوم بتطلبين من زوجج شغلة احرصي دائما في انج تختارين الوقت المناسب
ولاتلحين في طلبج وخلي طلبج مختصر لاتقوليله قصة طويلة عشان تخلينه يحس بحاجتج لهذا الطلب
انتي مب مجبورة تقنعينه عشان يسير يحقق حاجتج لااااااااااااا
ماينفع هالاسلوب
قوليله بطريقة مباشرة شو تبين منه بدون لاتبينين له المشكلة الي يالسه تمرين فيه بسبب عدم قيام زوجج بالحاجة الي تبينها
فقط حطي عينج في عينه بعد ماتتوفر الشروط اللازمه
مثال:
قوليله" ممكن نطلع هالاسبوع ".. ( هذا هو الاسلوب الصحيح )
غلط تقولين له " نحنا ماطلعنا من كم اسبوع " ماينفع!
 

SUGAR AND SPICE

New member
إنضم
2 فبراير 2008
المشاركات
102
بخصوص اهلج طيعي شو ريلج يكفي انه
مايصبر عن فراقج :msn-wink:
وجزاج عند الله عظيم طاعة الزوج واجبه واكيد هو بيقدر لج هذا الشيء
ترا يا اختي وايد ريايل مايصدقون حريمهم يسيرون بيت اهلهم عيد عندهم
الريال ماينترك مدة طويلة الشيطان حي ما مات ....
 
إنضم
19 مايو 2008
المشاركات
111
اختي من ناحيت الطلب يتاخر فيه لازم يتاخر لان الرجال ما توصل لهم المعلومة الا متاخر كذا من ربي سبحان الله
يعني يطولون لين توصلهم المعلومه لكن لا تحني قوليها اول مره ثم بعد كذا بعد يومين ردي ذكريه فيها بس لا تناقشيه قوليها وروحي وبعد يومين نفس الشي ((هذا الكلام اذته من الاستاذه ناعمه))
لكن عند اهلك لا قويه شوي اكيد الوحده تبي تجلس مع اهلها وتستانس
شوفي بالهداوه وتالكلام الرائع اقنعيه يا يخليها 3مرات في السنه وتكون مدتها قليله او مره في السنه وتكون طويله
اختي تعليله بالين ومب بالحنه لا ترهم يكرهون الحنه وان رفض تعليله باسلوب
في اسلوب الاستاذه ناعمه ((في قصة صفعتني ناعمه ))
مره حلو خطير جربيه وشوفي
 
إنضم
19 مايو 2008
المشاركات
111
اختي من ناحيت الطلب يتاخر فيه لازم يتاخر لان الرجال ما توصل لهم المعلومة الا متاخر كذا من ربي سبحان الله
يعني يطولون لين توصلهم المعلومه لكن لا تحني قوليها اول مره ثم بعد كذا بعد يومين ردي ذكريه فيها بس لا تناقشيه قوليها وروحي وبعد يومين نفس الشي ((هذا الكلام اذته من الاستاذه ناعمه))
لكن عند اهلك لا قويه شوي اكيد الوحده تبي تجلس مع اهلها وتستانس
شوفي بالهداوه وتالكلام الرائع اقنعيه يا يخليها 3مرات في السنه وتكون مدتها قليله او مره في السنه وتكون طويله
اختي تعليله بالين ومب بالحنه لا ترهم يكرهون الحنه وان رفض تعليله باسلوب
في اسلوب الاستاذه ناعمه ((في قصة صفعتني ناعمه ))
مره حلو خطير جربيه وشوفي
الخطة كما اخبرتني ناعمة .. ادخل السيارة وانا كلي حزن ( يحليلي ) .... وهو طبعا معصب لاني تأخرت عليه .... قالت لي ناعمة لا تحدثيه ابدا واذا سأل اجبيبه بكلمات بسيطة وبحزن ..... في البيت وكل شوي مري جدامه وعقي عليه النظرات الحزينة لي تقطع القلب ...... واهربي منه لغرفتك واجلسي بروحك ولا تقولين له شي .. ولو سال شو فيه قول بكل حزن واسى ولا شي واهربي منه خليه يموووت من الفضول والتفكير ...
سالتها قلت لها لو مسك ايدي في السيارة لانها عادته قالت اسحبي ايديك ... بهدوء ولو كرر المحاولة كرري انسحابك ... وباجر كملي زعلك... وكتى تسنح الفرصة .. عطيه طلبك بانه يحترمك وما يعلي صوته عليك جدام حد مثل السهم مباشرة في الصميم وبكل وضوح ........ اوكي كلام حلو ...
 

شغف

New member
إنضم
28 يونيو 2007
المشاركات
58
لا لا لا ياختي انا نا انصح نهائيا ان تتركين زوجك شهر
اسميحيلي بس هذا غباء لا يتعود على فراقك 8 ايام اكثر من الازم
انصحك ب3 فقد
كيف ان اصبح هناك مشكله كبيره بينكما لا سمح الله و اضطريتي ان تزعلي وتذهبي الى اهلك سيتعود ولا يهمه لانه متعود فراقك ما عاد يحس انك كالهواء يحتاجك ليتنفس
انتي بهذه الطريقه تضرين حياتك
و تقسين قلبه عليك
ارجوك اذهبي كذا مره في السنه و حاولي لا تنامين
تريدين الذهاب بوقت اجازته و تفرغه وتتركينه لوحده؟؟؟؟؟
ماذا تتوقعين حين يريد صحبه حبيبته ان يفعل ؟؟
خصوصا ان لديه كثيرا من الفراغ و متعود على فراق زوجته
ارجووووووك لا تفعلي ذللك
 

بيالة شاي

مشرفة سابقة
إنضم
10 ديسمبر 2007
المشاركات
2,131
حبيبتي سوسو ...انا لا استشاريه ولا شي ...بس احب اشارك خواتي مشاكلهم وهمومهم

وبالنسبه لمشكلتك ....ماشاء الله البنات ماقصروا

1)- تأجيل طلباااتك ....شوفي انا لو مكانك اجرب كل الطرق يعني اخليه حقل تجارب بالنسبه لي لان اللي يصلح لزوج مايصلح لثاني ...حلو اسلوب التذكير بمسج ...وبنوته على المرايه ...واحرصي على شكره ومدحه بزياده اذا سوى اللي تبين ...بس حتى وانت تحنين لا تبوزين ...يعني خلك كووول واصبري ....شتسوين ....لا تكررين على مسامعه (انت دايما ماتفكر فيني ) ( لو حد غيري طالب هالشي كان ركضت وسويته )

2)- بالنسبه للاهل ... والله صعبه انا اشوف ان حرااام من حقك تشوفين هلك وتشبعين منهم ...بس هو بعد من له غيرك ...خليها اكثر من مره في السنه بس على فترات قصيره ...يعني 3 مرات في السنه لمده اسبوع مثلا ....او قولي له بعد ماتقطعين قلبه بانك مشتاقه لامك ومن هالحركات ...ودي اشبع من اهلي وماودي اتركك ولا دقيقه مادري شاسوي ...انت لو مكاني شتسوي ؟؟؟ ....خليه يعطيك حلول
 

so0oso0o

New member
إنضم
11 يناير 2008
المشاركات
50
الله يعطيكم العافيه حبايبي على ردودكم الحلوه انا ما كتبت مشكلتي الا ابي بديل للحنه اللي انا تعبت منها لكن ما بيدي حيله ما ينفذ الا بعد ما تطلع روحي :blow:
وموضوع اهلي انا ما اشوف اني ظلمته بالروحه شهر عندهم لانه مستحيل يوديني عندهم كذا مره بالسنه يعني انا كمان اش ذنبي انحرم منهم :blushing:
وارجع اشكركم وحده وحده على الردود :icon31:
 

vdhq

New member
إنضم
4 مارس 2007
المشاركات
1,316
سبحان الله ..مشكلتك الاولى أعاني منها وبقوووة

أذا لقيتي لها حل خبريني
 
إنضم
12 يناير 2008
المشاركات
208
اغلبيه الريايل جذيه بس حاولي تستخدمين معاه اسلوب المسجات ويكون كلام معسوووووول
وصدقيني وانشاء الله يلبي طلبج ويارب يهديه لج
 
إنضم
19 مارس 2007
المشاركات
503
حبيتي مشكلتك الاولى اعاااااااااااااااااااااااااني منها انا كمان وهذا اسمه تسويف الله يعينك ويعيننا.
بس انا زوي جنوبي وهذي الصفه من صفاتهم.
 
إنضم
25 مايو 2008
المشاركات
143
ضحكتيني يوم قلتي ابتديت احقد عليه اه منكم يالحريم انا زوجي نسخه من زوجك بس انا اعذره لانه ينظر اني انا الوحيده الي باقدر وضعه اتبعت طريقه ريحتني وهي انني اقرر متى سنذهب لاحضار حاجتي واذا خرجت لاؤاجل حاجتي يقول لي بكره نشوف غيره ارفض واصر على اخذه
 
أعلى