بولة بنتي نار ساعدوني الله يخليكم

[انا صرت دلوعة]

بسم الله الرحمن الرحيم

حبيباتي بلقيسات والله انا استفدت منكم اشيااااااء
كثيرة وفي كل المجالات وعندي لكم طلب او سؤال
انا بنتي بتكمل ال9شهور وعندها مشكله ان بولتها
حاااااااااااااااااارة ناااااار مع العلم اني مااعطيها الاحليب:33:
ماادري شنو اوكلها المهم وديتها لدكتورة عطتني مرهم
بس مافادها لان ماله دخل بالبول ساعدوني الله يخليكم
شنو السبب وشنو اسوي ومرة وحدة شنو اوكلها علموني:8:

 

[صاحبةعيالي]

لازم تعطيها من الاكل من 6شهور حرام الحليب ما يكفيها
انت ابدي معها بالاكل وشوفي بولتها
الصبح اعطيها بالتدريج مثل في البدايه نص بيضه مسلوقه نص سلقه او مقليه اخللطي المقليه بقليل جبنه سايله واكليها ويوم اخر كورنفلكس مع الحليب ومره سيرلاك
اعطيها خضروات مثل كوسه وجزر وبطاطس تنسلق مع بعض وحطي فيها قليل ملح وبهار قليل مثل الكمون وكزبره وبعد الاستواء اخلطيها بالخلاط
وخلي لها وجبت غدا عطيها بعد رز مع مرقه
ابدي اعطيها لحوم برضو شوي شوي مره مع الخضار ومره مع الرز
ولازم تبدي تعطها بالتدريج من غداكم يعني ما يكون مطحون بس مهروس بالملعقه او شوكه
واعطيها فواكه مثل الموز والتفاح في الصيدليه فيه قوارير فواكه مهروسه اسمها جربر لذيذه اوانت سويلها مره موز مهروس اوتفاح مبشور
اهتمي يااختي باكلها لان جسمها صار يحتاج للاكل والحليب وتابعي بولتها بعد كذا
موفقه باذن الله

 

[مييسو]

حبيبتي عمرها تسع شهور لازم تعطيها اكل الحليب مايكفيها
اعتقد انها ماتشرب موية كفاية شربيها موية كل يوم
الله يشفيها

 

[انا صرت دلوعة]

يعطيكم العافية حبايبي والله يوفقكم يارب وانا بديت ااكلها

بس لانها مو متعودة ترفض الاكل بس انا ان شاءالله

بستمر لما تاكل اكل كبار :24:

 

[ملكه باحلامي]

يا اختي اولا كيف عرفتي انه بولتها حاره وثانيا والاهم سويلها تحليل بول ضروري والله يطمن قلبك عليها

 

[انا صرت دلوعة]

انا عرفت لاني لما اجلسها في حضني وتبول تحرقني

حارة حارة بس لما رحت للدكتورة قالت طبيعي عالعموم

انا بديت ااكلها واحاول اشربها ماي كثير وان شاءالله

تتحسن وبطمنكم عليها الله يعطيكم العافية ماتجاهلتوني