بنفجر..زوجه بس في الفراش..

ب

بنت ابوها..!!

New member
إنضم
2011/01/06
المشاركات
5
بسم الله الرحمن الرحيم

السلام عليكم ورحمة الله وبركاته

اخواتي جيت لكم وانا كلي امل انكم تعطوني حل..

خواتي ..انا متزوجه من سنتين وخمس شهور

ورزقني الله بطفل في السنه الثانيه الحين عمره اربع شهور

زوجي انسان طيب وحنون ويحبني ماعمره رد لي طلب او رفع صوته علي

انا ماعمري طلبت منه اشياء فوق طاقته مقدرته بشكل غير طبيعي..

ادري انكم الحين تقولون طيب وين المشكله:30::30: ..

المشكله ان طيبت زوجي وحنيته ما اعتبرها شي برغم ان غيري يتمنها..


ادري بتقولون ليش..

زوجي ياخواتي انسان يدخن ويشرب ويحشش عرفت عنه هذا كله من بدايت زواجي

قلت يابنت انتي لازم توقفين جنبه هذا مرض ومن الواجب عليك طلعينه منها:8::8:

حوالت معها اول حاجه في الشراب زعلت تكلمت رحت بيت اهلي سويت كل شي عشان احرب هذا الشي..

ماتكلمت مع اهلي بهذا الموضوع سكت وصبرت

بس تكلمت مع خالتي ايه امه زعلت عليه وتكلمت معه بس عشان مايخرب بيته وعشاني وربي انها طيبه بشكل غير طبيعي الله يطول بعمرهافديتها..

وتكلمت مع وحده من خواته تكلمت عليه هذي في البدايه زواجي


وبعدين إذا رحت وتكلمت معهم احس انهم يطنشو الموضوع وكانهم يقولون خليه يعيش حياته ..
بس تعلمت من عقب اخر مره اني ما اروح اشكي لهم توبه

برغم انهم يعرفون هذا كله انه يسويه من زمان بس مخلين الوضع طبيعي..

مع التعب وزعل والمشاكل ترك الشراب.. واحمد ربي واشكره مليون مره


ودخلت في دوامه جديده اهو الحشيش تخيلو انه يحشش بشكل يومي


قلت يابنت ابدي في الحرب معه والله معك بديت معه
بس خلاص تعبت من متى وانا معه احس اني بنفجر كرهني بكل شي حتى ريحته ماعمري روحت فيه ريحه حلوه كبدي تنقلب منه بس اصبر واتحمل

والحين ما اعاد اقدر اشكي لي احد غير اللي خلقني..


ما اقدر اتكلم مع اهلي وربي اهلي لو يدرون عنه وقسم بالله يتحول حبهم له لي كره
يمكن يخلونه يطلقني ..

جربت اني اقول لهم المشكله وكانه لي وحده من صديقاتي

وربي ابوي قال لي لو هالشي صار لي اول حاجه اجيب بنتي عندي عشاني ما اضمن ان بنتي

تعيش معه بكره يمكن يجيب لها احد من اخويه
.. وبعدين ابلغ عليه.. هذي بنتي
قلت له والعبره تخنقني.. ابوها متزوج وما يفكر فيها ما ابيه يحس بشي

وهو عارف مشكلت صدقتي معه ابوها انه مايحس فيها وماعندها ولي امر يهتم فيها وامها متزوجه وصعبه انها تعيش مع امها ..

قال لي ابوي قولي لها تبيني اروح ابلغ عليه من غيرمايحس إذا بلغت عليه لا تخاف راح يمسكونه اسبوع ويطلعونه بس عشان يتعهد لهم .


وامي وش قالت :: قالت الله يقطع جنسه والله مايشرفنا وهذا زي الزباله كل شي يرمي فيه


واخواني قالو :: والله لا نخليه يطلق ونشكيه عند المحكمه قبل مايطلق نروح نراقبه حتى نمسك عليه شي وهو متلبس ويروح فيها..

وربي اني ما قدرت اتحمل اسمع منهم هذا الكلام وان عندي رجال برغم ان خواني صغار اعمارهم تسع طعش وفوق مايدرون انها انا اللي عايشه كذا


بس انا ما حبيت تكبر السالفه قلت واحد من خوالها بيتكلم معه..

قمت وجلست ابكي من كلامه ماقدرت اتحمل.. شفتو ليش انا خايف اشكي لي اهلي


وفوق هذا كله يكفي اني عايشه عنده مثل الشغاله فقط مايحس بوجودي بس فقط يحس فيني في الفراش كنت اشغل نفسي في تنظيف البيت بس الحين الحمدالله عندي طفلي اشغل نفسي مع اجلس ان وهو بغرف وابوه بغرف..


اتعب امرض ما يهمه كل هم روحي عند اهلك ارتاحي وانا ادري وش قصده يعني خليني بروحي

حياته دوام نت نوم .. اول في البداية حياتي معه إذا تكلمت معه يضغط على نفسه شوي وييجامل انه يتكلم معي ويعطيني وجه ..

قلت يا ابنت إذا شفتيه على النت روحي اجلسي عنده عيشي معه شوفي بيحس او لا

وربي مايحس اجلس بساعات مايحس في اللي حوله و إذا تكلمت قال عذريني انتي شايفه

اني مشغول ..

بس خله يخلص من انت وبينام وانا جنبه طلعت انا حبيبته وانا كل شي بس اعطيه اللي يبي احس نفسي زوجت فراش بس..

بس يخلص اللي يبه ينام على طول مايحس في رغبتي وهذا الشي وربي كرهني بهذا الشي ما عاد احس في هاالشي الحين بس اخليه يخلص اللي يبه وعطيه جوه ..
بس تعبت وانا امثل..


دليت ادور لي اي عذر عشان ما اسوي شي خليت عذري طفلي وربي ادعي ربي انه ماينام عشان ما اسوي شي والله ماودي بهذا يصير بس والله ما عاد احس احس صار عندي ضعف من ها النحيه..


وفوق هذا كله من حملت وانا عند اهلي وجبت طفلي وربي بعد ما طلعت من النفاس مانمت في بيتي الا اقل من شهر ولا يجي حتى اقوله تعال نشوفك او ابي منه اغراض :8::8:


وهو وربي مو حاس كان ينبسط اني انوم عندهم عشان ياخذ راحته في

البيت يدخن ويحشش فيه عشانه ما يقدر يدخن قدامي على قولت انه يراعي شعوري ويحترم لي رغبتي..
بس اجي لي البيت احصل البيت محترق من الدخان والحشيش ..


خواتي وربي احس ان حبي له بدا يقل احس اني ما عاد احمل له اي شي

حقه علي اني احترمه كازوج وراعيه فقط ..هذا اخرشي وصلت له...


تكفون ساعدوني جعل ربي يفرج لكم في الدنيا والاخره وش الحل معه

تعبت من التفكير النفسيه زفت والحاله زفت بس تصور ها الشي وزوجين في بيت واحد بس كل واحد في غرفه..غير ان زوج يحشش ويدخن تصور وعطوني حل

انتظركم
تحياتي لكم
 
اذا انتي متاكدة انه يحشش ترى المستقبل معاه ضايع فانفذي بجلدك قبل ما تزود والا اقنعيه بترك هالامور وصدقيني اهله بكرة لو يصير لك شي اخر من بيهتم هم والله يوفقك
 
اللهم إني أسألك الفرج القريب لي ولها ولجميع المسلمين ياحي ياقيووم
 
الله يفرج همك وان كان تبين شوري
فيه واحد معروووووووووف يقدر يحل المشاكل اللي من ذا النوع واللي اكبر منها كمان
لا وبسرية تااااااااااااااامة حتى<اذا بغيتي>اهلك ما يدروووووون عنك
ردي علي وانا اختك
رح اساعدك
وابشري بعزك والله
اختك ام شهد و ريم
 
حبيبتي هالشئ ماينسكت عليه ماتدرين بكره بيجيب أصحابه للبيت والخافي أعظم
أنتي تحبينه ع شنو على هالأخلاق الزينه وإلا أنه يحشش

د. ناعمه تقول اللي تحب بلاضوابط ولاقيود راح تخسر الزوج

واللي تحب بضوابط وبقيود ماتخسره أبد
 
اختي عطر الانوثة وضحي لي ايش الضوابط والقيود اللي قلتيها
معليش ياليت تفهميني
تحياتي
 
أذا شـرب عآديِ صح كبيرة و حرآم و أذية و عآر بس ينصبر عليهآِ .. بس حشيشَ لآ أمكن يطور الوضع لآ سمح الله و المخدرآت نهآيته دمآر ..

ما اعرف شقولج .. صبرتي وآيد ربي يأجرج ع صبرج ..

امممم شوفيً أيِ دكتور نفسي اسريً أو أفصل ألاستاذة نآعمةِ .. ع الاقل لو استشارة بآلتليفون رآح تفيدج أضمن من غيرهآ ..

و انتي شكلج تحبينهِ ع صبرج عليه ........ من عنوآن موضوعج @ـــ@ بنفجر ..زوجه بس في الفراش..

يعنيً تركتي كل مسآوءه و سلبيآته و ذكرتي هاااااااذيً ..مع انه الشرب و الحشيشً اكبر بكثير ..

شوفي رأيي ألاخوات امكن فيه وحده تفيدج ..

ألله يعنيج بجد
 
أختي الكريمة ... وضعك الحالي هو أفضل الحلول ... خليكي في بيتك و اتركي فكرت الطلاق ... و عيشي حياتك معه و تحملي ما تعانيه و اصبري إن الله مع الصابرين و عليك بالدعاء بأن يشرح الله صدرك و يذهب همك و غمك و اكثري من ذكر الله ...
يا أختي أينا بلا مصيبة أو مشاكل؟
و الله لولا الله و الدعاء و الذكر لكان الإنسان في خبر كان
احمدي الله و اشكريه و شوفي الأشياء الحلوة في زوجك ...
إن كان زوجك يحشش فهناك اخواتك هنا ازواجهم بعضهم يزنون و بعضهم في السجون و بعضهم يسهرون خارج البيت و بالأيام الطوال فاحمدي الله و شوفي عيوب الناس و مصائبهم حتى تهون عليكي مصيبتك ...
وحاولي أن تكوني أنت صاحبته ورفيقته يشكو لك وتشكي له والتودد والاهتمام به قد يشغله فربما بعدها يفكر بالعلاج أما بنفسه وهو غير مستحيل لأنني أعرف أشخاص شفو دون مصحة أوطبيب خاصةان كان ليس بمدمن لفترة طويلة والا سيتجه مباشرة للعلاج بالمصحات ان عجز عن ذلك نسأل الله أن يشفيه ويحفظه.
واعلمي بأنك تملكين (كأنثى ) انجع وأفضل أنواع العلاج بحبك وسكينتك وهمساتك و شجعيه على الصلاه والتقرب الشديد الى الله عز وجل لأن هذا هو الحل الوحيد لهذه المشكله ولا تفكري إن هو لوحده معظم الرجال والشباب يعانون من هذا البلاء اللهم ارفعه عنا برحمتك يا كريم اللهم يامن لايعجزك شي في الارض ولا في السماء ياقااادر على كل شي اسالك بقدرتك العظيمة التي قدرت بها على جميع خلقك وبقوتك التي قهرت كل شي ان تشفي زوجها من إدمان الحشيش وتتوب على كل مدمن وتهدي جميع شباب المسلمين يارب بحولك وقوتك يارحيم اختي واللة مانملك الا الدعاء فهو سحر مباااح الاسلوب اللين الهين اول مراحل العلاج والاستجابة اذا قدرتي تاثري علية ليخضع لعلاج نفسي افضل بس الرجل بطبعة يكابر بس في داخلة مكسور وضعيف لكن قفي بجانبة ولاتتخلي عنة المدمن في النهاية انسان احتوية بالحب والحنان والكلمة الطيبة والزمي الاستغفار فهو علاج فعال لجميع الكروب والهموم
يتبع
 
و لا شك أن المسكرات سبب لارتكاب كثير من الخبائث، وجالبة لأنواع من الشر في الحال والمآل، وقد أخرج ابن حبان عن عثمان عن النبي صلى الله عليه وسلم قال: "اجتنبوا أم الخبائث"، وروى النسائي ذلك عن عثمان رضي الله عنه من قوله. وأخرج أحمد عن عَبْدِ اللَّهِ بْنِ عُمَرَ رضي الله عنهما أَنَّ النَّبِيَّ صَلَّى اللَّهُ عَلَيْهِ وَسَلَّمَ قَالَ: "لَعَنَ اللَّهُ الْخَمْرَ وَلَعَنَ شَارِبَهَا وَسَاقِيَهَا وَعَاصِرَهَا وَمُعْتَصِرَهَا وَبَائِعَهَا وَمُبْتَاعَهَا وَحَامِلَهَا وَالْمَحْمُولَةَ إِلَيْهِ وَآكِلَ ثَمَنِهَا".
.
وأرى أن أولى الناس بمساعدته، وأقدر الناس على معونته على تجاوز هذه الأزمة هو أنت يا عزيزتي بالتذكير اللين واللطيف بالله، وبانتهاز ساعات صفائه الذهني والروحي للحديث الدافئ معه حول هذه المشكلة، وأعلميه أنك تتفهمينه، وأنك على استعداد لمساعدته، ولا تجعلي اللوم والعتاب والتوبيخ هو كل ما تفعلين، فهذا ربما يزيده إحباطا، ولكن ذكريه بأن الله تعالى يعين طالبي الهداية ومن يجاهدون أنفسهم ليتحسنوا "والذين جاهدوا فينا لنهدينهم سبلنا وإن الله لمع المحسنين" وأنك على استعداد للصبر معه حتى يتخلص من هذه العادة السيئة، وحاولي بلطف التعرف إلى ما يحب وما يرغب، واجتهدي أن تفعلي ما ترين أنه يحبه ويرضيه، بشرط ألا يكون في ذلك ما يغضب الله تعالى. ثم اجتهدي في الدعاء له بظهر الغيب، وفي السجود، وبخاصة في صلاة الليل. واستعيني بمن ترين أنه يرتاح له، ويستجيب لنصائحه من المخلصين من أصحابه أو أقاربه أو معارفه، بحيث يجد أعوانا على الخير.
أما الطلاق فيجب أن يكون آخر الدواء، حين لا ينفع شيء من العلاج، وحين تفشل كل المحاولات لإصلاحه وتقويمه، خصوصا وأنكما قد رزقتما بطفل او طفلة على ما اعتقد لا شك أنها ستكون أكبر الخاسرين من الطلاق.
والذي أتوقعه أن اللطف به، والترفق في نصيحته والدعاء له سوف يؤتي كل ذلك ثماره، وتبقى الأسرة مستقرة مستقيمة إن شاء الله


 
والله يا أختي شوفي الريال اللي تقولج عليه الاخت ام شهد وريم واذا ما مشى الحال ....نصيحه انفذي بجلدج ..لاني اعرف واااااايد من الاخوات والصديقات تندمن بس بعد فوات الاوان ...بعد ماصار عندهم خمسه وسته عيال ...وراح عمرهم وشبابهن وهن منتظرات توبة الزوج الحبييب ..انا مااقولج انه مستحيل يتوب بس لو كان هوه يريد وعنده اراده وعزيمه على ترك هالشي ...غير كذا بتميين طول عمرج تنظفين البيت وتربيين العيال وتستريين عليه وهوه خبر خير ...وفوق هذا كله بتروح الفلوس والمعاش على هلبلا ومابيتم لج ولا لعيالج شي ..يعني لاحب لااهتمام لافلوس بعد.....والله يعينج
 
الدعاء والاستغفار وان شاء الله بتجنين ثمرتهم قريبا لا بشرط ان تكون من قلب صادق وموقنه بالاجابه
 
المشكلة هذي تطول لانها تتعلق بالمزاج يعني متعته
بعضهم تاب لكن يحن ويرجع بعض الاحيان
هو يعاني اكثر منك بالخفاء
لك دعوات في ظهر الغيب يا اختي
 
الله يفرج همك إن شاء الله البنات يفيدوك

بس لازم تتخذين موقف أختي لا تخلين الحياة تمشي جيه من غير هدف و الله يكون في عونك
 
انت حياتي مثلك تقريبا وش سويت جبت 3أطفال نشغل فيهم انحس هو هله بعد كذا حولت بعد كذا كبر عيالي شوي اهتمت بقران وصلاة وزرعت فيهم الوزع الديني كانت اكبر مصيبة بنسبة لزوجي يوم راح يسجلهم بتحفيظ وطروا فيه المدرسة بسبب الجزاء الي هم حفظينها
 
السلام عليكم اختي الغالية
بختصار لا تطلبي طلاق
الحل بسيط بإذن الله
فقط اختلقي مشكلة عند اهلك كعذر لتجلسي عندهم بدون ان تعلميهم انه في هذا البلاء
واتركيه لنقل سنة المشكلة ليست بسيطة
ودعيه في حيرة حتى يصلح من حاله ويختار الطريق الذي يريد العيش فيه ويفضله لكي ولأبنائه
زوجك انسان طيب يحبكم ولا يستطيع الأستغناء عنكم ولا يريد اي سوء يصيبكم استقلي هذا الشيئ
ودائما اقول الدعاء الدعاء والفرج من عند الله أولا وآخرا
جربي وبإذن الله سترين النتيجة التي ترضيك وأستخيري قبل الأقدام على هذه الخطوة
وفقك الله لكل مافيه خير​
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل