بنـــــــــــــــــــــــــــــــــات تعالــــــــــــــــــــــــــوا

[روعة الروح]

السلام
أخباركم يا بنااات​

waz up​

بقولكم سالفه​

بمناسبة انتهاء الاختبارات وقرب الأجازة
ويبدون البنات بالاستعداد للزوجات والأعراس
وكل وحده عاد ووضعها
اللي عروس واللي اخت عروس واللي اخت عريس واللي بس معزومة​

وياعمررري هالمعزومة
خاصة إذا كانت عازبه single​

بالجامعة البنات مررره وضعهم رديء
وإذا سمعوا طاري الزواج تنط عيونهم على برى
ويتحسرون على عزوبيتهم اللي طال مداها
بالرغم ان عمر الوحده فيهم ماتعدى 23​

وأنا بصفتي جربت الوضعين​

الزواج والعزوبية
قررت أكتشف الخلل في تفكير البنات وأسلط عليه الضوء<<<موب عاقله​

المهم​

يابناااااااااااات ياعازبااااااات
وش سر موتكم عالزواج والعرس​

أنا بشرح لكم الزواج​

أولا نظرية يبدأ الزواج بالهموم منذ اللحظة الأولى​

وهذي النظرية يندرج تحتها الكثير من المفاهيم المهمة أبرزها​

قبل لاتنخطبين وانتي تفكرين وتقلقين
وإذ حصل وانخطبتي تفكرين توافقين ولا ترفضين
وإذا وافقتي تبدين تخططين لعرسك لخطوبتك ملكتك شقتك و و و​

يعني هواجيس وغثى من أولها​

النظرية الثانية​

الخطوبة حلوة وياليتها ماتنتهي
هالنظرية مهمة​

إذا تمم ربي وتملكتي
تبدين أولا خجولة وخايفة لكن أنا أعطيك 12 ساعة وبعدها انتي فاصخة للحياء من اللهفه​

ويييي لو تدري يالعريس بغيت أموت على مالقيتك​

المهم​

ويأخذ رقمك ويدق على جوالك وتسولفون سالفة بايخه بعدين يبدأ يصير رومنسي
ويدق الليل
ويسأل تعشيتي نمتي و و وناسسه​

بعدها يتدرج
ممكن أزوركم
ويزوركم
ويجيب العشى والهدية والورد وتكرر الزيارات وكل زياره بهدية
وكل زيارة تتمادون أكثر
أول شي انتي بكنب وهو بكنب
خلال 3 أيام انتو في أصغر كنب بمجلسكم متفاعصيين
ههههههه​

المهم ولازم ماتصير خناقه عاد خلال هالزيارت
وأبشركم هذا أول الغيث يكوون قطرة​

والعازبات يابعد قلبي يتحمسون يموتون يظنون كل الزواج عسل ووناسة وانه بيستمر على هالمنوال​

لا والله​

النظرية الثالثة : لقد انعميت على عيني وتزوجت​

صار عرسكم
وطبعا كحال كل سعودي وسعودية حاجزين لماليزيا
لازم تتخانقون اذا مو في طريق المطار في الانتظار واذا مو في الانتظار في الطيارة
واذا مو في الطيارة في الفندق أهم شي تتخانقون
والصلح عاد أحلى شييي​

المهم هنا تكون البنت تخطت شوط كبير وينتظرها شوط تعيس​

المهم في السفر هذا بتصير أشياء تقودنا للنظرية الرابعة​

النظرية الرابعه:كل منا اكتشف الآخر​

هنا عاد نقطة الحسم
يا تتطلقون لا سمح الله
ياتصبرين وتنطمين وتواصلين الحياة​

لأن مافي انسان بدون عيوب وبتكتشفون بعض هنا​

المهم في بنات يمكن ينصدمون
وتتزوج واحد لاسمح الله مدمن أو مريض أو سيء الخلق
وتندم على الزواج من هالمرحلة المبكرة وزي ماقلت ياتنفصل ولا تكمل​

وبنات تكتشف عيوب زوجها انه حنان زنان يحب الطعام سخيف متذمر متطلب كثير النوم أو كثير السهر يدقق
ثقيل دم ..كريه.مغازلجي,غبي.فيلسوف.يتميلح,ممل,وغيرها من العيوب
والله يعين كل وحده فيكم
وما ابي اسمع وحده تتميلح وتقول لا والله رجلي بسم الله عليه كامل الكامل وجه
لا مافي احد كامل ولا تقعدين تقولين كذا لآن خواتنا المشفوحات بيتحطمون زوود​

النظرية الخامسة:وتستمر المناورات​

خناقات تالي الليل
ودني لأهلي
النوم بغرف منفصله
السفهان والحقران
اعطاء كل منكما ظهره للآخر وغيرها​

النظرية السادسة:لقد فعلناها بنجاح وها نحن ننتظر مقروداً أقصد مولوداً​

هنا عاد ان كثرت كثرت تقعد الفتاه السعودية 3 أشهر بلا حمل من غبائها وبعدها تشتغل الغيرة
وش معنى فلانه حملت وأنا لا
أو هو يبدأ يحن
يلا نبي بزر يملى الحياه
وهو لا والله بعد غيران من غيره وخايف من كلام أهله وزملائة​

وهنا عاد يبتدي أكبر هم​

النظرية السابعة:مولودي العزيز لقد دمرتني​

نفس البنت بخشمها
تتوحم تسهر تطرش تتخانق كله خياس في خياس
استغفرالله بسس
ويبدى عاد نكد منفرد من نوعه
خناقات على اتفه شي
ريحة عطرك وع
أشم فيك خياس
كارهتك بالعربي وغيرهااا وماخفي أعظم​

وبعد يندرج تحت هالنظرية الخوف من المسؤولية القادمة والولادة وتفكير ويمكن بكاء من غير سبب​

النظرية الثامنة:انهيااار تااام​

ولدتي يابنت مبررروووك​

وابتدى مشورا الصياح المرض السهر التفكير تحمل الهم والغم والصبر والتضحية و و و​

الله يعين الأمهات
والله يأجر امهاتنا اللي مروا بهذا كله وصبروا
مصاريف ومشتريات وتفكير وقلق وتعب وتضحيات
والله تبدين تحسين الحياة صعبة​

وقتها​

بتكتشف البنت ان العزوبية أحلى وأزين
ويممكن تقص على نفسها وتتحمل وتقول سنة الحياه وتصبر​

وبتقول صدقوا صديقاتي يوم قالو الزواج هم وغم​

تنويه: مهم​

كلامي هذا لايعني بأن البنات لا يتزوجون
لا بالعكس تزوجوا أساسا كان أموت لو ماتجربون اللي جربناه وتندقون على روسكم من الحنه عالعرس​

لكن ليس قبل
ان تتمتعي وتفليها وتسهري وتطلعي وتخرجي وتفرعي وتسوين كل مايخطر على بالك
وأهم شي تنااااميييين زي ماتبين
وتشوفين كل الأفلام قبل النكد​

يعني من جد خل نحسبها صح
انا أعرف بنت تزوجت واحد وصحت من نومها لقت اخوه المراهق يبوس رجولها وانصدمت
ووحده زوجها يخونها
ووحده تزوجت واكتشفت زوجها انه شاذ جنسيا ومستمر بشذوذه
ووحده زوجها مدمن
ووحده زوجها مريض نفسيا
وااللي عصبي ويطقها ويحرمها من اهلها​

يعني مو كل الأزواج جنه ولا كلهم نار​

فأنتي لو من البدايه خيروك بواحد زي كذا ولا العزوبية وش بتختارين​

أكييييييييييييييد العزوبية​

وفوق هذا انتي تجيك الدورة الشهرية وتتألمين وتولدين وانتي لازم بعد في عز ألمك تبتسمين وتضحكين وتكشخين وتتمكيجين وتلبسين وتشيلين شعر بالحلاوة والله انه يعور عاد ولازم تزورين أهله وتحترمين أمه وتقدسين أخته
وياويلك هذول أهلي و و و
والرجل هناااا مجرد متفرج ومستمتع ​

ما يستفاد من الموضوع
أولا كتب هالموضوع خصيصا بمناسبة قدوم موسم الأعراس والبنات ينقهرون لو ماانخطبو
ويبذلون كل الجهود في سبيل الخطبه​

فهذا الموضوع إليكي أنتي يامن تنامين وتقومين على حلم اسمه الآرتباط​

أختاه تـــريـــثي​

وبااااااااااااااااااااااي​

أي أحد عنده كومنت تتفضل تكتبه
خلينا نشوف من مؤيد ومين معارض والله يستر​

 

[مملكه زوجي]

ههههههه والله معك حق بس المشكله محد راضي او بالاحرى مجتمعنا السعودي اذا تأخرت البنت بالزواج كلن يتلقف

ويسأل ليه ماتزوجت للحين يعني لو بتفكر بالزواج بس عشان تسكت اللي حولها..وانا عن نفسي كنت فالتها ايام

العزوبيه بس التساولات ذبحتني وخاصه واني انا الكبيره وتحتي خمس بنات..

بس الحمدلله اموري مع زوجي تماااام بس مستقبلا الله اعلم...دوام الحال من المحال...

اسفه ع الاطاله وتقبلي مروري.......

 

[روعة الروح]

ههههههه والله معك حق بس المشكله محد راضي او بالاحرى مجتمعنا السعودي اذا تأخرت البنت بالزواج كلن يتلقف

ويسأل ليه ماتزوجت للحين يعني لو بتفكر بالزواج بس عشان تسكت اللي حولها..وانا عن نفسي كنت فالتها ايام

العزوبيه بس التساولات ذبحتني وخاصه واني انا الكبيره وتحتي خمس بنات..

بس الحمدلله اموري مع زوجي تماااام بس مستقبلا الله اعلم...دوام الحال من المحال...

اسفه ع الاطاله وتقبلي مروري.......

مملكه زوجي
اسعدني ردك :shiny:

صااااااااااادقة لكل يسأل متى تتزوج
واذا تزوجت
متى تحمل
واذا حملت
متى تولد
واذا ولدت
متى تجيب له اخو

لووووووووووووووووول

ما يرتاحون ولا يريحون
عالم فاضية


انا بعد كنت اكبر خواتي وكنت ايام العزوبية مستانسة
بس الزواج
سنة الحياة
بس احيانا تجيني حالات ودي :blow:


الله يتمم عليك السعادة


تقبلي تحياتي
روعة​

 

[تولـين]

ههههههههههههه
صدقتي والله
دايم اقولهم فليها وعيشي حياتك والزواج اخرتفكيرك خليه

 

[روعة الروح]

ههههههههههههه
صدقتي والله
دايم اقولهم فليها وعيشي حياتك والزواج اخرتفكيرك خليه

عساه دوم هالضحكة يارب

والله صادقة لاحقه على الهم​

 

[القلب المفتوح]

أنا متأكدة أن المتزوجات راح يقولوا العزوبية أحلى
والعزوبيات راح يقولوا عطونا رجالكم واحنا نحكم
وهذي هي سنة الحياة وعادة النساء الفارغات والعاملات
وسلامي عليكم يا حلوات​

 

[حورية بحرنا]

ههههههههههههه كرهتينا بالزواج

خل نجرب ونحكم << هع هع

امزززح اصلآآ حياتي كذا عاجبتني والله لا هم ولا غم ولا احد يتحكم فيني ونااااااااااسه

بس الزواج سنة الحياة ولا بد منه


الله يسعد كل متزوجه ويزوج كل بنت



مودتي لكِ

 

[بداري5]

ههههههههههههههههههههه0 روووووووووووووعه يااااااار وعة الروح 0 البنات تراهن مو عجلات على الزواج بس كلا الناس مايرحم
والله ان سواليفك تهببببببببببببببل زي ماقللتي الناس فاضيه شبعانه وفسقاااانه ماعنده
الاحش في خلق الله فلانه ماتزوجت الي في سنه معهم اعيال وفلانه يحول من زمان متزوجه ومحملت
وفلانه كل ماخطبط ترفض شايفه روحه 0وام فلان الله يعينه بيته مليان بنات مادري وراه ماتزوجهن 0
عااااااااااااااااااااااااااااااااالم فاااااااااااااااااااااااااااااااااااااضي

 

[روعة الروح]

أنا متأكدة أن المتزوجات راح يقولوا العزوبية أحلى

والعزوبيات راح يقولوا عطونا رجالكم واحنا نحكم
وهذي هي سنة الحياة وعادة النساء الفارغات والعاملات

وسلامي عليكم يا حلوات​

صاااااااااااااااااادقة والله يا القلب المفتوح
سنة الحياة
الله يسعد الجميع يارب
اسعدني تواجدك:bye1:​

 

[روعة الروح]

ههههههههههههه كرهتينا بالزواج

خل نجرب ونحكم << هع هع

امزززح اصلآآ حياتي كذا عاجبتني والله لا هم ولا غم ولا احد يتحكم فيني ونااااااااااسه

بس الزواج سنة الحياة ولا بد منه


الله يسعد كل متزوجه ويزوج كل بنت



مودتي لكِ

هلا حورية
الله يتمم عليك الوناسة
اميييييييييين
و يسعدك بالزواج ان شاء الله:bye1:​

 

[روعة الروح]

ههههههههههههههههههههه0 روووووووووووووعه يااااااار وعة الروح 0 البنات تراهن مو عجلات على الزواج بس كلا الناس مايرحم
والله ان سواليفك تهببببببببببببببل زي ماقللتي الناس فاضيه شبعانه وفسقاااانه ماعنده
الاحش في خلق الله فلانه ماتزوجت الي في سنه معهم اعيال وفلانه يحول من زمان متزوجه ومحملت
وفلانه كل ماخطبط ترفض شايفه روحه 0وام فلان الله يعينه بيته مليان بنات مادري وراه ماتزوجهن 0
عااااااااااااااااااااااااااااااااالم فاااااااااااااااااااااااااااااااااااااضي

بداااااااااااري
الروعة وجدودك
اي والله عالم فاضي
الله يكفينا شرهم​

 

[~دلـع الـكــون~]

هلا حبيبتي اسلووووبك رووووعه ماشاء الله عليييك...
انا معاك ان الزواج مسؤليه ولازم الوحده تكون قدها والا تقعد في بيت اهلها احسن...
احنا بالعزوبيات مو لهالدرجه متلهفات ع الزواج..
بس الصعب لمّا يكون كل اللي في سنك تزوجوا وانتي لا؟؟
هنا تتمنى الوحده منا بزوج تعيش معاه بسعاااده وراااحه...
يكون لها بيتها الخاص اللي تسوي فيه اللي تبغى تكون ام وهذا اهم شئ..
بس انا ضد ان اللي يتأخر زواجها تعيييش بنكد اعرف وحده من قريباتي بسني والله
يابنات تحزنننني شايله هموووم الدنا فوق رأسها ليييه الا الان ماتزوجت حتى صرت
ما احب اجلس معاها دائما سواليفها ليه محد يخطبنا ليه غيرنا واحنا لا..
كنت اتناقش معاها احاول اقنعها اقولها احنا مو كبااار لها الدرجه اعمارنا24
عيشي انبسطي في حيااااتك بس مااافي فائده...
الله يعييييين...
محد مرتاح لا المتزوجات ولا العزوبيات...
هذا حال الدنيااا..
مشكووووره حبيبتي ع الموضوع خليتينا نفضفض شوي....

 

[روعة الروح]

هلا حبيبتي اسلووووبك رووووعه ماشاء الله عليييك...
انا معاك ان الزواج مسؤليه ولازم الوحده تكون قدها والا تقعد في بيت اهلها احسن...
احنا بالعزوبيات مو لهالدرجه متلهفات ع الزواج..
بس الصعب لمّا يكون كل اللي في سنك تزوجوا وانتي لا؟؟
هنا تتمنى الوحده منا بزوج تعيش معاه بسعاااده وراااحه...
يكون لها بيتها الخاص اللي تسوي فيه اللي تبغى تكون ام وهذا اهم شئ..
بس انا ضد ان اللي يتأخر زواجها تعيييش بنكد اعرف وحده من قريباتي بسني والله
يابنات تحزنننني شايله هموووم الدنا فوق رأسها ليييه الا الان ماتزوجت حتى صرت
ما احب اجلس معاها دائما سواليفها ليه محد يخطبنا ليه غيرنا واحنا لا..
كنت اتناقش معاها احاول اقنعها اقولها احنا مو كبااار لها الدرجه اعمارنا24
عيشي انبسطي في حيااااتك بس مااافي فائده...
الله يعييييين...
محد مرتاح لا المتزوجات ولا العزوبيات...
هذا حال الدنيااا..
مشكووووره حبيبتي ع الموضوع خليتينا نفضفض شوي....

هلا والله بالغالية دلع الكون
نورتي الموضوع والله


يا اختي صادقة
بكل كلمة قلتيها وانا معاك
ان الوحدة مصيرها تتزوج لتمكل نص دينها
وعشان تصير ام وهذا مهم جدا
بس مثل ما قلتي ما يكون همها والشغل الشاغل الزاوج
هذه ارزاق وكل واحد مكتوب له رزقه
و24 او حتى 30 لسه في وقت
والاهم من الزواج الزوج الصااااااااالح مو اي احد بيكون مناسب
وشوفوا يا كثر مشاكل الحريم مع ازواجهم بهالمنتديات

انا اعرف كثير بنات ما تزوجوا الى حول الاربعين و زواجهم ما شاء الله مدلعينهم

الله يرزق كل محرومة يارب ويحقق الاماني

سعدت جدااااااااااا بوجودك وتعليقك
تمنياتي لك بالسعادة :bye1:​

 

[روعة الروح]

شكل موضوعي ما عجبكم!!

 

[أسامينا]

بالعكس عاجبنا ,,,, والبنات يختلفووووون عن بعض ولكل وحده اسبابها للارتباط ,,ويظل التفكير بتأني واخذ الامور بحكمة هو الصحيح,,,(علشان تكوني راضيه بحياتك ),,,والله يوفق كل بنت ويرزقها الزوج الصاااااالح,,,,,

 

[محرومه من زوجي]

هههههههههههه

حبيبتي الزواج سنه الحياه..
وكل بنوته تحلم بالأمومه..
كل وحده لابد لها من الزواج عشان كذا
لا بد تقنع نفسها بأن الزواج حلو
لإنه راح يكون عندها زوج يصونها
وكمان ماننسى حلم الأمومه...

 

[زدجاليه دلع]

هههههههههه
معاج بكل كلمه
والله انه حياة العزوبيه احلة بمليوووون مررره
عايشه حياتي اطلع وادخل واسهر وانااااااام محد يتحكم فيني
اذا مالي خلق اكشخ عااااادي ما مثل المتزوجات لازم تكون ستاند باي اربعه وعشرين ساعه حلوه وكاشخه

استريحوا يا بنات
نعم للعزوبيه ولا للزواج المبكر

 

[روعة الروح]

بالعكس عاجبنا ,,,, والبنات يختلفووووون عن بعض ولكل وحده اسبابها للارتباط ,,ويظل التفكير بتأني واخذ الامور بحكمة هو الصحيح,,,(علشان تكوني راضيه بحياتك ),,,والله يوفق كل بنت ويرزقها الزوج الصاااااالح,,,,,

اممممممممممممممممممين

كلامك عين العقل ماشاء الله عليك

اسعدتني مشاركتك :bigsmile:​

 

[روعة الروح]

هههههههههههه

حبيبتي الزواج سنه الحياه..
وكل بنوته تحلم بالأمومه..
كل وحده لابد لها من الزواج عشان كذا
لا بد تقنع نفسها بأن الزواج حلو
لإنه راح يكون عندها زوج يصونها
وكمان ماننسى حلم الأمومه...

صااااااااااادقة واتفق معاك

بس انا قصدت من موضوعي ان الزواج مو كل شي بهادنيا
في بنات مرة تتأثر نفسيتهم من تكبر شوي وتحس ان الدنيا انسدت في وجهها


وبالنهاية الزواج قسمة ونصيب
والله يرزق بنات المسلمين بالازواج الصالحين والذرية البارة


اسعدتني مشاركتك :bigsmile:
​

 

[روعة الروح]

هههههههههه
معاج بكل كلمه
والله انه حياة العزوبيه احلة بمليوووون مررره
عايشه حياتي اطلع وادخل واسهر وانااااااام محد يتحكم فيني
اذا مالي خلق اكشخ عااااادي ما مثل المتزوجات لازم تكون ستاند باي اربعه وعشرين ساعه حلوه وكاشخه

استريحوا يا بنات
نعم للعزوبيه ولا للزواج المبكر

هلا باهل مسقط الطبيبين

اعجبتني استاند باي لووووووووووووووووول :a084:

الله يسعد الجميع العازبات والمتزوجات
اسعدتني مشاركتك​