بنـــــــــات ساعدووني طالبتكم.......

و

وسام الحزن

New member
إنضم
2008/07/19
المشاركات
262
بنـــــــــات ساعدووني طالبتكم.......​

عمري ماتخيلت زوجي يتكلم علي .... ويسبني ... وربي انصدمت لما شفت الكلام​

زوجي عنده ايميل قدييييم حييل من قبل زواجنا مافتحه ولايعرف عنه اي شي لانه ماكان عنده محمول فعقب زواجي بست شهور تقريبا جبت المحمول حقي لبيتي بغرض اني استرجع دروس الدورة اللي درستها زوجي فرح فيه وراح اشترك بالنت وصار مدمن عليه 24 ساعه وخاصة لعبة ترافيان عسى الله يكرهه فيها المهم انا ماقلت شي عن اللعبه بس شفته يفتح ايميله ويسولف مع اللي فيه ومن ظمنهم بنات بس ماشفته يسولف معاهم قدامي .. طبعا زوجي ياخذ الاب توب معاه للدوام ويشغله هناك ويسولف مع البنات انا اكتشفتها عقب بس اللي فهمته انه مفهم البنات انه للحين عزوبي وكلام كله لعب بلعب طنشت قلت يتسلى .....لكن اللي صدمني محادثته مع وحده الله لايوفقها عمانيه تعرف عنه كل شي اسمه وانه متزوج وكل شي وهي تساله عني فهو رد عليها وقال عند اهلها دايم يقول لها طفشتني طلعت الشيب براسي ماني مرتاح معها وامها دايم تقول لها تعالي نامي عندنا وانا عايش كني عزوبي قالت الحيوانه ليش ماتطلقها قال هو مااقدر صابر عليها بس كم مره اهددها وودي اتزوج عليها عشان اربيها وهي تقول ماعليك منها طلقها وخل امك تدور لك غيرها قال هو انا كلمت امي وامي تقول لاتفشلني مع الناس انا مختارتلك من احسن العوايل ويقول لها ابوي مااقدر اكلمه مابي يعرف شي وابوها متوفي واخوانها ماراح ينصحونها بس انا بتزوج عليها مسيار ............​

ياناس وربي انصدمت انا صدق اروح لاهلي بس مو دايم وبعدين انا وياه بديره واهلنا بديرة لارحنا لهم انام عندهم وهو اللي يخليني وانام برضاه وصح بيننا مشاكل بس مافيه بيت يخلى وهو دايم يقول بس مو لدرجة انه يهددني بالطلاق او انه يتزوج علي وربي انقهرت وهي الحيوانه قاعدة تشجعه وتقول طنشها طلقها تزوج عليها الله لايوفقها يارب ​
وبعدين زوجي مايبي احد يعرف عن اي شي من مشاكلنا وشلون يروح يقول لامه وهو عارف انها تعبانه اي موضوع زي كذا ياثر على نفسيتها...
انا من قريت المحادثة وانا منقهره وبخاطرها اكلمها والعن خيرها بس مو قادرة اسوي شي خايفه اتهور ويجيب اجلي صدق مره بس شكيت فيه قلبها علي وانا مابي اخرب على نفسي​

شورو علي وش اسووي بالبنات اللي عنده بالمسنجر​
 
حبيبتي لاتتركي وحده مثل هذي تهدم حياتك كلمي واحد من اهللك ثقه يدخل بالموضوع والله يوفقك :icon31::icon31:​
 
الله يهدي سركم حاولي تغيري من نفسك دون ان يعلم وتقللي روحاتك وجياتك وتدرسين شخصيته وتعرفين مفاتيحها حددي هدفك انت ماذا تريدين تريدين فضحها وفش عيظك او تريدين ارجاع زوجك لحظنك عاشقا ولهانا حددي ماذا تريدين وانطلقي على اساسه وفقك الله
 
عليك بالدعاء والاستغفار ووكلي امرك لرب العالمين والله يسخرلي ولك يارب وبنات المسلمين
وحطي ببالك كما تدين تدان باذن الله راح تتزوج ذا اللي يكلمها ويخونها مثل ماخانته
 
مشكورين حبيباتي انا عارفة نمط شخصيته وتعبانه معاه هو شمالي غربي وانا وربي مابي غير زوجي وهي بالحريقة بس هو يكلمها وهو في الدوام ماني عارفة ايش اسوي امنعه من الاب توب والا ايش؟؟؟؟
 
اعطيج حل من راسي !

احتفظي بكل ما يدور بالمحادثات .. وساعتها لما تحين ساعة الصفر !! وكشف الاوراق . طلعي المستحبي


بس اول شي غيري من اسلوبج ومن روحاتج لبيت اهلج .. صدقيني نصيحة اخت انلسعت من الروحات والجيات .. بطلي هالعادة الي نحن نفكر انها صح !

صدقيني لو تغيرين هالعادة وتلزقين فيه وحطي باسورد لجهازك هذا اهم شي .. وبعد ذلك حطي جهاز مراقبة .. اقصد برنامج باللابتوب .. هذا استعيني باحد الخبراء يضعه لك ..

وتقدري تشوفي كل شي يتصفحه ويشوفه ويكتبه زوجك 1 :)


للامانة نفعني كثير
 
حسبي الله عليها ونعم الوكيل عساها تذوق من الكاس اللي انتي ذقتي منه وامر ان شاء الله ~ عساها باللي ماني قايله ~

شوفي تبين الصراحه اذا حسيتي انه يخونك سوي نفسك تخونينه ~ وطبعا انتي اشرف من كذا بس عاد اشغلييييييييييييه زي ما اشغلك~
يعني سوي انك كنتي فاتحه شي بالنت واذا جا ارتبكي وسوي نفسك سكرتيها بسرعه ~ المهم هو عادي يمكن يفوتها وكرريها واذا جا وشاف مابيلقى شي ومافي دليل بس اشغليه ~ وسمعيه الشريط الديني كما تدين تدان بس بطريقه غير مباشره ومن دون قصد ترى الشريط حلو يحث الازواج على عدم الخيانه ويخوف الازواج ان اذا خان ممكن زوجته تخون ~ يمكن يتأدب ~
ومن ناحية هذيك البنت ادعي عليها ~
 
السلام عليكم
اختي حاولي تشوفي ايش اللي مضايق زوجك منك من محادثاته وحاولي تغيريه فيكي ولا تواجهيه وادخلي اقراي في مقالات استاذة ناعمة للزوج الخاين وطبقي والله معاكي
 
اول شي الله يلهمك القوة والحكمة والبصيرة لحل مشكلتك والله يهدي زوجك ويبعده عن افعال المراهقين وبنات السوء..

نصيحتي لك اول شي

1-هدي اعصابك وحطيها في تلاجة

2-حاولي تكتبي ملخص للمحادثة اللي شفتيها واهم النقاط اللي ذكرها زوجك لخطافة الرجالة

3- تفرمتي الجهاز وتمسحي كل شي موجود فيه اذا تقدري وكأنك ماسويتي شي وكل ما خزن شي امسحيه وسوي نفسك البنت البريئة

4-لمن يجي موعد زيارتك لأهلك بطلي ولاتروحي واذا سئلك ليش ماتبغي تروحي قوليله انك تبغي تجلسي معاه وانك قريتي في النت انو الزوج يتضايق من جلسة زوجته ومباتها عند اهلها وانت تبغي رضاه لانه اهم من كل الناس وقليلوه انك ماتبغيه يفكر انو والدتك هي اللي تلزم على مباتك عندها وانها حريصة على حياتك مع زوجك لان سعادتك من سعادتها

5- حاولي تغيري روتينك مع زوجك في البيت شوفي هواياتوا واهتماماته حتى لو تقوليله بالكدب انك تبغي تتعلمي لعبة الترفيان عشان تلعبوا مع بعض او انك تهديه هدايا بسيطة من فترة لفترة وتشغليه معاك في البيت

6- خليك متجددة وحاولي تمسكي اعصابك قدر الامكان حتى لو هوا استفزك خليك احسن منو وبينيله انو هوا سبب النكادة في البيت والصبر طيب

واخيرا وليس اخرا عليك بالاستغفار وصلاة الليل والدعاء في السجود الله يوفقك ويسعدك في الدنيا والاخرة ويبعد عنك كل شر..

وان شاء الله اكون افدتك,,

ودمت بخير,,
 
اول شي شوفيلك واحد يدخل على ايميلها ويهكره لها
وبعدين هكري ايميله بيسويه غيره بس حيصعب يه يلقاها مه ثانيه
وبعدين اشتغلي على نفسك زي ماوصوك البنات
 
للأسف مومتزوجة لكن الي اقدرعليه ماأقول غيرالله يوفقك والله يوريهابحياتها وهو ان شاءالله يتركها واالله يخليه لك
 
لا تزعلين اختي

انتي اللي غلطانه لأنك من بداية الموضوع عرفتي ان زوجك يكلم مع ذلك سكتي السكوت هذا هو اللي خلاه يتمادى يعني يكلم بنات من لابتوبك وانتي تدرين واعترضتي فقط على البنت هذه اللي توزه عليك

لازم تواجهينه بس ما تفضحينه انتبهي لأنه احتمال يبيعها ويقول شعندك اكلم عاجبك والا لأ والله بعينك ويفرج همك
 
مشكوورين حبيباتي على ردودكم والله انكم ريحتووني
اما من ناحية روحاتي لاهلي والله بسفرتي هذا الاسبوع لاهلنا اني مانمت عندهم ابد واول مايخلص من شغله يجي ياخذني ولا اقوله لا وربي حتى جا ياخذني الساعه عشر ونص وحنا لساتنا طالعين لخالاتي يعني ماجلست عندهم اكثر من ساعه والعشاء ماتعشيت معاهم بس قلت اهم شي رضا زوجي وكلهم مايهموني خلاص سلمت عليهم وجلست شوي كافي بس كله عشان مايقول امك واهلك حتى هو مستغرب يقول ماتبين تجلسين عند اهلك ماقالت امك نامي قلت لا خلاص شفتهم وشافوني يكفي والحمد لله سفرتنا هذي عدت بسلام ومافيها مشاكل وكنا مبسوطين الحمدلله حاولت اطبق كلامكم والحمدلله كل شي تعدل بس للحين ماني واثقة بالبنت اخاف تدق عليه لانه معطيها رقمه وينتظر منها اتصال
 
حبيبتي
الله يكون بعونك
ارجعي لمقالات ودروس ناعمه والله تكفي
واهم شي ريلاااااااااااكس
لاتتعبين تفكيرك في شخص مافكر فيك

اهتمي بحالك
:icon26:
 
:busted_red:السلام عليكم
يا اخت وسام هاد حال كتير من النساء العربيات الوحده تكد وتتعب وتتخمل المعاناه مع زوجها وما تطلب منه الا الكلمه الطيبه وبس تطلبها بيتحجج انو تعبان او مو وقته مع انو بتكون بامس الحاجه الها وبكون بره البيت عامل روميو بس مابدي اطول عليك الواضح انو زوجك بيتسلى بدليل انه علاقتو فيها مبنيه عالكذب ولو علاقته جديه كان ما اضطر يكذب كان حكالها بحبك وبدي اتزوجك ببساطه والبنات هاي الايام بدهم رجل والسلام يعني ضل راجل ولا ضل حيطه
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل