بنت اخوي وصاحباتها

[عساني فداكم]

السلام عليكم ورحمة الله وبركاته حبيباتي ابيكم تشورون علي ايش اسوي مع بنت اخوي خصوصا ان امها موكله امرها لي لانها ماتعرف تتعامل معاها لانها اتعبتها المهم بنت اخوي اولى متوسط وفيه بنات 3متوسط يرسلون لها رسايل اعجاب ومدري ايش بصراحه انا خايفه عليها وانتم اكيد تعرفون ايش نهاية الاعجاب ومشكلتها انها تقول عادي ايش فيها لو ارسلولي رسايل وحبينا بعض ساعدوني وش السوااااااااه لاحد يقولي تكلمي معاها ابد هي تسمع من اذن وتطلع من اذن انا بروح مدرستها بس ايش اسوي

 

[بشائر نجد]

حبيبتي روحي تكلمي مع المرشدة الاجتماعية في المدرسة وهي ان شاءالله بتتفاهم مع الفئة هذي من البنات

 

[وجدان الأحمدي]

اختي لازم تحتويها

 

[عساني فداكم]

الله يسعدكم انا فكرت اروح للمرشده كويس لقيت احد يايدني وامها في البدايه غلطت لانها كانت تتعامل معاها بشده فصارت تلجالي او وحده من اخواتي ابي وجهات نظر اكثر

 

[أتعبني غلاك]

الله يعينك

هذا سن مراااهقه

لازم انك تسااايسينهااا​

 

[عساني فداكم]

مشكوره اتعبني غلاك بس كيف وهي عاجبتها الفكره

 

[عساني فداكم]

وينكم يابنات

 

[أمل شمعتي]

قلبي معك

 

[سمر الحلوه]

اختى احنا درسنا وكان على زماننا أعجاب ورسايل

بس الحمدلله ما صار شي مو زين

أنتى أهم شي تفهميها الصح من الغلط والحلال والحرام

واذا كان الاعجاب بس صداقه ولها حدود ما تتجاوزهااا

واذا تقدرى تكلمى البنات المعجبات بعد زين

انصحيهم صدقينى مادام بنت اخوج مو معجبه في حد

فهذا يدل على عقلهاا ورزانتهاا لان في نظرى الاعجاب يدل على

نقص في الحب والحنان في البيت

وربي يصلحهم

 

[عساني فداكم]

شكرا حبيبتي سحر كلامك جمييل جدا انشاء الله ببدء معاها ومع صاحباتها

 

[سماره الحلوه]

خليها تقرا مقالات من النت عن دمار البنات اللى سوو جذى و يا حبذا لو لقيتى قصص نهايتها مؤلمه و حزينه وتوحى لها برسائل غير مباشره انو كذى حرام وانو هذى مو الفطره السليمه ... و الله يهديها ويهدى اولادنا جميعا ...

 

[أمل الدنيا]

ترى هذي فتره وتعدي ...
بس ابقي انتي راقبيها

 

[انت قدري]

رايي انك اتصادقينهااا اهي وصديقاتهاااا وتاخ1ي الامررر برحابه صدرررر مدام رسايل وبس حتى لو كااان فيه زيارات خليك معهااا وين ماتروح لانك اذا قلتي حرام وفيه وفيه راح تعاند وتزيد لان فتره المراهقه مايفكرون بعقلهم العواطف تسيرهم وانت ناقشيهااا سولفي معهااا هاه وش سويتي اليوم وشت كلمتو فيه وش قالت لك صاحبتك وكذااا مهمااا قالت لا تقولي عيب ليش اتسوين كذااا قولي ترى هذي حركات وبعدين اذا كبرتي راح تضحكي على نفسك بانك ضيعتي وقتك وفلوسك بشي غيرحقيقي وتافه وذكريهااا دائمااا بانهاا راح تترك هذي الحركات وشغليهاااا بامور ثانيه سولفي معهااااا تمشو مع بعض زوري صحباتك غيري جوهاااا الي عايشه فيه

 

[عساني فداكم]

انت قدري كلامك في قمة الروعه ولاهانو باقي الاخوات
انا ماعندي خبره لان ماعندي الابنت وحده عمرها سنه وهذي بنت اخوي اول حاله في العايله يصير معاها كذا الله يسعدكم ريحتوني بكلامكم

 

[دلع قلبه]

الله يجزاك خير على حرصك
اولا العمر هذا كلنا مرينا فيه وقعنا بااخطاء وتعلمنا يعني اقدر اقول انه مشوار طبيعي في حياة اي انسان
انتي لا تعطين الموضوع امامها اكبر من حجمه شي بخليها تركض ورى التجربة وتشوف ليش المعارضه والمنع
وخصوصا هالمرحله عندهم محاولة اثبات النفس بااي طريقه
انا اقولك من تجاربي مع اخواتي
خليك صديقه قبل تكونين مصلح اجتماعي لها
اسمعي كل شي بدون توبيخ او اعتراض قدر ماتقدرين اسمعي واحتسبي الاجر
في حال لاحظتي شي في كلامها خطأ صححيه لها
طريقة التصحيح اما برسله فيها كلام مدح وثناء على شخصيتها وانها انسانه فاهمه وماشاء الله عقلها اكبر من سنها
والفلان يمدحونها والعلان مايقصرون فيها
وضحي الخطأ بااسلوب وش رايك فيه هل هالتصرف جيد او لا يعني لا تقولين لها خطأ لان هالمرحله تكره
الاحساس باانها اخطات انتي خليها تفكر بينها وبين نفسها
لما تسوين زيارات لمدرستها انتبهي انتبهي تهزئين احد من الطالبات من خوفك عليها لان هالاسلوب طامه كبرى
ممكن يدفعها للانتقام بطرق مجنونه
الزيارة ماتتعدى كونك تتعرفين على مدرستها وصديقاتها وتخلينهم يحبونك عشان يكون لك كلمه مسموعه عندها
حتى لو لاحظتي احد من صديقاتها سئ لا تعطينها اياه بالوجه لا انتبهي لما تتكلم عن مواقفها مع هالصديقه خليها تحلل الموقف وساعديها بتبيان اخطائها كذا مع الوقت راح تترك هالصديقة بقناعه منها
ارجع وااكد خليك صديقتها لا مربيتها .
قيسي على نفسك لما كنتي بعمرها وش كانت الطريقة المحببه لقلبك فالنصح والتوجيه
وعليها اعتمدي هالامر.