بنتي لسانها طويل وتردعلي

[ام راما&منور]

السلام عليكم ورحمةالله وبركاته
عندي بنت عمرها اربع سنوات وثمان شهور ترد علي ردوداكبرمنها يعني إذاهاوشتها ماتسكت لا تردعلي:icon28: انامليت منك ومليت من بيتك بروح واتركك انا مااحبك انتي ماتفهمين ماابي اقول انشاءالله وكلام كثير اكبر من عمرها صرت اضربها وبعدين اتحسف بس تقهرني احس بيجيني سكر:sad_1: منها واخاف تكبر وهي متعوده تردعلي ولا تسمع كلامي بعدين والله خايفه ابي شخصيتي تكون قويه بدون ماتخاف مني
الي عندها خلفيه عن كيفية السيطره على الاطفال اوالتعامل معهم تردعلي الله يجزاكم بالخير

 

[ريحة القهوه]

فيه عدة اسباب لتمرد الابناء وهي اجمالا ضعف شخصية الوالدين او احدهما كثرة مشاكل الوالدين امام الاطفال فقد يحفظ الكثير من الالفاظ التي يرى من خلال المشاكل انها تثير الغضب لتحقيق الهدف
كذالك اجتماعات العائله وهو ما اعاني منه لانه مع اجتماع العائله يكثر عدد الاطفال وتختلف اعمارهم وغالبا في هذا السن اكثر تلقي سواء لللالفاظ او التصرفات وما ان اعود للمنزل حتى يبدا التطبيق
وانا هنا اضم صوتي لكي لنعرف العلاج

 

[Ad^LaDy]

ماعرف بس ليش ماتجربين التطنيش
يعني تروحي واتخليهاوتبيني انج زعلانه وماتكلميها
دامها ماشاءالله تفهم..بتعرف انه بسبب كلامها

الله يعينج الصراحه

 

[ام راما&منور]

شكرا لكل من ردت علي ولا هملتني وكنت اتمنى تفاعل اكثر من البلقيسات عشان اخذبراي الجميع

 

[mesk-nader]

صباح الخير ​

شو في حبيبتي اذا انت تصارخين قدامها تأكدي إنها رح تسوي مثلك , واذا انت تلفظتي بأي كلمه صدقيني رح تسمع هالكلمه وتتأثر وتتلفظ مثلك , حسني اسلوبك انت بالاول وشوفي شو تأثيره على بنتك , واذا شفتيها تتلفظ بأي كلمه موزينه أو تسوي شيء غلط , هنا انت خاصميها وطنشيها ولا تتكلمي معها واذا حاولت تجيكي أو تسترضيكي طنشيها لين ماتعتذر منك وتتفقين انت وياها إنها ماتعيدها ثاني مره , طبعا لما تجين تكلميها لازم انت تنزلين لمستواها بالاول واتحذريها اكثر من مره وفهميها اذا عادتها ثاني مره إنك مارح تكلميها ورح تخاصميها وبالتالي يتزعلين منها , طبعا لازم تكون عيونك في عيونها لما تكلمينها​