بنتي غريبه

[الاموره القموره]

السلام عليكم
حبايبي اتمنى تساعدوني بنتي عمرها سنتين صايره ماتبغى تحمم يعني ماتبغى انظفها واروشها
ماادري وش فيها كانت قبل وش حليلها اروشها على راحتي احد منكم عنده حل:sadwalk: ترى هي
الوحيده وماعندي خبره في الاطفال
:idea:الله يسعدايامهاالي ترد:idea:

 

[مغامرة]

حبيبتي حاولي تلاعبينها أثناء الأستحمام و أشتري الألعاب الخاصة بالحمام للأطفال يحطوها في البانيو
يعني أجذبيها للسباحة و أشتريلها ملابس سباحة حلوة علشان تتحمس أكثر و خليها شوية تلعب بالماي
و أنتي راقبيها طبعا.. و شوي شوي سبحيها و أنتي تغنيلها و تلاعبينها
موفقة​

 

[مملكة الاحزان]

ادخخلي معها بالبانيو قوليلها روشيني وانا اروشك وخخليها تروشك ونعيما وروحو سوا اشترو شامبوهات

 

[خلنى بعيونك]

يمكن تكون ردت فعل لشئ سويتية انتى

مثل دخلتى في عيونهاا شامبو
او ما تخليهااا تلعب شوي

او تصرخين عليهااا الطفل اذكى مننا كثير

يتصرف تصرفات احيانآ... لجذب الانتباة بس

ويمكن بنتك حست انك ما تهتمين فيهااا سوت هالحركة
علشان تجذبك لهااا اكثر

والله يخليهاا لك ويخليك لهاااا وتشوفيهااا عروس

تقبلي مرورى

 

[اولادي حياتي]

اجل انا وش اقول بنتي الله يحفظها عمرها سنه وما ترضى تلبس ملابسها ولا تمشط شعرها ولا تلبس الحفاظة بس انا بنتي عكس بنتك تموت في شي اسمه مويه وخصوصا لما اسحبها في البحر ما ترضى تقوم من المويه بس اهم شي تسمين عليها بالرحمن اول ما تسبحينها

 

[مرت ريلها]

اشتريلها ألعاب مطاطيه تلاقينها بحلات مذركير او سنتر بوينت وحوض صغير ينحط داخل البانيو وترسيلها الحوض رغوه صدقيني راح تتغير وتحب السباحه واخذي معاج مسجله صغيره وسمعيها موسيقى اطفال راح تحب الوضع الجديد ولا تفتحين الماي عليها على طول خليها تاخذ راحتها بعدين حمميها بس حطي بالج سكري التكييف علشان ما تبرد وسلامتج

 

[الاموره القموره]

معليش حبايبي توي شفت الردود والله يعطيكم الف عافيه:bigsmile:
بس والله كل الي قلتو مسويته لها:sad_1:الحين صرت مااخبرها اني راح احممها بس احط اغراضها في الحمام وافاجئها وهي تبكي واسمي عليها كل شوي لدرجة ان ابوها يخاصمني:santa_1:يقول لاتذكرين اسم الله في الحمام كثير :bleh:وعلى فكره يوم عمرها سنه ونصف تحب السباحه وخاصه في البحر
ومره ثانيه اشكركم على ردودكم:icon26: