بنتي عمرها سنتين ونص ادخلو ووجهوني تكفون اتعبتني

[زوجي دنياي]

السلام عليكم
كيفكم ؟
انا مشكلتي بدت مع بنتي الكبيره الي عمرها سنتين ونص من بعد ماولدت وجبت بنت تغيرت 180 درجه اول كانت هاديه لابعد الحدودلاكن بعد ماولدت تغيرت صارت عدوانيه حيل تكسر التحف تنثر العصير ع الغنفه وتخرب كل شي بالبيت والله ارتب البيت وهي نايمه اذا صحت خلال خمس دقايق وهي محوسه الدنيا كلها تروح تفتح الثلاجه تاخذ اي سايل فيها عصير لبن حليب اي شي وتشرب منه شوي وتكب الباقي ع الموكيت والغنفات والله تعبت وياها اول لو تشوف احد من الي يسيرون علينا يكب شي قومت الدنيا وقعدتها والحين هي الي تكب امس قلتلها ليش ياماما تخربين بيت ماما قالتلي مو بيت ماما هاذا بيت اختي قلت لا هاذا بيت ماما جلست تبكي وتقول لا بيت اختي هاذي مشكلتي الاولى مشكلتي الثانيه انها صايره ماتلبس حفاضتها تفتحها وترميه تقول انا مثل ياسر وريم معنا ان ياسر وريم عيال اختي واعمارهم 5 و4 سنين تعبت معها ياناس وهي صغيره ماعرف كيف اتعامل وياها لاحد يقولي تغار من اختها والله اختها مالاعبها ولا اضحكها الى لما تنام اكبيره حتى ابوها مايشيلها ولا نلاعبها ولا شي عشان ماتغار يااناس والله تعبت وماني عارفه اتعامل معها وهي ماتسمع كلامي لو ايش ولا تخاف مني ابد

 

[am yazed]

الله يكون في عونك
خليها تهتم في اختها قول لها انتي الكبيره هاتي الحفايض عشان نغير للأختك الصغيره وتعالى امسكي الرضاعه لها واساليها وش رايك وش نلبسها هذا أو هذا؟
خليها تحس انه كبيره ولها اهميه بسبه لصغيره.
ومن ناحيه الحفايض هذي ميزه لانها المفروض تعلمينها على الحمام الآن عمرها مناسب استغللى الفرصه​

 

[فديت دلوعتي]

الله يحفظهم لك ويهديها ماشاءالله عمرها مناسب انك



تعلميها ع الحماموانتي بكرامه وحاولي تخليها تلعب




اختها موشرط الغيرة تجي عشان تلاعبون اختها





ولالا ممكن فكرة وجود بيبي ثاني بحد ذاتها سبب للغيرة

 

[زوجي دنياي]

مشكورات على تفاعلكن معي

 

[أم فروووحه]

والله خوفتيني وخلتيني اشيل هم بنتي لانها نفس عمر بنتك وانا حامل بالثامن والله يستر ما تغار من اختها
والله يصلح الاحوال

 

[زوجي دنياي]

لا بد من الغيره الله يصلحهن

 

[شمس الوفاء]

هذا لانه تحس ان اختها اخذت مكانها حتى في الرضاعه من صدرك تراهم وايد يغارون من هذا الشي ..
بس حاولي تحببيها بأختها خليها تشيلها طبعا وانتي معاها وتساعدك في كل شي ..