بنتي حسااااااااااااسة؟؟؟؟؟؟؟؟؟؟!!!!!!!!!!!

[منثورة]

يسم الله الرحمن الرحيم

السلام عليكم ورحمة الله وبركاته

بتني نورة عمرها ست سنوات وشوي

مشكلتها ضعيفة وااايد وزنها 16 كيلوونص

ومشكلتها وااايد حساسة تبكي من أي شيء

يعني حد صرخ عليها على طول تصيح لو ما عجبتها تسريحة شعرها تصيح لا بعد حتى لو قالت لها أختها بزاعلج تصيح

أحين دخلت صف أول وأنا خايفة عليها من هالحساسية يعني لو صرخت المعلمة على طول رح تصيح

كل يوم الصبح أقول لها أباج تكونين قوية وما تصيحين ومن هالكلام

بس كل يوم تصيح مره تقول جاني مغص ومره علشان تأخرت عليها أختها ........

الله يخليكم عطوني خطوات تقوي شخصيتها وتوخر عنها الحساسية الزايدة

الله يوفق كل من ترد علي

 

[Pink Dove]

أختي هي الصغيرة ولا الكبيرة ؟؟؟ وايه سبب ضعف وزنها بهذا الشكل ؟؟؟ اطمئني عليها أختي اكيد تحتاج لنظام غذائي ..

 

[منثورة]

اشكرج أختي زرقاء اليمامة على اهتمامج
ترتيبها الثالثة فوقها ولد وبنت وأصغر عنها ولدين
بالنسبة لوزنها ما أدري سويتلها فحوصات قالوا كل شيء طبيعي وقالوا ماتحتاج نظام ولا شيء!!!!!!!

 

[Pink Dove]

أيوة حبيبتي في العادة الطفل في المنتصف بيكون مهضوم حقه قليلا ,, صدقيني هي تحتاج لحبك ولحنانك عشان كذا بتصيح على كل شئ .. أهتمي بيها وبصحتها وبغذائها .. الطفل لما يلاقي اهتمام وخوف منك يأكل وتتحسن صحته ويكون هادئ ويحبك .. أعتقد ان البنت عندها مشكلة نفسية لعدم الاهتمام بها .. أعطيها من وقتك حبيبتي والله يعينك يارب

 

[أم سيف]

حبيبتي منثورة خلي أبوها يدخل في تربيتها , ويشجعها نفس ما انتي تشجعينها ....
وتمي على الكلام اللي انتي تقوليها كوني شجاعه لا تخافين الله معاج ... واقري عليها دايما وادعيلها .... وشجعبها عالاكل بجوائز وهدايا تحبها .. او حتى بالكلام او تخليلها مثل حصاله تحطيلها فيها اي شي تحبه حتى لو كلام كل ما تسوي شي زين ... عشان تقوي ثقتها بنفسها ......

 

[منثورة]

زرقاء اليمامة أحس إني أعطيها اهتمام بس ما دري يمكن أكون مقصر
يعطيج العافية على اهتمام ونصايج

 

[منثورة]

أم سيف الله يجزاج خير وبالفعل يمكن أبوها مايتدخل وايد بتربيتها
نصايحج مثل العسل الله يبارك فيج