بنتى ذبحتنى ساعدونى ياامهات

[منايل]

بنااااااااااااات ساعدونى تعبااااااااااااااانه ابي اناااااااااااااااااااااااااام


بنتى عمرها 40 يوم مطلع روحى


كل شى تمام رضاعتها غيرتلها مومريضه


بس احطه تبكى بحضنى لا تسكت ولازم اهزه

تعبت شنوالحل افيدونى:icon28:

 

[وأزهر الياسمين]

بسم الله الرحمن الرحيم

السلام عليكم ورحمة الله وبركاته

الف الحمد لله على سلامتك حبيبتي ومبروك ماجاك تتربى في عزك,,

الله يعينك ياقلبي هم الأطفال كذا تربيتهم صعبة والأصعب فهمهم,,

أإن شاء الله هذا شي طبيعي الي فيها مش من مرض أو غيره,,

أإنتي حآولي تفهمي سبب بكآئها,,يمكن في شي زآعجها أو شي يوجعها أو حتى عندها مغص في بطنها,,

مايخالف تحملي شوي,,ناغيها,,لاعبيها,,هزيها,,وكمان نوميها على بطنها وأإمسحي عليه برفق,,

وحآولي تضميها لصدرك وتقربيها لك دآيم,,

وأإقري عليها المعوذآت وسمي عليها بالرحمن ,,

والله يهديها وتريحك بإذنه تعالى,,

أتمنى أكون أفدتك,,

الله يوفقك,,

 

[منايل]

جزج الله خير وياربي تصلحها

 

[همس الشرقيه]

الله يعينك ياختي انا ولدي اللحين عمره سنه واربع شهور وهذا حالي معه بس اللحين بدا يتحسن شوي عليك بالصبر والله احيانا ابكي منه بس انتي احتسبي الاجر ترى الجنه تحت اقدام الامهات

 

[كاراميل]

معليش جبيتي كل الاطفال اول 3 شهور متعبين بالنوم بس يمكن عندها غازات اغليلها ملعقة اكل كمون واعطيها هي مع نص كاسة مويه وانشاء ربنا يريحك

 

[همس القلوب]

الف حمد الله على سلامتج الغاليه ...ذكرتيني يوم ربيت بولدي كان صياح درجه اولى وكنت ماارقد شرات الناس وكلما يصيح اصيح وياه حتى ضعفت وايد وياني اللي يسمونه اكتئاب بعد الولاده ....بس كان يصيح من المغص والغازات ووديته عند دكتور اطفال وعطاني دوا عشان بطنه والحمد لله كان يريحه ...والحمد لله بعد الشهرين خف عنه وانتظم رقاده بس اغلبية اليهال جي اول 3 شهور بس ماعليه حبيبتي استحملي ..ويمكن بعد عنده مغص ..اذا شفتيه يتعصر وايد ...لانه طبيعي في هالمرحله يكون عندهم مغص وغازات ....

 

[future girl]

الحمدلله عللى سلامتك ومبرووك ما جــاك
طــبعا اللي قبلي ما قصروا بس ما حبيت أدخل وما أرد عليك ..
عموما أكيد أنها تصييح منزعجه من شي وأنا ولدي نفس الحكايه
بس أشوووفه هالايااام من كمل 4 شــهووور صــار رجـــال انضبط نومه ويخليني أنااام مثل البشر:shiny:
بس أنتي لا تعووودينها كــثير أنها تناام بحضنك تــرى بــعدين تنشب لك ولا تقدررين عــليها..​