بنات ممكن تساعدوني في حل هذي المشكلة

[عناقيدالخير]

السلام عليكم

خواتي كل عام وانتم بخير

ابغاكم تساعدوني في حل هذي المشكلة اذا تكرمتم



فيه وحدة اعرفها زين صار بينها وبين زوجها مشكلة تافه زوجها عصبي

عصب عليها ومد يده وضربها


والحين صار لهم أكثر من أسبوعين ماشافو بعض هو في الدور
الأول وهي عايشه في الدور الثاني في نفس البيت


بس هي ترسل الشغالة بجميع طلباته وماهي مقصرة في حقه بشي


والحين هي حاسة بتأنيب الضمير تخاف تموت وزوجها عليها غضبان

وفي نفس الوقت تحس انه هو الغلطان عشان ضربها وتخاف أذا راحت تصالحه

يرجع ويمد يده عليها مره ثانيه والحين هي في هم ماتدري تنزل وتصالحه ولا تنتظر الين يجي

هو ويصالحها وهي مرة متضايقة عشان هو طبق ملابسه ومسافر لأهله ولسا الخلاف مستمر بينهم

وهي تبغى تعرف عليها إثم ولا لا ساعدوني عشان إنا أبغى اعلمها كيف تتصرف معاه

وعلى فكرة مو أول مرة يضربها قد ضربها كذا مرة وعشان أمور تافه

 

[~أماسي~]

خليها تدعي ربها ، للدعاء أثر عجيب لحل المشاكل

وتكثر من الأستغفار ..

يمكن لو طارحه مشكلتك بقسم الاستشارات الزوجيه تلقين حلول أكثر

مابيدي الا أدعي لها ((الله يألف بينهم ويهدي زوجها ويسخره لها ))

 

[سلامـ]

وعليكم السلام ورحمة الله وبركاته

عزيزتي عليها أن تتوجه لخالقها بالدعاء بتيسير أمرها وأن يوفقها للحل السليم ..

ينقل لقسم الإستشارات الزوجية !

 

[تشكرات]

دائما يضربها !!!!وليش سكتت عليه ؟؟؟المفروض من البدايه توقفه عند حده ...صاحبتك هذه طيبه وان شاء الله ربي يعوضها ...بس حبيبتي الدين والاحساس بالذنب ماله علاقه ..الا اذا كان اغضبته فيما لايرضي الله..وبعدين المفروض هي تعطي الاكل لزوجها مو مع الشغاله ..وهو المفروض يعتذر لها ..

 

[محبة مكة]

لا ما تتاسف له بطريقة مباشرة
بس تنزل تقول له وحشتني
من هادا الكلام

 

[أحساس امرأه]

ضاربها وتتاسف ؟ ومواول مرة ؟قوية هذي
لاحبيبتي خليها تشطففففففة ولاكانة موجودبحياتها
تقول بكل واجباتة وبس
هوالحق يجي يعذر ويرضيك برضاوة بعد ؟
بس الظاهر زوجك تعود يضربك وانتي تركضين وراه ..
لاتحسبين هالشي بيكبرك بعينة لاعيوني بيذلك اكثر ؟
اصحي لنفسك ..

​

 

[أحساس امرأه]

قصدي تقوم بكل وجباتة

 

[الجده الصغيره]

تتأسف وترجع وتخلص النيه لله...

 

[salmaa]

تتاسف؟ لو غلطانه لو مش غلطانه لاتتاسف ابدا
والضرب هي السبب لانها تسكت له لازم وقفه من حد اقوي منه يوقفه عند حدوده
غلطانه تبعت الشغاله تتزين وتنزل تحط شغلاته ولاترسل الشغاله ابدا يمكن لما يشوفها قلبه يرق وتنظر له نظرات من بعيد وهي في شقته معناها وحشتني لكن لاتقولها بلسانها ابدا وان صالحها تتصالح لكن بهدوء وثقل

 

[الناصحه الامينه]

حبيبتى الرجال نادرا مايضرب ويمد يده بدون سبب
بغض النظر عن ما اذا كان السبب تافه او يستحق
دائما ننظر للقضيه من من حيث انتهت او من النتائج ونغمض عيوننا عن الاسباب اللى بدات بها القضيه
وهذا اجحاف وبهالطريقه لايمكن تنحل المشكله
لانا مابحثنا الاسباب الحقيقيه
واللى تقول يوقفه عند حده وما ادرى ايش
الرجل اذا انجرح او تطاول عليه احد بسبب شكوى غير صادقه او مفتعله الاسباب
يترسب فى قلبه حقد وضغينه على زوجته واهلها الذين واجهوه بسبب ادعائاتها
يجب على المراه ان تتجنب اسباب الضرب والاهانه بحيث لايمد يده عليها باسباب تثيرها هى ثم تشتكى منها
لا يعقل ان تكون المراه مستفزه للرجل ثم نطالبه بان يحترمها الاحترام رده فعل تنتج من احترام الشخص الاخر لذاته
مثل حالتك اختى لم نعرف السبب بالضبط قلتى تافه بنظرك قد يكون بنظره ليس تافها وقد يكون تافها لكن انت استفزيتيه او نشبتى فى حلقه على قولتهم بعض الحريم ما يكفيها انها تغضب الرجل
الا تبدا تلاحقه وتثيره بالالفاظ الجارحه
ثم تقول ضربنى واهاننى
مطلوب منا العدل
الرجل لا يجب على المراه ان تنطق لحظه غضبه فهذا من دواعى انهاء العلاقه فى لحظات فالشيطان حاضر ويحمل غايه ويسعى لتحقيقها وهى تفريق الزوجين فالمراه العاقله لا تكون عوونا للشيطان علبى نفسها
لكم امراه راددت زوجها وطلبت منه الطلاق فى ووقت غضبه
ثم ذاقت مراره الندم
واكثر ما اسمع من من يطلب فتاوى الطلاق ويسال عن الرجوع بعد الطلاق هى المراه
التى لاتلبث ان ترى خطأها وكيف جعلت الرجل يبيعها فى لحظه ودمرت كل شئ بسبب سوء تصرفها ثم باتت تتجرع الغصص من فراق زوجها وتشتيت امرها
الرجال لديهم اعمال وواجبات وضغوط والله لو تعلمها المراه وتحس بها حق الاحساس
لاصبحت تدارى هذا الزوج وتبحث عن راحته
لا ان تتركه حتى ياتى ثم صبت عليه جام غضبها وطلبت منه ان يكون حليما ثم تقول يضرب لاتفه الاسباب
تاكدى ان الضرب رده فعل لفعل انت قمتى به مهماكان
انا لست راضيه عن هذا الاسلوب ولكن الناس يختلفون فى قدرتهم على التحمل
ضعى يدك فى يد زوجك حبيبتى واطلبيه الصفح ان كنتى اخطات
فانا احس من كلامك انك نادمه وتشعرين بانك مخطئه
اصلح الله ما بينكما
اذا غضب منك زوجك دائما وكنت مخطئه فقومى بمباشره خدمته بنفسك فهذا اسلوب اعتذار لايجرح الكرامه ويجعل زوج يشعر بحبك له وندمك وهو يقوم بالباقى

 

[عناقيدالخير]

مشكورين على ردودكم الأكثر من رائعة

بس انتم لخبطتوني ناس تقول الحق عليها وناس تقول الحق عليه

الحرمة ملتزمة وماتبغى تغضب الله ودها تسامحه بس المشكلة هو ماينعطى وجه تخاف إذا سامحته
يصير بينهم خلاف مرة ثانيه ويضربها عشان زوجها من النوع ألحمقي وإذا أطلبت منه طلب بسرعة يعصب ويمد يده

مثلا إذا بغت تروح زواج وهو مايحب الزوجات بس تقول أفلان إنا معزومة على زواج وإذا سمحت أبي أروح

يقوم ويعصب ويهاوش وأحيانا ماتدري الاو الكف على وجهها هذا أمر تافه وبسيط و مايستحق الضرب الحرمة محترمة وملتزمة وتراعي الله فيه


أم الموضوع التافه إلى ضربها عنده عشان سمعت فيه مستشفى في المدينة غير المدينة إلى تسكن فيها وهذي المستشفى تعالج إمراض الحساسية وعشان بنيتها عمرها ثلاث سنوات ومن الولادة تعاني من مرض الحساسية
أطلبت من زوجها يسمح لها تروح عند أختها إلي ساكنه في نفس ألمدينه عشان تودي بنتها للمستشفى
وحاولت تشرحله وجهت نظرها وليش تبي تروح وتعالج بنتها وقامة تشرحله أن المستشفى متطور وخمسة نجوم وان بنتها تعبانه ومحتاجه علاج ومن هذا الكلام قام وعصب ولطشها كفوف ودفها على الأرض وطبعا هذا كله قدام عيالها وبس هذي القصة وش رأيكم أنا أشوف المفروض يرضيها ويحب رأسها قدام عيالها ويتأسف بعد
بس هو عنيد واضن لو تقعد خمسين سنه ماجا يهز طوله ويتأسف لها

 

[ملكة بإحساسي]

ما أول مرة يضربهااااا وكااانت تسكت تو عاااااد زعلت
عودته على ضربه لها وكاانت تسكت
لو دخلت اهلها من أول مرة لانه تعود على هالشي ولو حسسته بقيمتها من البداااية على احترااامها وان هي انسااانة وما تسمح لاي شخص مهما كان حتى لو كااان زوجها ان يمد ايده عليها وبعد سبب ضربه لها مره ما يستاااهل

خليها تستخير ربها اذا تصالحه او لا وتشوف لشو مرتاااحة أكثر شي

ولو مد ايده مرة ثااانية تروووح لأهلها بدون نقااااش كرامتها اهم شي

والله يهديه يارب

 

[ربع توله]

استغفر الله..
يعني والله ان المشكله واضحه وما يبغالها حيره الرجل الزوج المحترم القوام هو وللاسف الغلطان وهي طيبه وما قصرت بشي ..
وسبب المشكله لايستدعي تصرف الزوج,,
صحيح يجب ان نلتمس للمسلمين العذر لربما كان مضغوط ساعتها ولكن المسأله طولت وكان المفروض بعد ما يروق يحس بغلطه ويتأسف..
مع ان اغلب الرجال لا يعتذرون بالكلام وانما بالفعل وهو للاسف شامخ وماخذته العزه بالاثم ..
والله ما نيتي اقسيها عليه لان الحرمه مالها الا بيتها وزجها وعيالها ..
لكن وربي مقهوره لانها ماغلطت بشي ..
وحانه ونفسها تعتذر عشان يطيح الحطب ..
فاقسى شعور تعيشه الزوجه هو جو الزعل مع زوجها..
لكنها ما غلطت بالعكس الخطأ عليه 100%
اولا تدعي الله وتستغفر كثير ان ربي يهديه ويحنن قلبه عليها ويسخره لها...
وترفع مقامها وقدرها ولا توطي نفسها له مادامه شايف نفسه..
وكمان يضربها هذي والله الطآمه ..
كيف تسكت على الاهانه والضرب وقدام عيالها والله كبيره في حقها ..
لان الاطفال ما ينسوا ناهيك عن الاضرار النفسيه وامهم تنضرب ..
المفروض تقر مكانها وتقوم بواجباته عشان ما يكون له عليها عذر..
وتصبر الين يطيح اللي براسه ويجي بنفسه ويعتذر..
قوليلها بالله عليك..
لا تضعف لانها ما غلطت لو المشكله مافيها ضرب وهجر واستعداد للسفر بدون داعي مقنع والا عادي الزوجه تحب على راس زوجها وتراضيه ولكنه ما يستاهل ..
انصحيها لاتعتذر عشان لايتعود ..
حببيها في نفسها ..
عرفيها بقدرها..
فهميها تنظر للامور بواقعيه بعيد عن الاحتياج الجنسي..
لانه المفروض مداه زوجها يحن ويشتاق ويجي ركض يراضيها ..
مو تنقلب الصوره الله لايبلانا .
بينيلها انها لو حبت نفسها وعزت كرامتها غيرها راح يحبها ويعزها ..
ولو ماقدرت فغيرها من باب اولى ماراح يقدر ..
تلتفت لعيالها ولنفسها افضل الين مايجي بنفسه والا ..تركه اولى ..
كلمه اخيره..
ان كانت خايفه من الاثم ..
فهي باذن الله ليست اثمه لانها ما اخطأت والمؤمن القوي احب الى الله من المؤمن الضعيف .
فلا تذل نفسها... نصيحه من كل قلبي .

 

[احب الكلل]

مهم جدا

اول شي لازم نعرف اسباب المشكله وبعدين يتم دارسه المشكله واكيد الحل سهل الاني الحظ كل الردود سريعه وعاطفيه
لان يمكن ان تكون المشكله كبيره وانتي تقولي صغيره بس اذا كات متعود على الضرب انا اقول لا تكون هي المبادره في الصلح خليه هو الي يبادر في الصلح لان راح يتعود على ضعفك ويقول انك راح تبادري في الصلح .​

 

[روعــــــــة]

الله يعينها الرجل اذا ضرب معناته مستهين بالحرمة .