بنات في احد يعرف اخبار كنت احلم

[ندى 1983]

بنات مين تعرف اخبار كنت احلم
انا خبري فيها تعالج وزوجها طلق زوجته الثانيه
تكفون بالليله الفضيله احد يطمني

 

[وحيده في دنياي]

ماعندي علم بها
ان شاء الله البنات
يخبرونك عنها

 

[ندى 1983]

الله يفرج هم اللي ترد

 

[مس دلوعه]

والله مااعرف عنها شي بس قصتها مئلمه جداا​

 

[ندى 1983]

احد يرفع الموضوع حتى نعرف اخبارها

 

[ندى 1983]

للرفع

 

[كنت احلم]

أنا بخير واتابع معكم بصمت من وقت الى اخر

الحمدلله اموري بخير وكل شي تمام

طولت عليكم بموضوعي وبصراحه ما اعرف متى راح اقدر اني اكمله

لكن ظروفي الحاليه تمنعني من المشاركه واخاف ابتدي من جديد ولا اقدر اني اواصل

ابي ارجع بشكل افضل

بالنسبه لزوجي امورنا بخير الحمدلله

ولكن رجعها للمره الثانيه بوقت علاجي

وكنت اساسا ما يصلح لي الزعل بحالتي

فتأزمت حالتي الصحيه

بهذاك الوقت وانتهت بعملية قسطره للقلب من كثر الهم الي جاني

هجرته لفتره شهر او اكثر بشوي

وكانت الاخت تعودت على فراقي

لكن بعد ما رجعت , رجعت بكل قوتي

فإلي حصل

انها بين فتره والثانيه تهجره وتروح بيت اهلها

لمدة اسبوعين او ثلاث وانا ارتاح من بعدها ويرجع لي كما كنا

يعني خلال الخمس شهور الي فاتت اكثر من مره راحت بيت اهلها

وزوجي تعود على بعدها

طبعا بعد ما رجعت طلبت ان يخصص لها شقه وفعلا حط لها شقه

واستراتيجيتي تمت على اساس يشبع منها بقدر استطاعته ويعرف الفرق

وفعلا بعد ما حط لها شقه فعلا تغير للاحسن والشهاده لله ما شفت منه قصور لا قبل ولا الآن

الا سالفة رجوعها بعد محاولتها للانتحار

وقتها اهلها ترجوه ان يرجعها حتى لو يسير عليها بالشهر مره

وتم هالشي ولكن الصدمه كانت قويه علي من بعد خيانتها له كيف يرجعها ؟

لكن بعد ما اصريت على شقه لها

اموري تحسنت الحمدلله

لان ما عاد يرتاح هناك وصار حتى بليلتها يجي قبل لا يروح وهي تدري

هالشي يضايقها طبعا واصرت انها تقابلني واتهمتني اني انا الي اخليه يجي

قلت لها الشرع يقول العدل بالمبات وهو يبات عندك بالتالي ما في شي سواه حرام

اكلك وشربك ومباتك وكل شي من حقوقك انا ما سلبته الحمدلله

صارت تزعل لا شافت مسج حلو مني له او طلب وهو يقول على امرك وتدللي وغيره من الكلام الحلو الي بينا

زوجي من النوع الي صار يمسح اي مسج لها عشان يراعي مشاعري فلاحظت هالشي

ان مسجاتي محفوظه اما مسجاتها ممسوحه

بالنهايه كل يوم والثاني عندها مشكله معه

وتطلع من شقتها لبيت اهلها

اهلها زهقوا وشالو يدهم ولا عادو يتصلون يزعجون زوجي لان البلاء من بنتهم

يعني هل الصح بالنسبه لها ان يكرهني ان يهجرني ان ينسى العشره ؟؟

بالنهايه هو عندي الآن من قرابة شهر بدونها

احيانا يقول ابي اطلقها واحيانا يقول خل هي تطلب الطلاق دام ما تبي تفهم

وانا شايله ايدي دام حقوقي واصله والحمدلله

الباقي لها هي هل تبي تعيش بالطريقه هذي

ان يوصل لها حقوقها وتشيلني من بالها نفس ما انا شايلتها من حساباتي اساسا

ما عندي مانع انها تبقى لكن ما لها حق انها تطالب باكثر من حقوقها ولا لها حق

بكيفية معاملته لي او اني اكون مفضله عنده او مايل لي

مع ان الشي الوحيد الي يضايقني او اني افكر فيه احيانا اقول

لو وحده مكانها كيف بعد الخيانه لها وجه تطالب انها تكون زوجته الوحيده

وهل فعلا هي مقتنعه بكلامها ان المفروض يميل لها لانها الثانيه رغم الخيانه

وكيف له نفس اساسا ان يعاشرها بالمعروف وهو مغصوب عليها ولا يبيها تنتحر

كل الموضوع شفقه ولما جت البيت واتهمتني قال لها نفس الكلام

انا عفتك من زمان والي زيك المفروض ما تتكلم

وانا غلطت وادفع ضريبة غلطتي وانتي غلطتي معي ومع غيري واستحملي نصيبك

تتهمني اني اسلبها حقها بالفراش لانه ما يقرب منها

ما فكرت باسباب بعده عنها لكن فكرت اني انا الي اجذبه لفراشي

هذي موجز لبقية قصتي وان شاء الله كلها اسابيع واستقر ببيتي الجديد

لاني من فتره وانا اجهز للنقل و افرش واختار

وبنهاية هالاسبوع ان شاء الله بستقر فيه وبرجع لموضوعي واكمله

وما زلت احاااااااااااارب

والله يوفقني ويعطيني على قد نيتي

واخر كلامها امس تقول طلقها وانا ازوجك وحده ثانيه اصغر واحلى مني وبنت كمان هههههه

بالله عليكم ما ينطبق عليها المثل الي يقول اخذ الحكمه من افواه المجانين

هي تحارب وجودي

لكن انا احارب ان اكون سيدة قلبه وقرة عينه

ومازلت اطبق كل الي كتبته لكم بموضوعي

وما زال عندي افكار اطبقها والحمدلله كلها فادتني

وبالنهايه الاستشاريه لبنى الي رحت لها قبل ايام

قالت لي انتي على الطريق الصحيح

واصلي واشجعك عليه

وعلمتني اشياء كثيره استفيد منها

حاليا قاعده اطبقها وان شاء الله لي رجعه لموضوعي اكتبه لكم مع افكاري للاوليااااااااااات او الي تعاني من خيانه زوجها

 

[ام عبادي123]

الله يوفقج ويسرلج يارب ويبعد عن شرها ويكفيكي حسدها أنا بصراحه اهنيج على صبرج والله معاج

 

[غربيه شماليه]

ياعمري
الله يوفقك


انا عندي مشكله بغيت رايك فيها يا كنت احلم
ممكن؟

 

[مليك قلبي]

الله يووووووووفقك ويسعدككك

 

[كنت احلم]

ربي يسعدكم ويوفقكم

غربيه انتظر رسالتك يالغاليه

 

[غربيه شماليه]

عالخاص

 

[راحةالقلوب2]

ربي يوفقك وييسر لك امرك ويريح قلبك

 

[ميانج&]

يشهد الله اني احبك في الله
وقصتك من اول القصص اللي قريتها ف المنتدي
بس طلبتك ادكار الصباح والمساء لاتتركينها ’
وصباح ومساء دايما رددي :
بسم الله امسيت بالله الدي ليس منه شئ ممتنع ’وبعزة الله التي ترام ولاتضام وبسلطان الله المنيع نحتجيب وباسمائة الحسني كلهاعائدين من الابالسه والشياطين ,ومن شر كل معلن او مسر’ ومن شر مايخرج بالليل ويكمن بالنهار ويخرج بالنهار ويكمن بالليل ,ومن شر ابليس وجنودة ,ومن شر كل دابة ربي اخد بناصيتها ان ربي علي صراط مستقيم.
الله يحفظك من شر حقدها واداها
استودعك الله التي لاتضيع وادئعة

 

[ندى 1983]

اه ياكنت احلم
الحمد لله على السلامتك
قصه حياتك ادمت قلبي
وانزلت دمعي
انتي بارعه بسرد احاسيسك
كسبتي قلبي الك
كنت احلم
احنا نحلم بدنيا

لاكن الحقيقه هي الاخره
لا تحزني على ما اصابك
ما اصابك الا الاذى
واذ انتي حزنتي ونكسرتي
زوجك حزن اكثر وانكسر

ابي منك تكوني قوية بربك
ان الله مع المتقين
واهيا ولا شي شلون واهيا زانيه
اختك في الله ومحبتك ندى