بنات ساعدوني زوجي يخوني مع اختي

[مها خالد]

السلام عليكم
بنات الله يعافيكم الدنيا ضاااايقه فيني ودي لو اموت وارتاح
اكتشفت ان زوجي يخوني مع اختي مدري شسوي
والمواجهه مستحيل اسويها
قسم بالله مالي الا الله ثم انتم مدري شلون اتصرف

 

[صغيرة يآ هم]

تأكدتي ؟

وشو وضعج ؟

كم لج متتزوجة وعندج عيال ولا ؟

واختج كم عمرها ؟

وضحي اكثر

 

[مها خالد]

ايوا تاكدت تصرفاتهم كلها تاكد لي
لي تقريباً 5 سنوات
ايه عندي الحمدلله
اختي اصغر مني بسنه

 

[الحمدلله والشكر]

هذا مو دليل اشلون تصرفاتهم

 

[مها خالد]

الا دليل لما اسولف لواحد منهم عن الثاني ويصير وجهه احمر
لما تصير اشياء ببيت اهلي انا مااعرف فيها زوجي يعرف عنها علماً ان زوجي ماله علاقه ب ابوي او اخوي والا يكلمهم الا بالاعياد وحنا ساكنين بمنطقه ثانيه
لما زوجي يودي بنتي البقالهوتجيني بنتي تقول ماما كلمت خاله ويعصب ع بنتي روحي العبي ب اي بادك ويصرف الموضوع
لما اقول لااختي اني بسافر مع زوجي وتعصب ليش تسافرين خذي عيالك معك مو لازم كل مره تعيدون شهر العسل وهي مرتبكه اقولها وش دخلك بخليهم عند جدتهم وشغالتهم معهم تقول بس حرام تخلين عيالك عشان متعتك لا تكتمين الرجال اكيد مايبي يسافر بس انت غاصبته
ايوا اذكر موقف قبل شهرين كنت نفاس والبيبي الجديد وبنتي يبكون وازعاجهم مالي البيت وجاتني اختي تصارخ ازعجتينا انت وبزرانك المهم سكتتهم وبعد ساعه تقريباً كنت اراسل زوجي بالواتس قالي خلاص لاعاد تحملين ازعجتي اهلك بعيالك
... الخ
وش اخلي وش اقول مليون موقف وموقف تاكد لي وانا صابره واقول اوهام
بس اللحين بموت من الشك وماكتبت مشكلتي الا لما تاكدت وقلب المؤمن دليله تعبت والله العظيم تعبت

 

[مها خالد]

بنات ردوا لو بكلمه احس اني بموت بليز ساعدوني

 

[باسمه العيون]

اختي والله بعرف وحده نفس قصتك كان زوجها بعلاقه مع اختها لاكثر من 3سنوات وهي ماتعرف لان اختها دوم تجيها البيت وهو يوديهن كل مشاويرهن وطانو يخلوها عند عيالهم ويروح الاسواق ومستحيل يرجع الا وفايده هديه غاليه ويحكي بدنا نضل نجيب لاختك هدايا منشان تضل دائما عند اولادنا وماترفض وهي على نياتها تقول اه اشتريلها وهو يقدمها وكانت واثقه فيهم ثقه عمياء
كانو مراسلات عالهاتف ومكالمات مالها حد ودووووووم تشوفيها لابسه ورايحه لهم
اكتشفت اختها وراحت واجهتهم بس للأسف المواجهه ماكانت في صالحها لان زوجها طنشها واختها بقيت فبيت اهلها وماعادت تروح وتهتم فاولادها العلاقه بينهم بقيت مستمره وعيني عينك يتراسلون
وهي ميته قهر وحتى لما تشوفيها تشوفي هموم الدنيا كلها فوجهها

الي بوصللك ياه لاتواجهينهم بالمره وحاولي تكرهينهم فبعض بس مو بطريقه انها توصل حكيك لزوجك لا فكري بطرق ثانيه مثلا كل مره احكي اختي هاي بتكره الاولاد الصغار ومره احكي اختي ماتستحم ومره احكي جسمها فيو حبوب بتخوف واذا حكالها وحكتلك ليش هيك روحي وقولي شة درى اختي لان هامواضيع تحرجها كثييير وهي زعلت مني مابتحب الناس تعرف عن عيوب جسمها
صحيح هي اختك وحرام تحشي فيها بس كمان الي عملتو اختك علاقه محرمه ... وهذا زوجك حافضي عليه

قال الرسول عليه السلام : الحمو موت

 

[نور1406]

انت حاليا استخدمي اسلوب التلميح قولي لاختك ان عندك صديقة اكتشفت ان اختها لها علاقه بزوجها وان صديقتي طلبت مني استشاره اذا تواجه اختها او تقول لامها وابوها
وسألي اختك شنو رايها بالموضوع
اذا سويتي هذي الخطوه نفكر بالخطوات الجايه

 

[ضياء الأمل]

ركزي معايا يابنت الناس.. لا تضيعي زوجك بسبب أختك حرام بينكم عيال مالهم ذنب يبتعدو عن أمهم أو أبوهم..

أولا اتأكدي من موضوع الخيانة هاذي وما نوعيتها بالأدلة الواضحة يمكن تكون شك ليس إلا.. راقبي تصرفات زوجك وأختك جيدا وإذا تأكدتي فإياك وإياكي تتصرفي تصرف متهور حتى لايشك زوجك في انك عرفتي ويأخذ حذره.. حسسيه انك واثقة في مية بالمية عشان تتأكدي..

ثاني شي اكتبي فصيلة دمك أنت وزوجك واكتبي صفاتكما كاملة وواضحة كل مايأتي في بالك.. وخذي وقتك في الكتابة لأن الظاهر انك تستعجلين في الكتابة والمشكلة لا تكون واضحة كفاية.. حسنا حبيبتي أنا أنتظرك

 

[أم الوجيه]

الله يعينك و ييسر لك أمرك ، ما قصروا الأخوات قبل و حاولي تقللي من زيارتك لأهلك في هذه الفترة و لا تتركيه لها و لا تتردي من أي تصرف حازم لك معاها لأنها ما استحت منك أصلاً

 

[مها خالد]

دامعه انا هذا فعلاً اللي سويته وقلت لزوجي عن سمنة اختي قال لي تراك طفشينا < ولاحظي طفشتينا
لان من ايام مراهقة اختي كنت اقولها عن سمنتها واعايرها فيها
بس انا مكمله يعني امس قلت له عن المشاكل اللي بينها وبين اخوي وانه اهلي يبونها تتزوج ويفتكون منها لانها وجه نحس وماتوقف مشاكلها



نور والله هذا اللي حصل اليوم الفجر قلت لها ان صديقتي اكتشفت ان زوجها يخونها مع اختها وكانت منسدحه وجلست وقالت ها وش سوت صديقتك قلت لها ع كثر ماكنت اشوف صديقتي ضعيفه ومسكينه الا انها سوت شئ مااحد يتخيله قالت بحماس وش سوت قلت لها توقعي قالت ضربتها قلت لها لا قالت فضحتها بوسط اهلها واقاربها قلت لها لا قالت خلتهم يتواعدون وبلغت الهيئه عنهم قلت لها لا سوت شئ مايجي ع البال والا ع الخاطر خلت اختها تتعالح ب الطب النفسي بسسبه بس عن اذنك بروح اشوف بنتي تبكي كان تهديد مبطن واليوم ع الفطور تسالني تكفين قولي لي وش سوت صديقتك بااختها

 

[مها خالد]

ضياء الامل الله يضئ لك دربك
متاكده مليون بالميه خلاص ماعاد فيها
انا اليوم توني جايه لااهلي وقالت لي اختي الصغيره عن قصه صارت الاسبوع الماضي تقول انها لها فتره تشك ب ذيك انها تكلم وراحت قالت لاامي وصارت سالفه بالبيت وهوشه بس هم مايعرفون من تكلم المهم ان شكل المكالمات بعد هالفصيحه خفت او قلت بينهم
المهم اني انا مادريت ع الموضوع الا اليوم الفجر وسالتها عن اليوم
وكان بعد ذاك اليوم اللي صارت فيه القصه بيومين بالصدفه كنت اسولف عن اختي الصغيره ولما قلت اسمها زوجي كانت معه كاسة شاي وطاحت وانكسرت من يده وباين عليه مرتبك قال لي لا تحيبين طاري اختك هذي نحس كل شئ زين تكسره وشوفي البياله قدامك كيف انكسرت يوم حبت طاريها

 

[مها خالد]

ضياء انا غربيه جنوبيه وهو شرقي جنوبي

 

[هبهوبة دلوعة]

السلام عليكم....
اختي كل ما قلتيه مجرد شكوك....قد تكون اختك فعلا على علاقة طيبة بزوجك...قد تشكوك له يوما...قد تتدخل في حياتك بنصيحة تراها مناسبة لاطفالك....
لكن كل هذا ليس دليلا على خيانة...
تقربي الى زوجك اكثر...املئي حياته بك وباطفالك...وابعديه عن كل من قد تتربص به ممن تعرفين ومن لا تعرفين...
حتى اختك تقربي منها...حسسيها بعطف وحنان الاخت الاكبر...كوني موضع سرها...بدل زوجك...وهذا ما اضن...تتخد زوجك كاتما لاسرارها...وربما هو ايضا...لكن بحسن نية وليس كما تظنين....
في نفس الوقت...راقبي تصرفاتهما...دون اشعارهما بشيئ...لا تمشي بسوء بينهما...ولا تحدثيها عن خيانة الاخت لاختها...حتىلا توقظي فتنة نائمة...

 

[مها خالد]

هبهوبه عاداتنا ماتسمح لنا نكلم ازواج اخواتنا ولا حتى نرد السلام عليهم

والمفروض حتى رقمه مو معاها ولا رقمها معه
بعدين انا ماعمري اشتكيت لها عن شئ بحياتي عشان تتدخل بنصيحه وغيره

 

[هبهوبة دلوعة]

ههههه...يبدو انك سبقت ردي بكثيييير...
على كل انت الادرى بكل منهما...وان كنت احس ان تصرفاتهما اعتباطية...ولا تدل على خيانة....
ابعد الله عنك السوء وحفظكم جميعا

 

[مها خالد]

كيف اعتباطيه
مهمها كانت العلاقه بينهم لو مجرد ضحك وسوالف عاديه فهذي خيانه انهم يكلمون بعض من وراي

 

[ام سوسو55]

اختي الحبيبة سوف نناقش كل الادلة بهدوء واتمنى من الاخوات المداخلة والتعليق لكي نصل الي نتيجة منطقية وهذه استنتاجاتي قد تكون خطأ او صواب هي مجرد بحث عن حلول ووصول الى استنتاج منطقي لا يظلم احــد على حساب الاخــر ...
الدليل الاول /
لما تصير اشياء ببيت اهلي انا مااعرف فيها زوجي يعرف عنها .
ممكن نعرف مثل ايش مثلا يعني يشترون سيارة او يسافرون او تحصل مشاكل ايش الي يعرفه بالضبط قبلك قد يكون امر عادي كل الناس تعرفه قبلك مو شرط بس زوجك يمكن اخوك كلمه او عديله اذا لك اخت متزوجه , انا كنت اعرف ايش يصير عند اهل طليقي قبله هو واحيان هو مايعرف بالموضوع اصلا والحمد لله ماكنت اخون زوجي سلفتي كانت تعلمني بكل شيء
لما زوجي يودي بنتي البقال هوتجيني بنتي تقول ماما كلمت خاله ويعصب ع بنتي روحي العبي ب اي بادك ويصرف الموضوع
هل سألتي بنتك من هي خاله المقصودة هل هي اختك ام خاله وبس لان الاطفــال كل الحريم عندهم خاله وطبعا هي مره واحــدة فقط او عدة مرات كانت تكلم خــاله مع ابوها .
لما اقول لااختي اني بسافر مع زوجي وتعصب ليش تسافرين خذي عيالك معك مو لازم كل مره تعيدون شهر العسل وهي مرتبكه اقولها وش دخلك بخليهم عند جدتهم وشغالتهم معهم تقول بس حرام تخلين عيالك عشان متعتك لا تكتمين الرجال اكيد مايبي يسافر بس انت غاصبته .
ليش مافسرتي الكلام هذا على انها فعلا ماتبيك تتركين عيالك او ليش مافسرتيه على انها غيرانه منك وهذا امر طبيعي كم بنت هدمت بيت اختها بغيرتها وليس بالخيانة وعندي دليل مادي اختي من اسباب طلاقي بعدين عرفت انها هي السبب الاكبر هي وصديقتي كلهم كانو يغارون من زوجي لانه افضل من ازواجهم بكثير جميل ومثقف ورياضي وكريم وملتزم وقليل الكلام ومحبوب للصغير قبل الكبير
اذكرموقف قبل شهرين كنت نفاس والبيبي الجديد وبنتي يبكون وازعاجهم مالي البيت وجاتني اختي تصارخ ازعجتينا انت وبزرانك المهم سكتتهم وبعد ساعه تقريباً كنت اراسل زوجي بالواتس قالي خلاص لاعاد تحملين ازعجتي اهلك بعيالك
يعني معقول اختك تقول لزوجك ازعجونا عيالك وهو يقولك لا تحملين ازعجتي اهلك بعيالك سبحان الله معقول غبي لهذه الدرجة ( اسفه اسمحيلي بالتعبير ) مالقيت افضل من هذا التعبير يكشف نفسه في اتف شيء وانتي مو قادره تصيدينه بالجرم المشهود يعني اختك تعتقدين عندها الفرصة انها تطلع مثلا معها او يجيها البيت لو كان زوجك يخونك مع اختك والعياذ بالله تلاقينه مسنتر عندك في بيت اهلك واختك تشوف عيالك عسل هلى قلبها لانهم عيال الحبيب .
صدقيني يااختي الحبيبة والله العلي العظيم اني حابه مصلحتك كل كلامك هذا ماهو كافي وليس هناك دليل واحد منطقي , لان الكلام الي تقولينه كلام خطير جدا وقذف وهو من السبع الموبقات ( الماحقات المخرجات من الملة ) اذا كان الزنا لا يثبت الا بثلاث شهود عدول ولا تقبل شهادة المرآة فكيف انت تثبتين هذا الشيء بمجرد كلام لا اكثر ولا اقل والعياذ بالله انا لا اقول انها تعمل هذا الشيء استغفر الله العظيم انا فقط اوردة دليل .
حبيبتي انت على وشك ان تهدمي بيتك بشكوك الغير منطقية انتبهي ان تعرف اختك هذا الكلام او يعرف زوجك هذا الكلام لانها مصيبة من المصائب كيف وصلت بك الغيرة لهذا الحد , اذا اختك مثلك تماما من الغيرة , تقول لا تسافرين لحالك مع زوجك خذي عيالك او لا تسافرين نهائيا من شدة الغيرة .
ابعدي هذه الشكوك من حياتك حتي لا تدمرين حياتك الا اذا انت سمعتي اختك وهي تتكلم مع زوجك بكلام خارج عن نطاق الادب والاحترام اوقفيها عند حدها او سمعتي او شهادتي زوجك في موقف مع اختك مثلا صور لاختك في جواله او رسائل غرامية منها او اختلاء معها هنا لك الحق ان توقفي زوجك عند حده اما طفلة قالت واختي قالت وزوجي راسلني هذه ليست ادلة مادية تؤدي بك الى هذا الحد من الضنون , وبعدين رجاء من الاخوات العزيزات التثبت قبل اصدار الاحكام هذه ليست ادلة تجعلكن تجزمن بالواقعة .
عشان تقطعي الشك باليقين لابد من دليل مادي يثبت علاقة زوجك بأختك وأريدك ان تقولي لزوجك في وقت يكون فيه بالبيت يعني قبل الغذاء اقصد الوقت الذي يكون بعده يريح لا يخرج من البيت ان صاحبتك وتكون بعيدة عن الاسرة تماما تقول ان خالتها تبحث عن عروس لابنها ايش رآيك لو اقولهم يخطبون اختي فلانة وسميها بأسمها وشوفي بالضبط ايش ردة فعله وقوليها لي وانا ان شاء الله افيدك بس كوني دقيقة الملاحظة ايش يقول بالضبط وايش سوى حركات هل تأثر او الموضوع عادي هل انتهز الفرصة وخرج من البيت على غير عادته اذا خرج من البيت اتصلي فورا على جوال اختك وشوفي هل هو مشغول جوالها او انتظار هل انسدت نفسه عن الاكل ام اكل بطريقته المعتادة ...
وبالنهاية اعلمى عزيزتي ان الزوج الخائن شخص ضعيف لا يستطيع الحفاظ بسر الخيانة والجريمة التى يرتكبها فى حقك وحق اولاده وقت طويل ولكنه دائما يترك خلفه دليل يثير الشك في نفسك فلا ترهقي نفسك بالتفتيش والتحري من وراءه واعلمي ان رائحة خيانته سوف تفوح وتصل اليك بمنتهى البساطة فلا تنغصي حياتك وتكدري صفو عيشتك بالشكوك والظنون واستمتعي بزوجك واعطيه ثقتك واحترامك له حتى يثبت لك العكس ....[HR][/HR]

 

[مها خالد]

ام سوسو كلامك صحيح
بس ترى انا ماكتبت الا موقفين ثلاثه وربي انه كله اسبوع يجيني دليل مابي اكتب كل شئ ومستحيل اهدم بيتي بسبب هالموضوع بس انا متاكده مليون بالميه وموضوع الخطبه ان شاء الله بسويه اذا رجعت لبيتي لاني عند اهلي
وموضوع المكالمات قسم بالله وانا نفاس كل يوم ادق عليه الصباح ويكون جواله مشغول او معه خط وادق عليها نفس الشئ ب الساعه والنص ساعه وانا قلبي يحترق ومره دقيت وكانت جوالاتهم مشغوله بعدين دق علي رديت عليه قلت هلا دقيقه اكلمك بسكت بنتي وسكرت معه ودقيت ع اختي اللي كان جوالها مشغول من دقيقتين وردت علي قلت لها من تكلمين قالت كنت اكلم صديقتي اقولها تجيب لي معها قهوه من الكافتيريا قلت لها نص ساعه عشان تجيب لك قهوه قالت اخذتنا السوالف شسوي

تعبت والله العظيم تعبت

تخيلي لما اتهاوش معاها ببيت اهلي او يصير بينا مشاده كلاميه ع اي موضوع بين اي اختين
واكلمه يرد علي بدون نفس ويكون معصب ويختصر المكالمه مع انه مو صاير بينا شئ حتى لو كنت بروح معه لبيتي تخيلي اذا ركبنا السياره بعد هوشتي معها مايرد علي ولا يسولف واذا طلبت منه شئ وقتها يرفضه مهما كان هالشئ كبير او صغير
الله يصبر قلبي بس

 

[مها خالد]

ام سوسو ع قولتك الله يمهل ولا يهمل
وريحته بالنسبه لي فاحت وانتشرت
انا اللحين ماعندي حل الا اني احمل ع جواله برنامج تسجيل مكالمات واحفظ محادثات الواتس واحطهم قدام امي وابوي خلاص تعبت والله