بنات ساعدوني حملي تعبني!!! الله يحفظ إللي فبطني

[كاكاواا]

هلا يا أحلى بلقيسات صرااااااااااحه اشتقتلكم واشتقت للمنتدى الغالي...
شخباركم؟؟؟ بنات أنا عندي مشكلة تعبتني صراحه وانا هذا أول حمل لي ما أعرف شي وشو أسباب إللي أحس في.. وقت نومي سواء الظهر بعد الدوام ولا فالليل ما أرقد إلا ساعه بالكثير وأقوم من ألم في ريلي (الأرجل) بالذات اليسار الألم يكون فضيع وما أقدر أنام منه لازم أقوم أمشي شوي وأرجع انام وبعد نص ساعه يرجع نفس الألم تعبت بنات والله رقادي صار صعب واااااايد وانا ألحين في نص السادس .. ممكن تفيدوني شو السبب ومنو مجربه منكم هالشي؟؟؟

فكرت أكثر عن مره أروح الدكتورة بس ما أحصل فرصه والله الكل يقولي هذا من الحمل طبيعي بس انا تعبت والله حبايبي فيدوني...:in_love:​

 

[كاكاواا]

وينكم عننننننننننننننننننننني؟؟

 

[شباصه]

اختي سمعت أن هذا شي طبيعي فالحمل والله انا بعدني في الشهر الأول مآ وصلت للحين لمعآنآتج الله يعينا والحمدلله على كل حال هاذي نعمه من الله انشالله بنسى التعب وبنفرح بعيالنا

 

[هند بنت عتبة]

حبيبتي هذا شي طبيعي وكل وحدة تتعب من الحمل الله يعين بس ويسهل علينا

لاتحاتين وربي يقومج بالسلامة

 

[كاكاواا]

خواتي هند بنت عتبه وشباصه مشكورين على ردودكم بس انا إللي مخوفني بعضهم قالوا يمكن يكون ارتفاع في الضغط عندي...

 

[عيون لوزية]

الحمل كله تعب الله يسهل عليج سيري عند الدكتوره احسن علشان تطمنين اكثر

 

[وأزهر الياسمين]

أنصحك تزوري الطبيب في أقرب فرصة حتى مآيصير عندك مضآعفآت لآسمح الله


والله يعينك ويقومك بآلسلآمة

 

[شكولاه]

كنت احس بالم في رجلي اليمين وقالت مره اخوي انها كانت كذا بس هيه مره قوي وقالت لها دكتورتها انه احتباس سوائل في الجسم بس هيه في بدايه الحمل على ما اذكر

بس حكايه انه الضغط فما اقدر افتي لك فيها ولازم تسالين الدكتوره حقتك لانه مو كويس عشانك

وان شاء الله يكون خير لك وربي يحمي جنينك من كل شر اللهم آمين

 

[شهــد]

لا حبيبتي لاتخافي هذا ماله علاقة بالضغط .. واكيد انتي تروحي مراجعات ويجيكون الضغط لو لا سمح الله مرتفع بقولون لج.. حبيبتي الامر جدا طبيعي فلا تخافي

 

[جمانة الدر]

حبيبتي أنا في كل حمل أحس هذا الشيء بس أنصحك تروحي للطبيب أحسن لك لأني أنا ساءت حالة رجلي بعد ولادتي الثانية والحين من مركز لمركز ومن دوله لأخرى ومافيه فايده لكن الأمل في الله ..لاباس عليك يالغالية وربي يتمم لك بخير ..دعواتك لي لآني هالحين حامل ونفس المشكل ..الله المستعاان

 

[عيون حورية]

طبيعي يا الغاليه انا اعرف وحده طول حملهااااااااا تكون تعرج من وجع رجلهااااااااا