بنات دلوني على الحل لصدري والله يجزاكم كل خير

[سلة فواكه]

مرحبا
بنات انا ارضع ولدي رضاعه طبيعيه وساعات اعطيه صناعي
صار له حول الاسبوع مو راضي يرضع من صدري ودي ارضعه سنتين بس رافض ياخذ صدري ويبي الرضاعه وانا اصلا كنت ناويه افطمه لانه لما ارضعه صار يعظني بشكل بشع حتى ساعات احس انه خلاص صدري انقص وصار نصين ...
والحين انا اعاني من مشكلتين الاولى ان صدري محل العض صار فيه شئ مثل الجفاف قشور يعني ويموتني من الالم
والشي الثاني اعاني من الم فظيع نتيجه تجمع الحليب لاتقولون لي شفطي يابنات لانه الشفط بروحه المه فظيع وما يعلم به الا رب العالمين , حتى درجه حرارتي احسها مرتفعه واحس روحي بمرض شنو اسوي عشان يروح هالحليب المتجمع ......
انتظر ردودكم

 

[معنى الروح]

أول شيء كم عمر ولدك
ثاني شيء اذا صدرك في خير حرام لاتفطمينه
وحاولي انك تدلكي صدرك بزيت الزيتون بحركات دائرية
وكل االصغار يعضوا هههههههههههههه لازم مو بس انتي يعني عادي
وحاولي انك ماتركزي على الحليب الصناعي ركزي على حليبك وبياخذه انشاءالله

 

[سلة فواكه]

مشكوره اختي معنى الروح
ما اظن كل الصغار مثل ولدي , يعض بشكل بشع لدرجه ان الدم يطلع تعذيب مو رضاعه لدرجه اني ابكي وانا ارضعه الله ما امر بكل هذا العذاب
مشكوره حبيبتي عالمرور

 

[هجير نجد]

الفكس ينزل الحليب بسهولة حاولي كل مااجتمع الحليب وقسى تدلكية بفكس حتى يجف نهائي . هذا إذاطقلك حسيتي إنه كبيرويعوض بالغذاء المفيد . أم إذا هو صغير وضعيف فحليب الأم أحسن له من أي غذاء .

 

[ريم الغزلان]

سلة فواكة


حبيبتي’ .. مرت حماي صار لها مثلج ’ [ العض ’ ..
وتألمت وايد وارتفعت حرارتها
ولما راحت المستشفى
قال لها الدكتور لازم تفطمينها خلاص’
مدامها تعضج جي’
وعطوها ابره تسمم’..

روحي المستشفى وتلاحقي على عمرج احسن
ان شاء الله ما عليج شر’
بس اقول لج اللي صار في مرت حماي’

وبخصوص تجمع الحليب والله ما عندي فكرة لاني بكرية’ ..
وللحين ما جربت


الله يساعدج

 

[sosoooo]

لالالالالالا انتبهي تخلين الحليب يتجمع ولا تشفطينه لازم ترضعينه واذا خلاص قررتي ماتعطينه صدرك روحي الصيدليه واطلبي حبوب تنشف الحليب والله يكون بعونك ان شاءالله

 

[النوري]

حبوبه انتي لما ترضعينه تكونين قاعده تسولفين مع احد ؟؟؟ لان الياهل ما يعض الا إذا كنتي مشغوله عنه وتتكلمين مع احد غيره ..لأن اللي يصير ان الحليب يتقطع وماينزل له إذا انشغلتي عن الطفل عشان جذيه يعض يبي الحليب ينزل .. هاذا شي والشي الثاني قبل ماترضعينه إذا كنتي جايه من مشوار ولا ومسويه مجهود لازم اول شي تمسحين صدرج بماي بارد شوي وتهدين وتقعدين في مكانج شوي ..لان الحليب مع الحركه يصير حااااار ومسكين الطفل لو رضع بدون ماتمسحين الصدر بماي بارد بتلقينه رجع اللي رضعه كله

 

[رماني]

حبيبتي ألف لا باااااس عليييييييييييج ،،،،
عشان تنشفين الحليب وعن تجربه ،،، ونصيحة دكتوووره ،،، خذي ورقة الملفوف كامله وبرديها في الفريزر ،،، وحطيها على صدرج وضغطي عليها بالستيان ،،، رااااااح يرووووح الالم ويسحب الحلييب من صدرج من دوووون ما تحسيييييين ،،، وكل ما تحر الورقه حطي غيرها ،،، والله رااااح ترتاحين من الألم والحليب في نفس الوقت ،،،،
ودعواااااتج لي ،،،

 

[علويا]

الله يعينك يارب

 

[شمعة الروح]

عادي حبيبتي تراني كنت مثلك تعذبت عشان أرضع ولدي وقعدت أسبوعين محاولة لرضاعته لأنه كان يرفض ومايبي يرضع إلا بالرضاعة
الصناعية والحمد لله بعدها صار يرضع وترا طبيعي الطفل يتعب لما يرضع لأنه يبذل مجهود والفك حقه صغير مايتحمل سويله تمارين بإبهامك بشكل دائري وأثناء الرضاعة حطي يدك السبابة تحت فكه وحركي يدك بشكل دائري وبلطف وبكذا تساعدينه على الرضاعة وهذي طريقة مضمونة ومجربة جربتها بنفسي ونصحتني فيها الدكتورة وكمان معروفة عند أمهاتنا الله يحفظهم بس المسألة يبيلها وقت وصبر والله يعينك --أما بالنسبة لتشققات حلمة الصدر كل يوم إدهني بزيت زيتون وإن شاء الله راح تروح وماتشوفي شر إن شاء الله

 

[شوكولاته اكثر]

اشتري شفاطة EVENTاليدوية اتحصلينها في مذر كير مريييييييييييييييييييييييييييييييييحة عجيييييييييييبة وادعيلي

 

[نور الهدا]

السلام عليكم

انصحك لا تخلين الحليب في صدرك اشفطيه لانه انا خليته وتجمع الحليب بصدري وسبب صديد واضطر الدكتور يسوي عمليه واخراج الصديد
وحاولي تجوعين طفلك لا تكثرين له صناعي اعدلي بين الطبيعي والصناعي في اعطائه طفلك

 

[المهاجره]

حبيبتي سوسو انا حبيت بس احذرك من حبوب التنشيف

\
\
\
لانها تسبب لخبطةهرمونات واشياء كثيره خطيرة
والدكتورات يحذرون منها
\
\
\
لكن اشربي ترمس لانه ينشف
\
\
\

 

[امورة الشام]

سلامتك يا عسل والله يكون بعونك لاني والله مريت بنفس مشكلتك لدرجة قررت افطمه بس صحبتي الله يسعدها حكت لي روحي لطبيبة اطفال شاطرة ورح تفيدك وهدا الي صار كتبت لي برهم منيح والحمد لله الحمد لله كملت رضاعة بنتي على خير

 

[ليدي إلهام]

ياحبيبتي متشوفين شر انا بعد ليه عمر مع الاولاد والرضاعه بس من نظري الشفاط يعور والحبوب سمعتها من صباح الخير ياعرب لتنشيف الحليب وأسألي الدكتوره مامنها ظرر إن شاء الله أما أنا كنت أحط كماده حاره وينزل الحليب وارتاح واسوي حركه دائريه أو تحت الدش أوجه الماء الحار عليه يصب الحليب وارتاح من الالم وأخذ معايه إسبوع والحمد لله خفيت- --الله يعينك وأماأللأثر يروح لاتشلين هم ودمتم

 

[حزن عميق]

يسر الله لك حالك​

 

[فرحة صباه]

عادي حبيبتي
العيال يعضووون بس ادهني الحلمه بكريم ميبوو ممتاز مره
وسوي كمادات دافيه لصدرك وخاصه من عند تحت الابط وما عليك الا العافيه

 

[ام سوسن 2]

اشربي ميرميه وبردقوش ولو مافيك خدي من الصيدليه حبوب تنشف الحبوب