بنات تفضلوآآ ~~

[الحآئره]

السلام عليكم ورحمه الله وبركاته-

انا اول مره انزل موضوع وبصراحه انا من المتابعين للمنتدى وحبيت اسجل فيه اليوم بحكم الاشغال الي عندي بس فضيت ع طول سجلتوربي معتبرتكم خوات لي


حبيت اقولكم مشكله عندي وربي العالم محديدري غيركم وغير اختي وصديقتي~

قصتي~~

انا مطلقه وتعرفت ع واحد بالنت بمنتدى وصرنا ندردش سوا بالمسنجرلمده شهر
الين صرنا نكلم بعض بالجوال
وهو يدري اني مطلقه ويعرف كل شي عني والصراحه حبينا بعض وصار يقولي كل شي ويفضي اسراره لي وانا كذلك
وانا اهتم فيه بكل شي اصحيه لدوامه اساعده بختباراته
مستحيييييييييل
يمر يوم مااسمع صوتهوصدقوني وربي مقصدنا شريف وقال لاهله ان في وحده بحياته وعمته قريب تتعرف علي
وصرنا نتكلم كأنا متزوجين
وهو بمدينه وانا بمدينه ثانيه

ومايمر صبح او مساء الايكلمني بالساعات
وقلت له اخاف اذا تزوجنا تشك بي او ماتثق بي قال مستحيل افكر بالشي هذاومع العلم ان اهله ماينزلون كلمه له

واخاف اهلي يدرون وانا وياها علاقتنا لها  شهور~

ابغى نصيحتكم يابنات هل انا ع صواب ام لا
والي عندها خبره لاتبخل علي
وجزاكم الله الف خير
انتظر ردودكم
بفارغ صبري

ودمتم بكل خير

 

[الفراشه الورديه]

بالنسبه لي انا اشوف انو العلاقه اللي كذا غلط ولو علي قولتك شريفه

وغير كذا انتي سبق لك الزواج هل هو نفس الشي ؟

انا اشوف انك تستخيري اكثر

 

[الزين خذته]

الله يصلح قلبك

شوفي حالك كيف

المعصيه بتجر اختها

بدايه منتدى..وماسن ..جوال

الى تتكلموا وكأنكم متزوجين

الله يريك الحق.. ليش ياقلبي
هالطريق !!...

ليش ترضي لنفسك كذا..

مدري متى تتعضوا يابنات
من
والمغامرات وحياة الوهم هذي.

ياحائره عمري..

علاقتكم لها شهور
ليش ما تقدم لك
الى الحين؟؟..
وبما ان كلمته تمشي
ليش اهله
ما تقدموا..

...وش ينتظر ؟...

الله ينور بصيرتك لما يحبه ويرضاه​

 

[Nona Bonbona]

اطلبي منه خطوة جااااده في موضوع الخطوبه
عشان تتأكدين انه صادق
في شباب يسكتون البنات...يقولونلهم : والله كلمت اهلي .. عطيتهم خبر..اهلي يدرون...ومن هالكلام اللي لايودي ولا يجيب!
قوليله خلاص اللي بنسويه غلط..تبيني وتحبني تعال اخطبني لمتى وحنا نأجل؟؟
صدقيني اذا يبيك بيخطبك حتى لو انك مفلس
واذا ما يبيك بيتعذرلك بأي سبب؟؟بأهله بوظيفته وبحالته المادية الخ الخ الخ وغيرها من الاعذار الكذابه
انتبهي لنفسك حبيبتي
وربي يحفظك

 

[كاتياباسل]

أممممم مدري بصراحة بس أنا ماأفضل هيك علاقات ،،،،،،وأشوفها غلط وأتجاه مغاير لتعاليم ديننا لأن صوت المرأة عورة وكمان عاداتنا وتقاليدنا
وأنتي المفروض قلتي له يدق الباب على طول وماتعطيه وجه
عالعموم الله يوفقك ويقدم اللي فيه الخير
ونصيحة ،،، بلاش تتعدوا المكالمات لأرسال صور أو خروج مع بعض مهما أغراك
وأذا متمسكة فيه مرررة وشايفته يناسبك خليه يسلك الطريق الصحيح ويتقدم لك أو أصرفي نظر عنه
*****************************************

 

[همــــــس]

حبيبتي هو شكله عاجبنه كذا الوضع سوالف وضحك وكلام كانكم متزوجين هذا حرام

وبعدين هو ليه ماخطبك دام انه صادق وعارف عنك كل شئ
خليه ياخذ موقف جدي ويجي يخطبك ولا تعطيه فرصه يكلمك او يجلس يماطل يااااااايه يا لا

انا مقدره حالتك كونك مطلقه انا مثلك وانك تبي شخص يحبك ويعوضك عن سنيين اللي مرت ويطبطب جروحك
بس مو بهالطريقه شوفي لا قدر الله اذا ماجا يخطبك وطلع انه يبي يضيع وقته معاك ويتسلى كيف حجم الالم اللي بيصاحبك اولها شعورك بالذنب وثانيها الاحباط واليأس

مثل ماخبرتك خلي يجي يخطبك واصحى تكلميه ارسلي له مسج وخلك ثقيله

بالتوفيج اختي

 

[Luv]

الله المستعان

انا رايي انج تسألين عن الريال من غير ما يعرف ..اذا كان معروف بأخلاقه الحسنة والحفاظ على صلاة الجماعة .. فصلي استخارة وشوفي اذا كان خير والله كاتب لج تكونون لبعض بيصير انشاء الله...

واذا الله مب كاتب لج بتتفركش السالفة و كلن بيروح في طريقه..

بس انتي خايفة انه هو يمكن في يوم يشك فيج .. ما فكرتي انج انتي اللي بتشكين فيه..
مثل ما تعرف عليج على النت يمكن يتعرف على وحدة ثانية بعد زواجكم..

وهذا اللي نقراه شبه يوميا على صفحات المنتدى .. من البنات والحريم اللي يشتكون من خياتات ازواجهم وخصوصا اللي يكون من النت

حبيبتي .. الحب العفيف جائز .. ولا احد يلومج .. ولكن فكري في المستقبل.. وشوفي اذا الله كاتب راح يصير .. واذا ما بيصير فلأنه كتب لج اللي اخير منه..

بس عليج بالاستخارة .. والله يعينج

 

[الحآئره]

مشكورين خواتي
قلت له تقدملي وافق بس هو بمدينه تبعد يومين عنا
بس هوالحين اخر سنه بالجامعه وبعدها يبغى يقدم عندنا ويتعرف ع اهلي وبعدها يتقدم لي وانا وافقت
بحكم اني ماابغى اتزوج الحينوقلت له بعد سنه الزواجوصدقوني شفته كذا مره صور بس هو مابعد شافني حاول يبغى صورتي بس رفضت وقال تعجبيني انك رفضتي
انا بحاول اثقل عليه بس قلبي مايخليني_قولولي يابنات كيف اثقل انا لويدق وماارد يزعل
وهو بعده طالب بجامعه وانا طالبه بجامعه
وابغى منكم اقتراحات اكثر
بخصوص العلاقه

 

[الحآئره]

جزاكم الله خير٠
اكيد بشك فيه بس هوقالي عن كل شي قال من اتزوج بشيل اللاب توب وعدني ٠وهو رجل محافظ ع صلاته٠

 

[الحآئره]

الحآئره

جزاكم الله خير
اكيد بشك فيه بس هوقالي عن كل شي قال من اتزوج بشيل اللاب توب وعدني وهو رجل محافظ ع صلاته

 

[ممددة بالصالة]

ما أقول الا الله يهديك بس بالله بالله انت مو عايشه بهالدنيا وتقرين وتسمعين من هالقصص جيبي لي حاله وحدة بس نجحت من هالزواج بهالطريقه ياما بعد مايجرها يذلها لحد ماياخذ اللي يبي وبعدين ان كانه مونذل مرة قالها مع السلامه والنذل بيخلي هالمسلسل سنين كل مابغى جابها واخذ اللي يبي ورماها زي المنديل بعد مايقضي منه يرميه
ونفرض ان فيه حالات وتزوجو ثقي ثقه تاااااااااااااااااااااامه ان حياتهم جحيم وشك وووو
حبيتي مدري وشلون تثقين بواحد تعرف عليك عن طريق النت اللي تعرف عليك تعرف على غيرك وان طلع النت عن البيت اولا هذا ان نفذ وعدة <<<وابئي ابليني فيه بيت مافيه نت حتى البزارين معهم لاب توب
ماراراح يروح لصدقاء اهل كوفيات يعني بتخلينه تحت عينك 24 ساعه
وثقي انه هو راح يفكر نفس التفكير ياماما لاتقولين يصلي ومن هالكلام انت مادخلتي معه المسجد واصلا صلاته له اللي يبداء غلط بينتهي غلط وانت صاحبه تجربه سابقه بالزواج المفروض اختيارك يكون ادق ومو عن هالطريق حبيبتي اولا انتى خنتي ربك لأنه مو محرم لك واللي تسوينه حرااااااام فكبف بتطلبين منالله التوفيق
ثانيا خنتي اهلك والا لو انك اللي تسوينه صح كان قلتيلهم وخليتي اخوك او ابوك يواجهه ويشوف مقاصدة
والصراحه اللي صادق يجي من الباب مو من المسن ووو
ياقلبي ومن يتق الله يجعل له مخرجا ويرزقه من حيث لايحتسب
ومن ترك شئ لله عوضه الله خير منه يارجال يجي يتقدم رسمي والا كل واحد بطريقه لايلعب عليك الشيطان بمسى الحب والشوق ومن هالكلام رضى الله فوق رضى هالرجال ونصيبك بيجيك

 

[الحآئره]

يارب يجزاك كل خير ولايحرمك من جناته٠ومشكوره وربي كلام الاخوات اقنعني بس الي اقنعني اكثر كلامك٠٠
بس ابغى منك خدمه ومن الاخوات بعد كيف اتخلص منه ٠
وش اسوي عشان مايدق او
يرسل٠واذا ع الشريحه مقدر اغيرها حتى لو بغيرها راح اهلي يقولوا ليش وماليش _
وش اسوي ساعديني بافكار٠

وربي لايحرمك الآجر٠

 

[الحآئره]

ربي لايحرمك اجرها

يارب يجزاك كل خير ولايحرمك من جناتهومشكوره وربي كلام الاخوات اقنعني بس الي اقنعني اكثر كلامك
بس ابغى منك خدمه ومن الاخوات بعد كيف اتخلص منه 
وش اسوي عشان مايدق او
يرسلواذا ع الشريحه مقدر اغيرها حتى لو بغيرها راح اهلي يقولوا ليش وماليش _
وش اسوي ساعديني بافكار

وربي لايحرمك الآجر

 

[ممددة بالصالة]

سهله وبالعكس هذا اول خطوة تتخذينها احرق الشريحه أوعطليها علشان بعد تنسينه وينساك وبعدين قولي لهك انك بتطلعين رقم ثاني علشان الرقم الأول يجيك منه مضايقات او علشان بعض صديقاتي او اهل طليقك خلاص ماتبغينهم عرفون الرقم <<ترا انا مو شاطرة بهالأكاذيب يعني مدري وشلون تدبرينها يمكن الأخوات يفيدونك اكثر مني لكن اهم شي الآن عدمي شريحتك علشان تقطعين الأتصال مرة وغيري ايميلك وصدقيني دامك اشتريتي رضى الله الله بيرضيك والله يهديك ويثبتك

 

[هزي يانواعم]

اول شي اطلبي يخطبك من اهلك اذا جاد على طول بيجي اذا حابك وشريك اذا قام يلف ويدور على طول انهيه العلاقه هذا لعاب بعدين احنا وين فيه احنا مازلنا شرقيين الرجل يظل شرقي الرجل الان مايفكر الا في شهوته وبس ويمكن يوريك رجوله ويجي يخطب واذا شبع منك ينقلب وجه ثاني انتي مطلقه ليه تدخلين في علاقه زوجيه ثانيه مشكوك فيه انه بتنهدم والله اكلمك مثل اختي اخاف عليك نسمع كثير قصص مثل كذا فشلة ليه تغامري على لحظه موقته وبتزول انتي متوقعه انا علافتك بتكون كذا اذا تزوجته لا اكيد الرجل قلوب اليوم يحبك وبكره ياسرعه ما يكره هي مجرد شهو اذا جربه يبين الوجه الاخرى من راي اذا تقدم لك رجل طيب وسمعته كويسه تزوجه بدل هذا التجربه الركيكه والله اعلم

 

[سلة خوخ]

شلون يا بنات ترضون على نفسكم بهالعلاقات؟؟؟

غريبة..
مع كل هالتوعية والوعي اللي عندكم ولساتكم تنجروا للغلط...

الله يهديك

 

[ناشب بشعري علتس]

اختي الحبيبه ... من اللي تتعرف عليه بنت من النت .. ولا يكون فاضل واخلاقه مافيه بعد كذا وسلوكه .. سلوك

الصالحين؟؟؟ اذكريلي واحد بس

يا حبيبتي ... والله هذا الشيطان جرتس اول ما ضعفتي من طلاقتس وسلكتس مع هالرجال وبعدين -حتى لو

افترضنا فرضيه وهي بعديده بالحيييييييييييل عن الواقع - انه تزوجتس ... تتوقعين انه بكون خادمتس لمطيع

وفارستس المغوار اللي يلبي كل طلباتس قبل لاتقولينه؟؟؟؟؟؟؟؟؟


اصحي يا عمري والله ان يذلتس وان يعايرتس بالروحه والجيه بمناسبه وبدون مناسبه والله ان تحسب عليتس

شربة المويه ... يا ما ما اصحي ... الرجال نظرتهم وحده للبنات اللي يكلمونهم ... واللي هي انها مستحيييييييييل

تكون زوجه ... ولو صارت زوجه مستحييييييييييييييييييييييل تكون وفيه ... ومثل ما كلمتني اكيد بتكلم غيري !!!

وجهة نظر صحيحه 100%

و بعدين انتي قلتي : هوقالي عن كل شي قال من اتزوج بشيل اللاب توب وعدني ...


هو صاااااااااااااادق ما كذب عليتس تدرين ليش؟؟؟؟ لانه يا عمري لانتس من يوم تاخذينه بتودعين كل شي

الوناسه والحريه والكرامه واللاب توب والجوال ويكن التلفزيون بعد ... وكل هذا بيسويه لسبب بسيط جدا اللي هو

انتس منتب اهل للثقه عنده ...

وهو رجل محافظ ع صلاته

بربتس عمرتس شفتي واحد يقول عن نفسه انه ( صايع ... مغازلجي ... مايدل المسجد)

لا والله انا ما عمري سمعت .. الا دائما اخلاقهم وتصرفاتهم اشبه بالصالحين .. وليش مسنتر24X24 ساعه على

النت .. والله مادري .. طبعا هذا غير انه هو اللي كلمته بالبيت مسموعه .. وانه راعي حلال ,وانه ... وانه ...

وانه ...

لا يا اختي ... لا تصيرين ساذجه كذا .. لايعميتس قلبتس عن عقلتس ترى انتي الخسرااااااااااانه الوحيده بالاخير


اختي العزيزه ...للاسف انتي من يوم ضعفتي ماعرفتي الا طريق ابليس ... ونسيتي ربتس وعلشان كذا

الغلط اللي انتي تسوينه ( ومقتنعه جدا انه غلط في قرارة نفستس ) ماراح يوصلتس الا لمرحله وحده هي

بقايا انسانه محطمه هدته المشاكل وسلب الكرامه ... وانتي بغنى عن كل هذا

فنصيحه يالغاليه خلي عنتس حب وما حب والعلاقات المشبوهه والكلام السطحي هذا.. وخليتس انسانه قويه

يا اختي انتي طالعه من تجربه مريره المفروض انها توعيتس مهب تخليتس ضعيفه مشتته هشه ماتقدرين حتى

انتس تحافظين على نفستس !!!!

الله يهديتس يا اختي ............. ولا تفكرين بالارتباط بهالاشكال

والله ييسر امرتس ويحفظتس

 

[ودي بونس]

يعني لانك مطلقه تتمسكين بقشه,,,,
يشيخه اتحداك واراهنك باللي تبغينه ان خطبك,,,,
بالله اعقلي وارجعي للصواب ,انت ماتدرين ان الشباب يصيدون البنات بعذر الزواج,,, يعني يوهمونهم ووالله مجرد اكذوبه ,,,:smoke1:
الرجل الشرقي يبقى هو الرجل الشرقي,,, وانت المفروض عاقله ومجربه مايضحك عليك وغد مثله ,,,اول من يحتقرك هو,, لا وبعد تقولين كانكم متزوجين هذي والله النكبه والمصيبه.,,
فوقي ترااااه يضحك عليك ويسلي نفسه بك شافك رخيصه وملهوفه عالزواج وانت في داخلك تتمنين تكوني مرغوبه رغم طلاقك وطحتي في شباك الصياد يكفيك اثم واسالي الله المغفره والمعونه وابتعدي عنه الكذاب وامشي معاه حتى الباب وقوليله تعال اخطبني .تراه يتسلى ,,
ما اروعك.
:icon26: اسفه لا تزعلين من صراحتي حبيت بس افوقك.:icon26:

 

[shosha4]

وقفي العلاقة لأنها محرمة..............

وهو اذا يبغاكي حيجي ويتقدم لك.................

 

[دلوعة عميدها]

والله والله كثير شباب لعابين وبعدين كيف تبينه يخطبك وهو ماعنده وظيفة حبيبتي انتبهي لاتتطور العلاقة بينكم وتتعلقين فيه اكثر وساعتها بتندمين لكن احسن حل لكي انك تقوليله تعال اتقدملي باسرع وقت وانتبهي امانة لاترسلين صورك وامانة انتبهي لاتتطور العلاقة بينكم وتحبينه وتتعلقين فيه وتيتمرون على كذا سنوات واخرتها تتعلقين بوهم .