بنات الي موجوده الحين تدخل ابغي اعرف من الغلطان وانتم الحكم اوكيه

الحقيقه

الحقيقه

New member
إنضم
2007/08/09
المشاركات
313
السلام عليكم ورحمه الله وبركاته


كيفكم بنات

المهم كنت انا وزوجي خرجنا مع اهله المهم راح يشتري مويه وسفن لان طلبنا اكل ولما راح اخذت مفتاح السياره لان امه تبغي الشنطه حقتها نسيتها المهم جبت لها الشنطه وبعدين خليت معي المفتاح وهو جاء وجلس وافتكر المفتاح جلس يدووور عليه شكله كان يموت ضحك رحت قلت له خذا هذا مفتاحك

الي زعلني في الموضوع قلي الله يقلعك تخيلوا قدام امه واخته اههه انقهرررت منه:flex::cupidarrow::icon1366:

لو انتم مكاني اش تسوين له وهل الموقف ده يزعل
 
ونسيت اقلكم بعد استغليت الفرصه لما راحوا الحمام الله يعزكم


قلتله انت ماتحب احد يغلط عليك بس تغلط انت عادي
ليش كذا قلت لي
راح قلي تعرفون ايش





انتي حساسه واذا ماتبغي احد يتكلم معاك يكون احسن ولاعاد تكلميني لما يكونوا اهلي في كل واحد يكون بعيد عن الثاني ولاعاد تمزحين معاي

قلتله في الالفاض ارقاء من كذا ترضي لو قلت لك نفس الكلمه سكت مني
 
اول شي....

شي طبيعي اللي صار...!

اهو كان متوتر ويدور مفاتيحه....واكيد ظليتي فتره وبعدين عطيتيه المفتاح(لانك قلتي شكله يضحك وهو يدور عليهم)

وماتدرين وش كان يفكر بهالفتره اللي يدور فيها المفتاح...

(لاحول ولا قوة الا بالله وين المفتاح...الحين كيف بوصل زوجتي واهلي البيت...الخ)

وفي الاخير يطلع المفتاح معك...أكيد انصدم وعصب عليكي...


وبعدين انتي تقولين ان استغليتي فرصه ذهاب اهله الى الحمام وعاتبتيه...(خطأ والف خطأ)

لان الوقت ماكان مناسب للعتاب...

مفروض انتظرتي شوي لحد ماتهدأ اعصابه...وانتظرتي وقت مثلا باللليل لمن تشوفينه رايق وهادي

وقلتي له انك قهرتني يوم قلت كذا...


انتبهي بالمره الجايه ...واختاري الوقت الافضل للحوار!...

مع مودتي
 
يمكن اكون اخترت الوقت الغلط بس من قهري والله الله يقلعك ماهي كلمه بسيطه


ومشكوره على تفاعلك في الموضوع ياخت الحره
 
أختي

لاتزعلي من ردة فعل زوجك ... لأنه كان متوتر ... وكان رده لاشعوريا

وأكيد عندما يهدأ سيعرف خطأه

وأتوقع أي أحد كان في موقف زوجك وكان متأثر جدا بالموقف سيصدر منه فعل مقارب لفعله

ثم ياعزيزتي أنتِ مزحتي معه وعليكِ أن تتحملي نتائج المزحة :)
 
بنات ردوووا انا غلطانه ولا لا وهو جنبي الحين

شوفوا العين القويه يقلي تكبسيلي رجلي !!!!!!!!
 
حبيبتي انتي توك صغيره عشان جي اخذه المساله بحساسيه وايد انا كنت جي في بداية حياتي كنت ازعل لو غلط علي حتى من باب المزح وكان يقولي انتي وايد حساسه ومااحد يمزح وياج بس مع الايام صار الموضوع عادي لاني ادري ان من حسن نيه مو اكثر واذا غلط علي يااعطي نظره زعل ياارد علي بمزح واقوله افا انا جي يعني اقلب الجو فرح عشان مانحرج والفت الانتباه عند اهله
 
ههههههههههههه

شدعوه ليه انتي عنيده ياالحقيقه.؟

عادي كلنا نقول هالكلام ...اتقلعي...ياغبي...ووو!

الانسان مش معصوم عن الخطأ...

يهون عليك زوجك مسكين يبيك تجين عنده ...وترديه!

حتى لوقال لك تعالي كبسي رجولي...هذا نداء لك بس بطريقه غير مباشره يبغاك تجي له!...

هههه الله يهداك ياعيوني ...ماحد فيكم غلطان!

وهالشي طبيعي ويالله خلي صدرك وسيع وكوني كريمه مع زوجك وانسي هالمشكله!....
 
:shiny::shiny: كان قلتي الله يقلعنا سوا في جنته .... كا ن اخذتيها بروح رياضيه وعديتها
 
طولي بالج عليه..........ومافي داعي تكبرين الموضوع تراه مايستاهل.........طنشي وخذيها على مزح...
 
عزيزتى

الموقف عادى لانه كان متنرفز وكان قلق جدا اذا ماوجد المفتاح
وبعدين ممكن هذه الكلمه في لسانه على طول عشان كده قالها
وتخيلى انتى مكانه والمفتاح كان مع بنتى شو كنتى بتقولين؟؟؟؟؟؟
الصراحه هوه مش غلطان لانه كان متوتر لو ماكان كده كان هوه غلطان
وانت مش غلطانه لانه المفروض ما يهينك امام اهله
يمكن كما قالت الاخت التوقبت بس كان ممكن يتغير

اوراق ملونة:blow:
 
صحيح الموقف عادي بس المفروض زعلتي بدلع مثلا تقولين الشرهه على الي يمزح معك وتقبصينه مع فخذه

المهم انك تزعلين زعله خفيفه يابنات لازم نبين لازواجنا وش الي يزعلنا حتى لو كان مزح وقال وراك حساسه

مايمزح معك قولي ايه لاتمزح معي اذا كان مزحك كذا ...لازم نهتم لمشاعرنا ونراعيها...ترانا نجامل ازواجنا

ونراعيهم على حسابنا ثم نتندم على تطالهم علينا وتماديهم وعدم مراعات مشاعرنا ...دائما البدايه صغيره ثم تكبر

واذاطلب منك شي بعد الموقف استغلي الفرصه وقولي انازعلانه وتدلعي بحركات وكلام خليه ينبهر فيك ويتحسف

انه زعلك ...حقوقه خليها توصله كامله بس تمنعي من اشياء خفيفه مثل التدليك ..طلب خفيف ...اهم شي ماتكشرين

وتكوني ماده بوزك شبرين بسباين عليك الكدر واهم شي السحر الحلال ...الدلع ..والتغنج يعني تذكري الممثلات

اذازعلو وش يسوون.... راح يراعيك ويهتم فيك...تبغين شي في زوجك عوديه عليه ........

الله يوفقك ويسعدك
 
يييييييه يالحقيقه!!
عاتبتيه وسكوته علامة اعتراف بالخطأ
المهم انتي نبهتيه انه هالكلمه تضايقج وانتهى!!!!!!!!
ليش تكبرين الموضوع
هو غلطان بكلمته
وانتي غلطانه لزعلج وتكبيرج للموضوع
 
حبيبتي لك خمس سنين متزوجه واول كلمه يقولها لك الله يقلعك (مااااااااااشاء الله )احمدي ربك واشكريه الرجال ياما يجي منهم , كبري عقلك حبيبتي وخليى الفضل لك انك تحملتيه وصبرتي على كلمته
 
عزيزتي الحقيقة
الموقف عادي بس انتي تحسستي لانه قدام اهلة:icon28:
الغلط لاهو عليكي ولاعليه لان الموقف اللي حكم بينكم
بس انتي غلطتي انك عاتبتيه قبل لاتوصلون البيت:bigsmile:
في رجال ينحرجون من هذي المواقف خصوصا قدام الاهل:in_love:
الله يسعدكم:bye1:
 
اختي الحقيقة...
طبعا انتي تبين الحقيقة صح؟
انت غلطتي غلطتين:
الأولى:طبعا اهي موغلطه بس ترا انتي حساسة ،وهذا صفة فيني بس ماني عارفة اشلون اتخلص منها،ووجود اهله احرجج زيادة لما قالج هالكلمة البايخة،بس انا متأكدة انه ما يعنيها وانه لو كان بوعيه كان ما قالها.
الثانية:انج واجهتي بطريقة مباشرة،لو معطيته ملاحظتج بطريق فيها غنج ودلال على لوم كان أفضل،حتى ما يتمادى ويقولج لا تكلميني بوجد اهلي ... والكلام الي ذكرتيه سابقا.
ملاحظة:-ترا الواحد اذا ضاع مفتاحه وايد يرتبك
-بالمواقف الخفيفة مثل ماصار معاج من المهم ان الزوجة اتبين امتعاضها ولكن بطريقة ما تستفز فيها زوجها ولا اتعكر فيها نزهتهم...
وسامحيني على صراحتي بس لاني حبيت اقولج الحقيقة :)
 
اختي الكريمة

تابعي موضوع العضوة الكريمة "سمرلاند" بعنوان لماذا يغرم الرجل بالمرأة القوية , وستجدين ان شاء الله الجواب الشافي لاستفسارك:msn-wink:
 
بصراحه ما ألومك على زعلك من الكلمة ...لأنها بالفعل جارحة وقوية وخصوصاً أنك كنتي تمزحين معاه و أمام أهله ...

موقفك طبيعي ...وزعلك ...حق من حقوقك ...

والإنسان الي يبي يدافع عن حقه وعن كرامته ...لازم يدافع بأسلوب واضح ومباشر ...

بنفس اللحظة ... بدون ما تلوي بوزك ... اشهقي واستنكري الكلمة الجارحة ... واجعليه يخجل من نفسه ...

ثم انهي الموضوع سريعاً ...

لا تطولين بالزعل ...استغلي أولى ردود أفعاله فهي حتماً تكون ضعيفة لأنه متفاجئ ...

وأعتبريها اعتذار وأعذريه فوراً ...حتى يبقى موقفك قوي وأكثر لباقة .
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل