بنات الهاي هاي وبنات العز ممكن سؤااال بخصوص بشراتكم الحلوه

[عاشقة الاحلام]

اولا السلااااام عليكم ورحمة الله وبركاته ..
ثانيا ياحلوااات يابنات العز والهاي هاي ممكن تقولولي وش سر حلاوة بشراتكم انا ماعمري شفت بنت منكم الا وبشرتها مثل بشرات الاطفال اولا صفاء وتوحيد لون ماشاء الله وكمان ولا شعره يعني شئ خيااال الله يهنيكم بس الي محيرني معقوله كذا خلقه من الله
وين ماروح الجامعة المستشفى الملاهي نفس البشرات .. واكيد لو فيه احد ملاحظ مثلي راح يقول صح كلامك .. فاكيد فيه سر ؟؟ واكيد ماراح تبخلووون على خواتكم في مملكة بلقيس وعلى انا كمان .. ولكم منا اجمل الدعوات بظهر الغيب ...
يعني حتى لو عيادات غاليه وكريمات غاليه عادي خبرونا عشان نستفيد وتعم الفائده
او الاحسن نظامكم بالكامل بخصوص اهتمامهم بشراتكم سواء عيادات او بالبيت كل شئ ..
ومن الحين ربي يوفق ويسعد اي وحده بتحط لنا سر من اسرارها ويحقق لها الي ببالها .. ​

 

[حـرم المهندس]

ههههههههههههههههههههه
حبيبي مو شرط وترا كـــل شي يعتمد ع الاهتمـــــام

 

[عاشقة الاحلام]

ههههههههههههههههه ادري ياقلبي بس وشو هالاهتماااااااااااااام ابي اعرفه ..

 

[احمر خدوود]

اخخخخخخخخخخ

انتي قولتيهااا بنااااات العزززز والهااااااهاااااي

الله يخلي القريشااااااات (الفلوووووس )

تخليهم يروووحوون افخم واشهر مراااكز العناايه با البشره




بس برضوووو العنااااايه لهااااا دووووور كبير

يعني سوي لنفسك جدول للعناايه اليوميه با البشره والجسم والشعر

وسوي بحث في النت وشوفي احسن كريماات التفتيح والخلطاات

والزيوووووت

ويا الله شمري عن ساااعديك وابدأ على بركه الله

مااااافي شي صعب

بس اهم شي المداااااااومه والصبر علشاان تشووفي نتيجه حلللللللللوه

وبا التوووفيق يا عسووووووله

وان شااااااء الله تسييير بشرتك زي بشرت بناات الهاااااهااااي

 

[مايار]

انا تجربيتي ياحلوة اشيل جسمي بالحلاوة والشعر الضغير ببراون واذا جيتي تسبحين وخلصتي حطي ع جسمك كله بيبي اويل جونسون وحطي ف االزيت حق بيبي اويل حطي عليه كم قطرة من روئح زهور الريف تطلع ريحتك جونان ويصر جسمك ناعم بس شرط لازم يكون جسمك مبلول اذا جيتي تحطين بيبي اويل
وننتظر تجااااااااااااارب الملكات

 

[ام عريب]

مافيه سر غير الاهتمام سواء هاي ولا لو
اهتمي وشوفي كيف
والله يرزقك باللي تبينه
تحياتي​

 

[يمنية ماركة]

حبيبتي انا بخبرج شو اسوي صار لي اسبوووع وحسيت بفرق كبيـــــــــــــــــر واللهـ


الموووهم خذي عسل طبيعي واخلطي معلقة منه مع معلقة زيت زيتون مع صفار بيضة

والله بشرتي نفس البيبيات الحين استوت

ع فكرة انا سمعت الصفار حق البشرة الجافة والبياض حق البشرة الدهنية


وبث ^^

 

[asool]

مو شرط حبيبتي
هذا شي من ربي
الله من وحده ما خلة عياده ما دخلتها وبشرتها مو حلوه
ووحده ما تغسل وجهها حتى بصابون وتلقين بشرتها حلوه
والحين ما خلو مشكله للبشره الا ولها حل
شوفي المشكله اللي عندك وابحثي عنها
واول شي نظامك الغذائي له كل التأثير عليها

بس ضحكتينيياحليلك

 

[عاشقة الاحلام]

asool يعطيك العافيه بس انتي لاحظي مثلي وبتشوفين ان كلامي صوووح

يمنية ماركة ياعمري ماقصرتي ياعسل راح اعمل هالقناع بالتاكيد ..

ام عريب مشكووووره يالغاليه

مايار ربي يخليك .. مشكوووره

احمر خدوود صدقتي والله الله يسلم القريشاااات .. امين يارب الله يسمع منك ياعسوله ..

فديكم والله بس انا طموحه ابي ردووود اكثر وكلنا نستفيد .. يالله يابنات الهاي هاي هلموااا الي وخبروناااا

 

[الدانه2000]

اقولك تجربتي وانا اعتبر بنت عز بس مو مره
والله بشرتي كانت حبوب واذا راحت الحبوب صارت بشرتي نحيفه وماهي صافيه وكل اللي يشوفني مايصدق اني بنت هذي العايله الي حتى خدمهم مشاء الله
لكن باختصار مراح اقولك القصه طويله
المهم
عسل عالريق وحبه سوداء
عصيرات طبيعيه
شرب الماء
تنوع الاكل في الوجبه
الاقلال من الزيوت المضره
عدم اكل الخبز الابيض
مكسرات ماتكون مملحه
تمروحليب وزبادي بين الوجبات
فطور غني وغدااء خفيف وعشاء قليل اوعدم العشاء والاكتفاء بفاكهه وزبادي
وخلطه اعطانيه العطار
ومشي بالهواء الطلق ترى مفيد للبشره
والصلاه والصدقه والله رهيييييييييييييييبه لصفاء ونور الوجه
وبعدها الى الان وانا مشاء الله لاحول ولا قوه الا بالله
بشره مشدوده وصافيه ورويانه
ترى جمال الجسم من الداخل يبدى كذا قالي العطار لما سالته عن خلطات للبشره واقنعه وحبوب طبيعيه
قالي يابنتي ابدي من الداخل اولا وبتشوفين الفرق
وتقبلي مروري

 

[دلع الخليج]

سمعي حبيبتي مالها دخل لا بنات عز ولا غيرهم ...
صح اهو الدراهم تخليج تعملي كل شي نفسج فيج ودشين اروع المشاغل التجميلية وتشري اروع الوشنات بس مب شرط
اهم شي الاهتمام الشخصي بالنظافة سواء داخلي او خارجي وماقصروا االبنات اعطوج بعض التجارب يمكن تفيدج تقبلي مروري قلبووووووووو​

 

[عاشقة الاحلام]

الدانه ياعمررري ماقصرتي ربي يوفقك ويحقق لك الي بالك ياعسل صدقتي والله الاعتماد على التغذيه ... جاري تطبيق نظامك وياريت كل الي يدخلون يستفيدون من كلامك الحلو

دلع الخليج مشكووووره وكلامك صح والله ذاك اليوم تقرب مني وحده بنت عز مررره فهيت:25: في بشرتها ماشاء الله وجهها صافي مررره بشكل موطبيعي صح فيها السمار بس الصفاء مرره ولون موحد وحتى مسامات مافيه بالمررره والاحلى من كذا مافي وجهها ولا شعره

الليزر ممكن بس يقولون يكثر الشعر الوبري زي شعر الوجهه ..

من جد اكيد نظامهم غييييرررر ... معقوله محد ملاحظ مثلي :37:

 

[سهام الصمت]

حبيبتي خلي عندك عزيمة واستخدمي خلطات طبيعيه من النت وبتشوفي الفرق وتطلعين احلا من بنات العز

 

[غصن الغلا]

كثري شرب ماء يطرد السموم من الجسم ويصفي البشره

وابدئي من اكلك ونفسيتك بتغيير للافضل

وان شاء الله بتشوفين فرق ..

 

[دلوعة بيبي*]

ههههههههههههههههههههه

الله يقطع بليسك اي والله لاحظت انا مثلك

بس ماله علاقه فبنات العز له علاقه بالاهتمام

روحي لمركز تجميلي كبير لو كل شهرين مره اعملي تنظيف بشره بالكريمات وشوفي كيف بتصير بشرتك

عشان كذا انا سويت كذا

انا اروح كل شهرين مره وفالفتره بينها اهتم فبشرتي اشيل عنها المكياج ما انام الا والبشره نضيفه وحاطه كريم اليل اصحى اغسل وجهي واحط كريم النهار وكذا

الين موعد جلستي الثانيه

بشرتي حلوه وزي البيبيات وانا ماني من بنات الهاي هاي ع قولتك

 

[اميره الحزينه]

هذي نعمه من الله



والله يعطينا ​

 

[القمر الخجول]

هذا الشي من الله ياختي
انا سمعت ان شرب المااء الدافئ يوميا على الريق يصفي البشره
وكماان الاكل الصحي المفييييد له علاقه كبيره بالبشره
يعني مارااح تستفيدي من الخلطاات الاكم من ساعه بس
بس انتي لازم تعالجي جسمك من الدااخل وتطردي السموم ومع الرياضه
رااح تشوفي الفرق
وعلى قولتك بنات العز بس
شوفي كيف الافارقه حالتهم حااله مساكين بس شوفي كيف بشارتهم نااعمه وحلووه وبيبيه

 

[دافئة القلب]

ماله دخل ياقلبي هالشي
الاهتمام يحول الوحده 180 درجه
اهم شي حمامات البخار مررررررررررا تغير اللون وتنعم بس مو كل شهر زي مايلعبون علينا
المشاغل عشان نجيهم دايم لا خليه كل 4 شهور مره ويكون في مشغل مو اي كلام مشغل له
سمعته وراقي مو بعض المشاغل لاجو يسون لك حمام بخار كانهم ينظفون قدر محترق
كذا يزيدونك سمار وخشونه لان الجلد مايعامل بخشونه ابدااااااااا

والأعشاب مثل القرفه الميرميه البابونج باختصار الاعشاب المعروفه للشرب مرررا تصفي
يعني مثلا هالاسبوع تخلينه كل يوم تشربين قرفه واللي بعده ميراميه وع كذا

الرياضه

الأكثار من شرب عصير البرتقال والمويه

عاد لاتنسيني ياعسل من دعواتك تكفيييين

 

[عاشقة الاحلام]

سهام الصمت يالبى قلبك صدقتي والله .. الاهتمام اكيد موهيم وربي يوفقك ويرزقك بالي تتمنينه ويفرح قلبك

غصن الغلا ياعمري ماقصرتي كمان الاكل له دوووور كبير وراح ابدا باذن الله بشرب ماء دافئ عالريق ومايمر يوم بدون شرب عصير برتقال .. وكمان الكل يعمل كذا وربي يسعدك ويخليك ويوفقك ويحقق لك كل امنياتك ويفرح قلبك

دلوعة بيبي* يابعد عمري انتي اخير احد مثلي ملاحظ هالشئ .. ههههه مره مهبلين فيني
ويازينك ويازين نصايحك باذن الله لازم كل شهر تنظيف بشره بمركز حلوو ياقمر وكريمات النهار والليل .. وماشاء الله عليك اجل انتي احلى منهم تعجبيني :32:
ياااارب توفقها وتسعدها وتحقق مناها يااارب وتفرح قلبها دووووم

القمر الخجول تسلميلي ياعسل وربي يسعدك ويخليك ويفرح قلبك ويفرج همك ويحقق منااااك
دافئة القلب اي والله صدقتي اهمه اصلا يهتمووون اهتماام موب طبيعي ماشاء الله شرب الماء والعصاير والمشروبات المفيده حلو ومقدور عليه بس الرياضه تهي تهي تهي :4: مدري كسوله مع ان جسمي رشيييق جدا بس يمكن الجو مايهئ ولا يحمس للرياضه ابدن يارد قارس او حر قارس ==> حلووو قارس قصدي شديد وحلو زيارت المراكز الي لها سمعه كل فتره تشييك عالبشره صدقتي والله في كلامك يالغاليه
ربي يخليك ويوفقك ويسعدك ويحقق لك منااااك ياعسل ويفرح قلبك دوووم ..

ماقصرتووووا والله كثير استفدت واتمنى كل دخل وحتى ماكتب رد يستفيد مثلي من الاخوات العسولات الي كتبوا تجاربهم ومعلومات مفيده .. والي حاب يضيف شئ اكيد برحيب فيه دوووم وهذي بوسه للكل :3:

 

[فرفورا]

وش بنات عز البشره مالها دخل ببنات العز اذا انتي ششايفه انو بشرات بنات العز كلهم تلق يمكن من التقشيرات باحماض الفواكهه يعني دايم مراجعات بالعياده بس ياشيخه ياكثر البنات الي اعرفهم قسم انهم مايغسلون وجيههم بصابون ونادر مايحطون كريم بس بشراتهم ماشاء الله زي البيبي