بنات الرياض ساااااااااعدوني :-)

[رفسني الشوق]

السلام عليكم
شخباركم حبيباتي .. ان شاء الله طيبين
انا مسافرة عالرياض بعد اسبوعين
بس ابيكم تساعدوني لاني ماعرف شو هي أحسن المحلات اللي بالرياض
اختي بتتزوج وتبي تشتري أغراضها وفساتينها من الرياض
فياليت تفيدوني من وين تجيب اغراض العرس
ابغى احسن وافضل المصممين بالرياض او مشاغل الخياطة اللي شغلهم مرتب وحلو والسعر يكون مناسب ..
وياليت تذكرون لي الاسم والمكان والسعر يبدا من كم ..

وبكووووون شاكرة لكم

:in_love:

 

[احساس الفجر]

وعليكم السلام ..

هلا وغلا وحيااكم الله بديرتكم الثااانيه .. والف مبرووك لأختك والله يووفقها ويسعدها ويواالف بين قلووبهم ..

الفسااتين خليها تااخذ جااهزه فيه كثثير اشيااء جااهزه وحلووه نعوومه وفخمه بس يبغالها تستير بسيط يعني اكمام .. شووفي حيااة موول كل المحلات اللي فيه بتلقيين ان شااء الله ..

وملابس البيت والنوم السووق مسووي تخفييض يااليت تستغله بتلقاالها شغلات حلوه وبسعر حلوو...

امممم فيه الهرم وسيتي ماكس وسناء اللي بطريق الملك عبدالله عنده ملابس نوم وبيت رووعه وسعرها معقوول

ومرره ثاانيه لاتفووت التخفيضاااات يعني تااخذلها للبيت شغلاات حلووه ,,

فستان الزواج اختي سووته بالمتنبي مررره خققق بالفين بس .. حتى القماش من عندهم .. طبعاا تدوورين المحلات واللي يعجبك من المعرووض يفصله لك .. انا اختي اختاارت فستاان وعدلت على التووب طلع مرره فخم
يعني حسب ذووقك واللي تسووينه ..

مصممين مااعرف يااقلبوو بس صااحبتي تمدح مصممه سعووديه في روياال مول تطلب الفسااتين من فرنسا..
وكمان فيه محل تحت بنفس المجمع قريب من محل الشماسي للحقاائب ..محل يبيع ملابس مصممه سعووديه مرره راايق شفت على صديقتي لبس منه مرره حلوو تقوول فيه شغلااات كثييره .. شووفيه برضوواا

ان شاااء الله اكوون افدتك ..

واي سؤاال انا حااضره ..

 

[رفسني الشوق]

أحساس فجر ..

جزاج الله الف خير حبيبي وماقصرتي .. وانا سجلت كل اللي قلتيه .. وان شاء الله لما نسافر بنمر عليهم

وياليت حد يفيديني في الخياطين لاني تقريبا بفصل أكثر من 5 فساتين

ويمكن افصل فستان العرس ماودي آخذ جاهز ..

ودي اعرف محلات الاكسسوارات والتيجان ..

^_^

 

[عزتي بصلاتي]

انشالله البنات يساعدونج
لاني للاسف ما عندي خبرة بالرياض

 

[عنوده22]

ياهلا وسهلا وحياك الله في الرياض
بالنسبه لفساتين السهره فيه بشارع العليا العام عند العقاريه محلات السيركون تقريبا اتوقع 8 محلات عموما ماعلينا من العدد بس كلها ملابس سهره وصراحه انتي ونصيبك لانها مرات تنزل فساتين حلوه ومرات
وفيه بعد مول اسمه سنتيريا مول هذا برضوا فيه فساتين سهره
وفيه هارفي نيكلز في الفيصليه وساكس في المملكه بس عموما ترا اسعار الفساتين ميب رخيصه مره يعني حليوه
وبالنسبه للملابس العاديه واليوميه وملابس البيت وغيرها عاد ماشاء الله الرياض اكثر ماكثر الله فيها الاسواق
واول ماتبدين روحي لصحارى مول هذا فيه اللي تبينه كبير وحلو وفيه جنبه حياة مول نفس الشي حلو
وفيه المملكه والفيصليه
وفيه كمان غرناطه والرياض غاليري
انا قلتلك الاسواق اللي افضلها انا وعموما فيه غيرهم كثييييييييييييير بتنبسطين على اسواقنا
الله يوفق اختك ويوفقك ويسعدكم ياااااااااااااااااااااااااارب
اتمنى اني افدتك

 

[كونتيسة]

اهلا فيك اخيتي ما شاء الله الاخوات ما قصروا

 

[ظلي له مهابه]

مــــــــاشاء الله على البنوتااات كفوا و وفوا الله يوفقهم

ويرزقهم اللي يتمنووونه ياااارب ...

تمنيت اساااعدك لكن البنااات قالوا كل اللي أعرفه...

 

[رفسني الشوق]

عنوده22
ماقصرتي حبيبتي وسجلت اسماء كل الاسواق اللي قلتيها

طيب الحين انتهيت من الجاهز


ابي أفصل وين اروووح ؟؟!

خياطين خياطات او مصممين شغلهم حلو وراقي وكم اسعارهم للي جربت عندهم

^_^

 

[منوله القمر]

الله يوفق اختك وييسر امرها ..

مشاغل المتنبي بالملز شارع الاحساء ... تفصيل فساتين سهرات واعراس ..

احمد البدوي شارع العليا العام مقابل الفيصلية

مختارات عبدالواحد شراع العليا العام مقابل المملكة

وفيه محلات اقمشة سهرات " العيسائي " ويمكن يدلونك ع مشاغل يتعاملون معها

دعواتك لنا بالتوفيق اختي ..

 

[اسيرة الامل]

بنات الرياض ماراح يقصرون معاج

 

[- The Best -]

آهلين وسهلين خيتو ..

رآح تنور آلريآض بجيتكم

بآلنسبه للآسوآق البنآت مآقصرو ويآك كفو ووفو ربيَ يع’ـطيهم آلعآفيه , وصرآحه حيآة مول حلو , كبير ورآح تلقي كل آلمآركآت فيه

وبعد ريآض غآليري
غرنآطه < كبير على غير سنع
آلمووهيم

مآرآح آعيد كلام البنآت بس رآح آذكر آللي مآقآلوه
صرآحه آلمتنبي آنآ مآحبييييته مره مدري ليش يمكن نفسيه هههههههه
بس فسآتينهم عفششه ومبآلغه فيهآ آذآ كنتي من رآعية السمبل مآرآح تعجبك .. بس يمكن غيروهآ كل شي جآيز
آنتي روحي وشوفي , لاني آخر مره شفته يمكن قبل 3 سنوآت , فصلت عندهم فستآآآن وندمممممت مرررررره
فسآتينهم تلبسين ومآتغسلين ,, لآن كل شغلهم بآلصمغ .

وآنآ مآيعجبني هآلشغل آحس كني بآربي هههههه

آلمووهيم في مشغل مرره عآجبني لي حول الاربع سنوآت يمكن وآنآ افصل عندهم آسمه مركز النهدي < في الروضه

مرررررررررره حلو هو مشغل عآدي يعني انتي جيبي الموديل وهم يفصلون وآحيآنآ يورونك فسآتين عندهم

هم مسوينهاآ اذا قلتي عرووسه , بصرآحه آنآ اجيب لهم القمآش واخذ رآئيهم في الموديل لانهم مره متعاونات

ومثل مااطلب يطلع , وكنه مفصل على جسمك بالضبط , واحسن مافيه مافي روحي وتعالي وسيع وضيق

خلاص بروفتين وبسسس .

وممكن انتي تختآري الموديل بالقمآش وهم يجبون لك القمآش ويسون نفس الموديل بس السعر الضعف

آسعآرهم حلوووه بآلنسبه لشغلهم وآتقآنهم

آنآ اللي مريحني اني آخط قمآشي عندهم وآنآ مرتآآآآآآآآآحه

آي استفسآر حبيبتي آنآ جآهزه
وربي يسهل عليكم

​

 

[عنوده22]

ياحبييييييييلك والله
بالنسبه للتفصيل مالي فيه مره
والمصممات اتمنى يكون في وقتك فيه بازارات لانها تكون حلوه وفيها فساتين ومصممات اتوقع اتوقع لو تدخلي موقع الاقلاع في القسم النسائي بتلاقين مواعيد البازارات
ايه صح ذكرت فيه بشارع العليا العام قبل الفيصليه علطول فيه مجمع ما اعرف ايش اسمه بس فيه مصممات وفيه محل اسمه العنود اتوقع اذا شفتيه معناته هو اللي اقصد خخخخخخخخ اتحملي الوصف
والله يوفقكم والجميع يااارب

 

[رفسني الشوق]

تسلمووون حبيباتي والله ماقصرتوووو

واذا بغيت شي ان شاء الله برجعلكم

&_&

 

[رفسني الشوق]

اللي عندها اضافة ياليت تفيدني

 

[حيرآنة]

؟؟؟؟؟؟؟؟ظ

 

[yoffi]

احمد البدوي ما انصحك فيه مرره شغله قروي بصراحة مو حلو
اذا تبين خياطة شي حلو عندك بيوتي مشغل نسائي وعندك دار نور وكمان امواج
النهدي زي ما قالت وحدة من البنات مره حلو والاسعار تختلف حسب الموديل وحسب الشغل
كمان عندك دار وسام خياطتهم مررره حلوه وراكزة وفيه برضو بالتحلية مشغل بس نسيت اسمه
بالتحلية عند محلات الاثاث وقريب من عبدالوهاب حق الاواني
بس كل المشاغل هذي اعتقد اقل سعر عندهم 2500 او 3000
وطبعا كل ما زاد الشغل زاد السعر يعني المتوسط لفستان حلو فيه شغل حتى لو بسيط
بيكون 5 الاف ريال اتوقع واذا للعروس فستان ابيض يمكن مو اقل من 10 الاف
بالتوفيق

 

[سعاد بن طالب]

حبيبتي انا متعامله مع المصممه منال اللاحم شغلها حييل جميل وتصاميمها غريبه كل فساتيني من عندها بالنسبه لي افضل مصممه بالرياض جربت كل المصممات بس الافضليه منال اللاحم ومستحييل اغيرها تصاميمها رووعه ومريحتني :32:توفر كل شي وهذي ارقامهم انصحك فيها 0534346407 و0546316135 اسم مشغلها جرجيس موقعها بشرق الرياض ماراح تندمي بالتعامل معها ولانسيني بالدعوات :3: