بنات الحضر ((الحجاز )))ردوا ضروري

[لن أيأس]

السلام عليكم ورحمة الله وبركاته

بنات جدة ماهي عوايدكم في الخطوبة من الالف للياء

ضروري انا قبيلية وخاطبني واحد من جدة حضري ولسه ماجاء بس جايين قريب

والسلام عليكم ورحمة الله وبركاته

 

[رجة بس برزه]

مبروووك والله يتمم لك على خير أنا من الحجاز لكن مو حضريه قبليه حربيه وعوايدنا اا اول زياره نجيب هديه ونتعرف على البنت ونتمم الخطبه واي استفسار انا حاظره

 

[مناكير وردي]

في فرق من ان الخطيب من جده ومن انه حضري
اللي عايشين بجده كثير ودامك قبيليه هو اكيد قبلي ونفس العوايد
وحضر جده هم الحضر اللي اصلهم مو سعودي هذول اكيد عاداتهم غير
انتي وش نوعية خ
يبك
واذا هو من حضر جده اللي اصلهم مو سعودي ردي عان جده فقط فتأكدي نفس الطباع
خطبة مع هدية وملكة مع طقم ذهب واذا يبي العشاء عليه
والزواج عادي بعده تروحين معه
الله معك ويتمملك على خير

 

[الاميرة الحسناء]

أألف مبروك

 

[مَلآمِحْ حُلمْ]

أنا من جدة لكن حربية ..
بس قد سألت صديقاتي الحضريات عن أسلوبهم في الخطوبة
نفس اللي نعمله يجي الولد و أهله و قدموا رغبتهم في خطوبتك و يجيبوا هدية للمخطوبة
و يحددوا النظرة الشرعية و يشوف البنت اذا عجبت الولد يحدد متى يلبس الدبل
و بعد فترة يملك و يظل رايح جاي على خطيبته في الملكة و مكالمات و بعضهم يروحو يتمشوا
و بعدها الزواج

 

[الجواااان]

الله يكتب لك مافيه الخير .

 

[لن أيأس]

اصله مو سعودي بس من اهل البلد على قولتنا...بس شكلهم ماخذين الجنسية من زمااان

 

[أم رايد]

من عوايد الحضر يجيب الخطيب معاه هدية يوم الشوفة إذا أعجبته البنت قدم الهدية لها أو لأبوها وإذا ما أعجبته ما يقدم شيء. أنا من جدة لكني قبلية واسمع بهذا الشيء.

 

[أم رايد]

ألفمبروك والله يتمم لك على خير.

 

[مثالية ولكن]

اول شي زيارة تعارف ممكن مع هدية بسيطة .. اممم يعني مثلا طبق شوكولاتة ..
وبعدين اذا عجبتهم البنت ممكن يقدموا الخطبة في الزيارة أو بعد الزيارة بيوم او يومين بالتليفون ويحددوا موعد للنظرة الشرعية..
في يوم النظرة الشرعية يروح الشاب يشوف خطيبته بوجود أحد محارمها أو والدته معه حسب الاتفاق ويلبسها الهدية اللي جابها وغطاريف والف مبروك وبعدين يتفقوا على موعد الملكة والشروط بين الأمهات أو في مجلس رجال حسب الاتفاق برضه..
في الملكة إما تصير ملكة رجال بدون عشا يعني مثلا الملكة في مسجد وكل واحد يرجع بيته ، أو ملكة وعشا في بيت أهل العروسة للرجال بس ، أو ملكة وشبكة على أهل العروسة سواء مختصرة في البيت أو كبيرة في قاعة وممكن تكون في يوم الملكة أو بعدها بفترة .. ويجيب لها في الشبكة طقم ذهب ودبل وتجيب له هدية معظم الاحيان ساعة ، وغالبا عربية الملكة وعلب الحلاوة واذا يبغوا يجيب جسيس ويروحوا لأهل العروسة حريم ورجال عادي وتصير الملكة ويجلسوا شوية بعدين يدخل العريس عندها ويلبسوا الدبل ويشربوا العصير ويتعشوا سوا ويسمر عندها لين الفجر ..
بعد الملكة تبدأ المكالمات والزيارات واذا ممكن يخرجوا مع بعض يتمشوا ويتعشوا والذي منه..
وبعدين الفرح .. عند الحضر عادة الفرح على أهل العروسة أو مشترك بين أهل العروسة وأهل العريس لكن غالبا إذا أهل العروسة عملوا شبكة كبيرة يصير أهل العريس يعملوا الفرح كبير برضه .. بس في ناس يتفقوا إن أهل العروسة عليهم الفرح والعريس عليه الشقة وشهر العسل يعني مراعاة لميزانيته ..
وهي عموما كلها بالتفاهم خاصة التفاصيل الصغيرة في التكاليف والهدايا وتختلف حسب أصل جنسية العريس .. وألف مبروك مقدما وعقبال كل الصبايا .

 

[زوجه مؤدبه]

الله يوفقك ويتمم عليك بخير ماحبيت اطلع ماادعيلك .

 

[مؤاسم الدهر]

هيك عادات اختي العزيزة في جميع انحاء المملكة متشابة تقريبا
الف الف الف مبروك الك