بنات الامارات الراقيات ممكن سؤال

[البنفسجية]

السلام عليكم حبيباتي
باذن الله بزوركم بالامارات بالاجازة وأبي أركز على محلات العبايات الرااااقية اللي تنفع للمنقبات وبعد البخور الرررراقي اللي معمول بالبيت والمخلطات ، ممكن تساعدوني وجزاكم الله خيرا
ملحوظة: ياريت أتعرف على وحدة ونسوي شوبنج مع بعض

 

[بلقيسية نيو]

بالنسبة للعبايات عندنا في دبي محلات المحجبة والحلوة وفي بعد مركز ابو هيل يناسب جميع الاذواق
بالنسبة للعطور عندنا باريس غاليري موجود في سيتي سنتر والبرجمان ومركز الغرير
البخور يمكن اتحصلينه في معرض الملا بلازا وتختارين اللي يعجبك
هذه المختصر واتمنى اكون افدتك

 

[الدكتورة نبضة قلب]

هلا الغلا

العبي بعد عندج الملا بلازا
اما البخور
فانصحج تشوفين الحريم اللي يبيعن في المنتديات اذا كنتي تبغينه مساوي في البيت
اتفقي معاهم من الحين على اسا لما بتين البلاد يبعثولج اياه الفندق او تلتقين وياهم بمكان

 

[البنفسجية]

جزاكن الله خيرا خواتي على التفاعل وأرجو اعطائي اسماء
افضل وأرقي محلات العبايات

 

[madam M]

أختي أنا مو اماراتية بس أموووووووووت بملافع (شيلات) و عبي الاماراتيات
و لما أزور دبي أتسوق و أتشرى للي يكفيني سنة جدام
عندج محلات فيرست ليدي و سويت ليدي و حناين في الغرير أو برجمان (( يهبلون - روعة - يجننون ))
أما البخور أنصحج بسوق مرشد في محل اسمه عنفر عنده عود العنفر يجنن للملابس ريحته طيبه
و في حامل المسك و فيه الرصاصي

 

[madam M]

أنا مو اماراتية بس أمووووووووووت بشيلات (ملافع ) و عبايات الامارات
كل مارحت دبي أتشرى منهم لست أشهر جدام
عندج أرقى المحلات : فيرست ليدي - سويت ليدي - حناين في الغرير و في برجمان و في مول الامارات
أما البخور في محل اسمه عنفر في سوق عكاظ عنده عود عنفر للملابس يطير العقل
شوقتيييييييييييني لدبي

 

[البنفسجية]

الله يجزاج خير أختي مدام ام - خواتي ممكن طلب ثاني أبيكم بعد تقترحون لي أماكن للترفيه أقدر آخذ راحتي فيها يعني ع الأقل أشيل النقاب !!!! وجزاكن الله خيرا

 

[البنفسجية]

بلقيسية نيو جزاج الله خير وأتمنى أشوفج بدبي

 

[بنوته المناصير]

العبي موجوده ف الخالديه محلات وايده وفي ماركس سبنسر وف المارينااااااا في بوظبي
واما بالنسبه للبخوور انصحج من شغل الحريم يكون احلا وعندنا ف رمضان ارض المعاااااارض فيه وايد بخوورات يبعووووووووون ............ وفيه حريم وايد اعرفهن يبيعن بس لازم اتطرشين حد ولا دريول ياخذ من عندهن

 

[baby face89]

حبيبتي في سويت ليدي والعنود والمحجبة هذا بالنسبة للعبي
اما البخور في محل في بوظبي مول اسمه ياس وايد حلو وبعد بخور ياسوجميرا من نفس المحل والدهن عود رهيب

 

[دموع طفله]

هلا الغاليه
بقولج عن حريم يفصلون العبايات اللي اجنن في البيوت
عندنا وحده اسمها المها هي ساكنه في دبي وعبيها اجنن
اذا تبين رقمها انا جاهزه؟؟
اما عن الدخون عند الحرمين وشي حريم يسوون وانا اتعامل مع الحريم اكثر

 

[أم كادي]

هلا و غلا باللي قاصد دارنا
حياج أختي بالإمارات ... حيا الله ممشاك لدار زايد
الإمارات و شعبها يرحبون فيج و بكل الخوات الخليجيات
البلاد بلدكم
بالنسبة للدخون فيه عندج دخون ياس ريحته خبال ، وفيه الدخون اللي يسوونه في البيوت فيه دخون مشاعر في بوظبي
أما العبي مثل ما قالوا الخوات عندج ( الملا بلازا - بو هيل - برجمان ) في دبي
و عندج محلات العبي اللي في عجمان عندهم أشياء وايد حلوة بعد و أسعارها أقل ​

.
.
و أتمنى أنج استفدتي
​

 

[البنفسجية]

كلامج وايدحلوحبيبتي ، جزاج الله خير

 

[الأمل5]

انا اموووووووووووووووووووووووت فدبي دار الحي ياريت خواتي تعطوني رقم الحريم الي يبيعون البخور الزين لان البخور الاماراتي روعه

 

[البنفسجية]

الصراحة دبي وهلها روووعة ، الله يهنيييهم يارب