بنات الإمارات أبي خدمه منكم ياعسولات

[كنت حبيبته]

السلام عليكم صباح الخيرات والوجوه الطيبه للجميع أن شاء الله يسافر الإمارات على شهر 2 إذا ربي أراد وفي بالي أزور الإمارات السبع وش تنصحوني فيه وأهم شيء عندي المولات وصالونات التجميل هناك ومحلات للأطفال حلوة. والسينما هناك وش أفضل سينما وللمعلوميه أنــْْ?ـْْـا حامل وودي بشغلات حلوة للحمل وللبيبي وش تنصحوني فيه ومشكورين وماتقصرون عذرا للإطاله

 

[دلوعه جمال]

اولا حياج الله في بلادج الثانيه حبيتبي
وان شاء الله شهر 2 بيكون الجو بارد تقريبا فلازم اتشلين معاج ملابس شتويه واذا ناويه تزورين الامارات كلها اولا عليج بالاماكن السياحيه مثل الفجيره وارس الخيمه اما باقي المدن ما اعرف الاماكن الحلوه فيها والله لاني من دبي وعلى حظج بتكون القريه العالميه بعدها مفتوحه وتقدرين تزورينها هي روعه الصراحه وفيها تقدرين تشترين اللي في خاطرج وتتمشين فيها وبنكون في هالفتره عندنا مهرجان دبي للتسوق يعني فرصه للشراء روحي دبي مول عندهم محلات للاطفال وعندهم ماركات عالميه ومطاعم داخليه وخارجيه وروحي فيستيفال وبالمره تدخلين مطعم الفنر الاماراتي وتتذوقين الاكلات الاماراتيه عندهم وسيتي مردف عندهم محلات روعه وانصحج تزورين جي بي ار هاي ممشئ روعه وفيها مطاعم وكوفيهات تجنن في هالجو وزوري حديقه زعبيل جدا حلوه و

وان شاء الله اذا تذكرت بعد بطرشلج

وتسلمين

 

[دلوعه جمال]

وصح تذكرت اذا تلبسين عبايه روحي مركز ابوهيل في ديره عندهم عبي عالموضه واسعارهم لازم تكاسرين وياهم

 

[raaaz]

ان شاء الله يفيدونك البنات

وموفقة

 

[جالكسيتو]

ان شاء الله يفيدك غيري .. مالي عــلم