بنات ارجوكم ساعدوني انا في حيررررررررررررررررررره

[سهام الصمت]

السلام يابلقيسيات
زوجي نمطه شمالي واتوقع شمالي غربي والحين صار لنا 10 ايام مابيننا اي كلام انا مطنشه وهو مطنش والسبب بنات تافه جدا صار زوجي لحسه يدور الزعل على اتفه الاسباب ويكبرها والسبب الرئيسي اني معلمه وقبل 3 اشهر رمى لي بطاقتي لانها كانت معاه وسفرني قبل شهر وحاول يآخذ البطاقه بس انا طلبتها منه والحين صار يفكر كيف يرجعها لانه كان يآخذ منها ويصرف بدون مايقول بس انا قلت 6 سنوات لعب خلااااااااااااااااااااااااااااص بس هو ذبحني بالمشاكل طبعا لأي شي وصار جالس لي في كل شي ويتلفظ بألفاظ جارحه ووسخه (يازباله ياجزمه يايايا ) اكرمكم الله وكنت بداية زواجي ارد عليه بس صرت اسكت واقول لعل وعسى بس مافيه فايده غير كذا يابنات جلساته بالبيت من يوم تزوجني مااااااااااااااااافيه يعني حاط البيت للنوم والاكل فقط والباقي مع الشباب بالقهاوي وماخربه غير ذي القهاوي ودايم اقول له تراك مقصر معانا بس لاحس ولاخبر غير اني كشفته يخون تخيلوا يابنات والله العظيم يشحن للبنات برا ويكلم ويصور نفسه ويرسل وكشفته وعندي اثباتات عليه بس مخبيتها للزمن على اني يعلم الله اني مو مقصره معاه بشي بس بصراحه من يوم اخذته وعينه زاااااااايغه ويحب الحريم وكل ماتزاعلنا عرف نقطة ضعفي صار يهددني بالزواج والسفر برا واذا نصحته زعل وقال ماانتي واثقه الحين يابنات كيف اتصرف معاه طنشته من10 ايام وبعد هو مطنش لانه على آخر مشكله ارسلت له مسج وبينت له اني بنت ناس ومحترمه وانا ماعاد ابي منك حب انا ابي الراحه والاحترام وكتبت ايضا ان هذا اللي تسويه استعباد مو زواج وبينت اني ماارسلت ابرر موقفي بس قلت له انه فهم الموقف غلط ورفع صوته وقل ادبه على شي مايستاهل

 

[سهام الصمت]

يتبع

نسيت اقولكم يابنات طبعا هو انسان يحب الفلوس ويموت فيها يعني انا اسدد جوالي وشغالتي انا اعطيها راتبها ومستحيل يحط ريال واحد ونفسي انا اشتري لها غير القروض ومايبقى غير مبلغ قليل بس ماراح يرتاح لحد مايآخذه والاهم يآخذ البطاقه لان الرجال عندنا يتفاخرون ببطايق زوجاتهم بجيوبهم وانا اقول خلااص لحد متى بأجلس كذا لااحترام ولا تقدير ولا كلمه حلوه وفوق ذا كله خياااااااااااااااااااااااانه تعبت ارجوكم شوروا علي يالخبيرات والله تعبت

 

[شيخة المعازيم]

حبيبتي سمعي مني ونا وخيتش
بطاقة البنك لا عاد تعطينه اياها ابد ولا تفكرين
زوجك من النوع يباله عين حارة وحاولي تقللين تصرفين على البيتباي طريقه فكري فيها
شو يعني انت تصرفين على كلشيء طيب هو شو فايدته يوفر فلوسه لبنات الحرام
عيوني لا تضعفين مع هالنوع من الرجال خليش قويه واذا هو حاقرش حقريه انتي بعد
شنو هذا شو صاير بالدنيا حريم تصرف وتسوي كل شيء والرياييل بعد يمدون البوز خوش والله

 

[رازيا]

مع شيخة

 

[سهام الصمت]

يعطيكم العافيه شيخة المعازيم ورازيا بس الحين هو بيصلح لي سالفه وبيدور المشاكل وبينكد علي عيشتي عشان يآخذها فكرت اقول لاخوي يتفاهم معاه ع طولة لسانه حتى اهلي يسبهم ماصارت

 

[مدام كوري]

انا مررررررررررررررررة عصبت بنات ليش انتم كذا ضعيفات مع ان عندكم مراكز قوة لا يستهان فيها
وربي بتجلطوني ليش كذا شوفي الخطوة الاولى بطاقتك تاخذينها منه ولا تعطينه ولا ريال شنو هذا ماعنده عزة نفس حبيبتي اللي يمد ايده لزوجته هذا مافيه ذرة رجولة .. الشي الثاني طنشيييييييييييه انتي مو بحاجته اصلا هو مايصرف عليكم انتي شايله كل شي لحالك .... فلوسك خليها لك واذا قالك شي قولي مالك دخل ان شالله لو اجيب ال 500 واولعها زقارة مالك شغل فلوسي ورددي هالكلمة فلوسي حلالي لك شي ؟ تبي فلوس روح اشتغل ... شنو هذا الله يصلحكم انتم اللي سمحتو لازواجكم يتمادون بالشكل هذا ولا لو لقاك من الاول صاحية وقوية وربي ما يتجرأ ...:35:اه بس ​

 

[سهام الصمت]

الله يسعدك مدام كوري شكلك عصبتي بس انا اذا قلت له فلوسي يزعل ويقول انتي كلك ملكي ايش اللي فلوسك انا لازم اعرف كل ريال وين حطيتيه وبصراحه فعلا انا اعطيته وجه من الاول بس الحين جالسه افكر اعطيه 1000 ريال اسكته فيها لانه يقول ماني مستفيد من تدريسك وطبعا هو اللي يوديني المدرسه ويجيبني علما بأني مليت منه ومن طولة لسانه كل صباح وطلبت سواق بس رفض

 

[شمعه أمل]

حبيبتي شكلك صدقتيه وبتلينين له انتبهي أحذرك والله أحذرك بالطقاااااااق يزعل يصك راسه في الجدار لاتتنازلين له عن بطاقتك ترا هذا النوع لا شافك اعطيتيه ابتسم ابتسامة المكر وبعد ما ياخذ ويخللص تجميع والله نتائج سيأه انا موضفه زيك وأحيانا يلمح ويحاول بس ماخليت له مجال ارسل فلوسي على مامتي واقعد اهذري كل ماشفته رايق ان وحده طلبت مني فلوس مابقا لي شي وان الشهر ذا خصموا من راتبي بس ما اعطيه معلومت اكثر لاكم ولاغيره مبلغ وخلاص بس احسسه ان ماعندي شي ترا اذا حس انك مطفره يسحب الفكره شوي شوي وطالما هو شايف وكاشف مبالغك والله مايرتاح وادعي ربي يلين قلبه وانصحي عيالك عن السب والشتم قدامه عشان يحس انها عيب والله معاكي

 

[جنون حلم]

كل اللي قاعد يسويه مجرد ضغط عشان تتراجعين عن قرارك لكن بيني له
ان مااهتميتي وان هذا حقك واستحاله تتنازلين عنه ادري انه شي صعب مع الشمالي لكن الشمالي ما يمشي معاه الا امراه قويه

وقومي انتي بواجباته عليك بس من غير الرتوش ,, اقصد تدليعه وكذا
وابدي اهتمي بنفسك هذي الفتره اكثر والاهم الاهم اكثري من الدعاء والاستغفار ،، وربي يوفقك بس هااه انتبهي لا تضعفين لضغط الشمالي

 

[يالبى راشد وبس]

لاتعطيه شي هذا شقاك وتعبك
وهو ياخذها باردمبرده ويصرف على بنات الحرا م مسوي انه كريم هو ووجهه