بنات ابي شوركم زوجي يبي يتزوج علي شسوي

[الملتاعه2]

بنات محتاجه دعاءكم والله تعبت معه بس شكله اليوم ولابعد عشرين سنه بسويها ياالله تصبرني وتنزل على قلبي السكينه والله يابنات انه مسكين قصب عليه يقول اذا مااعرسة بخربط وانا مابي اروح للحرام ويحلف يقول والله اني افكر بالعرس واهون عشرين مره عشانج بس الشيطان يوزني ولاصرة قريب من الحرام ربي يردني بس مره مرتين عشرين وبعدين اذا ماعرسة وحصنة نفسي لابد اني بطيح والله غصب انا احب الحريم وانا بشر وفوق هذا انتي مابي اجرحج اطلبي الي تبينه وعطيج بس لاتزعلين هذا سالفتي شرايكم شنو تشورون علي فيه هو الحين يفكر ويمكن خطب بعد

 

[يالله يالله]

الله يسخره لج اميييييييين ادعي ربج انه لايتزوج عليج واذا الموضوع ماراح يضايقج انه يتزوج خلاص خليه يتزوج وانتي الله يصبرج

 

[وهج الحياة2011]

اقول والله عينه طويله ليش انتى مقصره معه بشيئ اذا فيه سبب مثل الاولاد ممكن يتزوج لاكن اذا انتى جايبه عيال ومافيكي قصور ليش حياتي اذا يحبك مايدور غيرك والله لو انا اذبحه او اطلب الطلاق لو بعد عشرين ولد......

 

[مملكة الغرام]

خلاص اذا يهمه زعلك لاتوافقين قولي له
اذا بتتزوج طلقنى وانا كمان بتزوج واعيش حيااتى عشاان مااطيح في الحراام خليه يمكن يحس على دمه
اسلوبه الصراحه استفزازى اتعاملى معه ببرود قولي طلقنى وانا كمان اتزوج انا مو ناقصنى شي وانا اذا مارديتك من الحرام لو تتزوج 4ماتشبع

 

[الملتاعه2]

شلون مايضايقني اكيد بيضايقني وبيحز في خاطري خصوصا اني مو مقصره في البيت والعيال والفراش دايم يشوفني باحلى لبس وماقصرة معه كنت معه بالشده وماشكيتله ومريحته على الاخر طلباتي شوي وهاديه ومع ذالك وبعد 13سنه وسبع ابناء بعد ما الله يسر اموره بدل مايكافئني يعرس علي الله يصبرني ويربط على قلبي

 

[الملتاعه2]

الطلاق مو حل عيالي وين يروحون ومن بيهتم فيهم وانا قلتله ماني براضيه بس هو مصر على رايه ويقول بامكاني اعرس وانت اخر وحده تدري بس مابي اسوي كذا ابيج بالصوره وتدرين اول الناس لاني اعزج ولاراح اقصر عليج ولاراح اتغير بالعكس بتغير للاحسن والي تبينه بتاخذينه

 

[حيرتني واحترت]

الله يفرج همك وعليك بالدعاء واستغفري كثير الله يجعله مايتزوج ويجعلك الزوجه الاولى والاخيره له والله حزنتيني

 

[وهج الحياة2011]

انا بعطيك حل اطلعي من البيت ورحي لاهلك وخلي عياله عنده يحتاس فيهم واذا فيه طفل صغير خذيه والله ان ولد اخو زوجي قبل اسبوع بس خطب وحده واهو متزوج وعنده ولد عمره 2 وطلعت زوجته من البيت وراحت لاهلها وطلبت الطلاق والحين يبوس الايادي عشان ترجع وراح لاهل العروسه وفاتحهم انه ماعد يبي يتزوج وللحين محتاس عشان ولده ورده فعل زوجته لانها ماتكلمه ومصره اهي او الحرمه الثانيه

 

[al.zmorodh]

نفس قصتى بعد كفاح 16 سنه يقول اخاف الجاء للحام وانتى! وانتى !وانتى !
المهم انصحك بصدق اللجوء الى الله وحسن الظن به وكثرة الدعاء والصدقه والذكر من جد اكثرى اكثرى من القرب من الله وحدة لانه هو وحدة القادر على اصلاح الحال وهو اعلم بما فى الضمائر وامرة فى لمح البصر واعلمى ان الله اذا احب ان يسمع صوت عبدة ابتلاه حتى يدعوة وكونى موقنه من الاجابه ولكن لا تتتسرعى النتائج انتى تتعاملين مع عظيم كبير قاهر جبار قوى عزيز بيدة مقاليد كل شى سبحانه .
واعلمى انك لن تخسرى لان معك الله فمن كان الله معه فلن يخسر شئ واتركيه لربه ,,

 

[وقع الالم]

عزيزتي حكايتك زي حكايتي بالضبط ما اقوووووووول غير الله يكون بالعون واتمنى ماتستسلمين له
كان الله في عونا جميعا

 

[ماني من ناس]

ابغي اقوول شي بسسس خايفه تزعليين
13 سنه متزووجه يعني اتووقع منتوو كبار
بسسسسس
اقوول لا ما اقوول
7 اطفال 13 سنه مشاء الله تبارك الرحمن متلحظين انكم استعجلتوو شووووي
20 سنه وجبت 4 والحمدالله تدريين انه كثرة الاطفال تنهك الحياه الزووجيه
لحد ينتقد هذي قناعتي
اما عن زواجه
انتي ادري لكن اهم شي انج مستغله بسكن وطلاق استبعديه بتاتا
ارجوو انج مزعليين مني اصراحه محب اجرح لكن حبيت انبهك​

 

[تاج راسه]

مو مقصره في البيت والعيال والفراش دايم يشوفني باحلى لبس وماقصرة معه كنت معه بالشده وماشكيتله ومريحته على الاخر

هدا الكلام قوليه له هو مو تقوليه لنا
وقوليله ايش اللي تبغاه من الحرمة الثانية وانا اعطيك اياه وبلا اعذار وحجج مالها طعم ولا لون ولا ريحة حتى
قال اروح للحرام قال
ليش انت مو حرمة زيك زي اللي يبغى يتجوزها وعندك ما عندها وقوليله انا مستعدة اصير لك عروس بس اعطيني مهر واشتريلي غرفة جديدة :25::25::25: من جد احاكيك
مالت عليهم عيونهم فارغة

 

[استعدت نفسي]

عشانك هاديه وطلباتك قليله ومريحته هذي مكافأتك
اللي زينا مالهم كرت عند الرجال في هالزمن
حسبي الله عليهم الله يهديلك زوجك ويسخره ويجعلك الاولى والاخيره في حياته ياااااااارب

 

[الملتاعه2]

الزمرده ابكاني كلامك

 

[نجدالعذية]

الله يكون بعونك حبيبتي قلبي عندك
والله اهون انة يقولك ويطلب رضاكي ولا يسويها من وراكي
الله يهون عليكي ويصبرك ويبعدة عن الزواج وعن الحراااااااام يارب

 

[حنين الحنونة]

الله يصبرك ويفتح على قلبك
بيني لزوجك وجهة نظرك وقولي اللي في خاطرك وقلبك وانك تحبينه ومو مقصرة معه.. فليش بعد هالعشرة تتزوج؟؟!!!
وألجأي الي ربك وسجادتك وأسأليه الخيرة لك ولزوجك ولحياتكم..
واذا مصر على الزواج ازعلي عليه وانتي في بيتك.. ولا تسألينه عن خطوبته ولاعرسه ولا ترضين تشوفين زوجته الثانية.. لاتسألينه عن اي شي بالحريقة هو وياها..
عزي نفسك وانتي في بيتك..
وعيشي حياتك لنفسك ودللي نفسك وعيالك..
لا اهلك ولا الناس راح يعزونك اذا انتي ماعزيتي نفسك..

والله يفرجها لك..

​

 

[الملتاعه2]

تاج راسه قلتله كل الي قلته والله كريم
ماني من الناس شسوي الحبوب ممنوعه منها والولب مانسبني ركبته 5مرات ويطيح والحسبه زوجي يخربط مرات والله كريم

 

[الملتاعه2]

استغفرالله

 

[al.zmorodh]

حبيبتى الملتاعه اتمنى من الله ان تغيرى لقبك وتجعليه لقب انسانه مومنه متفائله موحده وثقى ان الاقدار كلها تمر علينا حزن ,فرح , لكن نسال الله ان يجعلها كلما حلت نعمه او نقمه ان تزيدنا من القرب منه فهو الوحيد الذى يونس الوحشه ويزيل الغمه وتذكرى دائما كل يوم هو فى شان ....
وكلامى اثر فيك لاننا انا وانتى نعيش الحدث فالكلام يكون من صدق التجربه ..اسال المولى جل فى قدرته ان يعطينا خيرة ويكفينا شرة والله المستعان ...
لا اوصيكى ادعى بالى فى قلبك عند كل اذان وبعد كل صلاة .....

 

[يالبى راشد وبس]

الله يكون بعونك والله حاسة فيك حتى انا زوجي يقولي نفس الكلام بس يبي زواج مسيار وانا متزوجه لي 3 سنوات وعندي طفل واحد ومو مقصرة والله بشي ولما اقوله ليه تبي تتزوج انا مقصرة يقول لا والله بس من باب التغيير ويحلف ما يقصر معاي بشي بس انا قلت له لو تزوجت ابيك تطلقني قال مستحيل بس الرجال مالهم امان وانا لسى عمري 20 وهو 30 ويقول اللي بتزوجها ابي يكون عمرها من 35 الى 40 بس ما ادري ليه علما ولله الحمد على قدر من الجمال بشهادته هو وغيرة