بنات أهل زوجي بيزوروني أول زيارة في بيتي ساااااااااعدوني بنصاايحكم

[شامخه بأنوثتي]

صبااااااااااااااح الخير .........


انا عروسه توي من شهرين متزوجه واهل زوجي يمكن يزوروني بكره ..
وبصراااااااااااااااااااحه هم نقاادين كثير وصرت اتحسس من جيتهم وخاايفه مع اني والحمد لله نظيفه في بيتي وكل شغلي تمام التماااام ..... يمكن تستغربون بس لانه اخو زوجي طلق حرمته والسبب انه عمتي تقوول انها ماكانت تسوووي ولا شي وكانت وسخه ووووووو مهمله والى الاخر وطبعى كل مارحت لهم من اول ماتزوجت يكررون هالكلام علي وانها كانت تسوي وتسوووووي لحد مااجاني وسوواس منهم وخوف اذا زااروني ببيتي تكفوووووووووووووووووون عطووني ارائكم كيف اكوون وكيف استقبلهم ووش اقدم لهم عالقهوووة والى آآآآآآآآآآآآآآآآآخره تكفوون يالمتزوجاات ساااعدوني



شموووووووووووووووووووخه

 

[قوت الهوى]

السلام عليكم ....
الله يعينك حبيبتي ولا تخافين والتوتر هذا طبيعي....المهم زي ما قلتي النظافه وتصرفي على طبيعتك لان التكلف راح يتعبك على المدى البعييييييييييييد...

 

[محبه الحرمين]

ياحياااتي ودي افيدك بس ما اعرف ان شاء الله تلقين احد يساااعدك ...

 

[اميرة اليمن]

اسمعي حبيبتي خليك عادي وريلكس

ولا تبيني هذا الشي لزوجك واهله

وابدي من اليوم وفكري سوي اطباق حلى مع القهوة واحسني ضيافتهم اهتمي في بيتك خليهم يدخلون وريحه البخور عند الباب

لا تخلي زوجك يجيب اكل من برى انتي كله اطبخي وبدعي

وبدعي في طرق التقديم

واذا كررو الكلام على زوجه اخوهم الي تطلقت قولي الله يستر عليها

وبشريني عنك ياحلوه

 

[um_rqawy]

امم خلج عاادي البيت نظفيه وبخريه وانتي لبسي احسن شي عندج ولا ترتبكين جنبهم خلج واثقه من نفسج واذا بيجونج على عشا وعندج خوات خل يسون لج كم طبق واممم واذا قهوه قدمي لهم بقلاوه وبيتاافور ومكسرات وعصيرات.. اتمنى افدتج ..
واذا عاد عليج كلام على انه طلقو مرة اخووهم لانها وسخه طنشي وغيري الموضوع ولاتقوولين لزوجج اهلك كلا يقوولون انه مرة اخوك اللي طلقها وسخه علشااان مايددق اذا في يوم اهملتي البيت بسبب ظرف ..

 

[zozo the love]

كلا م البنات صحيح اهم شي البيت يكون نظيف ولاترتبكين عادي وسوي اطباق مجربتها من قبل عشان لاتطولين وتضمنين انها تكون مضبوطه وامدحيهم قدام زوجك عشان حتى لو قالو عنك شي مايصدقهم ويعرف انك طيبه وماتستاهلين كذا منهم والله يوفقك

 

[بلقيس ميمو]

حبيبتي شامخه اول شي استقبلك حلو من عند الباب والبخور وكلام الحلو ولاطباق ابدعي فيه والنظافه البيت كيد انتي عروسبيتك نظيف بس الغبار كون في كل مكان وتكشخي وسوي الي عليك كوني طبيعيه الله يوفقلك

 

[الا عفافي]

اول شي مري على البيت غرفه غرفه وتاكدي من نظافة كل شي اهم شي الغبار عشان تطمني حتى لوكان نظيف تاكدي بعدين الحلى سوي نوعين من الي تعرفينه انتي بعدين ابدي في نفسك خليك على سنكه عشره يعني((شياكه)) ولا تنسي ريحة البيت من فواحه وبخور وبعد هذا كله لو تكلمو وقالوا عن زوجة اخوك حسسيهم ان الوضع عادي وخليك واااااثقه انتبهي مو اي كلمه تهزمك..

 

[ملآمح طآغيه]

اول شي رتبي بيتك قبل يجون بيوم
تمسيح وتلميع وكل شي

واليوم الي بيجون فيه شيكي ع النظافه بشكل سريع
وبخري بيتك
واهتمي بطريقة التقديم
شاي حاولي تكون مع فطاير غريبه شكلها وبصحن تقديم حلوو

والقهوه سوي لك حلى او اشتري لك بالكيلو وحطيها بصينيه حلوه ابتكري
ادخلي قوقل وشوفي حركات التقديم
وتحمسي لجيتهم بما انهم اول مره يزورونك
وقدمي العصير والكيك
في حركات كثييره
واذا مو حابه عصير
قدمي ايس كريم بداله بطريقة تقديم مبتكره
وبئكواب حلوه

ادخلي قوقل يفيدك

نجي لشكلك اهتمي بلبسك وشعرك وميك ابك
والبسي لبس كشخه وخلك واثقه من ذاتك
اهم شي الثقه ولا عليك وتوكلي ع ربي

موفقه حبيبتي وطمنيني عنك ياعسسسل

اتمنى اكون افدتك ولو بالقليل​

 

[رحماه ياربي]

اهم شي خلك كلك ثقه وبقووووووووووووووووووه ليه ؟؟ لانهم بيحسون فيك وسبحان لا ارداديا بيشوفوك كامله
واهم شي كشختك البسي مثلا فستان ناعم بإكسسورات نااااعمه مع شبشب بكعب صغير وماكياج كامل بس خلي الوان الشدو هاديه لاتكون صارخه مثلا كريم اساس وبلاشر وشدو وماسكارا كثفيها على قد ماتقدرين لانها بتعطيك شكل راااااائع وقلوس ناعم والافضل يكون ثااااابت وقبل جيتهم دخني بيتك وفيه حركه حلللللللللللوه وتعطي للبيت ريحه زاااااااااكيه وهي : سكري المكيف وعطريه بالعطر الي يعجبك فلما تشغلينه تنتشر الريحه والكنبات الي بيجلسون عليها عطريها بس لاتكثرين علشان مايكون مزعج وبعدين كوني رزينه وثقيله لاتتكلمين كثير ولا عاد تكشرين بوجهم لا اقصد خلك وسط ولاتتذللين لهم وكأنك خايفه منهم وبس تنتظرين منهم نظرة الرضااااااا
انتبهي بعد مابقا الا هي ولايهمونك
افضل تقدمين بالبدايه لهم اما : كاسات وتحطين فيهم آيسكريم بما ان الاجواء تساعد على ذلك او تصلحين ميلك شيك بالتوكيس طعمه يعذب
ومع القهوه حلى جاهز والافضل يكون شوكلا مغلف من باتشي او جوي او من هالمحلات
والشاي لاتقدمين معاه شي اذا كانو بيتعشون معاك اما اذا ماراح يتعشون قدمي ساندويشتات بخبز التورتيلا شي خلي حشوته دجاج وشي خليه فلافل
وبعدين ياقلبي لاتتعبين نفسك انتي عروسه ولاتتكلفين لهم بزياده صدقيني بيدرون انك خاااااايفه منهم وبيصيرون كل شوي يذلونك وبعدين وش هالكذبه الي مادخلت راسي اي خرابيط والعالم الله انهم بس يبون يخوفونك ويمشونك على رايهم بعدين ماعليه هذولي مايستحون توك عروس يافتاح ياعليم انصحك لاتعطينهم وجه وخلي تعاملك معاهم رسمي مبين انهم غثيثين الله يعينك
المهم لاتنسين تخبرينا وش بيصير عليك بعد مايطلعون تحمست معاك

 

[نوود موود]

باين على اهل زوجك انهم ( بصريين ) يعنى يعجبهم اللي يشوفونه اكثر من اللي يسمعونه
اشتغلي على هالنقطه ..
يعني اكسبيهم بالهدايا ولا تروحين لهم الا بصينيه او اي شي يطيح عليه بصرهم ..
والاهم من هذا كله ثقتك بنفسك كوني واثقه من اللي تقومين فيه سواء معهم اومع زوجك .. وزي ما قالوا لك البنات اذا جابوا طاري طليقة ولدهم قولي الله يستر عليها ولا تسألين عنها ولا تبدين اهتمام ..

 

[حياة حقيقية]

البنات اللي قبلي قالوا كل شي بس حبيت أقولك نظافة الحمام والمطبخ اهم شي لانهم دليل نظافة المرأة وأكلها واذا كان عندك خوات خليهم يساعدونك بالإطباق مع أخذ طريقة العمل منهم حتى لو سالوك اهل زوجك تعرفي تردين اهم شي الاستقبال المريح بدون مبالغة والابتسامة الحلوة وعدم الشكوى ابد من زوجك ودوم قولي الله يجزاها خير اللي حملته وربته وخلي لبسك جميل وبسيط حتى لاتثيري غيرتهم منك وحاولي تقدمي اشياء مبتكرة وجديدة حتى يمدحوكي ويعرفوا انك ست بيت معتبرة اما زوجة اخوه السابقة لاتعلقي ع الموضوع الا بكلمة هذا قسمة ونصيب واكتبي لنا عن السهرة بعد ماتنتهي وبالتوفيق

 

[طبيبة جروحي]

اولآ خليكي واثقه من نفسك..ثانيآ اذا جابو سيرت ولادهم الي طلقها قليلهم حرام عليكم تراكم اغتبتوها وسكتيهم من رد عن عرض اخيه رد الله عن وجه النار...ان شاء الله ماني غلطانه بالحديث.