بنات أنا مقهورة شوروا علي

[أسيرة غلاها]

بنات بموت قهر من أخو ريلي وريلي ...............

السالفه أنه اخو ريلي كل سنه يسافر فالسنه مرتين أو 3 هو و حرمته ... برايهم الله يهنيهم
فسفرتهم ........... بس المشكله انه يلعب بفلوسه و بعدين يتسلف من ريلي ( البنك المركزي ماله )

المشكله انه ريلي هالشهر وايد مضغوط عنده التزامات ثانيه و أنا عندي مواعيد فالعيادات
تحتاج للآلاف .. حتى من يومين كنا يالسين نحسب و نوزع الفلوس ع حسب حاجاتنا .. و فنفس الوقت نخلي رصيد شوي فالبنك للضرورات الثانيه ..

اليوم اتصل حضرة الأخ بريلي .. و قاله انه يبا يتسلف منه مبلغ كبير ... عسب السفره .. و قاله ريلي انه مضغوط شوي هالشهر و قاله عن ظروفه .. بس ما قدر الظروف و تم يعطيه من ذاك الكلام الزين أونه أتسلف من القريب أحسن من الغريب ( انزين محد ضربك على إيدك عشان تتسافر )
حاولت أقنع ريلي ما يعطيه أكثر من 5 آلاف لأنه دوم يلعب بفلوسه بس ريلي مب راضي يستحي يرده

و الحين أبا مشورتكم يا بنات عشان أقنعه ما يعطيه .. قبل العصر لأنه بيسير يسحبله فلوس

 

[ألماسة آسيه]

السلام عليكم ورحمة الله وبركاته
اختي الحبيبه خلى الزوجك او انت يصلى صلاة الاستخاره ويستخير الله جل علاه

اعانكم الله وسهل اموركم وكتب لكم الخير

 

[أسيرة غلاها]

الله المستعان

 

[دمعتي ماركه]

عادي خليه يعطيه

بس انتي مالك دخل اهم شي مو تعطونه على حساب مصلحتكم

يعني اذا قاصرك شي او ناقصك شي مالك دخل فيه اهو ولا اخوه بكيفهم

 

[لانا]

قولي له عطه اللي تبي بس احلم اني اراعي ظروفك واتنازل . انا ابي اسافر اغير جو زوجة اخوك احسن مني في ايش علشان انت تروح تسفرها وتخليني هنا بالحر .

 

[مناكير وردي]

دام يرجع الفلوس وهي فعلا سلف ليش القهر وحرقة الدم؟
اما في حالة مايردها انا معك القهر وارد
ولو انا منك خذي من زوجك اللي تقدري عليه وفلسية
انا سويت هالحركة ونجحت اللي اشوفه يطلبه اقوله وانا بعد ابي مثلا3000 وضروري واخليه مفلس محد يقدر يتسلف منه وانا بدوري احطها بالبنك واجمعها ومستحيل اصرفها وهذاني اجمع الالف ولا انها تروح برا​