بناااااااااااات ادخلو أبي رايكم

[حلاوة أنثى]

بسم الله الرحمن الرحيم
كيفكم بنات
أنا حابه أستشيركم في موضوع
وحابه أشرحلكم وضعي بالتفصيل عشان تفهموني
أنا بنت عمري 19
أمي أجنبيه لكن أنا سعوديه أنا من سكان (الرياض)
المهم أنا جاني وحد يخطبني من (القصيم) الصراحه هورجال ماشاء الله يعني ماينرد
استخرت صراحه ما حسيت بشيء أنا قررت اني أرفضه لأني ماني مرتاحة اني أبعد عن
أهلي حتى أمي ما تبيني أروح
زي ما قلتلكم أمي أجنبيه يعني متغربه معندها أهل وماتبي عيالها يبعدون عنها
زي هي ماأبعدت عن أهلها
أنا أخاف اني أصير أجي لأهلي قليل وأنا مافيه أحد من أقاربي في القصيم كلهم في (الرياض)
وبعدين حنا عاداتنا تختلف عن القصمان مره ايش رايكم حطو نفسكم مكاني
أنا أبي أعرف لو كنتي مكاني توافقين ؟؟؟
معي حق اني أرفض ولا لاء
أنا ما أسب القمان لا لا لا لا بالعكس هم ناس طيبين أخاف بعضكم يفهم السالفه غلط
أتوقع اني طرحت الموضوع في قسم غير مناسب لكن أنا أبي ري بنات مملكات أومخطوبات

 

[مهره أصيلة]

من بعد القصيم عن الرياض كلها كم ساعة وأنتي عند أهلك يالغلا
بعد القصيم مافيها حركة سكانية كثيرة والبنات أشكال وألوان كأنهم علبة ألوان زي الرياض
القصمان مازال أهلهم محافظين ... أستخيري أكثر من مره وسألوا عن الشخص
إذا راعي صلاة ودين ويخاف ربه وبار بوالدينه وموظف وراح يوفر لك سكن مستقل أتكلي ع ربك اللي ما تنام عينه ​

 

[بقلبي غلاك]

أهم شيء دينه واخلاقه حبوبتي والقصيم مو بعيد عن الرياض بالعكس حلو القصيم واهله طيبين ماشاءالله .. وامك اكيد شعورها فرح فيك وبتفقدك كاي ام الله يخليهم لنا ..

وقبل كل شيء استخيري واستغفري وادعي رببببك وربي يووفقك ويسهل امورك ..

 

[انت الروح]

شوفي حبيبتي انا ماايد ان البنت ترفض الخطاب من دون سبب مقنع...يعني انه بعيد عن اهلك مو مشكلة لانه يجي طيب ويسكنك بعيد احسن مايجي واحد خبيث ويسكنك جنب اهلك

 

[ro7 kimo]

مااشوف اي سبب مقنع للرفض يالغلا توكلي ع الله وافقي

ترى انا ماخذه واحد بعيد مو صوب اهلي حتى يختلف عن طبعنا

وعوايدنا وحياتي الحمد لله ماااااااشيه اهم شي الاخلاق والدين

والزواج صار فرص والطيب صاااااااااااااااااااااااااااااار نادر

نصيحه لاتردينه اذا كان غير هالاسباب

والله يكتب لك الي فيه الخير​

 

[انسه طفشانه]

حرام ترفضي الرجال عشان هالسبب
انا اقوول ىالرياض ماتبعد عن القصيم كثير
تقدري تروحي لاهلك اي وقت
الله لايفرقكم

 

[دلوعة عيونه]

مو سبب مقنع للرفض انتي استخيري والله يكتب لك الخير

 

[حلاوة أنثى]

مشكورين لكن زي ما قلتلكم أمي رافضة ماتبي ايش الحل

 

[ألحان نازفة]

مو عذر صراحة اذا هو كفو وافقي عليه
غيرك تتمنى زوج لو حتى يسكنها المريخ مو بالقصيم عند كراعي
الله يكتب لك الخير

 

[ألحان نازفة]

مو عذر صراحة اذا هو كفو وافقي عليه
غيرك تتمنى زوج لو حتى يسكنها المريخ مو بالقصيم عند كراعي
الله يكتب لك الخير

 

[سـمـاء]

اختلاف العادات
حسستيني انه شرق اسياء مو القصيم
وحتى لو فيه بيكون خفيف الاختلاف تقدرين تتاقلمين معاه
والمسافه كلها 3 ساعات ماتسوى

 

[عذبهم شموخي]

اسمعي كلامي ياعسسسسسسسل مدام الرجال طيب واخلاقه محترمه وعنده وظيفه تفتحله بيت واهله طيبين ابدددد لاترفضي فكري بالعقل حبيبتي انتي كذا ولاكذا حتتزوجي وتطيري:14:
وحتبعدي عن أهلك هذي سنة الحياة وكلنا صارلنا كذا يعني مو أنتي الوحيده كل بنات حواء مروا بهالتجربه :39:
وانا نفس حالتك امي اجنبيه ومالها احد غيرنا وشوفيني الحمدلله تزوجة ومبسوطه وواصله امي ويادوووووبه من بعد القصيم يعني الي يسمعك يقول بتروحي اوروبا:24:
اقول تزوجي واعزميني والا والله لاجيك اكفخك:25:ههههههههههههه​