بموووت من القهر

[اقول السلام]

السلام عليكم ورحمة الله وبركاتة

انا دائما اقرا مواضيعكم واستفدت كثير بس مشكلتي شي واحد

زوجي يقولي دائما اهلي مايبغونك تبغين اخليهم يكتبون ورقة عشان تتاكدين وهم من اقاربنا

المشكلة ( اخوه خاطب وشبك وتملك من غير مايقولون روحي معنا)

ويوم شبكتي انا جايبين مرت ولدهم الي من ابوهم وانا زوجي اخوة من الام والابو ماقالولي

وش رايكم
ولا عمري تمشكلت معهم بس اقهر نفسي بنفسي واكل بنفسي من غير مااقولهم
اول ولد لهم بالعائلة ولدي ولا اهدوني ولاشي
سكنت بيت جديد ماهدون

وش اقول وش اخلي



ابي شورم خواتي ماخاب من استشار وش اسوي​

 

[ذايب فيني ذوب]

خير ان ساء الله يابنت الناس لاترمين نفسك عليهم ابد تعاملي مع الموضوع على انهم ميتين يعني ماعنده اهل الله يرحمهم وبس روحي لاهلك وانبسطي وهم الخسرانين

 

[جنو5]

هلا انشاالله افيدك انا مثلك بس صرت اطنشهم ويدل على غيرتهم منك بس نصيحه صيرى احسن منهم وتقربى لام زوجك بالهدايا والمكالمات
ادعيلى بتسخير زوجى

 

[مهجوله]

طيب يااختي طنشيهم ليش متعبه نفسك مع ناس ماتستاهل
خلاص زوجك قالها لك بوجهك وش تبين اكثر من كيذا يعني الا غصب يبغونك

 

[ياسمين وفل]

السلام عليكم ورحمة الله وبركاته
ياااااااااااااااااااختي طنشي واكسبي العافيه.

 

[بنت شبوة]

انا اقول ياأختي خلي علاقتك بهم طبيعية عامليهم بالحسنى
والمحبة من الله...
اكسبي زوجك وخليكي في حالك بعيد عن المشاكل
ولاتفكري فيهم كثير..
انا عايشة عند اهل زوجي في غرفة مع بناتي لي ست سنوات
وزي ماقلتي ماحد يحب احد بس الصبر
والله يسهل علي وعليكي وعلى الجميع

 

[بياض الجليد]

طيب وش راي زوجك وسط ها المعمعه ؟ طنشي وبيجون ركض واذا تبين تقهرينهم سوي عزيمه ولا تعزمينهم ساعتها بيحسون فيك ويقدرونك لكن الافضل لك طنشي زين اللي جت منهم

 

[اقول السلام]

اشكركم كلكم وانا ابغى ردود اكثر عشان بخلي زوجي يطلع على الموضوع

هو يقول انا ماعمري شفتك اغلطتي عليهم بس هم الصراحة يغلطون عليك
وانا ماودى بكرا اعيالي يكبرون وبيننا انا واهل ابوهم مشاكل

امي ربتنا انا وخواتي نحب عمتي ونقدرها حيل
مستحيل انقطع عنهم كثير بالرغم اني ازورهم كل اسبوعين مرة
ابي مجتمع زين لعيالي مابي ادخلهم بعدين وسط معمعة
ابغى اكثر اراء عشان ادرسهن صح واشوف كيف بتمشي سفينة الحياة

الله يعيننا يالحريم كل ماتكبر المراة كل ماتكون الهموم اكثر

 

[فاتن *]

حاولي تتقربين منهم حتى لو طنشوج
على الاقل تكونين حاولتي
علشان ما يصير انتي اللي قطعتي صلة الرحم
لاتيئسين من المحاوله اصبري وان شاء الله تلقين الخير بس يبيله صبر ووقت
واذا يأستي طنشي وعيشي حياتج واعتبري انهم مو موجودين والله يوفقج