بموت قهر اريد اسولف معه

[وميض البرق 10]

السلام عليكم وحمة الله وبركاته
كيفكم يا صبايا

بدخل في صلب الموضوع علي طول
يا خواتي الغاليات اريد مشورتكم وقتراحاتكم
البعض يمكن يوصف الموضع بسيط
لكن انا متعبني
المهم هو كيف اسولف مع زوجي
لما يتصل ما أعرف اسولف معه وتكون المكالمه كلها نصف دقيقه يقول كيفكم اقول بخير يقول كيف العيال اقول بخير والحمد الله يقول ما شي اخباروعلوم أقول لالالالالا ويظل ساكت يبيني انا اسولف وأنا اصير بكما ههههههههه تضيع مني (لاني انا في بيت لوحدي وبعيد عن اهله واهلي يعني ما اعرف عنهم شي طوال الاسبوع في البيت ما التقي بحد غير جارتي الي سوولفهم سوالف حريم ما يصير اقولها له )وهو دوامه في منطقه ثانيه
حته أنه مع الوقت صاريقلل الاتصال من في اليوم 5مرات وكل شهر يقل الاتصال ومن شهرين صار يكتفي بارسال مسج يقول أخبركم وانا ارجع نفس الاسطوانه في مسج له لانه صار يعرف لو شي صاير انا بتصل
هذا الموضوع شاغلني وايد اريد اسولف معه بالساعات بس كيف اريد افضفض

رجاء لاتقولون قولي كلمات رمونسيه ترني اقولها له بس كنت اعيدها كل مره

لانه ما حلوة ابد
خلاص هو يعرف اني اموت فيه ههههههههه الرجل طفش :smoke1:6سنوات ونفس الاسطوانه

لدرجه أحس ان حياتي جامده معه حته نهايه الاسبوع تكون نفس الاسبوع الاي قبله والي قبل سنه
مع اني تغيرت كثير من سنه في اسلوبي في تفكيري وصار معي صديقات كثير بس ما احب اسولف عنهن جدامه ابد


الحين اريدكم تخبروني شو المواضيع الي يمكن اكلمه فيها
أنتظركم

 

[يتيمه اااام]

بصراحه مشكله اختي ومشكله بسيطه حاولي تسولفين معه انك مشتاقه والبيت في غيابك ممل وانك تنتظرين رجعته بسلامه وقوليله قبل مانام احضنك مع التغيير في كل مره بالمعاني والطريقه لاتقتصر المكالمه على كيف الحال فرفشي خليه يرجعلك وهو مبسوط منك وهذا لازم يصير اول شي بينك وبين نفسك وتعودين عمرك على السوالف المرحه تقبلي مروري

 

[ذكريات الطفوله]

طيب سولفي معه عن الاشياء اللي يحبها هو...
سولفي عن الاحداث اللي تصير لك يوميا...
خليه يحس انه معك دقيقه بدقيقه تكلمي عن شوقك له بس غيري الاسلوب ... اضحكي قولي نكت او مواقف مضحكه صارت لك أو لأحد من الناس...لازم تكسبينه شوفي بنات الحرام شلون يكلمون الرجال ويقعدون بالساعات معاه شلون يكسبونه؟؟
مشكلتك مو بسيطه لازم تكسرين الجمود اللي صاير بينكم
ولاتستهينين فيها ابد..
الله يوفق مابينكم يارب

 

[حبيبت رشيد1]

اهلين اختي سوالفي عن اولادك وكيف يتصرفون

 

[حبيبت رشيد1]

اهلين اختي سوالفي عن اولادك وكيف يتصرفون والله يكون في عونك

 

[رداء القمر]

نفس الوضع اللي تعانين منه يعانون منه كثير من الزوجات
المشكله لوحاولتي تفرفشين شوي معه وماعطاك وجه ثقل فالحاله هذي تندمين انك سويت مثل هذا جو
ههههههههههههههههههه

 

[حبيبة سوونه]

انا اقول لك
قولي له انا لابسه قميص نوم لونه احمر واوصفي شكل القميص بطريقه مغريه وانك رافعه شعرك وحاطه روج احمر
يعني خلي المكالمه جنسيه عشان ينبسط ابو الشباب
الله يحفظ لك زوجك وان شاء الله مايشوف غيرك
امانه طمنينا عنك

 

[عروس الترف]

حبيبتي انتي عندك اطفال سولفي عنهم وشو سوو اليوم:blow:

تكلمي عن مغامراتهم خليهم يكلمونه حسسيه انه قريب منكم :msn-wink:

قولي له انك واحشني مووووووووت (ترى لها وقع قوي) :cupidarrow:

قولي أضم المخده وأتخيلها أنت 000000ودي تكون جنبي وأحضنك0000000الخ:a115:

قولي مسويه اليوم (أكله يحبها) ومو ناصه الا تاكل منها00000 :c018:

وزيدي من هالكلام ونوعي خلي أبو الشباب يدوخ0000هههههههه

:a200:وتقبلي مروري:a200:


:icon26::cupidarrow::icon26: عروس الترف :icon26::cupidarrow::icon26:

 

[الطير المجروح]

والله مشكلتي نفس مشكلتك وطارحتها بعنوان شمالي غربي بس طلبه غريب بالإستشارات الزوجية

 

[زقـرتـيـه]

حبيبتي عبريله عن شووقج بس بعفوويه يعني خلي اللي ف خاطرج يطلع بدوون اصطصناع او اعاادة الكلام عشان ماايمل :cupidarrow:
وحاولي تسألينه عن يوومه وشوو سوى وكيف كان الشغل ومن هالكلام..:bigsmile:
وخبريه شو في خاطره من اكل او طلعه او اي فكره تسوونها مع بعض لما يرجع عشاان يتشووق اكثر للقااء...والله يووفقج حبيبتي :bye1:

 

[جاي حليب]

انا داشة اخذ افكار من هني

انا كان زوجي يكلمني بالتلفون لاحظتو كـــــــــــــــــــان بالثواني ويسال عني لكن احين قطع هالعادة من زمان مع ان تونا سنتين متزوجين

شلون ارجع هالعادة واخليه يطول بالمكالمات ؟؟؟

 

[مزيونة بالقوو]

هلا حبيبتي،،
معقولة انتي؟؟
الله يهديج بس في وحدة ماتعرف تكلم ريلها بالتيلفون؟؟ تبين غيرج يعني تاخذه منج وتتعسل له في الكلام وتتدلع وتتميع وحرمته يوم يكلمها ماتعرف شو تقوله؟؟
المهم.. اول مايدق رحبي به مرحبا حبيبي هلا عيوني هلا روحي هلا حب العمر،، شحالك ان شاء الله بخير؟ انش اء الله مش ناقصنك شي؟؟ والله اني ميتة من الشوق بس مادقيت لك عشان ما ازعجك وانته في الدوام..
وثانياً سوالفج انتي وعيالج،، يعني مثلاً حمودي ولدك كان ساير الحمام وتزحلق عالباب فديته ويلسنا نضحك عليه والحمدلله ماتعور واخته ميثة سارت تبا تييب صندوق الالعاب وطاحت عليها لعبة جان تقول آآآآي ماماه عورني وتقولين مشالله عليها بدت ترمس وتسولف وتسال عنك ماماتي متى بييي باباتي انا اباه اريد ابوسه ووقلتي لها انا ببوسه لج وعطيه بوسة عالخط وخليها حقيقة وداااااااااافية حطي ايدج تحت ثمج وطلعيها بصووت ناعم وخلي اخرتها ااااااه يعني,,,, امواااااااااااااااااااااااااه خليه يتعذب فاهمه؟؟
وبعدين كل يوم او يومين دقي حق اهلج او اهله بالتناوب وخذي علومهم ويوم يدق خبريه عنهم شي كل مرة خبريه شي،، خليه على اتصال على كل يديد عندكم..
وبعدين خبريه عن كل احاسيسج وهو محد قولي له حياتي اتخيلك في كل مكان في البيت بسك عاد من الدوام هناك نحن مانصبر عنك يالله تعال تعبنا من البعد،،
وآخر شي قبل لايسكر سأليه شي تبا ياروحي شي ناقصنك شي تبا من عندنا أبشر وفالك طيب ولا تخلي شي في خاطرك فديتك كثري كثري من هالكلام الحلو ونوعي في المسميات مره حبيبي مره عيوني مره قلبي وهكذا ووصيه على نفسه بعد وقولي له لا اتعب عمرك وايد ترا يهمنا تعبك ونحن مانبالك التعب وان شاء الله توصلنا بالسلامة ياغناتي وفمان الله ومع السلامة طولي طولي قددددددددد ماتقدرين فاهمه؟؟ وسلامتج..
والله يوفقج معاه ان شالله يارب... ان شاء الله اكون افدتج..​

 

[آه يازمن]

اي والله اختي كثري السواليف والخرط ترى الرجل حتى لو كان ثقيل وقليل كلام يحب يسمع ولا يتكلم ......وبعدين هذاكي
فاضية اوقفي قدام المراية وتدربي صح تبتضحكين وتستسخقين نفسك أول بس مع التكرار يصير شي عادي وكثري الرسايل
شوفي النت (على قفا من يشيل)والطشي واكتبي وارسلي والنتيجة فتاااااااااكة وتحياتي :bye1:

 

[همس النديم]

خبريه البيت مظلم من دونك .. ولك ووووووحشه وغيابك عني فقده .. قولي له ما احب ادخل غرفة النوم خاصه لانك منت موجود فيها .. ومن هالكلام صدقيني بيطير على هالكلام ولا بيحس بالندم لانه يتصل كثير عليك

 

[حبيبي ربي]

سأليه عن دوامه وشو صار فيه وشو كان يومه
تكلمي عن عيالج وركزي في الاشياء اللي يحب يعرفها عنهم مثلا ولدك يقلدك وولدك يقول بابا متى يجي ومن هالكلام
تكلمي عن احداث الدنيا الاخبار
خليه يحس انج انسانه مثقفة ومطلعة علقي على اللي يصير في الدنيا بنظرتج
والله يوفقكم​

 

[الخيال البعيد]

الله يوفقك ويهديك اميييييين

والبنات ماقصرن معاك الله يجزاهن خيرررررررر

تقبلي مروري يالغلا

ابوي عزوتي

 

[وميض البرق 10]

بارك الله فيكم وجعل الجنه داركم ومستقركم
اللهم سخر قلب كل ازواج بنات المسلمين وهديهم
بصرحه استفت كثير من اقتراحاتكم ربي ينعم عليكم وبالصحه وراحت البال
أنتظر المزيد من الاراء

 

[.. غزلان ..]

ان شاء الله جربتي مع ريلج؟؟

نبي نسمع النتايج يالغالية وشوي شوي ان شاء الله