بليييز تعالو وقولو لي مضر صدق ولالا؟؟

[بسكاتي اذلك]

مرحبا .. كيفكم ..

بنات انا لمى كنت بششهر الثالث او الثاني المهم تعبت مره مره ..

كانت حرارتي مرتفعه مره والله يكرمكم اربع وعشرين سساعه استفراغ ..

رحت للمستشفى .. قالت لي حرارتك مره مرتفعه !!..؟؟

ولازم نبطك ابرتين وحده تنزل الحراره ووحده على شان الاستفراغ .. وراح نعطيك ادوويه ..

انا قلت لها مابي ابر وخرابيط قالت لازم ضرووري المهم انا رفضت..

بس عطتني مضاد وبندووول وتحاميل ..

قلت لها ان الناس يحذروون من الادوويه للحامل يقولون مضر مره .. وانا اخاف اكلها

قالت لي ماعليك انادكتوره وابخص منك ..ومن الناس قلت لها متأكده ان شاءالله مايجي للجنين شي

قالت لا ان شاءالله مايجيه شي..

واكلتهم ..حتى باالليل ارتفعت حرارتي مره وانا كنت نايمه عند اهلي بحكم اني تعبانه ..

جت امي الله يخليها لي وعطتني تحميله .. وبس باالليل لحد الفجر حطيت 4تحاميل

لحد مانزلت حرارتي اشوي هذا من غير الكمادات والمويه البارده ..

وبعد ماشوويت ولله الحمد .. الكل خووفني وقال لي انتي صااحيه خطر مره ومن الكلام هذا ..

والله يعين يمكن يجي للجنين شي!!
والمضاد مره مضر ..ومن هاالكلام:in_love:
كل الي اعرفهم قالو كذا .. واناخايفه مره ..

وامي تقول لا ان شاءالله يمكن للضرووره مايصير شي..

وانا والله خاايفه الي عندها معلوومه تقوول لي .. هل هو مضر ولا لا..

والله يعطييكم الف عاافيه يارب..

:icon26::icon26::icon26:​

 

[أميرته]

بالأول الحمدلله على سلامتك



اللي آعرفه أن البندول والمضاد مب مضر
بس حطي ببالك يكون بندول الخفيف مش الاكسترا وكمان المضاد فيه خفيف للحامل

أما عن التحاميل فما أعرف شو ضررها


\

بس على فكرة اختي
شئ طبيعي ان الدكتورة تحرص تنزل حراراتك لأنها كثير خطرة عالجنين
أنا قبل شهر تقربيا يعني عالثالث التهبت بلاعيمي
رحت العيادة وأول سؤال سألتني الدكتورة هل كانت حرارتك مرتفعة ما عرفت كم ؟
قلت لها أن ما صار فيني حمى بس جسمي كان متكسر وصدااااع صدق فأخذت 2 بندول عادي


قالت لي خلاص طيب
وعطتني بندول عادي ومضاد عادي و فيتامين سي


يعني أكيد هم مخصصين أدوية خفيفة للحوامل أو حتى جرعات أخف
أهم حاجة الوحدة تنبههم أنها حامل



\

وعسى الله يحفظك ويحفظ لك النونو
ما تشوفون شر

 

[هند بنت عتبة]

حبيبتي الدكتورة ابخص وهي صرفت لك ادوية اكيد تكون خفيفة وما تاثر عالجنين

توكلي عالله والي كاتبه لك بيصير

الله يحفظك من كل شر يارب

 

[شهــد]

الحين في المستشفيات يعطون ادوية وابر للحامل بس يعطونها بجرعة اقل.. انتي بس لاتوسوسي وتصيري مثلي وسواسية اجنن الدكتورة اذا اروح المستشفى.. وعشان تتطمني روحي مستشفى خاص وسوي لك اترساوند وشوفي الجنين .. وان شاء الله سليم معافى يارب

 

[الشوق وبس]

تطمني حبيبتي..الدكتورة أدرى بشغلها..وإن شاء الله ما منه مضرة..
وتفرحين بولدج بإذن الله يوم ولادتج..

 

[نيازك]

<قل لن يصيبنا الاماكتب الله لنا>توكلي على الله ان شاء الله مايضر

 

[بسكاتي اذلك]

جزاكم الله الف خير..

 

[مشاعـر]

توكلي على ربي وقدامك العافية ...

 

[sosoooo]

مافي اي ضرر انا مثلك مرتين او ثلاث مرات ترتفع حرارتي واروح طوارئ ويعطوني مضاد خفيف مررررره وبنادول مايأثر على الجنين
الله يحمي اجنتنا ويرزقنا الذريه الصالحه