بليز يادكتوره ناعمه الهاشمي ساعديني

و

ورقة البيلسان

New member
إنضم
2009/02/14
المشاركات
13
مرحبا يادكتوره ناعمه الهاشمي
مرحباحبيباتي ملكات مملكة بلقيس..كيييفكم انشاء الله طيبين؟!
انا اول مره اشارك في المنتدى وحبيت احكيلكم قصتي مع خطيبي
عشان كذا جيت اطلب مشورتكم والحل...ويهمني كثيير راي الدكتوره ناعمه

قصتي هيا اني مخطوبه لشاب مره حنون وطيوب بس انا ماني قادره احبه احس انو تفكيري يختلف عن تفكيره حتى كمان عاداتي غير عن عاداته انا بنت مره فري كل شي عندي عادي وهو شوي غيور مش متفتح وكانه عايش بقريه مش بالمدينه
المهم انا يمكن ماحبيته بس تعلقت فيه اول شخص يدخل حياتي
حاول يتقرب مني كتير ويكلمني ويصير بينا اتصالات رفضت في البدايه وهو اخذ رقمي وصار يرسلي مسجات كتيره وفي لحظة ضعف بادلته المسجات وبعدين تطورت علاقتنا لمكالمات هاتفيه مع اني انا رافضه هالشي انو يكون بينا اتصالات بس في نفس الوقت ماني عارفه ليش اكلمه وارد عليه بس للاسف كان اكتر كلامي معاه جفا احس اني مااحبه بس ابغى اكلمه
مشكلتي هيّه انيّ دايم معلقه على بعض الكلماااات واقولها اذا انفعلت..زي مثلاكلمة طز وانت اساسا ماتهمني
واذا زعلت منه مره اقوله انا مابغاك ولا ابغى ارتبط فيك انت اناني
انت تفكيرك صغير وكلام كتير جارح وربي ماني عارفه ليش اعامله كذا
وهو يزعل شوي ويرجع يكلمني ويراضيني مع انو انا اللي غلطانه
 وللاسف انو مكالماتنا تطورت وصرنا نقابل بعض من ورا اهل واهله وفي كل مره اقول توبه وماراح اقابله تاني
وارجع اقابله وانا بداخلي احس اني استلطفه بس شخصيته كليا ماتعجبني
وانا مقتنعه تماما اني وافقت عليه عشان سبب واحد وهو الخوف من العنوسه
انا يابنات كلمته وقابلته مع انو انسان مش فري ولا متفتح واعطيته حناني مع اني متاكده تماما انو مش هادا هو فارس احلامي
بس للامانه هالانسان مره طيب وحنون ويموت فيني
بس قبل يومين واول مره بحياته يصرخ علي وزعلت منه وقفلت الخط بوجه وبعد كذا طنشني له 4 ايام مطنشني وانا خايفه انو يسيبني اول شي انا حاده معاها وكلامي مره قاسي معاها خصوصا اذا عصبت
تاني شي عشان اني رضيت بكل سهوله اكلمه واقابله
انصحوني يابنات الله يجزاكم خير
ايش اسوي ؟ وكيف ابطل اجرحه؟
انا غلطت كثير لاني وافقت اكلمه واشوفه بليز ساعدوني
نفسيتي مره زفت
اخاف استمر معاه وبعد الزواج يقولي زي ماقابلتيني راح تقابلي غيري
انا ماني عارفه كيف وثقت فيه مع اني ماحبيته
وربي وربي وربي اول مره اسويها يمكن لانو خطيبي
انتظر ارائكم
 
عزيزتي

انتوا مكتوب كتابكم على بعض ؟؟؟
 
ورقة البيلسان قال:
نونونو
بس خطوبه دفع المهر وعملنا حفله ولسه ماكتبنا الكتاب
أنقر للتوسيع...


يا سلام عليك يا ورقة ...

لالالالالالالالالالا يجوز الخروج معه !!!!!

والواضح يا عزيزتي انك دلووووووووووعة

وهو رومنسي

حافظي عليه حتى لا تخسريه

فنادر ما تلاقي رجل صبرة طويل مثل خطيبك

يعني وش رايك عزيزتي لو يعاملك بمثل ماتعامليه؟؟
 
انا عارفه انو مايجوز ويضميري يانبني كتير
فعلا هو رومانسي مره
عارفه انا مره عنيده ودلوعه زي ماقلتي وفيني شوي غرور من ناحية الرجال
حتى على اخواني اكون مغروره بس خواتي لا مره متواضعه معاهم
ولو عاملني بهالطريقه على طول حرمي الدبله بوجه واقول مايصلحلي
صدقتي يااختي انا لازم احافظ عليه والحب راح يجي مع الايام
فيه هالزمن نادر ماتلقي كدا
شوكرن حبيبتي على النصيحه
والله يسعدك يارب
 
انا قريت موضوعج يارب الله يجمعك معاه بالحلال وهذي انتي تختبرينه وهو يختبرج
بس اختي فالله اتمنى تكون العلاقه بايطار الدين يعني احنا عندنا يكتب كتابه ويجلس معاه
وانا احس انه رجال من خلال كلامك عنه انه صبور ويييييييييييييييين تلقين كذا رجال .
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل