بليز ابغى اراء كل من مرت في فترة الخطووبه

مدام فلمبان

مدام فلمبان

New member
إنضم
2010/01/02
المشاركات
1,019
سلام عليكم

مشكلتي ان شالله سيطه بالنسبه للمشاكل اللي قاعده اشوفها

بس المشكله ومافيهها اني بديت احس بالملل

اول شي خطيبي شمالي شرقي

تقريبا من ملكنا لنا شهرين

اول ايام الملكه كانت عبارة عن استرجاع ذكريات من ايام الصغر وكذا خاصة انه من قرايبي

واكيد انه لازم فيه لحظات حب ورومانسيه

والحين لنا شهرين وبديت احس بالممل

يتصل فيني ونجلس ساكتييييين مافي كلام نقوله

بديت احس بالملل بجد واحسه حتى هو بدا يحس فيه

غير كذا احس علاقتنا بدت تسير بارده

يعني اول ايام الملكه كان يتصل فيني بين كل كم ساعه

واذا ماتصل رسل

بس له تقريبا اسبوعين بطل يتصل بس فتره ماييرجع من الدوام

وانا اللي سرت اتصل عليه بسسسسسس

احيانا يطرح موضوع ونجلس نتناقش فيه

واحيان يقللي يالله اطرحي موضوع

بس انا اخاف افتح موضوع ما يعجبه فاضحك واجلس ساكته لين يطفش ويقللي يالله تصبحي على خير

قولولي كيف اتعامل معاه بالطريقه اللصح ايام الخطووبه

اش الكلام اللي المفروض ينقال واش الاشياء اللي المفروض مااقولها

افيدوني الله يسعدكم يارب

​
 
خليك ثقيله عشان ماتملوا يعني مره في يوم كلميه اوبس رساله
اسئليه ايش يحب وايش اللي مايرضاه يعني تكلموا عن مستقبل بس كوني ثقييييييييييله خففي في الاتصال ورسائل وهوبيحس
 
امممممممممم

كثير يقولولي الثقل صنعه

بس لو جلست اسويها يقلي انتي ليه ماتتصلين عليا مااوحشك ماتقلقين علي

باضطر اتصل

بس شكلي باحاول اعوده على هالشي

يعطيكي العافيه اختي

احاسيس منسيه

بالله بس قولولي اش المواضيع اللي ممكن اناقشه فيها

هو كذا يبغاني اطرح موضوع يخص الحياه الزوجيه مستقبلا ونتناقش فيه

اليوم لقطت موضزع من المنتدى ورحت ناقشته فيه

بس مو كل يوم القاله شي عشان نتناقش

احاسيس منسيه


ياربي نلقالنا حل ونتخلص من هالمشكله

مشكورييييييييييييييييييين
 
بسراحه انا مع الاخوات الثقل زين خصوصا ببداية العلاقه بس لما تكونين مرحه معه احسن لك لان الشخصية هذي تحب المرح اهم شي عنده وناسته ولا تنتظرين منه شي ولاتتدقين عليه دائما ولما يدق تصيرين مجهزه سوااااااالف عشان يشتاق للمكالمه الجايه ويصير بينكم حرارة شوق اتمنى اكون افدتك والله يوفقك يارب ...
 
من وجهة نظري الشخصيه ------ان كثرة المكالمات والزيارات من اسباب فتور العلاقه بين الزوجين في فترة الملكه ناهيك عن كثرة المشاكل والنقاشات000لانهم يستنفذون طاقتهم بالكلام والنقاش ومتباعدين جسديا

وافضل شي ان يكون التواصل بين الزوجين في هذه الفتره وسط وبدون تفريط خاصة اذا كان فترة الزواج طويله
وايضا لاتكون الملكه اكثر من شهرين000
 
لا ثقل ولا وزن .. اذا انتوا متمللين أصلا تثقلين ليش ان شاء الله علشان تموت العلاقة؟

طرشي له مسجات ووسائط كل كم يوم .. عوديه يحكي لج تفاصيل يومه علشان ترتاحين يوم متزوجين وما تحاتين يسوي شي من وراج (لأنه اذا تعود الفضفضة لج انتي المستتفيدة) .. أشركيه في تفاصيل التجهيز .. يعني شو ألوان تحب ألبس (اذا قال كل شي حلو عليج) قولي له (أدري حياتي بس أكيد في ألوان تحبها) حتى لو ذوقه ما يعجبج ما يضر انج تجبرين بخاطره ..

وصح هذي الفترة اختبار بس مو كل شي .. فخذي راحتج لكن أبداً ابداً لا تذكرين عيوبج (الجسدية أو الأخلاقية <قصدي اذا عصبية أو مزاجية أو أو أو) .. ولا تعيبين على الناس ولا تبينين عيوب أهلج ولا تقولين له أخوي يتحكم فيني أو أو أو ...

وعودي لسانكم (الاثنين ) على كلمات المودة والرحمة (حياتي، عمري، عيوني، قلبي، غلا روحي، حبيبي) .. وبعد اتعودوا عالطيبة (يعني اذ كح قولي له (صحة على قلبك) واذا تعشى قوله له بالعافية .. واذا تعور (حتى لو قرصته بعوضة خخخ) قولي له سلامتك حبيبي فيني ولا فيك (لا تقولين ان شاء الله خخخ)

اسأليه عن العشا، الغدا، سيارته، الكورة، البلاي ستيشن، الدراسة، المستقبل .. سولفي له عن الأطفال وكيف يضحكونك لما يسوون كذا وكذا ..

وبعدين لا تطبقين أمور بوصلة الشخصية (يمكن هذا سبب الملل لأنه مو شرط عرفتي شخصيته الحقيقية كما وأن من أساسيات أنماط الشخصيات انج تعرفين ان من كل شي صحصح لأن التربية والنشئ يؤثر في النمط وقد يطغى عليه)

واطلعي عالمواضيع التالية بتفيدج ان شاء الله .. والله يتمم لج على خير ويسعدج معاه .. واستعمعي لنصايح الكل بس أخذي الايجابي منها وحطي في بالج السابيات

http://www.niswh.com/vb/showthread.php?t=67686

http://www.niswh.com/vb/showthread.php?t=67580

تحياتي
 
فتره ملكتي 4 شهور ماكان بيننا اي مكالمات بس رسائل وزياره كل اسبوع فماكان فيه ملل

كثره المكالمات تجيب الملل مولازم يوميا
 
خليج طبيعيه جدا وياه خذي راحتج فها الفتره حبيبتي أصلا فتره الملجه ما تتعوض أبدا
أحبكم مووووووت
 
love4life قال:
لا ثقل ولا وزن .. اذا انتوا متمللين أصلا تثقلين ليش ان شاء الله علشان تموت العلاقة؟

طرشي له مسجات ووسائط كل كم يوم .. عوديه يحكي لج تفاصيل يومه علشان ترتاحين يوم متزوجين وما تحاتين يسوي شي من وراج (لأنه اذا تعود الفضفضة لج انتي المستتفيدة) .. أشركيه في تفاصيل التجهيز .. يعني شو ألوان تحب ألبس (اذا قال كل شي حلو عليج) قولي له (أدري حياتي بس أكيد في ألوان تحبها) حتى لو ذوقه ما يعجبج ما يضر انج تجبرين بخاطره ..

وصح هذي الفترة اختبار بس مو كل شي .. فخذي راحتج لكن أبداً ابداً لا تذكرين عيوبج (الجسدية أو الأخلاقية <قصدي اذا عصبية أو مزاجية أو أو أو) .. ولا تعيبين على الناس ولا تبينين عيوب أهلج ولا تقولين له أخوي يتحكم فيني أو أو أو ...

وعودي لسانكم (الاثنين ) على كلمات المودة والرحمة (حياتي، عمري، عيوني، قلبي، غلا روحي، حبيبي) .. وبعد اتعودوا عالطيبة (يعني اذ كح قولي له (صحة على قلبك) واذا تعشى قوله له بالعافية .. واذا تعور (حتى لو قرصته بعوضة خخخ) قولي له سلامتك حبيبي فيني ولا فيك (لا تقولين ان شاء الله خخخ)

اسأليه عن العشا، الغدا، سيارته، الكورة، البلاي ستيشن، الدراسة، المستقبل .. سولفي له عن الأطفال وكيف يضحكونك لما يسوون كذا وكذا ..

وبعدين لا تطبقين أمور بوصلة الشخصية (يمكن هذا سبب الملل لأنه مو شرط عرفتي شخصيته الحقيقية كما وأن من أساسيات أنماط الشخصيات انج تعرفين ان من كل شي صحصح لأن التربية والنشئ يؤثر في النمط وقد يطغى عليه)

واطلعي عالمواضيع التالية بتفيدج ان شاء الله .. والله يتمم لج على خير ويسعدج معاه .. واستعمعي لنصايح الكل بس أخذي الايجابي منها وحطي في بالج السابيات

http://www.niswh.com/vb/showthread.php?t=67686

http://www.niswh.com/vb/showthread.php?t=67580

تحياتي
أنقر للتوسيع...

ماشاء الله لا اله الا الله عليك
على هالرد الله يتمم عليكي ويديم عليك العافيه ويهنيكي ويسعدك
مع زوجك ويخليلك بنوتك يارب
من جد ردك لها روووعه سهل وملخص الله يسعدك بحياتك عجبني
ردك انا اتفق معها ماشاء الله

والله يهنيكي ويسعدك انا عندي اخو نفس نوع زوجك
يحب يجلس مع اختي اكثر لأنها كل يوم تنقل له سوالف
متنوعه و تناقشه بشكل عقلاني وعلى طبيعتها وهيا واثقه من نفسها
تراه هالنوع يحب نوع المرأءه الواثقه من نفسها وقويه بعقلها مو بصوتها
والله يسعدك ​
 
تكلمو عن المستقبل ومثلا وين بتسافرون ف شهر العسل وشلون يحب يقضي شهر العسل وحياته شلون عايشها بشكل عام

يعني تكلمي بكل صغيره وكبيره وخلج طبيعيه لا تصطنعين
 
الف مبروك الخطوبة يا بنتي

ولكن في مواضيع كثيرة تتكلمون فيها

تكلموا عن مستقبلكم ...

ما هي مشاريعكم للحياة مع بعض

اذا انت موظفة .... تفاهموا على هل راح تستمري في عملك بعد الزواج او لا ؟؟؟

واذا راح تستمري في وظيفتك ...كيف راح يكون التصرف في راتبك

كم عدد الاطفال اللي تتمنون انكم تنجبونهم

كيف راح تكون تربيتهم

اي مدارس راح تدخلونهم

اعمال المنزل ...هل تحبينة يساعدك فيها او لا

زياراتكم لاهلكم ...كيف راح تقسمونها على ايام الاسبوع

صداقاتكم ...كيف راح تكون

هل راح يسمح لك انك تلتقي بصديقاتك او لا

كيف راح يكون تنظيم ميزانيتكم طول الشهر

هل راح يكون لك مبلغ خاص لك بعد الزواج او متى ما بغيتي فلوس راح يعطيك

اختبري طباعة ...هل هو يكذب ؟؟ هل هو عاطفي ؟؟؟ هل هو كريم ؟؟؟ هل هو راح يعتمد عليك في بعض امور الحياة ؟؟

هل هو عصبي وسريع الغضب؟؟

حطية في مواقف وشوفي ردود افعالة ...هل هو يعرف يتصرف في هذه المواقف ؟؟؟

يعني يا بنات ..الخطوبة فرصة ذهبية لكي يعرف كل منكم الاخر

لا تضيعوا وقتكم في المكالمات في الاشياء الرومنسية والحب ...كل شي له وقت

الرومنسية حلوة ولكن التخطيط للمستقبل اهم بكثير

عشان ما تدخلين على الحياة الزوجية الا انتوا الاثنين حاطين النقاط على الحروف

بدل ما تدخلوا وبعدين تصير بينكم مشاكل على اشياء كان ممكن انكم عرفتواها واتفقتوا عليها قبل الزواج

وبكذا تكون حياتكم من بداية هادئة مستقرة وكل واحد عارف الكثير عن الثاني

افتحي يا قلبي الرسائل الخاصة راح ارسل لك شي
 
الوسطية في كل شئ زينه يعني لا تصرين ثقيلة ما يستمتع معك ولا خفيفة يستهتر فيك احكوا في اشياء مستقبلية طريقته في الحياة وش يحب وش يكره تذكرين له مواقف معينه تكون حصلت لك او لاحد معارفك وتثرين موضوع بس حاولي اذا كنت صاحبة الموقف لاتقولين انك صاحبة الموقف مثلا وحدة اعرفها من غير تحديد اسماء واهم شئ لاتصرين كتاب مفتوح يعرف كل شئ عنك ولاتفتحين اوراقك خليك ذكية بمعنى خذي منه اكثر من ماياخذ منك
 
أولآ, مبروك الخطوبه عقبال الزواج ان شاء اللــــــــــــه
ثانيآ, أنا وأعوذ باللـــه من كلمة أنا في فترة خطوبتي ماااااااااكلمته أبدآآآآآآآآآآآ بس مسجات وكان متلهف اني أكلمه بس لا ومع ذلك عجبته بعد الزواج قال كبرتي بعيني
فعوديييييييييه لاااااا تكلمينه خليه يفقدك عشان يتصل هو عليك ومـــــــــــــوفقه حبيبتي
 
الله يعطيكم العاااااااااااافيه حبيبااااااااااااااااتي عالنصايح الحلوه

وان شالله راح ابدأ من اليوم اغير من نفسي واقلل الاتصالات طول اليوم

اما بالنسبه لمكالمه اخر اليوم انا بالنسبه لي لو علي عادي

بس احسه هو يكون متلهفلها فاخجل اني اتحججله

غير كذا انه كثير يقولوني عن دي الفتره لا تفوتيها استمتعي بكل لحظة فيها ومن دا الكلام

وانا والله زي مااقلكم اتكلم عن نفسي قد مااقدر عشان يعنرفني اكثر

وهو نفس الشي

بس ذا الكلام كان اول المكالمات

اما حكاية تخطيط للمستقبل هذي ماتكلمنا في كل التفاصيل

لكن ان شالله من اليوم بأبدأها معاه

وغير كذا انه كثير يقولولي اثقلي بس مو مرره عشان لايمل منك او يقول هذي مجبوره علي وماتبغاني

العموم الله يعطيكم العاااااافيه وماقصرتوووا

وربي يوفقكم يارب كلكم في حياتكم الزوجيه يارب
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل