بليز أدخلو وردو علي ..

[ضياع الامس]

مرحبا ياارقى منتدى واعز عضوات على قلبي
حبايبي عندي كذا سوال يمر من حياتي ومحيرني كثيييير
بغيتكم تشاركوني فيه يمكن احل الالغاز اللي معذبتني شوي

1-معقولة انه الوحده تنسى اللي صار لها بسرعه مهما كان فيه اهانه لكرامتها..


2-طيب لو جا زوجك ورجع يبغاك بعد رفضه التام لك بترجعيله

3-لوحسيتي انك عايشه حياتك مع انسان مايحبك ويهددك بتركه اذا خلاك في يوم بتتركينه والا بتدورين عليه


4-طيب لو كان عندك بيبي منه ايش بيكون الوضع لو تركك


5-لو الله كتبلك حياة مع غير بتكونين مبسوطه طيب والطفل ايش ذنبه..
مو قادر اتخيل اكل واشرب وبنتي مو عندي..ولا اشوفها قدام عيني هذا لو ارتبطت بغيره..



معليش عارفه اني طفشتكم بس هذي من الاسئله اللي متعبتني وعلى طول في بالي الله لا يحطكم مكاني بس جد والله مره الوضع صعب..ياليت تفهموني وتشاركوني يمكن يخف الجنون اللي في راسي شوي..


انتظركم لا تبخلون علي بردودكم ومشاركتكم​

 

[برسباي]

انسي هالاسئله وشيليها من بالك كل شي يصير بالقضاء والقدر وقدرة الله

 

[احساس الزهور]

1-معقولة انه الوحده تنسى اللي صار لها بسرعه مهما كان فيه اهانه لكرامتها..
لا يمكن تنسى بس تسامح وتغفر

2-طيب لو جا زوجك ورجع يبغاك بعد رفضه التام لك بترجعيله

رفضه التام !! وكيف راجع لي اكيد راجع لي لسبب ما واكيد انه مو رافضني رفض تام ولا ماكان رجع يمكن لحظه زعل يبين لك فيها انه يكرهك عادي لحظات الزعل والغضب يحصل اي شيء

3-لوحسيتي انك عايشه حياتك مع انسان مايحبك ويهددك بتركه اذا خلاك في يوم بتتركينه والا بتدورين عليه

ما بدور عليه من باعنا بعناه لو كان غالي

4-طيب لو كان عندك بيبي منه ايش بيكون الوضع لو تركك


هو تركني يعني امسك فيه !!؟ اذا انا ماقصرت بحقه واتعامل معاه بما يرضي الله وتركني بدون
اسباب خلاص مابذل نفسي وانا والبيبي لنا الله

-لو الله كتبلك حياة مع غير بتكونين مبسوطه طيب والطفل ايش ذنبه..
مو قادر اتخيل اكل واشرب وبنتي مو عندي..ولا اشوفها قدام عيني هذا لو ارتبطت بغيره..

المكتوب لازم تشوفه العين وسعادتي بالرضا بالقضاء والقدر
انا افضل في هذه الحاله اني اشتغل واعيش مع بنتي واصرف عليها وننسى الرجال واتمتع وامتع بنتي

ولو لازم اتزوج لازم اتحمل نتيجه القرار وخاصه البنت تكون بحكم المحكمه مع والدها يعني لازم
تكونين مستعده ليوم ياخذها منك

طبعا انا برد على اسألتكِ بدون ما اعرف اذا المشكله تستاهل الطلااق ولا تستاهل شوية تنازلات منك

وتحمل وصبر علشان خاطر بنتك

الله يكون بعونك ويفرج همك

 

[إلى ربي المشتكى]

-معقولة انه الوحده تنسى اللي صار لها بسرعه مهما كان فيه اهانه لكرامتها..

اكيييييد لا المراه يمكن تسامح بس ماتنسى بس لكل موقف تصرف يعني ونا مو مع المراه الي تسمح لزوجها يهينها ويمس كرامتها بس تقدر تتصرف بعقلانيه بدون ماتخرب بيتها وبنفس الوقت تحفظ كرامته اوتأدب زوجها

2-طيب لو جا زوجك ورجع يبغاك بعد رفضه التام لك بترجعيله


لازم تجلسين معاه وتسمعين مبرراته يمكن في لحظة غضب كان يرفض يرجعك بس بعد مافكر وهدا عرف انه مايقدر يستغنى عنك وذا انتي بترجعين لازم بشروط
3-لوحسيتي انك عايشه حياتك مع انسان مايحبك ويهددك بتركه اذا خلاك في يوم بتتركينه والا بتدورين عليه


ماعتقد في انسان يقدر يعيش مع شخص يكرهه الزواج هو حب واحترام وتفاهم فاذا يمكن تعيشين لو نقص واحد من هالثلاثه بس بانعدامهم كلهم ماعتقد



4-طيب لو كان عندك بيبي منه ايش بيكون الوضع لو تركك

يكون بينا اتفاق اكيد ابي تكون لي الحضانه بس بنفس الوقت مابمنع ابوهم ان يشوف اولاده وذا كان في مجال للصلح في وضع مايمسني للاهانه ولا الضرر اكيد مابتمنى للعيال انهم يتشتتون



5-لو الله كتبلك حياة مع غير بتكونين مبسوطه طيب والطفل ايش ذنبه..
مو قادر اتخيل اكل واشرب وبنتي مو عندي..ولا اشوفها قدام عيني هذا لو ارتبطت بغيره..



والله اختي انا جاوبت على ااسئله بدون اي درايه بمشكلتج لان لكل موقف تصرف وانتي شوفي شنو يناسبج ويناسب وضعج

 

[حناني متعبني]

مرحبا ياارقى منتدى واعز عضوات على قلبي

حبايبي عندي كذا سوال يمر من حياتي ومحيرني كثيييير
بغيتكم تشاركوني فيه يمكن احل الالغاز اللي معذبتني شوي​

1-معقولة انه الوحده تنسى اللي صار لها بسرعه مهما كان فيه اهانه لكرامتها..​

شوفي النسيان مو بسهولة يعني الواحد يحاول انة يتناسى يعني يشغل نفسة بشئ عشان ينسى

2-طيب لو جا زوجك ورجع يبغاك بعد رفضه التام لك بترجعيله

اكيد ماراح ارجع لة مدام انة رافضني ليش اهين نفسي عشانة​

3-لوحسيتي انك عايشه حياتك مع انسان مايحبك ويهددك بتركه اذا خلاك في يوم بتتركينه والا بتدورين عليه​

اكيد اني بتركة مدامة ما يحبني

4-طيب لو كان عندك بيبي منه ايش بيكون الوضع لو تركك

اذا على اللي بيني وبينة بتحملة واحاول قدر المستطاع اني اجذبة لي واخلية يحبني اما اذا خلاص ماكو حب ماكو مشاعر ياختي الله يستر علية​

5-لو الله كتبلك حياة مع غير بتكونين مبسوطه طيب والطفل ايش ذنبه..

هذا كلة بيد الله اذا اراد انك بتكونين سعيدة ولا لا


مو قادر اتخيل اكل واشرب وبنتي مو عندي..ولا اشوفها قدام عيني هذا لو ارتبطت بغيره..​

ياقلبي الله يكوووون بعووونك ويفرج همك ويخليلك طفلتك وزوجك

معليش عارفه اني طفشتكم بس هذي من الاسئله اللي متعبتني وعلى طول في بالي الله لا يحطكم مكاني بس جد والله مره الوضع صعب..ياليت تفهموني وتشاركوني يمكن يخف الجنون اللي في راسي شوي..​

عاااااااااااادي ياقلبي خذي راحتك

انتظركم لا تبخلون علي بردودكم ومشاركتكم




لا تنسيني من دعواتك ان الله يفرج همي ويعوضني​

[/QUOTE]

 

[قطـــــريه]

انا ضد تسامح المرأة للرجل والرجوع له في حاله إهانته .. فما بالك بعدم رغبته فيها ؟ لا ابيعه وأرمي حياتي معاه ورى ظهري واتزوج سيد سيده وعيالي معاي .. انا كنت مطلقة وقالي طليقي مره في هوشه لنا ولدج ماتشمين ريحته .. بعته انا هنا خلاص لاني ماحب اتهاون في كرامتي وحقي .. وطلبت الطلاق .. وهو اشتراني لآخر نفس ومدحني قدام القاضي وبكى ورفضت .. وخذت حضانه ولدي وربيته وقعدت خمس سنوات مطلقة وتقدم لي كثيرين .. بس كنت مقررة ماتزوج انسان ماعرفه .. ولازم اخذه عن قناعة وفعلا تزوجت مره ثانية وولدي معاي وأبوه ماقدر ياخذه مني وبأذن الله ماراح يقدر ياخذه مني .. وزوجي مرات يزعل لمن يصير احتكاك مع طليقي ويقولي انا اغار و و .. هنا انا اوقف له وقفة نمر واقولة لا ستوووب .. أنت عارف ان عندي ولد وهالولد له أب ولازم اكلمه من وقت للثاني عشان ولدي .. وهالموضوع ناقشته معاك قبل الزواج وانت قبلت .. لو سمحت هالموضوع منتهي عندي ومابي افتحه كثير .. خلاص ينتهي الموضوع تماما .. اختي لو كنتي قويه بتكون كل الامور سهله .. ولو كنتي ضعيفه بينداس عليج .. الاختيار لج ..

 

[ضياع الامس]

والله احرجتوني بطيبكم وذوقكم مو عارفه كيف اشكركم ..يعطيكم الف عافيه معليش اتعبتكم وياي بس ياناس الانسان هذا مستحيل انه يحبني لانه سوهاه كذا مره يروح ويتركني وانا اللي امشي وراه وادورهمع انه الوضع مايستدعي .. حاسه اني كثير رخيصه حتي في حق نفسي .. احس بداء التحدى مع نفي مظبوط
بديت اشوف العالم بلون مختلف غير اللي كنت اشوفه حسيت اني اكبر من سني بكثير مع اني مازلت في صغيره
والله ماادري ياليت اكون بقوتك يالقطريه وانشاء الله يكون مصيري حلو مثل مصيرك..والله يوفقكم كلكم

 

[قمر-15]

حبيبتي انتي مره وحده بس ادبيه وازعلي منه زعل قوي خليه يحس ان رضاج صعب عشان مايزعلج .. وعلى فكره الانسان اللي بيسوي شي ما يهدد لا تخافين من تهديداته .. ولا تحسسينه انج خايفه من تهديداته ... ربج اللي يقدر اللي فيه الخير لج.. دايما توكلي على الله ... محد اقوى من ربج .. واذا لا سمح الله نفذ تهديده ربج بيسر امورج اذا انتي طيبه و مو مقصره معه .. انتي خليج مخلصه لله في ريلج وبيتج اهم شي تريحين ظميرج