بلقيسيات...بعد ربي مالي غيركم

[هجيع الصمت]

السلام عليكم حبايبي....
عزيزاتي كنتن نعم الاخوات لي استشرتكن كثيرا
وتعلمت منكن ومن تجاربكن الكثير والكثير جعلنا الله من المتحابين فيه...

لن اطيل عليكن...
انا اخت لكن مغتربة لمدة بسيطة في اروبا مع زوجي وتركت ابنائي ( سنة ونصف) و (6شهور) مع امي
بكيت دما شوقا اليهم تعبت كثيرا كثيرا
والان وما تبقى عن العودة سوى 3 ايام تأخرت علي الدورة وطبعا انا مسوية مباعدة عشان صغاري ما شاء الله عليهم الاثنين ورا بعض ع طول
المهم تفاجأت اني حامل....طلعت من الحمام وانتم بكرامة وانا منصدمة واصييييييييييييييح صياااح
وزوجي ما عارف شو السالفة انا ما قدرت اسكت لاني اولا اطفالي صغار
ثانيا انا خذيت اجازة طويلة من شغلي عشان الحمال والولادات والحين لازم ارجع
ثالثا انا ابد مو متهيئة نفسيا رابعا والاهم وراي طيران 24 ساعة تخيلو شو بسوي في الطيارة وانا حملي تعب وجع ظهر وحام ولوعة وغثيان طول الوقت
المهم بعد ما استهديت شوي تمت اقول لنفسي انا شو جالسة اسوي في نفسي هذي نعمة من الله وقدر الله وما شاء فعل فحمدت ربي وقمت صليت والضيقة اللي في خفت بس بعدني وااااايد احاتي الحمل والدوام والبيت والاطفال ..........
والطيارة شو اسوي في السفر اللي بيكون بعد يومين..................
بلقيسيات حد مر بظروفي ...اقصد حكلت 3 مرات ورا بعض ؟؟؟ وكيف اهتمت بمسؤلياتها ؟؟؟؟؟؟؟ وكيف اتصرفت؟؟؟؟
واذا وحدة منكم اضطرت تسافر في الشهور االاولى؟؟؟ شو سوت عشان ترتاح اكثر؟؟؟
حبيباتي واللي ما عندها فكرة تكفيني منكم دعوة صادقة في ظاهر الغيب بانه الله يسهل حملي وسفري ويعيني على تربية عيالي تربية صالحة والاهتمام بزوجي وبيتي وشغلي...

وربي ما يحرمني منكم ابد...​

 

[لغيرك لاتخليني]

مالي خبره بس ماحبيت اطلع من دون ماادعيلك الله يسهلها عليك واقري قبل الصعود وانتي بطياره استودعك الله الذي لاتضيع ودائعه الله يعينك وترجعين لعيالك بسلاااااااااااامه

 

[دمعة الغيمه]

مبرووك الف مبرووك..

عادي يالغاليه مافي ضررر بالشهور الاولى من بعد 4 اشهر يضر
توكلي على الله واركبي الطياره..
والا شو رايك تجلسين عندك 9 شهور لمن تولدين هع امزح(ادري مشتااقه حيل لأطفالك)

 

[أميرة حتووم]

اولا مبروووووووووووووك والله يرزقكم بره

ثانيا انا مريت بموقفك سافرة من اميركا ع السعوديه وانا حمل بنص الثالث وحام قرف

تعبت بطيارة واشنطن و سان فرانسيسكو لكن بطياره السعوديه فديتها اخذة لي 3 مقاعد لحالي لان الطياره شبه فاضيه وحطيت راسي ونومه بس وجع بالظهر

وجووووووووووووووووع وفوق هذا وحام

نصيحه اخذي معاك اكل تحبيه مثل موز تفاح اي شي تحبيه

والله يعينك على سفرتك ويهون عليك يارب

ان شاء الله تولدي بالسلامه ويكبر او تكبر وتصير تحكي له قصة حملك به

 

[شجون دبي]

مبرووووووووووك
والله يخلي لج عيالج
قولي الحمدالله على كل حال الاطفال نعمه من رب العالمين
الله يوفقج ياااارب ويسهل عليج
قولي اميييييييييييييين

 

[@انثى عابثه@]

الف الف مبروك
والله يرزقك بطفل كامل الخلق والخلقه

والله يعينك

 

[darkness]

ان شاء الله البيبي يطلع اشقر وعيونه زرق وتقومين بالسلامه

 

[هجيع الصمت]

فديتكم خوااااتي
احبكم حييييييييييييييييييل
وابشركم زوجي خذلي بزنس كلاس رغم ان التذكرة 3 اضعاف عن الاكونمي
بس ابو الشباب فديته ما يقصر
ربي يخليله لي ويسخر لي ولعيالي يااااااااارب
وربي يرزق كل وحده فيكم ع نيتها يارحمن يا رحيم​