بكل جرأه كلمت اللي صرقت مني زوجي وشوفو وش صار واحكموا...!!!!

  • بادئ الموضوع بادئ الموضوع مطر أسو
  • تاريخ البدء تاريخ البدء
م

مطر أسو

New member
إنضم
2009/01/12
المشاركات
33
مدري اذا تذكرون موضوعي واللي صار لي مع خطيبي المصون

هذا الرابط للي ناسي او يبي يعرف

http://www.niswh.com/vb/showthread.php?t=111110



سمعوا آخر الأخبار مني... البارحه.. سويت ايميل جديد.. وضفت البنت اللي كان يكلمها زوجي..

شوفو وش صار.. كنت فاتحه المسنجر وانتظرها تدخل والتهيت مع الاهل شوي..

ويوم رجعت الغرفه لقيتها بدأت تكلمني..

من انت؟؟ جاوبني .. رد علي ماعرف شو.. كانت تتحرقص تبي تعرف من انا..

عاد انا استعبطت قلت لها معقوله ماعرفتيني من انا.. ؟؟

افااا

والله ونسيتينا..

قالت خبرني من ولا بطلع.. كان فيها فضلول فضيع تبي تعرف من انا.. وانا الف وادور.. وتوها لين ما قالت عرفتك انت من..


قلت من قالت انت ( فلان ) اللي هو زوجي..

انتي وينك عني وانت وانت وانت وليش تركتني وليش ماعرف شو تمت تتكلم وتلوم وانا اقول لها ظروف ما خلتني ادخل هالفتره كنت محتاج اني اظل لوحدي شوي وافكر باللي سويته..

قالت ما بسامحك.. انا خلاص هذا آخر يوم اكلمك فيه.. كنت ارسل لك على الايميل وما ترد علي.. ( طبعا انا كنت اراقب الايميل وصله منها ايميلين اهداء ومسحتهم وهو ما يدري )

قلت لها هذا ايميلي الجديد احذفيني من هناك

وبعد ما تأكدت انها حذفته من هناك.. وكنت استعبط عليها اقول لها حطي لي صورتك ابي اشوفج.. وانا كنت اختبرها وكنت ابي اتأكد شو من بينهم ولين وين وصلوا في العلاقه..

ما طاعت ورفضت وقالت انت شو تطلب مني,,

قلت لها طيب بسالج سؤال شو شعورج اتجاهي,,


قعت تتكلم وتخربط,,

اول ما التقيت فيك حسيت انك غير عن كل الرجال,, صريح.. قوي.. ماعرف ايش ما عرف ايش

بدأ قلبي ينبض وبديت اميل لك وماعرف شو

وتمت تقول كلام حب

وبعدين قالت بس انت بعتني تركتني هالايام ادور عليك.. ( طبعا تأكد ميه بالميه انه هو تركها )

بعد ما خلصت موالها وانا قلبي يتقطع وارتجف بكبري بس مقويه روحي عليها..


قلت لها انا هالفتره خطبت..

قالت والله مبروك والله اني فرحت لك.. من قلبي..

قلت لها طيب اسمحيلي ما اقدر اكلمج.. انا عشان ما اخدع زوجتي راح اعطيها كل الباسوردات..

عاد هني قامت تغلط وتقول كلام كبير.. ما راح احذفك.. انا على كيفي وبمزاجي,,

قلت لها على راحتج بس ما راح تشوفيني من اليوم وساير...

قالت لي انا من باجر بدخل المستشفى وراح اضل فيه ما يقارب الشهر..

وقالت ما توقعتك جذيه سكانه مرته

قلت لها عن الغلط

انا راح اكون واضح شفاف معاها.. وخلاص انا بستقر في حياتي

قعدت تقول انا بعتبرك انسان عابر في حياتي.. والحمد الله اني ما تعلقت فيك..

روح لخطيبتك وش تبي فيني انا

عشان تخدعها؟؟

انا بنت النت وش تبي فيني انا وانا وانا

المهم في النهايه رفعت ضغطها

وحذفتني خخخخخخخخخخخخخخخخخ

طبعا حذفتني انا المتنكره بشخصيه زوجي.. وحذفته هو من ايميله..


الخلاصه افتكيت من هالاشكال وبعد ما سكرت عنها ما قدرت انام قعدت اصيح من القهر قعدت ادعي ربي واصيح وقلبي يعورني احس بألم فيه واقرا قرآن لين ما نمت

قمت مفرفشه اليوم الحمد الله بدايه يوم جديد..

الحين لو رجع خطيبي من العمره وكلمني.. راح احلفه انه ما يكررها.. وراح عطيه المصحف ويحلف قدامي..

ولو ما وافق خلاص راح ننفصل..

يانا يا بنات النت اللي ماعرف شو المميز فيهم..

اتمنى يحس بغلطته ويرجع ندمان

يا بنات ادعوا لنا
 
انشالله يرجع ندمان حياتي مشالله عليج بنت ذكية حياتي ابا اقولج شي بس لا تزعلين او تحطين كلامي في بالج الريال الي راعي سوالف وخرابيط مايودر سوالفه ابد خصوصا اذا مرته او خطيبتة عرفت ومشا الموضوع بزيد في الصياعة بقول هاي تامه تامه انا ما اقول هديه بس امسكي نفسج ولا تخبرينه وانت تصرفي بذكاء والحين تعرفين ايميله واذا قلتيله بغير الايميل ويمكن هو حافظ ايميلها والله يهديه
 
ياربي والله إنج ذكية .....بس مثل ما قالت الاخت لا تخبرينة ...لا يضيع كل الي سويتيه
الله يوفقكم ....ويبعدكم عن بنات النت .
 
انا صحيح اني استقويت واقدمت على هالخطوه

بس مدري اذا هيه فعلا بتفكنا من حشرتها او لا

وما قدرت اعرف اذا هيه تكلمه بالتلفون او بس بالمسنجر

صعبه الخيانه والله العظيم

حسبي الله عليه ونعم الوكيل

يحلف انه ما يكلمها هو طلع قد كلمته الانه اعترف لي وبعدين حلف انه ما يكلم حد..

بس المصيبه العظمى الثقه اللي فقتها فيه


احس النفس عافته خلاص

بستخير كثر ما اقدر عشان ا طلع بنتيجه وتنتهي هالمصخره

والله يا حبيباتي يوم اقرى مصايب غيري تهون علي مصيبتي

الحمد الله على كل حال

ومشكورين محتاجين دعائكم
 
حبيبتي في الله ..
الي تواجهينه بالنسبة لوحده مخطوبة بجد مواجهه صعبه وإليك النقاط الي لازم تفكرين فيها ..
1-أنتي إلى الان على بر الأمان ييعني اي خطوة بتخطينها ماحد بيلومك فيها
2-لا اتوقع ان هذا الشخص هو اخر شخص بالدنيا وأنك مجبورة عليه لأن ولله الحمد مجتمعاتنا كل مالها تتحسن وفكرة الزواج الاجباري اصبحت غير موجوده..
3-الخيانه بحد ذاتها جرح فكيف لو كنتي ببداية حياتك معه واكتشتفتي هالشي
4-الشخص منا اذا حب شي وامتنع عنه يسعى لكي يرجع له فلاتتوقعي ان وعوده لك مراح تتغير او تتبدل
5-من الخطأ عليك انكي لم تواجهي اهلك وتخبريهم لأنك لو بتواجهك مشكله بعد الزواج صدقيني اول من بيلومك اهلك
واول من راح يطعن بظهرك هو زوجك لأنه بيقول تجين الحين تتكلمي وانتي تدرين من اول وساكته والسكوت ليس بالسكوت انك ماكلمتيه لا بل لانك ماخبرتي احد وممكن يقول او يتهمك بانك ممكن غلطتي مثله عشان كذا بتكفرين عن الي سويتيه فيه وتسترين عليه ..
يالغاليه الحياه ابسط من كذا واسهل من كذا فلانصعبها عشان ماتصعب وانا والله كلامي ليس بكلام تخريب او تشويش عليك بل لخوف اخت على اختها ..
يعلم الله باني احس فيك..
بس يالغاليه انا احدى قريباتي كانت مثلك وصادت على خطيبها شي وحلف انه مايعيدها وقعد يبكي ويقول انتي السبب لو انك تطلعين معايا لو انك تعطيني الي ابيه ابغى حضنك والبنت طلعت معاه من ورى اهلها بعد الزواج صار اسوأ من اول صار يكلم بنات عالماسنجر والجوال وقدامها وصار يقول يعني سكتي بتجين تتكلمين موكفايه اني صابر على وحده مثلك مو كفايه سترت عليكي بعد ماكنتي تتطلعي من ورى اهلك وهذي الحين لها 8 سنوات متزوجة وعمرها 27 سنه والله انها تقول ماذقت طعم السعاده وهذا انا السبب فيه خبيت على اهلي سترت عليه قلت يحبني وغلط ولازم اصفح وهذي نهايتي فايالغالية انتبهي ووصارحي اهلك عشان ماتندمين وممكن تستشيرينهم بس كانها قصه وحده من خوياتك وشوفي ردة فعلهم لو كانت قويه فمعناته انهم يحبونك ويبغون لك كل خير ...
 
أشكرج يالغاليه.. املي بربي كبير.. ادعي واصلي وانا منهاره بس عشان اطلع من هالمصيبه بأمان وبرضا..

اذا ربي كتب لي اواصل معاه المسيره بواصل..

حاليا استخير ربي

واللي ربي كاتبه لي بيصير

الحمد الله على كل حال.. المهم اني سويت اللي في بالي

ومب ميته عليه انا بس دايما البنت شعورها غير بالذات لما تتعلق برجل شافته هو دنيتها.. وانا من النوع الحساس جدا هذا طبعي من صغري.. يعني اللي يصير لي غصب عني..

صامده جدامه ومقويه روحي لكن من داخل تعبانه نفسيا وادعي ربي ليل نهار

مشكوره وجزاج الله ألف خير على النصيحه
 
قلبي معاك وأدعوا الله يكتب لك اللي فية الخير
واللي سويتة تمااام والله أنك ذكية ​
 
عفية عليج ... ذكية .....
حافظي على زوجج ... ولا تبينيلة انج عرفتي اي شي ....
وحاوليي تعرفين الأسباب الي خلته يخون ...وتفاديها للمستقبل ....
 
الله يهديج ويهديه..... لا تتسرعين فالحكم عليه... الشباب كلهم جي قبل العرس ويبالهم وقت لين ما يتعلمون المسؤوليه ويطلع من جو العزوبيه... ومب كل من استوالها شي مع زوجها قالت بطلق.... وانتي لاتخلين هالموضوع يخرب علاقتكم... واهم شي انج ماتحسسينه انه طاح من عينج>>> هذا اهم شي
توكم في اول المشوار.. كوني وياه دايما بشووشه وفرفووشه.... وانسي اللي صار.. حاسبيه عقب العرس يوم بيكون جدامج ومسؤوول عنج...
وبالتوفيق​
 
اقول والله ما يجيبها الا حريمها
برافو عليكي عجبتينا كلنا
Go Head
 
لاتقوليلوا
ادخلي على ايميله واتعرفي عليه بدون مايعرف انك انت وشوفي ايش يصير اكرر لايعرف
وشوفي النتيجه
موفقه​
 
حركة راااااااااااااااااااائعة
ماشاء الله عليكي
ثابري وإلى الأمام...
 
زيييين اللي سويتيه ترى هالايام الحريم هم اللي يركضون ورى الرياييل والله صدقيني
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل