بكرة بيسافر علشان يتزوج

د

دنيا ألم

New member
إنضم
2011/03/28
المشاركات
47
خواتي الحنونات بس واللي عندها كلمة تغث رجاء اللي فيني يكفيني
مابي اي وحدة تجي تقولي هذا من حقه والدين والشرع




زوجي جا من سهرة قبل ساعة وقال بكرة بيسافر للزواج

ماقدرت امسك اعصابي لأني طلبته يطلق ومابغاه ومابي اعرف عنه شئ

اتفقت معه قبل للي قرأ موضوعي بس قلت له مابي شئ لا المال ولاالزوج
ابي عيالي وبطلع مابي شئ ثاني


خواتي مابي شئ منكم غير الدعاء والكلمة اللي تواسيني
خواتي قطعو اتصالهم فيني
واخواني ماحد منهم كلف على نفسه يتصل من بداية الموضوع ليومي هذا


انا مالي احد من بعد الله غير انكم تسمعوني وتفهموني وتعرفو الحزن اللي بقلبي


مو قادرة اتحمل ولابتحمل ادري عن طاقتي اني جزوعة بهالأمر لأني احبه ماقدر اشوفه مع غيري


بس احب عيالي واحب نفسي اكثر لو جلست معاه بمرض وعيالي بينتهون


مالي غير الله ثم انتم من بعده
 
حبيبتي الله يصبرك ويهونها عليك ويردلك زوجك اقري قران واشغلي نفسك
 
عزيزتي دنيــــــــــــ آلم ـــــــا
أنتي في مصيبه ومن قال اللهم إإجرني في مصيبتي وأخلفلي خيراً منها
ربي راح يبدل حيــــــــاتك بالآحسن
وقولي: حسبي الله لا إله إلا هو عليه توكلت وهو رب العرش العظيم
7 مرات صباحاً/و7 مساءً
تكفيك مهمك من الدُنيــــــــــــــــــا
وحتى تهون مصيبتك ضعي في بالك الله لم يجعل دُنيانا رجل فقط
أنتي أُنثى ولك مايجعل حياتك أفضل وأجمل وأطفالك هو سر سعادة إي أمرأهـ
إرجع أقولك سعادتك لا تقف عند الرجل فقط لآنه مكمل للحياة
فرج الله كربك وأزاح الله همك وجعلك أحسن النســــــــــــــــاء بعينه
ودمتي بود..
​
 
ياحياتي إنتي..الله يصبّر قلبك ويبرّد نارك,,إن شاء الله بإذن واحد أحد فرد صمد لايكون له في الدنيا من حظ مع امرأة سواك..ربي يكون معك ويختار لك الخير كله.
 
لاحول ولاقوة الا بالله
الله يثبتك ويربط على قلبك
رددي دائما في سجودك(اللهم اني اسألك رضاك)(اللهم اجعل همي الآخره)
ويرده لك ردا جميلا​
 
الله يربط ع قلبك
الجاي لله
بالدعاا والا ستغفاااار ترتاحين
حريم اعرفهم تزوجو ازواجهم الثلاث والاربع واللي يطلق ويتزوج
صبروا واهتموا بانفسهم وبعد فتره وسنييين الحرمه ماشا الله
تشوفينها كانها وحده من بناتها وهو امراض نفسيه ويدور رضاها
ورجع لعياله وبيته
 
الله يفرج همك ويثبت قلبك ودائم حطي في بالك ان امر المؤمن كله خير حتى لو كان الظاهر لك عكس ذالك حطي في بالك ان ربي قال وقوله حق سبحانه الله يفرج كربتك وهمك
 
يــاقلبي عليك ...
اللهم باسم الواحد الاحد اربط على قلب اختي وشرح لها صدرها وجعل كل ماتتمناه في ابنائها ..
اللهم عاجلا غيررر اعجل

.....​
 
اصبري ياقلبي والله يكون بعونك والله اعرف ناس تزوجو وفي الاخير رجعو لام العيال وزادت مكانتهم والله يرد زوجك لك كثري من الاستغفار والدعاء والله يفرجها علييييييييييييييييك ياكريم
 
أكثري من قول

((ياحي ياقيوم برحمتك أستغيث))
والله يفرج همك ويصلح حالك
 
عزيزتي ما راح اقولك هذا حقه واصبري وتوكلي على الله لانه هذا شي مفروغ منه انا في اعتقادي انه التعدد ما يناسب اي شخص لازم يكون هناك قدرة على العدل وعنده قدرة مالية وعنده قدرة جسدية ويعطي لكل ذي حق حقه
اولا المشكله في احد الطرفين (ونفترض ان المشكله من الزوجه)طبعا الحل موجود
(((الاسباب المقنعه لزواج على الزوجــــــــــــــــــــــــــــه))).........
1مايحبها او ماخشت مزاجه=يطلقها
2مايحبها بس عنده عيال منها=يتزوج عليها بس مايضرها ويخليها معززه مكرمه مع اولادها
3يحبها وماتجيب عيال=يتزوج عليها ولا يضرها ويخليها معززه مكرمه في بيتها لوحدها...!!
4مغصوب عليها عشان انها بنت عمه=يتزوج اللي يبيها ولايضرها برضو
5اصابها عله او عاهه مثلا بعد الزواج عافنا الله واياكم او برود جنسي=يتزوج عليها ولايضرها
6 عناديه لاتلبي احتياجات الزوج=يفهمها يوضح لها يهجرها يضربها فيتزوج عليها ان كان يحبها يطلقها اذا مايطيقها........
فقط..................
اما سالفة يغازل اويروح للحرام هذاالمشكله في الرجل نفسه مايبغى الحلال ولايبغى الارتباط
مثلا اعرف رجال كثير مهب 2 ولا 3ولا4 من اصدقاء زوجي
يسافر برا عشان يتزوج وحده يستمتع فيها اسبوع ويطلقها (طيب ليش مهب حرام بعد كذا ...مع انه زواج وحلال)
وبعد واحد يتزوج من بنات القرى الفقيره ويغريهم بالفلوس مننفسه بلده وفي السنه يتزوج 3-4مرات ويقعد مع الوحده شهرين ويطلق والمصيبه الاعظم ان الزوجات بنات اي لم يسبق لهن الزواج(طيب ليش مهب حرام كذا....كذا راح يأدي الى انحراف البنت وضياعها او الانتحاركأول تجربه لهااصبحت مثل اللعبه)
وبعد في ثالث يتزوج مسيار كل 6 شهور مع وحده يجلس ببيتها وياكل من خيرها...وطبعا هذا الشخص مايبغى الاالموظفه...وبعد مايتردد عليها بست شهور يدور وحده ثانيه وهلما جرا(هاه وش رايك كذا حلو يعني راعي نفسية اطفال المتزوجه مسيار كيف ان امهم كل سنه مع واحد ماتحسين بنوع من الغبينه
طبعا انا لاانكر الزواج على الزوجه من الناحيه الشرعيه
وخلينا نكون صريحين يعني الوحده او الانثى بحد ذاتها تحب( التملك )وغريزة الغيره فيها كبيره وخاصتن على الزوج
وكلنا لوننحط بهذا الموقف راح ننهبل ونزعل ونقعد عند اهالينا ونطلب الطلاق...طبعا هذا لاشك فيه
بس لو كان الزواج على الزوجه شرعي 100%ستكون الزوجه راضخه لهذا الزواج من اوله لااخره
بس لوكان والله ماخذها ابو الشباب تسليه اويجدد شبابه .....خير ان شالله جعله مايشوف يوم حلو معاها
والمشكله اذا تزوج الرجل على زوجته وسوتله الزوجه الثانيه اكله حلوه ولا ليله حلوه اووووووووووف
ينسى احلى الايام مع الاولى وينكر كل العشره (طبعا مو كل الرجال بس الرجال اللي يتزوج من دون عذر شررررررعي)
وهذا وجهة نظري واتمنى اني لااتعدى حدود احد بس هذا وااااااقع الزمن تغير والنفوس ماعاد هي صافيه مثل اول
ثانيا:هل كل الرجال كا الرسول عليه الصلاة والسلام ما ذكره الذاكرون
ثالثا: كل الرجال مستحيل يعدلوا لان نيات الرجال والنساء تغيرت في هذا الزمن
رابعا: يعني انا وزوجي واولادي عايشين في سعادة من الغباء ازوجه باخرى حتى احل مشكلات
العنوسة
خامسا : التعدد وضع في الاسلام عند الحاجة ولضروف معينة وليس واجب
زوجة عقيم ، زوجة مريضة، زوجة مشغولة ، زوجة لاتريد الزوج وتبقي على ابناءها
وامور كثيرة
واول لضرف الحياة كان النساء يرغبن في التعدد لقساوة الحياة
يعني عن نفسي امنت بالله وبحكمه وبكل التشرعات الدينية
ولكن في قلبي ضعف انسانة وحب زوجة لزوجها لذلك عندم اضع الفكرة في راسي اتججن وهي بس فكرة كيف لو حقيقة
مستحيل انام اليل وزوجي ماهو في البيت
والااحط الاكل في فمي اذا ماهو معاي في السفرة
شوفتي جنان مثل هذا يعني لو اتزوج وانا ما اضمن الرجال مالهم صاحب
اموت من القهر
ويارب ثبتني بالقول الثابت في الحياة الدنيا والاخرة
 
ااااااخ وربي حاااااسه فيكي ربي يربط على قلوبنا ويعدي الايام المصيبه بسرررررررررعه
 
كل ماحسيتي بضيق
رددي استغفر الله العظيم الحي القيوم الذي لا اله الىهو واتوب اليه
مفعولهااااااااا سحرييييييييي
 
السلام عليكم ياختي الغاليه​
انت بنفسك قلتيها اهلك كلهم تخلو عنك يعني مالك بهدنيا الا الله ثم زوجك
تمسكي فيه بايديك وسنونك لاتفرطين فيه وتقدمينه لثانيه على طبق من فضه
وزي ما يقولون بعيد عن العين بعيد عن القلب يعني راح ينساكي
نصيحتي لك
  1. تقربي من الله وصلي الوتر كل ليله وادعي الله يقرج همك ويصبرك
  2. اكثري من الاستغفار
  3. لاتبيني غيرتك عشان ماتلفتي انتباهه لهاويقول وش فيها زياده عشان تغار منها
  4. اشتغلي على نفسك ايش الي ناقصك ايش الي اهملتيه وعدليه
  5. اثقلي عليه لاتبيينين له حبك خليه هو الي يركض وراك ويقول ايش الي مغيرها
  6. اهتمي كثير بلعلاقه الحميميه لان هذي حياة الرجال وخليك دائما متجدده فيها وراح يتعلق فيك
واسال الله لك التوفيق
 
ربط الله على قلبك

ورزقك الصبر والثبات واليقين


رددي اللهم اجرني في مصيبتي واخلف لي خيرا منه
 
الله يصبر قلبك ويفرج همك , انا مع الاخت (هيا نلعب) طبقي اللي قالته وانشاء الله ماتشوفين الا الخييييييير.
 
الله يصبرك وعليك بالدعاء فبين لحظه واخرى يبدل الله من حال الى حال انتى بعد لحظه ماتدرين اش يحصل اتركى الامور تمشى بتدابير الرحمان
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل