بكاء بنتي المستمر متعبني

[أم جلنار]

مرحبا دكتورة اتمنى تشوفيلي حل مع بنتي

بنتي عمرها ثلاث سنوات وعشرة اشهر ودائما تبكي من كان عمرها سبه شهور ولو لسبب بسيط ولما تكون عند اهلي او في البيت مع الشغاله تكون هادية وتسمع الكلام وتلعب واو ما تشوفني تبدا تبكي وطلباتها كثيرة وما تجلس في الارض تريديني بس احملها طول الوقت والحين دخلتها روضه والوضع مثل ما هو ما تغير وتضرب اخوها الي اصغر منها وللعلم اني ما قصرة معها لا في لبس ولا العاب وحتى طلعاتي هي معي ما تفارقني الا لما اداوم وعند النوم واهتم فيها أكثر من اخوها واحس لما ادخل البيت نفسيتي تتعب واصير عصبيه من صراخها والكل مستغرب ليش تبكي .

 

[أ.نجوى ناجي]

حبيبتي الطفلة ممكن تكون حساسة وتحتاج معاملة خاصة , أو مدللة بزيادة , هل يدللها والدها او جدتها مثلا بشكل زائد؟ هل تدللينها انتِ؟

 

[أم جلنار]

بالعكس دكتورة انا اهتم فيها كثير في اكلها ولبسها والعب معاه وصياحها بدا من وكان عمرها سبعة اشهر يعني صغيرة ما تفهم وابوها هو إلي يدللها ويشتريلها الهدايا واي مكان يروح ياخذها معاه وما تنام إلا في حضنه .
بس الحين بعد ما صار عندها اخ ابوها قل ما يدللها مثل اول بسبب ظروف شغله والحين ما تنام الا في حضني ما تريد ابوها والصياح هو هو ما تغير واو ما تشوف لعبة او دفتر او قلم عند اي طفل تبكي وتصرخ وتقول انا ما عندي لعبة ما عندي دفتر ما حد يشتريلي واي حد يسمعها يقول هذه مسكينة ما حد يشتريلها شئ وهي عندها غرفه مليانه العاب واذا رحت زيارة عند وحده من صديقاتي او السوق تبكي تريد ترجع البيت .
​