بعد صبري عليه لعشرة سنوات00يقول اني سبب تعاسته

[00يارب اهديه00]

السلام عليكم ورحمة الله000​

اخواتي الحكيمات00​

ماذا افعل معاه00​

اليوم وبعد عشرة عشر سنوات 00وبسبب خلاف تافه بسبب كذبه علي وعدم مصارحته لي​

قال لي وباعلى صوته انا اتعس انسان00قلت له وكلي انهيار00خلاص مافيه الا انك تتزوج00​

تريحني وتلقى اللي تسعدك ان شاء الله00مادام انك اعلنت اني فشلت في هذه المهمه00​

قال لي انا ناقص هم ثاني00اناودي انتحر وارتاح00الا اني عارف ان الانتحار حرام00​

يعني انا بالنسبه له هم ونكد0000لدرجة الرغبه بالانتحار؟؟​

ماادري وش اقول لكم حاسه بفشل شديد00​

ان كل صبري وكل طولة بالي عليه راحت بالهواء00​

رسبت وبشده في حياتي الزوجيه00​

معليش على الاسلوب الركيك00لاني فعلا منهاره00​

اكتب وانا اطالع بعيالي00 معقول؟؟​

ماني مصدقه00​

المشكله انه رجع وتعشى ونام ولا كانه صارشئ00​

ارجوكم دلوني00مستحيل اعديها له00​

ومستحيل اشكي لاهلي00​

ومستحيل ارجع مثل ماكنت00​

وللمعلوميه00هوا جنوبي غربي00​

انتظركم00​

 

[حرم زوزو]

الله يسخر لك

لكن وش سبب هالكلام ؟؟

ممكن تكونين انتي ضايقتيه ؟؟؟

ادعي ربك

 

[سنديان]

خلاص الحمدلله اتعشى ونام نوم العافيه ان شاء الله صدقيني لاتكبرينها ساعات الرجاجيل يطلعون الكلام من ***** ولاكأنهم قالو شي يعني مايقصدها وهو شكله جنوبي وحساس لا تؤاخذينه وخلك بكره عاديه لانه اكيد بيندم

 

[00يارب اهديه00]

الله يسخر لك

لكن وش سبب هالكلام ؟؟

ممكن تكونين انتي ضايقتيه ؟؟؟

ادعي ربك

والله هوا الغلطان00وانا بالعكس كنت هاديه جدا معاه00

لكن هوا طبعه كذا مستحيل يعترف بغلطه00الا يطلعني انا الغلطانه ويقنعني بغلطي بعد00

الله المستعان00

 

[00يارب اهديه00]

خلاص الحمدلله اتعشى ونام نوم العافيه ان شاء الله صدقيني لاتكبرينها ساعات الرجاجيل يطلعون الكلام من ***** ولاكأنهم قالو شي يعني مايقصدها وهو شكله جنوبي وحساس لا تؤاخذينه وخلك بكره عاديه لانه اكيد بيندم

وش فايده الندم00

انا حاسه شئ فيني انكسر00ومستحيل يتصلح00

المشكله لوجيت باناقشه وش بقول ووش بخلي00

والله الى الان مو مصدقه الكلام اللي قاله00

؟؟؟؟

 

[روعة روح]

والله الدنيا ماتسوى تسوين كذا
وليش ماتعدينها له يكفي انه ماقال ابتزوج عليك

حبيبتي هو رجال احسك مافهمتيه ولاتستغربين الجنوبيين صعبين

احس فيه بحياتكم غلط يمكن اسلوب حوارك معاه حتى لو هو غلطان فيه اسلوب معين
كلامه بانه اتعس انسان دليل انه ماارتاح بشي معك يعني
مو انتي شخصيا لا الحوار والتعايش

نصيحه مني اقري كتاب النساء من الزهره والرجال من المريخ ويمكن تحصلينه هنا بالمنتدى
راح تستغربين بالفروق بالتفكير بينكم ويمكن تفهمينه اكثر
ويمكن هو مافهمك لان انتي ماوصلتي له صح اللي تبينه

الحين ياقلبي روحي صلي ركعتين وادعي ربك انه يسخره لك ويألف فيما بينكم
وجيبي ورقه واكتب اغلب نقاط الاختلاف وحليها ببساطه
وحتى ممكن بعد ماتاخذين وقتك بالتفكير تختصرين الكلام وتتكلمين معه بهدوء
طبعا بعد ماتمدحينه وادخلي بالكلام واعتبي عليه بكلامه
وحتى لو مارد عليك بتوصل لقلبه

ونصيجه اخيره لاتقولين له تزوج لان اليوم بيقول لا بكرى بتحلى بعقله
بدالها قولي افهمني

 

[00يارب اهديه00]

روعة سحر00حبيبتي الله يجزاك الف الف خيرالغلط في حياتنا انه انسان كذاااااااااب00يكذب علي على طول00مع انه خلوق وملتزم00لكن دائما يكذب علي خصوصا في الناحيه الماديه00لانه مقصرجدا جدا معي ومع ابنائه00فدائما يجد حيل واسباب لعدم اعطائنا المال00ويفضل اعطائه وتوزيعه على اخواته واهله00وصبرة وقلت ماعليه اهله لهم حق00لكن الى متى00واليوم الى بدات اتناقش معه فيه00انفجر فيني00وخلاني اتندم على صبري عليه00وانا ماقلت له تزوج الا لما عرفت انه رصيدي عنه فاضي00فليه اتعب عمري معاه00انسان مايستاهل00

 

[زمان الوفا]

حبيبتي لاتراجعيه الان لكن لا تتصرفي بطبيعتك ايضا انت ادرى بطبع زوجك اذا ينفع معه هذا الاسلوب ام لا :
مثلا في يوم معين لاتطبخي او نقصي تصرف معين يكون هو قد تعود عليه منك ليرى كيف هو النكد

 

[المنقبة]

يا حبيبتي الانسان اداا يكون معصب يطلع منه اي كلام صحيح ما تمرريها قوليله بكل هدوء تراك جرحتني بكلامك يعني لما تكون نفسيته اوكي

 

[حبيبت رشيد1]

اهلين اختي الله يهديه لك ويسخره ويحنن قلبه عليك ويبعدعنكم الهموم والاحزان وتشوفون السعاده دوم

 

[رشة غلا]

صباح الخير
وخير انشاء الله على الجميع انا أشوف يأختي لاتعصبين ولا شئ

يمكن الرجال متضايق من حاجة وانتي كلمتيه وهو متضايق او عنده ضغوط ومايبغى يشغلك فيها

وضغط على ضغط يسبب الإنفجار

صدقيني مو قصده الكلمة اللي طلعت منه انه انتي المقصودة

بس خليك هاديه ومو هالكلمة اللي بتكسر عشرة عشر سنوات اكيد مر بينكم اكبر من كذا
الا اذا انتي نفسيتك تعبانه وما انتي قادرة تمررينها له

على العموم اذا كانت مشكلتك ماديه فاستغلي وقته لما يمون رايق وقولي له احنا نبغى كذا وكذا
واشاء الله ما يقصر

 

[بتولي]

ياأختي الحبيبة في العجلة الندامة وفي التأني السلامة
بلامبالغة او كذب انت هي انا وزوجك بصمة لزوجي انصحك بان ترخي الحبل اذا شده ولاتشديه الااذا ارخاه يعني اذا عصب ابردي ولاتسمعين لان الغضبان يقول شي مايقصده والراحة يمكن تكون في الجنس او في الحوار والاحتواء وانصحك بالحوار معه بس وقت الروقان والحوار الصريح في العلاقة وجوانب النقص فيها وماهي حاجاته افهميه يعني ممكن عن طريق رسالة او قبل النوم وانت اعرف بالوقت المناسب ولاتتعجلي فالحياة كلها مشاكل ويالله الستر

 

[ملكني وماملكته]

صدقيني عزيزتي

كلام زوجك مو مقصود بالمعنى الحرفي.. هو قصده بهالكلام انه يفرغ شئ مكبوت داخله بس مو قادر يوصل له..
يعني يمكن يكون متضايق من فوضى فالبيت..او ازعاج الاولاد..او عدم تفرغك له..او عدم اهتمامك به.. او يمكن انتي اهملتي نفسك وبيتك في سبيل انك تخدمينه وتخدمين اولادك وتسوين اعمال البيت بي انتي ما اهتميتي بشكلك ومظهرك قدامه.
ترى الرجل يشعر بالاحباط لما يشوف زوجته مهمله نفسها ..وكانك ترسلين له راسيل انك شخص غير مهم عندي وما تهكني عشان اتعدل امامك..
فهمتي يمكن هذا الشئ خلاه يحس انه محبط وغير سعيد..
اقولك ترى الرجل مثل الطفل يحب يشوف لعبته وهي حلوه وباحلى شكل كل يوم عشان يصير مبسوط بها ويلعب فيها وتسعده..
اتوقع اني وصلت كلامي بطريقه سهله ومفهومه..
والله يسخر لك ويسعدك يارب ويهدي سرك مع زوجك..

 

[لتوفي]

انا اقولك ياقلبي هو عصب عليك وقال كل الي في خاطره مهب معناها انه صادق كل واحد يعصب يقول شي ماله داعي انتي وهي انتي اذا عصبتي على عيالك تدعين عليهم ونكهرين حياتك وتتذمرين من زوجك بس هو نفس الشي اهم شي اذا صحصح لاتفتحين مع الموضوع خليك طبيعيه يمكن بسوي نفسه زعلان بس انتي لاتحسسينه انك شايله عليه عشان يرجع طبيعي انا عارفه انك تعبانه نفسيتك بس وش تسوين هذي الام لازم تتحمل عشان السفينه تمشي ولله يصخره لك

 

[جورية الخبر]

غاليتي ..
في لحظة الغضب الواحد يقول بلاوي ؟؟
بس بعدين ينسى الموضوع ..
ولا تسغربين انه رجع ونام الرجال عقله شغال على شغله وحده يعني اذا قال بنام بينام مهما كانت الظروف عكس الحرمة اللي تقعد تفكر طول الليل ..
يعني هو مو مستهين بالموضوع بس عنده كل شيء له وقت .. وبكره بتتصالحون وانتي اللي بتنسين الموضوع وقتها .. روقي يا قلبي ما في حد يستاهل حرقة الدم في هالدنيا ..
تقبلي مروري
وفقك الله ​

 

[الساعة اللماعة]

حبيتي الله يعينا انا ماعندي اي رد لان زوجي ساعات يقولي نفس الكلمه بس الي عندي يكذب بشي اشد من الي عندك الله يصبرنا ويريحنا دنياء واخره

 

[ام ريمار]

عطيه الوجه الثاني ............يعني وريه النكد والتعاسه على اصولها..............هي لاتصدقين امزح معك هونيها وتهون اقراي موضوع قانون الجذب في قسم الزوج والزواج الله يهدي سركم (اكثر الازواج يقولون هذي العباره لاتتضايقين)