بعد الله ياناعمه.يااميره.ياامراءه لاتنسى.ساعدوني

[الجوغيم]

السلام عليكم ورحمة الله وبركاته.
بدخل بالموضوع على طول.يااستاذاتي .يااخواتي.سسسسسسسسسساعدوني
من عشر سنوات زواج كانت اجمل ايام عمري.كنا متفاهمين ونحب بعض ومامرت علينا اي مشكله.
المشكله او المصيبه حدثت من ثلاث سنوات تقريبا .عندما وقع زوجي في شباك السفر وبالاخص لبلاد الشام.
انفتن زوجي بالسفر لدرجه ماتتخيلونها.كان يروح بالشهر مره يعني بخلال سنه كان يروح ثنا عشر مره.شي مو طبيعي.طبعا كانت كل سفره لازم يكون فيها صراخ وهواش والفاظ .كنت اتلفظ عليه واقول له انك انجنيت اكيد عاملين لك سحر البنات اللي تروح لهم.كان يقول مو شغلك متى ماحبيت اروح ماراح تمنعيني.وكنت مرات ابكي عنده واقول انت اشفيك اش اللي قلب مخك؟اش اللي خلاك تتغير وتحب السفر بكميه مو طبيعيه؟هل نقص فيني؟
كان يقول بالعكس انتي زوجتي وحبيبتي ومافيه اي قصور منك.بس انا احب اغير جو.
المهم جاتني فتره انهد حيلي من الهواش كان يروح وكنت اطنشه وانا من داخل احترق بس نصحوني بعض الاخوات يمكن التطنيش ينفع معاه.فعلا السنه هذي خفت اسفاره كثير يعني من ست اشهر ماراح.بس المصيبه اني اكتشفت انه يخطط لسفره يديده خلال هالاسبوع.ياربي شالحل معاه.
على فكره زوجي من بدا يسافر صارت له علاقات تلفونيهاكتشفتهامعاه.والى الان مابطل انا عارفه انه يكلم بس من وراي .لاني مره واجهته وحلف انه راح تنتهي كل العلاقات اللي يعرفها.بس هو ذكي حاط ارقام سريه لتلفونه .واذا جا ينام يقفل التلفونات اللي انا شاكه فيهم. مع العلم (عنده ثلاث تلفونات اش تفسيركم؟
تكرمون حتى الغبي يفهمها.بس لاحول ولا قوة الا بالله..
تكفون اش الحل حاسه بنار داخل قلبي وعارفه انه يخطط لسفره هالاسبوع ومع هذا الى الان مابينت اني عارفه شي.يعني ماحسسته اني داريه انه بيسافر.قلت اقول لكم واستشيركم كيف اتصرف معاه؟
اذا جا موعد السفره وقال لي وش ارد عليه؟وشلون اتصرف علشان اكسبه بدون ماخرب بيتي؟
شاركوني معاناتي الله يخليكم.وينك ياناعمه ويااميره وياامراءه لاتنسى محتاجه العون منكم بعد الله.

 

[ام جناتي 1]

ياعمري عليك الله يفرررررج لك كل همومك
ويسخرر لك زوجك ويرجع لكي زي اول
واتمنى من البنات يساعدونك

 

[عـسل]

الله يعينك
بس حاولي معاه بهدوء يعني انت جربت الهواش والصراخ وما فاد جربي بالحب
الله يوفقك ويهدي زوجك
وان شاء الله تلقين الحل

 

[هدب العين]

ان شاء الله تلقين الحل ياحياتي وربي يسخر لك زوجك ويهديه

 

[أميرة بأخلاقي]

عزيزتي





الصراخ ما يجيب نتيجــه ترضيــك ماعدا عناده الذي يزيد و أصراره على السفر يقوى بصراخك و بتلفظك الالفــاظ التي ترمين بها زوجك ..


و بكاءك و ضعفك الواضح قبل سفره غلط و لا ينفعك في موقفك ابدا ابدا , بالعكس يوحي له بضعفك و تشبثك المستميت به و كأنه ملاك و بتصرفات طفوليه في نظره .. و انما هذه التصرفات لن تضيف الى رصيدك صفر



عزيزتي أكملي ما بدأتي فيه فأصلاح هذا الموضوع لن يتم بتلك السرعه التي تتخيلينها

و قاعده سفر فهي معروفه و انتي جربتيها و نفعت و كتكرار فأن العلاج هو انك ما تتدخلين في قراره ابدا بالرفض و لا تعملين لسفره اي حساب حيث تبينين له ان سفره لا يهمك و انك لديك ما هو اهم منه و من سفره ....... و الباقي انتي تعرفينه
و القصد هنا ان تشغلي باله بتغيرك عليه .. و ان تشغلي افكاره بسبب عدم اهتمامك في موضوع سفره ..

و القاعده واضحه جدا هنا



و الشيء الثاني سفره هذا لا يخلى من شيء
فأنا متأكده و انتي متأكده بأن عدد سفراته هذه ليست طبيعيه و خلفهــــــا شيء و كذالك عدد هواتفه المحموله ..!!

و النساء و الفتيات عنصر أساسي فيها و خاصه بعد ماعلمتي هذا من هواتفه ..

و على هذا واضح بأنه مقتدر و امواله كلها تذهب على سفراته من عددها الخيالي و على الامور التي يفعلها في تلك الدوله و الله تعالى أعلم ..


و كأحساس و شعور مني بأنك ممكن ان تكوني متنازله عن حقوقك الماديه و لو قليلا .. و هذا طبعا لا يصح اختي فأرى بأن تاخذين حقوقك منه اولا قبل سفره او بعد سفره و تأخذين كل ما تحتاجينه منه



و امـــــــا عن سفرته في هذا الأســـــــبوع بالعكس بيني له انك راضيــه عن سفره و لما تعرفين قراره منه كوني طبيعيه جدا فلا عتاب و لا وداع و لا بكاء و لا نظره حزن و لا عواطف غيره و قهر أمـــــــامه بل كوني على طبيعتك و على ابتسامتك


فأنتي الى متى ستظلين على هذه الحال ليس له و انما لنفسك ايظا ..!! فسعادتك اولى منه و من حزنك الدائم على سفراته المتكرره


فلا تعطين الموضوع اهميه عزيزتي و خذي حقوقــك و حقوق ابنائك كامله منه فبالتالي هو من نفسه سيقلل اهميه هذا الموضوع تدريجيا ..



فلا يوجـــــد حل سحري او سريع لهذه المشاكل فكل شيء يأتي بالصبر و بالقوة و بالعزيمه
و بالتصرف السليم فأذا اردتي ارجاع زوجك لك فأصبري و صابري و جاهدي و قوي من نفسك و من نفسيتك






أعانك الله







أميـــــــرة بأخلاقــــــــي


​

 

[الوردة الحمراء*]

^^^^^^^^^^^^^^^^^^^^^^^^^^^^^^^^^^^^^^^^

ماشاء الله عليك ردك مرة رائع

الله يهدي زوجك ويصرفه عن السفر

 

[الجوغيم]

الله لايحرمني من وجودكم وردودكم.
(اميره باخلاقي)اشكرك من القلب فانتي حقا اميره ربي يسعدك.
ياليت اقدر اخلي الموضوع ماله اهميه يارب تعينني.