بعد ابغي مساعده مره ثانيه

[alma]

خوات المنتدى حلولي هاي المشكلة ولكم الاجر ان شاء الله اكيد فيكم اللي قرات مشاكلي اللي طرحتها في المنتدى من قبل ولى ماعندها فكره .. خواتي هالمره عندي مشكلة بعد والله ايعينكم عليه كل يوم ةانا جايتنكم زعلانه بس شسوي مالي بعد الله غيركم ابغي اتخبروني شو اسوي انا وايد اجتماعيه واحب الناس والجمعات وفاتحه بيتي لكل الناس المحترمه هذا اللي انا اشوفه بس زوجي الله ايسامحه مب تارك وحده تدخل بيتي من شره وهذا التصرف ذابحني لانه ياما قلب علي ناس وخسرني ناس وياما قلت هذي اخت دنيا واعز عليها اكيد مابتخرب بيتي بس للاسف مثل مايقول المثل[ اقرب لك عقرب لك ] ونطعنت بظهري ياما من غدره وغدر الناس مشكلته اللى ايشوفها اتحبني واقريبه مني لازم يقلبها ويحط دوبه دوبها يا ايكرها في او ايكرهني فيها ويجي للناس من كل باب والله انه عفريت ويكسب قلب الوحده وهي جدامي شو الحل وهو موجود في البيت على طول يعني اذا سمع وحده بتزورني كنسل طلعته وقعد يتصيد اول شئ يبتدي يمدح فيه لين ما انغر ابنفسي يعني يخدرني علشان ايبين انه الزوج المخلص اللي تتمناح اي وحده ويقوليه شو تبغين اسويلج اليوم وين اوديج اي مطعم احجزلج :busted_red: روحي المكان لفلاني وخذي اللي تبغينه كم فلانه عندي :surrender: شفتو البراعه لين وين يعني في كل مره يتكرر نفس السيناريو هاي هي طريقته في اصتياد الحريم من المعارف والعلاقات الاجتماعيه هذا طبعا غير معارفه هو اللى ما قدر اقول كلمه عنهم اللى ايزعل انه سوا علاقات مع بعض معارفي مش من اهلي طبعا وانا اكون في وضع مقرف تخيلوا ماقدر اتكلم ولا لاني مره بعد ماشفت رقم صديقتي عنده في الفاتوره مش في التلفون لانه يمسح الارقام اول باول واجهته ونكر وجهتها وقالت انا سيدة الصون والعفاف تتهميني بهذا الشئ ولا كانت اتعرف اني بطلع مع زوجي واتقول اناخبرت زوجي اني جايه عندج بس هو مايعرف اني اختلط بزوجج لاتخبرينه لانه انا اعتبر زوجج مثل اخويه بس زوجي للاسف ما يفهم هذا الشئ وكانت تجلس عندي وانا مثل اكون والده وتعبانه ولازمني وقت راحه ونوم كانت بنت الذين تجلس في الصاله مع زوجي سوالف ودلع والخدمه اتخدم عليهم وان في غرفتي لاني قادره اقولها روحي انا تعبانه ولاقادره اخليها تجلس في الغرفه شفتو تطفل اكثر من هذا وحده كان مهديها خاتم جابه لي وماعجبني شفته بعدفتره عليها ومن هذا القبيل والله عذاب هذا الانسان انخلق علشان يقضي كل ثانيه في حياته مع الحريم وشئ الثاني مابتصدقون شو هو الصلاة نعم للاسف وايقطع فرض ويقرا قران حلوها الله اشوف ...

 

[بنت السيفالبتار]

والله أنتى الغلطانة لو مانعتيه من الأول ,وورجتيه العين الحمرا من الأول كان ماتمادى واحرجيهم هو وهي (إلي بتتمادى معاااااااااااااااااااااااااااه ولا تنحرجي من أحد مين مااكان هاد ولو بدك زوجـــــــــــــــــك)

 

[ريانية]

هلا واللة...انا أشوف انج ما تستقبلين احد من صديقاتج في بيتج..اذا تبين روحي لبيتهم..شنو الاهم صدقاتج والا الحفاظ على بيتج..وانتي تدرين ان زوجج بصباصي ويحب يتحرش خلاص لاادخلين احد غريب في بيتك..لان ما خلا رجل وامرأة الا ثالثهم الشيطان
وموفقة يالغلا...

 

[سلامي26]

الله يفرج همج

 

[فداك الجرح]

انتي الغلطااانه قلبج بااارد وتاركه الحابل عالنابل زوجج يبي له تهديد ووعيد

 

[alma]

والله لوكانت وحده منكم مكاني ماتكلمتوا بهذا الكلام ....بس اللى مايعرفه صدقوني لما امتنع عن الناس يقول ليش انتي مب عشريه وحابستنا وماتخطلتين مع الناس يقولي انا ما اقدر اتحمل هاي العيشه ابغي اشوف الناس وانستانس ويخطط ويجيبلي الناس الحوش وايسوي جمعات على كيفه وانا متفرجه وياخذ راحته في هذا الجو ولما توصل فيه ايرد على مكالماتي اثناء انشغالي ويدردش معاهم لا سلمت منه مدرسة العيال والا الصالون ةالا الجارات شسوي اذا الناس او بالاحرى الحريم صار ماعندهم اخلاق شى عجيب !!!! والله انه ما مرت عليه بنت حلال وحده اوصدته الاكلاهم كلموه وتولعوا فيه بعد ولا واللي يقهر انهم كانوا ايغارون مني خواتي اللى مب امساعد في حل هذا الموضوع انه اهلي مب اجتماعين والا كان بيكون الهم وجود في حياتي وبيكون لهم دور بس للاسف تاركين ومحد حاس بالي انا فيه لا اخ ولا اخت ولاام وبيتي مش قادره اديره ابدا خصوصا انه موجود على طول في البيت وفارض سيطرته اصحى الاقي فيه ناس انام وعنده ناس يعني سيبه ...

 

[ريانية]

هلا غاليتي...
ألجي لربج...قوي ايمانج بة..ادعي لزوجج باخر الليل بالهداية.سافوا لعمرة...حاولي تبينين لة حكم الكلام مع الأجانب...وشوي شوي ربي بيهدية؟؟؟وحاولي اذا ما قدرتي تبعدين الناس عن بيتج؟؟؟اعزمي الناس الموثوق منهم..ويفضل تعزمينهم برا البيت...

 

[رجة بس برزه]

والله حاله الله يعينك وحاولي معاه واكثري من الاستغفار

 

[خوخة بني زيد]

مااقدر اقول يالغااااليه
الا الله يهديه ويسخره لك غصب عليه ويفتح عليها ويعطيه حريمت هالطبايع الشينه

 

[الروح الضائعة]

لو كنت مكانج بطرد صديقتي .. اجل تكلم زوجي و انا قاعدة لا و الله الا احش ريولها و افضحها قدام زوجها ...
الزم ما علي زوجي ...
الحين زوجج شكله راعي حريم او يبى يغيظج .. تذكري انه اخذج و اختارج من بين كل اللي يعرفهم و على الرغم من اجتماعيته على قولتهم لكن اذا مسكتي عليه شي و انتي متأكده قوليله اذا تبا تزوج اتزوج ما اريد اخليك مع الحرام و ما اريد لا سمح الله ينتقل لي مرض منك ... و صدقيني على ما فهمت ما اعتقد انه يتجرأ و يسويها لكن هالشي بيثبتله انج تحبينه و انج تبين تعفينه عن الحرام و انه هالشي مأثر عليج كثير لدرجة توصل انج تزوجينه ... و الله يصلحه و يهديه لك و لعيالكم